|
انا فعلن دخلت على الموقع امبارح وانهاردة وكتبت كل بيانتى صح
قالى الرقم السرى غلط وشوية يقول رقم الجلوس غلط ---------فقولت اتاكد كلمت ناس معايا يدخلو برضو نفس الكلام كلمت الرقم الى فى الموقع واحدة ردت عليا مش عارفة يعنى اية موقع ولا تنسيق ولا عندها فكرة عن المواعيد بتاعت الموقع والنتيجة ولا اى حاجة كل الى قالتهولى قدم وربنا يسها قولتها الموقع مفتوح وبدخل بيقولى الرقم غلط قالتلى التنسيق قفل يوم الخميس مش عارف واللة يا النت شارب حاجة يا انا الى بحلم عاملين موقع وعاوزين يجربوة فينا --- وكمان مقعدين ناس فى الاستعلامات والشكاوى ما بيعرفوش اى حاجة فى البطيخ يا رب انجز من الحوار دة على خير عشان اخلص واغور من البلد دى خالص الى الابد |
اقتباس:
اقتباس:
يبدأ غداً تنسيقكم بإذن الله وزى ما حصل فى الثانوى العام ومع الدبلومات العادية أول يوم بيكون فيه أخطاء يتم تلافيها بعد كدة الصبر غداً جربوا مرة تانية وإن شاء الله موفقين |
اقتباس:
انا محمد محمود يبني احنا الدبلومات خلاص تنسيقنا خلص انت ليه بتحاول تخش تاني ؟؟؟ الي تنسيقهم هيبدا بكرة دول والي استاذة ام شاهندة بترد عليك قصدها علي تنسيق المعاهد الفنية انت مش يبني خلاص سجلت ومشكلتنا اتحلت الحمد لله خلاص يوم السبت الصبح الحمد لله واتصلوا بكل الناس الصراحة الي كان عندهم مشكلة التوزيع الجغرافي واتاكدو ان احنا عدلنا تنسيقنا واسال الناس كلها زي شمس والشيمي وانا اهو اتصلوا بيا اتاكدوا اني عدلت رغباتي بعد اصلاح مشكلة التوزيع الجغرافي هما غلطتهم دلوقتي انهم سايبين كلمة الدبلومات الفنية المفروض هتتغير للمعاهد الفنية احنا تنسيقنا خلص خلاص وبانتظار اعلان النتيجة يابني ياريت اعرف انت مين بالظبط :) |
تنسيق المعاهد هيبتدي امتى؟؟ هما قالوا هيبدأ تسجيل طلاب المعاهد لرغباتهم من يوم الاثنين 9/8 إلى يوم الخميس 12/8 ... ايه الحكاية بقى؟؟ ده لسه لغاية دلوقتي التنسيق مفتحش!! .. و"النـــاس" اللي بيردوا على الخط الساخن دول -بصــراحة- تعبانين ومش عارفين حاجة ولا فاهمين أصلاً أنا مضايق جداً وشايل الهم |
ارجو المساعدة صديقى حاصل على معهد فنى بصريات وجاب رفم السرى وكل ما يسجل يقول خطا ف البيانات ؟
|
يا جماعه بعد اذن الاستاذه ام شاهندة والاستاذ مصراوى
انا عملت جروب على الفيس بوك بيهتم بطلبه الدبلومات الفنيه دفعه 2010 عشان كل الى على الفيس بوك يشاركونا عشان نعدى السنه دى على خير ان شاء الله وخليت الموقع الرئيسى للجروب هو الموقع بتاعنا بوابة الثانوية يالا كله يخش يشترك معانا http://www.facebook.com/group.php?gi...38910192814279 |
السلااام عليكم ورحمه الله
ارجوكم يا جماعه اى حد يعرف او يكون فاهم يفهمنى لانى اتعبط انا كنت ثانوى ودخلت معهد فنى صناعى اسكندريه (سنتين) ولله الحمد جبت مجموع تمام وهدخل هندسه ورحت جبت الرقم السرى من الحقوق فى اسكندريه وبدخل على الموقع الزباله بتاع بوابه الحكومه مفيش خالص سيره معهد فنى صناعى سنتين كل الموجود تنسيق الشهادات المعادله تنسيق الدور التانى والمتخلفين تنسيق ثانوى تنسيق معاهد تبع التربيه والتعليم ومش فاهم حاجه فى الليله السودا دى ارجوكم الى عنده معلومه يفيدنا وجزاكم الله خيرا |
حتى الآن لم يبدأ الموقع فى تلقى طلباتكم
خليك متابعه وأدخل على مجموعة الشهادات الفنية وجربها كل شوية إلى أن يبدأ فى تسجيل رغباتكم وحاول تتصل بالرقم الموجود لو تحل لكن خد بالك أن الألفاظ التى كتبتها قد تؤدى لوقفك من المنتدى عارفة أنكم قلقانين لكن هذا منتدى تعليمى لا تنسوا بالتوفيق |
لكن خد بالك أن الألفاظ التى كتبتها قد تؤدى لوقفك من المنتدى
الفاظ ايه الى انا قلتها اظن مقلتش حاجه خارجه؟؟؟؟؟؟؟؟؟؟!!!!!!!!!!!!!!!!!!!!!!!!!!!!1:confu sed: |
الى الاستاذة ام شاهندة عايز اعرف منك بعدج اذن حضرتك يعنى اية التعليم المفتوح وانا من الزقازيق وفى كليات تعليم مفتوح فى جامعة الزقازيق وهل لو فى ازاى انضملها
|
استاذة ام شاهندة انا قرأت الخبر ده ومفهمتش منو حاجة فياريت توضحيهولى وجزاكى الله خيرا
لا تخفيض في أعداد المقبولين بالجامعات من حملة دبلوم المعاهد الفنية.. قرر المجلس الاعلي للجامعات قبول نفس الاعداد المقررة العام الماضي لحملة دبلوم المعاهد الفنية والمدارس نظام السنوات الخمس بالجامعات والمعاهد ولايطبق عليهم نسب القبول الخاصة بسنة الفراغ وأكد خبراء التنسيق ان هذا القرار سيكون في صالح الطلاب وسيحافظ علي الحد الادني للقبول بالجامعات عند نفس معدلات العام الماضي. ومن جانب آخر, بلغ اجمالي الطلاب الذين تقدموا برغباتهم لتنسيق الجامعات من حملة الدبلومات الفنية4500 طالب وطالبة جميعهم من المدارس ذات الثلاث سنوات. وشهد مكتب التنسيق الرئيسي امس ازمة بسبب رفض المسئولين بمركز الحاسب بكلية الهندسة السماح لحملة الدبلومات بتنسيق انفسهم الكترونيا إلا بعد انتهاء حملة الشهادات المعادلة وهو ما رفضه طلاب الدبلومات وعبروا عن احتجاجهم الشديد امام مكتب رئيس قطاع التعليم. ومن جانب آخر, استمر مكتب التنسيق في استقبال حملة الشهادات المعادلة الذين يشتكون من اخطاء في الارقام السرية واستبدالها بارقام جديدة. نقلا من جريدة الاهرام المسائى |
اقتباس:
|
يعنى اية الكلام دة يعنى ها تبقى زى السنة الى فاتت؟؟؟؟؟دى تبقى مصيبة!!!؟؟؟
يا ريت حد يوضح؟؟؟؟؟؟؟ الكلام دة صحيح ولا كلام اخبار؟؟؟؟؟؟؟ |
اقتباس:
بالعكس الخبر مفرح جدا بس انتوا قريتوه غلط الخبر بيقول ان لا تخفيض فى اعداد المقبولين فى الدبلومات الفنيه ؟! يبقى نفرح ولا نزعل طبعا نفرررررررررحححححححح جدااااااااااا ونحمد ربنا الخبر فيما معناه ان هما مش هيقللوا عدد الناس الى هتتقبل فى الجامعات والكليات زى ما عملوا مع بتوع الثانوية العامه بالعكس دول هيدخلوا عدد كبير من طلبه الدبلومات الفنية الكليات دى يعنى احنا احسن من بتوع الثانوية العامه على سبيل المثال الى دخلوا السنه دى من الثانوية العامه كليه الهندسة 2500 واحد بس عشان هما حددوا العدد ده بس هو الى يخش انما بقى الدبلومات لو زى ما فعلا الخبر ده بيقول يبقى مافيش عدد معين او محدد لدخول طلبه الدبلومات الفنيه وعليه يبقى احنا الخبر ده فى مصلحتنا ارجو انكم تكونوا فهمتم الخبر يا جماعه تفائلوا بالخير تجدوه رمضان كرييييييييمم |
ربنا يستر
انا عاوز بس اعرف المجاميع السنادى عاملة ازاى --هية دى الحاجة الوحيدة الى ممكن التنسيق ينزل عشانها ---------------------- اشكر الاخ Bellsh على التوضيح |
جزاك الله خيرا أخىBellsh وكل عام وانت بألف خير طمنتنى والله ..وعايزين نعرف بردو رأى الاستاذة ام شاهندة فى الموضوع ده
|
الله يطمنك وجزاكم الله خيرا على التوضيح بس حضرتك تتوقع ان هندسه هتاخد من كام السنه دى؟؟؟؟؟؟
|
اقتباس:
هنا مكمن الخوف يا جماعة .. ( سيحافظ علي الحد الادني للقبول بالجامعات عند نفس معدلات العام الماضي) !!! هل معنى ذلك إنهم قرروا إن الحد الأدنى للقبول بالجامعات السنادي هو نفسه بتاع السنة اللي فاتت ؟؟ أنا مش عارف |
فعلن ما هوة دا الى انا بتكلم علية ................؟
لو حد بس انا سمعت ان المجاميع السنة الى فاتت كانت عالية قوى عشان كدا التنسيق كان عالى وكانت اول سنة يعلا فيها التنسيق كدا فا ربنا يستر وينزل شوية عن السنة الى فاتت ؟؟؟؟؟؟؟؟؟؟؟؟ |
طيب يا جماعه ياريت حد يرد علينا يقولنا ايه هو الكلام الصح؟؟؟؟؟؟؟؟؟؟؟؟؟؟
|
يا جماعه عشان ماحدش يلتبس عليه الامر او يعمل لنفسوا قلق او لغيره
ده النص الى الكل بيعقب عليه وخايفين منه :- وأكد خبراء التنسيق ان هذا القرار سيكون في صالح الطلاب وسيحافظ علي الحد الادني للقبول بالجامعات عند نفس معدلات العام الماضي. -------------- اولا مكتوب ان القرار فى صالح الطلاب ( يعنى لو القرار مش فى صالحنا ماكنش كتبها اصلا ) ثانيا : المعدلات الى بيتكلم عليا الخبر هيه معدلات القبول .. بمعنى ان فى فرق ما بين معدلات القبول ومعدلات المجاميع معلات القبول : يعنى احنا هندخل كام واحد الكليات معدلات المجاميع : يعنى احنا هنحدد ازاى الناس دى هتخش الكليات وفقا لمجاميعهم فى فرق شاااااسع وبعدين الوزير طبق قرار الحد الادنى على كل شرائح الثانوية سواء كانت عامه او دبلومات فنيه والحد الادنى للخمس سنوات الماضيه ( يعنى بنشوف مجاميع الخمس سنوات الى فاتوا وبنجمعهم ونقسمهم على 2 يدينا الحد اللادنى ) .. وده القرار الى صدق عليه الوزير وطبقه فعليا على سنه الفراغ وده بان فى تنسيق الثانوية العامه يعنى مثلا عمرنا ما كنا نتخيل او نتصور ان كليه الطب بجلاله قدرها تاخد من 94% وان الهندسة تاخد من 88 % وغيرها وغيرها من الكليات ده كمان انا قرأت خبر فى جريدة الاهرام المسائى بيقول ان فى اكتر من 44 كليه ماحدش دخلها لان ماحدش كتبها فى رغباته :d وبعدين انا عمرى ما سمعت ان تنسيق الدبلومات الفنيه مهما كانت المجاميع عاليه او قليله انه يزيد عن تنسيق الثانوية العامه ( انا مش قصدى اوجه اهانه لطلبه الدبلومات الفنيه كلكم فاهمين وجهه نظرى ) لكن هو ده نظام الثانوى فى مصر يا جماعه خلاصه القول لكل اخوانا الى فى الدبلومات الفنيه - يا جماعه احنا دلوقتى خلاص القرار مابقاش فى ايدنا القرار فى يد المولى عز وجل اسأله ان يوفقنا جميعا وانه يكرمنا بالكليات الى احنا عاوزينها وبنحبها ليس لنا إلا الدعااااء ( ادعوا الله وانتم موقنين بالاجابه ) ويكفى ان ربنا سبحانه وتعالى شاهد على البهدله والاهانه وقله القيمه الى بيلاقيها طلبه الدبلومات الفنيه فى مصر وياريت يا شباب نشارك بعض انا عملت جروب رسمى لطلبه الدبلومات الفنية دفعة 2010 على الفيس بوك http://www.facebook.com/group.php?gid=138910192814279 |
يا جماعة مفيش داعى للقلق
تفسير الأخ Bellsh مظبوط وكلها أيام ويظهر التنسيق ويطمن الجميع بإذن الله |
ميعاد نتيجة التنسيق
متي ستظهر نتيجة اتنسيق للدبلومات الفنية
|
اقتباس:
|
كل عام وانتم بخير
|
اقتباس:
|
انا جايب 56 % ثانوى صناعى دبلوم صناعى نظام 3 سنوات ومش عارف ادخل ايه انا كنت نفسى ادخل معهد الداراسات المتطورة ياترى يقبل مجموعى
|
هل للدبلومات الفنية مرحلة ثانية وثالثة
|
ما الافضل من حيث الشكل والمعاملة والتعليم وكل شىء
المعهد العالى للدراسات المتطورة بلهرم المعهد العالى للدراسات النوعية بمصر الجديدة اكادمية طيبة فرع المعادى المعهد العالي للعلوم الإدارية والتجارة الخارجية المعهد العالي للدراسات التكنولوجية المتخصصة |
المشكله انك بتفتح بالفاير فوكس افتح بالانترنت اكسبلور وهو هيبقي ميه ميه وهيسيف معاك
بالتوفيق الن شاء الله |
بالتوفيق ان شاء الله
المشكله انك بتفتح بالفاير فوكس افتح بالانترنت اكسبلور وهو هيبقي ميه ميه وهيسيف معاك ان شاء الله
|
استاذة ام شاهندة انا قرأت الخبر ده وشاكك فيه
أماكن خالية لطلاب "الدور الثاني".. والمؤشرات المبدئية تؤكد: الطب 94.76% والهندسة 68.87%.. و90% للاقتصاد والعلوم السياسية "أدبي" كتب - مجدي طنطاوي: تؤكد المؤشرات المبدئية أن هناك عدداً من الأماكن الخالية بقطاع كليات الطب لطلاب الدور الثاني بالثانوية العامة شعبة علمي علوم بحد أدني 94.76%. وبطب الأسنان بحد أدني 93.41%. والصيدلة 90%.. كما توجد أماكن لطلاب العلمي رياضة بالهندسة بحد أدني 68.87%. وبالنسبة لكليات الطب البيطري فحدها الأدني 05.88%. والحاسبات والمعلومات 85.49%.. أما الحد الأدني للحقوق لطلاب العلمي فسجل 75.12% مقابل 76.79% لكليات العلوم. من جهة أخري قرر د.هاني هلال وزير التعليم العالي والدولة للبحث العلمي فتح موقع التنسيق الإليكتروني علي "الإنترنت" بعد غد وحتي الاثنين القادم للطلاب الناجحين بالدور الثاني. والمتخلفين عن تسجيل رغباتهم من الدور الأول.. فيما يتم غلق مكتب التنسيق والموقع الإليكتروني السابعة مساء غد أمام طلاب الشهادات المعادلة العربية والفنية. ويفتح الباب للمتخلفين عن التقديم في موعد لاحق يتحدد نهاية الأسبوع القادم. http://www.algomhuria.net.eg/algomhu...e/detail04.asp ازاى كليه الهندسة تاخد من 68.87% اكيد الخبر ده غلط مش كده؟ |
ايوة طبعا غلط انا جبت الجمهوريه ومكتوب هندسه 87.68%
|
يعنى ينفع كدا لو انا بكلم نفسى كان حد رد عليا
http://www.thanwya.com/vb/showthread...02#post2539002 ادى مفيش رد http://www.thanwya.com/vb/showthread...95#post2539795 http://www.thanwya.com/vb/showthread...03#post2556403 http://www.thanwya.com/vb/showthread...=1#post2554622 وكمان فى الموضوع هنا مفيش حد رد عليا |
ghost ship
انا ممكن افيد اى حد فيكم دبلوم صناعى ثلاث سنين 0191260687:)
|
ارجو الافادة ، مكتوب على استمارة النجاح امام رقم السر : خارج التنسيق وعاوزه اقدم للاتحاق بالجامعة ,, ارجو الافادة
|
| جميع الأوقات بتوقيت GMT +2. الساعة الآن 06:59 PM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.