مهى ورقة شهادة خبرة يعنى من المدرسة مختومة من المدرسة بختم النسر تمشى ولا لازم من الادارة

ختم النسر تمشي ونص بس ان شاء الله لو تم القبول تتوثق من الخارجية

ربنا يوفقنا كلنا ان شاء الله

نقدم فى السفارة واللا الكويت

ع البريد اللي في الاعلان
والاعلان في المرفقات

ربنا معاك يا استاذ عبده ان شاء الله
وياريت تطمنا بكرة عملت ايه ان شاء الله

الامتحان بكرة شد حيلك يا عبدالرحيم وذاكر ( بنصح نفسي هههههههههههههههههه )

ربنا معاك يارب ويسهل الصعب

ولو لك خير فيها ربنا يقربك منها ان شاء الله

بالتوفيق باذن الله

يارب يارب يارب
يارب يارب يارب

سمع النبي رجلا يقول : اللهم اني أسألك بأنك أنت الله الاحد الصمد " الزي لم يلد ولم يولد "ولم يكن له كفوا أحد0

فقال رسول الله صلي الله عليه وسلم (لقد سأل الله باسمه الاعظم الزي ازا سئل به اعطي وازا دعي به أجاب)

صدق رسول الله صلي الله عليه وسلم

بالتوفيق ان شاء الله

حرف الزال عندي لا يعمل علي key board

شكرا يا ash
اسمك ايه يا غالي

الله يوفقك ويكرمنا بعدك

ربنا يوفقك ياستاذ عبده ويسهل الامتحان فى وشك
بس عندى سؤال لحضرتك وياريت تكون الاجابة واضحة انا البطاقة بتعتى المهنة فيها مدرب كرة قدم وانا قغلا شغال مدرب كرة قدم وبرده شغال معلماعد تربية رياضية وعشان اعمل الجواز هيكون المهنة فيها مدرب فهل فى هذا تعارف مع التقديم فى هذا الاعلان على اساس ان المهنة مدرب مع العلم انى بعمل شهادة الخبرة انى مدرس
ولا لازم اغير المهنة وتبقى حاصل عشان تنفع مع العلم انى محتاج البطاقة والجواز بمهنة مدرب
ياريت الاجابة بوضوح
واسف على الاطالة
منتظر ردك
وبالتوفيق

السلام عليكم ورحمة الله وبركاته
ربنا يوفقك يا استاذ عبده ويوفق الجميع يارب وان شاء الله انا واثقه انك هتتقبل لانك بتساعدنا كلنا والله في عون العبد مادام العبد في عون اخيه وتطمنا بكره ان شاء الله وتقولنا عملت ايه في الامتحان
ومعلش هتقل عليك واستفسر منك كام استفسار
انا لغه عربيه زي حضرتك وقدمت حوالي من 4 سنين في اعلان للكويت برضه وروحت وامتحنت وكان امتحان صعب جدا سبع صفح ولازم يتحل في نص ساعه ومكنش الوقت كفايه فمش عارفه هل لسه امتحاناتهم صعبه كده ولا ايه الظروف مع ان حضرتك بتقول انهم بيسألوا في في قشور الماده
تاني استفسار هما طالبين ان جواز السفر يكون صالح لمدة عامين وانا الجواز بتاعي هينتهي في 4 / 2011 هل ابعت صورته عادي ولا ابعت صوره من الورقه اللي فيها اسمي ومؤهلي وبلاش صورة الورقه اللي فيها ميعاد انتهاء جواز السفر
لو سمحت رد علي سؤالي وعرفني
وربنا يوفقنا كلنا يارب ونتقبل ان شاء الله

ربنا معاك ي استاذ عبدو النهاردة شد حيلك بالتوفيق وياريت تعرفلنا اللجنة هتنزل مصر امتى وتقولنا الامتحان شكلة اية بالتوفيق إن شاء اللة وربنا معاك

ربنا يسهللك الامتحان وعلي طول أول ما ترجع طمن الجميع

ان شاء الله هارفع الامتحان لكم بس احاول اتذكر الاسئلة

يا رب اجعله عام خير علينا جميعا والف مبروك النجاح يا استاذ عبده ودعواتك معانا باذن الله

الف الف الف مبرووووووووووووك يا استاذ عبده
وعقبال كل اللى نفسه يسافر ان شاء الله
وادعيلنا ربنا يوفقنا ان شاء الله

يارب وفقكم
وتتحقق جميع امانيكم واحلامكم

ربنا يستجب منك يا استاذ عبده وألــــــــفــــــــــــ مليونـــــــــــــــــــــــ مبروك ـــــــــــــــــــ عليكـــــــــــــــــ

مردتيش عليا ياستاذ عبده هل الجوزا ينفع والمهنة فيه مدرب وانا رايح اقدم على تدري مع العمل انى معلم مساعد اصلا ولا لازم اغيره
مستنى ردك

الف مبروك يا استاذ عبدة ممكن تقولنا الامتحان عبارة عن اية بالضبط واللى الللا هعملة بعد المقابلة قصدى الاجرائات

اسف على عدم الرد على أي من الاخوة المحترمين
بالنسبة للجواز مفيش مشكلة اي مهنة فيه مش مشكلة اهم حاجة عندهم الشهادات الجامعية
بالنسبة للامتحان انا رفعت امتحان اللغة العربية والانجليزية التحريري ع المنتدى اما الشفوي فسهل لان اللي هيعدي من التحريري باذن الله ناجح في الشفوي

على فكرة يا أستاذ عبده أنا حاولت أفتح صفحة الامتحان مابتفتحش معى لية؟

حملي الصفحة من المرفقات تاني ممكنك تكون ما اتحملتش صح

الف الف مبروك يا استاذ عبدو وعقبالنا يارب كلنا ان شاء الله بس انا سألت حضرتك ومرديتش عليا
السلام عليكم ورحمة الله وبركاته
ربنا يوفقك يا استاذ عبده ويوفق الجميع يارب وان شاء الله انا واثقه انك هتتقبل لانك بتساعدنا كلنا والله في عون العبد مادام العبد في عون اخيه وتطمنا بكره ان شاء الله وتقولنا عملت ايه في الامتحان
ومعلش هتقل عليك واستفسر منك كام استفسار
انا لغه عربيه زي حضرتك وقدمت حوالي من 4 سنين في اعلان للكويت برضه وروحت وامتحنت وكان امتحان صعب جدا سبع صفح ولازم يتحل في نص ساعه ومكنش الوقت كفايه فمش عارفه هل لسه امتحاناتهم صعبه كده ولا ايه الظروف مع ان حضرتك بتقول انهم بيسألوا في في قشور الماده
تاني استفسار هما طالبين ان جواز السفر يكون صالح لمدة عامين وانا الجواز بتاعي هينتهي في 4 / 2011 هل ابعت صورته عادي ولا ابعت صوره من الورقه اللي فيها اسمي ومؤهلي وبلاش صورة الورقه اللي فيها ميعاد انتهاء جواز السفر
لو سمحت رد علي سؤالي وعرفني
وربنا يوفقنا كلنا يارب ونتقبل ان شاء الله


وربنا ازعل لو مرديتش ده احنا صعايده زي بعض يا منياوي

انا اسف يا منياوية خالص خالص خالص معلش كنت مشغول شوية وعلى فكرة انا بتواصل معاكم من مكان شغلي في مكتب حجز الطيرا ن فعشان كده ممكن اكون ما قدرتش ارد
المهم : لو عاوزة نصيحتي اعملي الجواز مش هياخد منك غير يومين عشان ان شاء الله ربنا هيريد السنة دي وتقبلي
الامتحانات سهلة جدا وانا رفعت لكم امتحان العربي وشوفيه وقول لي رايك

الف الف شكر
وربنا يوفقكم ان شاء الله والتعيين قريب وبعدين الاجازة بدون مرتب والسفر ع الكويت باذن الله

جزاك الله خيرا

استاذ / عبده
انا ليسانس اداب و تربية ( انجليزى ) تقدير جيد جدا مع مرتبة الشرف - دفعة 2008
انا جهزت كل الورق و لى استفسار فى شهادة الخبرة ( انا لسه ما تمتش 3 سنوات بالمدرسة لانى خريجة 2008 ) بس الحمد لله
قمت بختم شهادة الخبرة من المدرسة بانى اعمل منذ 3 سنوات ( توقيع مدير المدرسة و ختم المدرسة ) لان المدير يعرفنى يا ترى ها تنفع و لا ايه ؟؟؟؟؟
و لو رحت اوثقها من الادارة التعليمية او الخارجية مش ها تبقى مزورة ( ممكن حد يكلم عليها ) ؟؟؟؟ ارجو الرد لو سمحت .؟؟

خلي التوثيق دلوقت لو ربنا اراد وتم القبول يبقى تتوثق او تتعمل واحدة جديدة تكون تمت الفترة المطلوبة

استاذ عبده فين الامتحان احمله منين

اسفه نسيت ابارك
الف الف الف مبرررررررررررررررررروووووووووووووووووووك عقبالنا يارب

شكرا اخ عبده على ردك لى ......

أخ عبده : مبروك على النجاح و الى الامام دائما ...
انا معايا ليسانس اداب و تربية قسم لغة انجليزية 2008 و انا دلوقتى شغالة مدرسة بالحصة من حوالى 8 شهور ( يعنى مش معايا شهادة خبرة ) ممكن اقدم ورقي كله من غير شهادة الخبرة ( ورقي كله جاهز من حيث التقدير و جواز السفر و باقي الاوراق )
بس المشكلة عندي فى شهادة الخبرة مش عارفة اعملها ؟؟؟؟؟؟؟ ارجو الرد من فضلك لانى محتارة ؟؟؟؟؟؟

ردا على الاخوة :
1- بالنسبة للامتحان انا رفعته على المنتدى هنا تحت موضوع ( امتحان مادة اللغة العربية دولة الكويت ) وهناك اخر للغة الانجليزية
2- بالنسبة لشهادة الخبرة فدي لازم بس احيانا بيستثنوا الخبرة ومع اعلم بانه هذا العام الوزارة هنا مجتاجة اعداد كبيرة جدا نظرا لتسملها 51 مدرسة جديدة وخاصة ( الاناث ) فممكن تقدمي الورق ومعاه شهادة الخبرة ولو بالفترة التي عملتي بها ويمكن ربنا يسهل ويستثنوا الشرط ده

اي ورق يمكن استخراجه يقدم
والحكاية حكاية نصيب لو استثنوا يبقى ان شاء الله هيتصلوا عشان المقابلة ولو تمت المقابلة باذن الله هيكون فيه نصيب لان محتاجين اعداد كبيرة وخاصة الاناث

استاذ عبده انا ليا سوال عندك حضرتك وياريت تساعدينى فيه وهتساعد كل معلمى التربية الرياضية ذكور
احنا وصلتنا اخبار هنا فى مصر ان الاعلان اللى نزل فى الجرنان نزل غلط هما طالبين تربية رياضية اناث فقط مش ذكور وخصوصا لان الاعلان اللى نزل اول مرة كان فيه اناث فقط
فممكن تتاكد لنا من الوزارة فى الكويت وتبلغنا
ومشكور يااستاذ عبده
وعموما الكلام ده وصلنا من الكويت
ولك سلامى وتقديرى

السلام عليكم
الف مبروك ربنا يرزقك برزق حلال طيب
ادعولنا كمان انا وزوجى ناويين نقدم باذن الله فى ماده الحاسب الالى دععواتكم لنا بقى

ردا على الاخوة :
التربية الرياضية والله ماع نديش معلومات عنها بس انا هسأل بس الافضل انكم تسألوا في السفارة الكويتية بالدقي