|
يا دكتور هوا انا ينفع اهمل بعض الىمواد تانية زي الاحيائ والنصوص والقراءة واركز على العربي والنجلش والفرنساوي يعني ارتاح السنة دية عشان اقدر ابذل مجهود السنةالجاية؟:wacko::lol::huh::excl::022yb4::022yb4 ::022yb
|
ولسة في انتظار الطريقة اللي هتخلينا نراجع 4 مرات =)
|
انا طلبت جدول من بدرى ومنتظر ومواعيدى هى
السبت درس عربى من 2:30 الى 5:30 الاحد درس e من 5 الى 8 الثلاثاء درس e من3 الى 5:30 الخميس درس فيزياء من 7 الى 9:30 مساءا الجمعه درس كيمياء من 8 الى 10:30 درس احياء من 2 الى 4:30 درس جيولوجيا من 6 الى 8 منتظر |
يا دكتور انا عندي مشكلةكبيرة بخصوص موضوع تضييع الوقت ومش عارف انظمه خالص ودا بيخليني مدايق ونفسيتي تعبانةعشان مش بنجزكل اللي ورايا ودايما احس اني مقصر ويمكن فاقد الثقةبنفسى خاص ارجوك يا دكتور قولي الحل احئسن انا حائسئس اني ممكن اضيع في الثانوية عشان كدة وانا ائسف اذاكنت بزعج حضرتك كتييييييييير بس والله انا بستفيد من حضرتكwacko::wacko::wacko::wacko::wacko::blink::bli nk::huh::huh
|
فعلا حضرتك لخصت اسباب النجاح وازاى الواحد يوصل لحلمه ويحقق طموحه انا ان شاء الله هعمل بيها ومنتظر الجديد من حضرتك
|
اقتباس:
|
الأول بشكر حضرتك جدا ع الموضوع الراااائع ده جزاكم الله خيرا :022yb4: تاني حاجة لو سمحت عاوز جدول مع العلم إني دلوقتي خلصنا المناهج وبدأنا ف المراجعة دي مواعيد دروسي http://img01.arabsh.com/uploads/imag...4c4d66f601.png |
فى البداية احب اشكرك تانى على الجدول اللى فعلا وفرلى وقت ..كان فيه شوية تعديل بس كان كويس جدا.....ثانيا انا هتئل على حضرتك بمناسبة الدراسة هتبدا فا انا عايزة جدول فى ظل المدرسة ....انا بروح الساعة 7:30 و امشى الساعة 12:00 او 12:30 ....مستانية حضرتك
|
الدرس الرابع :: المراجعة ::
ايه هيا المراجعة .. يمكن أغلب أو يكاد يكون الجميع فاكرين معنى المراجعة بتكون في آخر السنة أو في شهر 4 و 5 .. لا .. المراجعة في كل وقت .. يعني لما تخلص درس لازم تراجع .. ولما يكون عندك امتحان في الدرس لازم تراجع ولازم تراجع في أي وقت .. لازم تراجع أي جزء تنتهي منه بحيث تكون متقن ليه .. انا عاوزك لما تزاكر درس تلم بيه من جميع جوانبه .. تكون خبير في الدرس بمعنى أصح .. علشان لما يحاول يجيب سؤال فيه خدعة او لفة في الامتحان تكون انتا عارف هوا عايز ايه .. لانك عندك خلفية واسعة عن الموضوع .. المراجعة تكون ازاي ؟؟ يمكن السؤال ده بيتوقف على طبيعة مزاكرتك .. لكن خلينا نمشي بمدأ .. زاكر ربع ساعة وحل ساعة .. ايوه بالزبط كده .. لان مراجعة او مزاكرة من غير حل كانك معملتش حاجة .. لان بينك وبين المادة ورقة الاسئلة .. فانتا ازاي هتتعامل مع حاجة انتا مش عارف طبيعتها ازاي او هيا بتحتاج منك ايه .. فلازم تحل اكبر قدر من الاسئلة .. وسيبك من اللي بيقولك تكرار ومش تكرار .. على فكرة كل ما تكتب المعلومة كتير كل ما يكون صعب تنساها .. طيب المراجعة هتكون بالورقة والقلم .. مش بقولك اكتب الكتاب كله .. لا .. احنا مش بنحفظ وخلاص .. احنا بنفهم والحفظ بالنسبة لينا صيغة مش اكتر علشان المصحح يكون في صفنا .. وانا عارف انكم هتواجهوا ناس معاكم في الدروس خصوصا في الاحياء والجيولوجيا .. بيسمعوا الكتاب كله .. انا عايزك تنسى الكائنات دي .. احنا بنفهم الاول والحفظ بالنسبة لينا مجرد صيغة بس .. واياك تحفظ بدون متفهم لان بالطريقة دي معرض انك تنسى اللي حفظته بسهولة جدا .. وبكرر مرة تاني لازم تحل اكبر قدر من الاسئلة ولازم تكتب وانتا بتراجع لان اليد ليها ذاكرة .. وزي ماقال انس بن مالك رضي الله عنه ( يابني قيدوا العلم بالكتاب ) .. يعني على سبيل المثال مادة زي الأحياء .. اللي في اعتقاد معظم الناس انها مادة الحفظ الاولى .. احب اقول ان الحفظ فيها لازم يكون مبني على فهم والا كده مش هيكون لمزاكرة أي لازمة .. وعايزك لما تراجع تستخدم الروابط بشكل كبير جدا .. لان المخ بيفتكر المواقف اكتر من العبارات او الحروف .. ليه المراجعة لازم تكون بشكل مستمر .. لان المخ لما بتدخل ليه معلومة بيحاول يشوف ليها مكان .. فهيحذف من الحاجات القديمة اللي عنده اللي انتا مش مثبتها كويس .. وهكذا .. فهتكون كانك في حلقة مفرغة ومش بتعمل حاجة غير انك بتتعب نفسك بالمزاكرة بدون ناتج .. وكنت اتكلمت قبل كده على انكم ممكن تراجعو المنهج 3 او 4 مرات .. خلينا نكون واقعيين شوية .. مراجعة 3 او 4 مرات ممكن جدا .. لكن الية المرات دي هتكون حسب موقفك من المزاكرة من اول السنة .. والطلاب في الحالة دي هنقسمهم 3 اقسام :: 1- النوع الاول : اللي شغال تمام من اول السنة .. ومثالي جدا في مزاكرته وبيراجع بشكل مستمر .. 2- النوع الثاني : اللي شغال نص نص .. وشوية يشتغل وشوية يقف وهكزا .. لكن نقدر نقول انه مابين النوع الاول والتالت .. 3- النوع الثالث : اللي ميعرفش أي حاجة عن المنهج "" تقدر تقول مفتحش كتاب "" .. نيجي للنوع الأول :: احب اقولك انك في الفترة دي تمام وربنا يوفقك ويوفق الجميع .. انتا دلوقت تعتبر ملك .. تعتبر في بر الامان .. بامكانك تراجع وتتقن قبل شهر خسمة .. وتحل كمان .. انا عايزك تفضل زي ما انتا ومينزلش مستواك .. عايزك تبذل كل جهدك لسه موصلناش نهاية الطريق .. واوعى تتغر وتتخدع بنفسك .. النوع التاني :: وضعك كويس نوعا ما .. مع انه وحش في نفس الوقت .. الوقت لسه معاك وبامكانك تعوض اللي فات وتجيب مجموع كمان وتدخل الكلية اللي انتا عايزها .. بس لازم مضيعش ثانية .. لازم تبذل مجهود خرافي .. النوع التالت :: صحصح معايا كده .. انتا النوع اللي عايزين نشتغل معاه كتير الفترة اللي جاية .. احب اقولك وضعك مش كويس .. لكن انتا بينك وبين بر الامان شعرة .. وانتا اللي بامكانك تغير مسار حياتك في الفترة دي .. الانواع التانية مش احسن منك .. بالعكس انتو قريبين جدا .. والفترة الجاية هيا اللي هتحدد .. واسال أي حد دخل ثانوية عامة على ان فترة المزاكرة الصح ابتدت من شهر 2 اللي هيا الفترة الحالية .. احنا النهارده يوم 9 فبراير .. يعني نعتبر اول الشهروباقي حوالي 2/3 من الشهر اضف ليهم 3 شهور يعني لو استغليت الفترة دي كويس جدا .. اوعدك انك هتجيب على الاقل 98.5 % .. بس تستغل الفترة دي كويس .. ومش نقعد نضيع في الوقت ونيجي في شهر 5 نقول عايز ااجل وعايز اعيد السنة ومش هجيب مجموع والكلام ده .. احنا لسه الوقت معانا .. خطة المراجعة .. الكلام الجاي موجه للنوع الاول والتاني .. باقي في الشهر ده 21 يوم .. بامكانك تراجع فيهم 2/3 من المنهج في جميع المواد او على الاقل تكون مراجعة مبدئية ليك .. هنقسم المواد لمجموعتين .. هنراعي فيهم سهولة المادة وصعوبتها ومدى حبك ليه .. ولفرض ان المجموعتين دول .. المجموعة الاولى ( عربي + e + جيوليوجيا + كيميا ) المجموعة الثانية (احياء + فيزياء + لغة تانية ) وهيكون فيه مادة مشتركة بين المجموعتين هتتكرر في جميع الايام ودي هتكون مادة انتا ضعيف فيها او مش بتحبها .. هنقسم المجموعة الاولى على 4 ايام في الاسبوع وفي نفس الوقت هنقسمها في اليوم على مجموعتين .. وحاول متخليش مواد الحفظ مع بعضها .. المجموعة الاولى ( عربي + كيميا ) المجموعة الثانية ( انجلش + جيولوجيا ) بالنسبة للمجموعة التانية هتتقسم كده : المجموعة الاولى ( احياء + مادة مشتركة ) المجوعة الثانية ( فيزياء + لغة ثانية ) هنستمر بالنظام ده لنص شهر 3 وهنعتبر دي المراجعة الاولى ده ان لم تكن خلصت المراجعة دي في اخر 2 والكلام ده ليك تحديدا يا نوع واحد .. بعدين من نص 3 لغاية يوم 10/4 هتكون دي المراجعة التانية ودي لازم تكون متقنة جدا .. يعني لازم توصل لمرحلة الصم من كتر الحل مش من الحفظ .. بعدين لو تمكنت انك تخلي العشرين يوم الباقيين في الشهر تراجع فيهم مرة كمان يكون تمام جدا .. ده بالنسبة للنوع الاول .. وانتا يا نوع 2 لو مقدرتش استمر الى يوم 10/5 وبعدين ابدا ركز على المواد الاولى عندك في الجدول للجميع .. ومتتجاهلش المواد التانية خليها لو كل 3 ايام تراجع مادة على بعضها .. ومش هتكون صعبة بالعكس انتا هتلاقي نفسم بتسمع الكتاب من كتر ماحليت .. كده هنكون راجعنا تقريبا 3 مرات كل مادة .. ولازم امتحانات الثانوية العامة معاك طول الفترة دي .. عند الامتحانات مجمعة من 95 لغاية 2014 ... حل كل دول .. اضافة لمراجعات الكتب .. وكل دول مش صعب .. بس نظم وقتك كويس وحافظ ع الثانية .. وياريت كل الانواع تسمعني في الكلام الجاي ... احنا شعارنا الفترة دي اكون او لا اكون .. هما 4 شهور يا اما انك هترتاح باقي حياتك او مش هترتاح خالص .. انا عارف ان الكلية مش هيا الحياة .. لكن في بلدنا انتا حياتك متوقفة على كده .. قدر قيمة الوقت كويس .. متضيعش وقتك .. بلاش ندم على اللي فات كتير .. هلي ندمك دافع ليك انك تشتغل مش تكتئب .. افتكر يوم النتيجة .. افتكر فرحة اهلك وانتا بتقول انا جبت المجموع الفلاني .. اتخيل نفسك وانتا بتكتب استمارة الرغبات وبتحط الكلية اللي نفسك فيها وانتا كلك ثقة وفرح .. اتخيل اهلك وهما فرحانين بيك وقرايبك واصحابك وهما بيباركولك .. ربنا يوفقكم .. واعتذر جدا عن التاخير والانقطاع .. دعواتكم .. |
ربنا يكرمك يارب على النصايح الثمينة ديه ..... وجزاك الله خيرا على مجهود حضرتك .. ربنا يجعلة فى ميزان حساناتك
|
لو سمحت يا دكتور ايه أفضل الكتب اللي أراجع منها ع المهج " التعليلات والتعريفات والحاجات دي " والكتب اللي أحل منها برده ؟؟ |
ايه يا دكتور نسيتنا ولا ايه
|
شكرا ع الموضوع الجميييييل جدا :)
ممكن اطلب من حضرتك طلب..... ؟ :-) أنا علمي علوم و عاوز جدول مذاكرة انا مواعيد دروسي كالآتي يوم [السبت] (٧:٠٠ص عربي )،(١١:٠٠ص كيمياء) ،(١:٣٠م فيزياء) ،(٥:٠٠م انجليزي) ،( ٧:٠٠م فيزياء) . يوم [الاحد] (٧:٠٠ص احياء) ،(١١:٠٠ص فرنساوي) يوم [الاثنين] (١٢:٠٠ص احياء) ،(١:٣٠م انجليزي) و يوم [الثلاثاء] مثل السبت بزيادة درس (جيولوجيا ٤:٠٠م) [الاربعاء] (فرنساوي فقط ١١:٣٠ص) [والخميس] مثل الاثنين [والجمعة] (١:٠٠م جيولوجيا)، (٣:٠٠م احياء) يا ريت يا دوك تعملي جدول الحق بيه نفسي في الوقت الضايع ده واكون شاكر لحضرتك جدا. |
الناس اللي في المنتدي مشيت ولا ايه؟؟؟؟؟؟؟؟
|
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟! !!!!!!!
|
جزاك الله خيرا على الموضوع الجميل ده انا فعلا استفدت منه كتييير ...
انا ف 3 ثانوى عام علمى علوم وباقى حوالى 15 يوم على الامتحانات انا خايفه من فكره الامتحانات وانى ممكن الاقى اسئله معرفهاش خصوصا ان الفتره دى انا تعبانه شويه وعلى طول معايا صداع مش بعرف اذاكر اكتر من ساعتين . مع انى فى اول السنه كنت بذاكر اكتر من كده وعملت مجهود كبير بس انا حاسه انى ف الفتره دى هضيع كل اللى عملته بسبب انى مش قادره اظبط نظام اراجع بيه . يا ريت تفيدنى :) |
جزاك الله كل خير علي هذا المجهود الكبير
فعلا ده موضوع كانت ناس كتير محتاجاه خصوصا الي داخلين سنة 3 ث |
السلام عليكم
انا محتار هل اذاكر بدون الترفيه عن نفسى وكيف تنصحنى ان ارفه عن نفسى كم ساعة انام يوميا |
طيب انا في تانيه السنادي قولولي استفاد ازاي من الاجازه اللي قبل تالته علشان اجيب مجموع وادعولي بالله عليكم احقق حلمي وادخل اسنان
|
Respected :)
Ya gma3a ana gdeda hena w m4 3arfa a3ml ay 7aga 7d ysa3dni :"( |
بالتوفيق يااارب :) هل تاذن لي بنشره علي الجروب مع التنويه لحضرتك ؟ :)لانه موضوع رائع بارك الله فيك
|
بجد بسم الله مشاء الله عليك ربنا يزيذك من فضله وتكون دايما كده رافع من معنوياتنا علشان بجد في حاجات كتير بقيت بتاثر فينا دلوقتي
|
في رأيي الخاص أن الي عايز يخش كليه حلوه ذي كليه الطب ينظم وقته ويخصص علي اقل تقدير من 3ساعات الي 5ساعات كل يوم ويعتبر أن دا شغله كأنه متوظف يذاكر بس وان مذاكرش هايترفد من الوظيفه وبالتالي هينقطع اكل عيشه وبكده الطالب يحس بقيمه للي بيعمله فيشد حاله عشان يتقن وظيفته.الا وهي المذاكره.
|
طيب يا جماعه انا عضوة جديدة وعاوزة اتواصل مع طلبة علوم وازاكر معاهم ومش عارفة حاجه :(
|
السلام عليكم انا طالب ازهرى وبعاانى من كتر المواد لانه مش بعرف انظم وقتى وانا من النوع اللى مش بيفضل ياخد دروس لانه بتضيع معظم وقتى مثلا مواصلات وانتظار وكدة وبقول ال3 ساعات انتظار ومواصلات اكون فهمت فيهم جزء كبير من الدرس
وعموما انا بروح المدرسة فقط ومش باخد درس |
موضوع ممتاز
استمر ف الإفادة لينا |
👏👏👏 الله عليك استمر
|
من فضلك أنا عايز جدول مذاكرة يومي لعلمي علوم وجزاك الله كل خير
|
جزاك الله خير بجد محتاجين الكلام ده
بس حضرتك انا عندى مشكله هو الخوف من ان فى مدرس شرحه حلوه وأنا مجربتهوش والمشكله الثانيه انى بتأثر بصحابى جامد وتسلم حضرتك عالموضوع ده بجد جميل |
| جميع الأوقات بتوقيت GMT +2. الساعة الآن 02:56 PM. |
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.