|
السنة اللى فاتت نزل ف اول يوم دراسه يعنى مش دلوقتى خالص
وعلى فكرة انا مرة تنحت مع اللى بيقومنى ده بس هو مكانش قصده يقومنى مش فاكرة انا تقريبا كنت فاتحه الشباك وببص اشوف فى ايه جوا وسبته مفتوح ولقيت واحد بيخبطلى ع الشباك من جوا ويقولى اقفليه وممنوع القعاد هنا اصلا رحت متنحه معاه وقلتله انت مين يعنى عشان تقولى ممنوع ولا لأ وعادى فيها ايه يعنى لو فتحته هو حرام افتحه ولا كان فى حد ساكن هنا يعنى وببص عليه وقعد يزعقله شويتين رحت اتخنقت منه وسبتله المكان كله وقمت اعدت على شباك تانى راح بصلى حته بصه بس نرفزته ساعتها |
هههههههههههههههه .. انتي بتفكريني بقصة الشباك دي !!
دانا كان حصلي حتة دين موقف قبل كدا كنت في مرة المفروض فيه محاضرة .. اتخنقت منها .. خدت واحد صاحبي ونزلت .. المهم روحنا قعدنا عند الشبابيك .. قعدنا نتكلم .. ومش عارف ايه اللي جاب سيرة حسنى مبارك .. المهم جيت بتكلم عنه .. قام صاحبي دا قالي اسكت ؟.. احسن تتلاقي واحد طالعلنا من ورا الشباك يمسكك يعلقك !! وربنا المعبود .. ماكملش الكلمة .. واتلاقيت الشباك دا بيتهز .. قومت انا وهوا ناطين من على الشباك نطة .. يا نهار ابيضضضض !! بس كان موقف جامد جداااااااا .. وقعدنا نضحك بعديها ضحك لغاية ماعنينا دمعت .. |
هههههههههههههههههههههه
كانت ايام والله تصدق وتآمن بااله مش هتصدقنى لو قلتلك انى انا شيلت نفسى مادة عند مع اهلى عشان كانوا عايزين يحولونى ع شمس وانا مصممه ع القاهرة عشان جامدة يعنى واحسن مليون مرة من ع شمس المهم قالولى انهم هينقلونى ومفيش مفر يعنى قلتلهم طيب وهما مجاش ف دماغهم خالص انى ممكن اجيب مقبول او حتى اشيل مادة رحت شيلت نفسى ماده عشان افضل ف الجامعه دى ويا ريت متتريقش عليا عشان صحابى قايمين بالواجب اوى معايا يعنى المهم ان اهلى متوقعين انى اجيب جيد بس يوم النتيجه تنحوا ومردتش اقولهم الا بعد ما فات اسبوع عليها عشان اعرف اقولهالهم ازاى ومش انا كمان اللى قلتهالهم انا قلت لأختى احتمال النتيجه تطلع بكرة مع انها طلعت من اسبوع ودخلت نمت تانى يوم لقيتها بتصحينى وبتقولى النتيجه ظهرت وانا عرفاها وبستهبل قلتلها نجحت؟؟؟؟؟؟؟ قالتلى لأ انا قلت انا جبتها لنفسى غلط عشان اللى فهمته ان هى قصدها انى سقطت وقمت مفزوعه م النوم واقولها يغرب بيتك افتكرت انى سقطت بس الحمد لله مش انا اللى وصلت لأهلى الخبر انى شايله مادة |
ههههههههههههههههه ..
عادي عادي في كليتنا العزيزة دي .. شيل المواد امر سهل .. انتي ممكن تكوني مذاكرة كويس جداااا وربنا يرزقك بدكتور ابن ستين في سبعين .. يقوم مشيلهالك .. عادي يعني .. شئ مش جديد على تجارة .. وبمناسبة الجدول .. الجدول السنة اللي فاتت كان نازل قبلها باسبوعين تقريبا .. واول ماينزل ان شاء الله هابقي اجيبهولكوا هنا .. خدمة مني ياستي !! |
اوك يا باشا ربنا يكتر من خدماتك
يا فامباير يللى شكلنا هنطلع صحاب ف الاخر |
اه والله عندك حق .. قلبي بيقولي اني شوفتك ..
ومش مرة واحده .. دا كذا مرة كمان .. على العموم الايام جايه كتييييييييير .. انتي بس اقفي كدا قدام التليفزيون .. واندهي بعلو صوتك .. يا جماعة اللي اسمه فامبير هنا يرد !! ههههههههه اعملي زي احمد حلمي في ظرف طارق .. يا جماعة اللي عامله موبايلها سايلنت لو ممكن تفتحه !! |
لا انا هعمل حاجة تانية خالص
انا هقولك هلبس كذا وانت تقولى هلبس كذا وانا البس حاجة تانية غير اللى قلتلك عليها عشان لو عرفاك انت متعرفش انى انا اللى بكلمك ع النت ولو مش عرفاك عادى فى طرق كتيرة اكلمك بيها او انت تكلمنى بيها وانت مش عارف انى انا اصلا اللى بكلمك ع النت |
ولا اقولك انت ممكن تعمل حاجة تانية
يا جماعه اللى اسمها علا بس ده مش اسمها الحقيقى يا ريت ترد عليا وتورينى نفسها عشان اشوفها واعرف اذا كنت عارفها ولا لأ |
هههههههههههههههههه .. مجرب انا الحركات دي
وغالبا بتدوا مواعيد وبتطلع سكة !! عادي عادي .. سيبيها للصدف .. مسيرنا هانتقابل .. وعارفه بسبب كلامنا دا دلوقتي .. اكاد اجزملك .. انك بعد كدا اما تيجي تقعد عند الشبابيك .. هاتييجي تدققي في كل واحد يقعد عند كل شباك .. وتقولي ياتري دا فامبير ولا دا ولا دا ولا دا !! هوا زي ماقولتلك .. غالبا انا بحب اقعد عند التليفزيون .. سواء اللي قدامه او الشباكين اللي جنبيه .. بحس بحاجة كدا بتشدني ليهم .. بعد مابخرج من المحاضرة .. بسمع هاتف كدا في وداني يقولي .. الشباك يناديك .. اكرر الشباك يناديك ! .. وعلى طول بلبي النداء وبروح انط فيه .. بس طبعا فيه ايام مابلاقيش خرم ابره اقعد فيها فبضطر اروح اقعد في دقة .. مقر السي اتش الرسمي .. |
هههههههههههههههه
مش سكة ولا حاجة عشان تبقى فاهم لو مدى ميعاد لبنت مثلا وتقولها هلبس كذا وهى تشوفك ومتعجبهاش تعمل نفسها مراحتش اصلا منعا للاحراج يعنى مش اكتر وفعلا انا هعمل كدا يا ترى فامباير لألألأ مش هو ولا ممكن يكون هو مش بعيد ايه ده بس احتمال انه يكون هو واروح اقولك لو سمحت انت تجارة سورى اصل المحاضرة فاتتنى ممكن انقلها منك حتى لو انت مكتبتهاش هتقولى ممكن اشرحهالك لو عايزة وانا اقولك مفيش مشكلة لو مش هيضايقك وافتح اى حاجة بتاعتك يمكن الاقى خيط يوصلنى ليك ولا حاجة |
ههههههههههههههههههههههههههههههههههههه
ضحكتيني وربنا !! بس هل انتي عندك الشجاعة انك تعملي كدا ؟! .. انا اشك انا لو عن نفسي .. انا اتكسف اعمل كدا اصلا !! دانا استحالة اصلا اعملها ... |
يا ابنى انا بتريق
انا الحمد لله موصلتش للدرجة انى اعمل كدا بس والله لو عايزة اعرفك هعرفك انا دماغى الحمد لله نضيفه اوى ومفيش حاجة تقف قدامى ولو حطيت حاجة ف دماغى هعملها ان شالله حتى موركش وشى تانى بس انا مش ناوية اعمل كدا اطمن |
تحدي يعني ؟!
عايزة تتحديني يعني في انك هاتعرفيني ولا لأ .. طب انا قدامك اهو .. بيني وبينك المنتدي دا ووريني بقي هاتعرفيني ازاي !! |
لو عايزنى اعرفك من ع المنتدى عادى خالص
هقولك يا سيدى انت رجل والرجال قليلون انت ف كليه تجارة جامعه القاهرة اجدع ناس طبعا واسمك يبتدى بحرف م الحروف الاخرانية وبتعد ع النت لحد الفجر وبعديه كمان وبتعد ع الشبابيك هاتلى واحد بالمواصفات دى ع المنتدى غيرك |
ههههههههههههههه ..
ظريفة والله .. مانا لو عايز اعرفك بنفس طريقة معرفتك بيا .. برده هاعرفك !! واحده بتقعد للفجر .. اشك انها اتسحرت اصلا .. مكسله تقوم تصلي الفجر .. عدد مشاركاتها 130 مشاركة .. ومديه الباسوورد بتاعتها لصاحبتها ندي .. اللي هيا احتمال تكون هيا اللي بتكلمني دلوقتي .. الله اعلم !! هاتيلي بقي واحده في المنتدي كله بالمواصفات دي غيرك .. بس بالمناسبة اسمي بيبدأ بحرف الميم والحروف الاخرانية معلومة خاطئة .. يجوز لها التصحيح بلا تصريح !! |
على فكرة انا مش بتسحر بس صليت الفجر والله
ومش عارفه ليه عندى يقين تام انك محمد واطمن انا حاليا علا مش ندى ندى مش بتعد كتير اصلا لو تلاحظ ان هى بقالها مدة مفتحتش عندها ظروف بقى بس مسيرى هعرفك ف الحقيقة يا فامباير |
لا ياستي مش محمد
وربنا ما محمد !! .. ومش هاقولك برده انا مين .. اتغاظي بقي .. |
يا عم يعنى انا اللى هموت واعرف اسمك ايه
يا عم اجرى بقى خلاص يا سيدى مش هقولك يا محمد تانى خلينا ف فامباير ع الاقل فى محمدات كتير لكن هو فامباير واحد عشان لما انده عليك الاقيك بسرعه |
ههههههههههههه ..
وكويس برده انك اسمك علا .. عشان انا عارف ان اسمك فيه منه كتير .. فا اما انده عليكي ماتعبش !! |
انا اسمى مش منتشر اوى
هو ف اللجنه كانوا بظبط صفين وانت عارف ان الصفين ف اللجنه دول حاجة بسيطة طبعا يعنى لما تنده مش هتتعب |
،، صباح الخير يا جماعة انا لقيتكم بتدردشوا شوية واخر روقان قلت اما ادخل اصبح واسلم واقول لكم ان الموضوع بيفكر يعزل قريب :rolleyes: بالتوفيق ان شاء الله ،، |
ايه ده هيعزل على فين بس
ما احنا كويسين وانتى لسه فاكرة تدخلى دلوقتى يا بنتى ده احنا هنام دلوقتى |
اقتباس:
اقتباس:
اقتباس:
اقتباس:
،، لا انا متابعة معاكم من بدرى :) اقتباس:
تصبحوا على خير ان شاء الله ،،،،، هو بس الموضوع وصل ل 9 صفحات :rolleyes: بس كم الافادة منه موصلش لل9 صفحات كاملين تماما فالموضوع بيفكر كدة يعزل ، دا حتى الصيف قرب يخلص ======== دمتم فى خير |
السلام على من قرأ السلام
ليه بس هتلغى الموضوع دا انا بستفيد منه كتير اوى اول حاجة هى رد فامباير على البنات وتهيسهم على المنتدى دى
وبعدين انا عرفت المدرجات وحكاية الشبابيك دى من فامباير وحاجات كتير ليه هتلغيهبقى وعلى فكره فى ناس كتير بتخش على الموضوع وبتقرا بس لانى كلامهم كله على حاجات هما لسة مش شفوها وانا اول واحد ............... صباح الفل ياعم فامباير............. وانتى كمان ياعلالالالالالا........... |
وسلالالالالالالالالام خاص الىhkk-happy
|
انا احمد
انتساب قاهره عايز اعرف مواعيد المحاضرات بتبتدى الساعه كام وبتنتهى الساعه كام بالنسبه لانتساب |
ليه يا هبة كده
خليكى حلوة هيتلغى ليه يعنى ما احنا بنستفيد وندردش ونسمع حكاوى قديمة يعنى هتفيدنا احنا بتوع سنه اولى وبخصوص المواعيد لسه الجدول منزلش اول مينزل هجيبوه هنا يلا سلام |
اسمعى كلام wanda ياهبة وخليكى جدعة ومتلغيش الموضوع اهو بنحكى والسلام وعلشان كده المنتدى جميل واحنا حبناه اووووووووووى
|
الله جري ايه يا جماعة .. ماتسيبوا المشرفة تشوف دورها ..
احم احم .. يعني مش تشوفه اوي .. بس في نفس الوقت .. اهو بنغير جو بدل ماحنا مخنوقين كدا .. وبعدين دا رمضان كريم يعني .. ولتالت مرة .. بتحرجني يا بندق بكلامك دا والله .. قايم معايا انتا بالواجب اوي !! .. يا مظبطني ! اما بالنسبالك يا wanda .. ماحدش هايجيب الجداول هنا غيري .. واول ماهاتنزل بعون الله هاتتلاقوها عندكوا .. هيا غالبا بتبقي تنزل قبل الدراسة باسبوعين يعني ممكن بالكتير .. على اخر الاسبوع الجاي .. تكون نازلة .. انتظروا التطورات بقي >>> |
طب انتظروها منى بكرة
:p وده اكيد :D هظبتها بالفوتوشوب الاول |
ولا فوتو شوب ولا بتاع ..
احنا بتوع السبق .. الجداول اهي يا جماعة .. جدول الفرقة الاولي .. مجموعة (ز) اللي هيا مجموعتي يعني السبت .. 3.30 : 5.00 ادارة د/هشام البحيري مدرج د السبت .. 5.00 : 6.30 سلوكية د/ هشام سيد مدرج د السبت 6.30 : 8.00 موارد د/ اشرف عبده مدرج د الأحد .. 12.30 : 2.00 رياضة د/ناشد عبد السلام مدرج د الأحد .. 2.00 : 3.30 موارد د/ اشرف عبده مدرج د الاثنين والثلاثاء .. اجازة .. ابسطوا يالا !! الاربعاء .. 8.00: 9.30 محاسبة .. د/ صبري العطار .. مدرج د الاربعاء .. 9.30 :11.00 ادارة .. د/ هشام البحيري .. مدرج د الاربعاء .. 11.00 : 12.30 .. سلوكية .. د/هشام سيد ..مدرج د الخميس .. 11.00 : 12.30 .. رياضة .. د/ ناشد عبد السلام .. مدرج د الخميس 12.30 : 2.00 محاسبة .. د/ صبري العطار .. مدرج د مجموعة (و) السبت .. 12.30 : 2.00 .. محاسبة .. د/ البشبيشي .. مدرج د السبت 2.00: 3.30 .. موارد .. د/محمد محسوب .. مدرج د الاحد .. 8.00 : 9.30 .. رياضة .. د/ على الديب .. مدرج د الاحد .. 9.30 : 11.00 .. سلوكية .. د/محمد المحمدي .. مدرج د الاحد .. 11.00 : 12.30 .. موارد .. د/عبد الغنى عبد العزيز .. مدرج د الاثنين .. اجازة .. الثلاثاء .. 8.00 : 9.30 .. سلوكية .. د/محمد المحمدي .. مدرج د الثلاثاء .. 9.30 : 11.00 .. إدارة .. د/ محمد عنتر .. مدرج د الخميس .. 3.30 : 5.00 .. إدارة .. د/محمد عنتر .. مدرج العيوطي الخميس .. 5.00 : 6.30 .. محاسبة .. د/البشبيشي .. مدرج العيوطي الخميس .. 6.30 : 8.00 .. رياضة .. د/ على الديب .. مدرج العيوطي انا قولت احط الجدولين دول كعرض اولي .. للناس اللي هيا موجودة فعليا في الموضوع .. هابقي انزلكوا باقي الجداول لو تحبوا .. وهابقي اديكوا تعليقات ان شاء الله على الدكاترة اللي هايدوكوا دول واحد واحد .. بس لاحقا ان شاء الله .. |
ايه ده يا فامباير هو ده الجدول بجد
ولا محرفه من عندك ولو الجدول نزل يا ريت تحط 2 (د) |
طب ما انا عندى اقتراح احسن يا جماعة ليه متعملوش موضوع جديد عشان الجدول دا ؟ هيكون احسن ومنظم ومُفيد اكتر وكمان عشان محدش يتوه ------- استفسار بسيط بقى بالمرة:huh: هو انتم بتجيبوا الجداول دى منين ؟؟؟؟:mellow: |
انا نزلتهم فى موضوع كامل :p
ومنظمين كمان لو عايز تنزل ابقى نزل الباقى هناك علشان انا نزلت اللى عندى :p |
اقتباس:
ياريت التعليقات على الدكاتره اللى هايدونا سنه اولى وشكراااااااااااااااااااااااااااااااااااااااااااااا اااااااا |
ايه ده مافيش ولا واحد تجاره انتظام ولا ايه؟
عموما هى فكرة موضوعك حلوه جدا واهنيك عليها |
منا هو انتظام معاكى وانا مش عجبك ولا ايه ياهند
احلى سلالالالالالالام منى ليكى علشان انتى انتظام |
ايه ده لقيت حد انتظام معايا
طب الحمد لله |
اييييييه .. مش مكفيكي ندا وبندق ؟!
وعايزة كمان هند ؟! .. وربنا دا ظلم بقي واااااااااااااااااااااااء لا وكمان معاكي في المجموعة ؟ .. لا دا حرام بجد .. |
اقتباس:
تابع معانا الموضوع .. واللي يجيبه ربنا خير .. |
ما انا معاك يا فامبير عايز ايه تانى
وحاول كده تجيبلنا بيان بالدكترة الحلوين اللى يا رب يكونوا بيدونى |
| جميع الأوقات بتوقيت GMT +2. الساعة الآن 11:57 AM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.