|
السلام عليكم
انا طبعا قرأت الموضوع وفعلا جزاكم الله خير على المجهود الرائع ده انا عايزة اقولكم اد ايه الواحد بيفرح لما حد يدله على الطريق الصح مشكلتى ان انا لسه مخلصة اولى ثانوى وانا ان شاء الله داخلة علمى علوم عايزة اعرف ايه اللى المفروض اعمله عشان ربنا يوفقنى واكتر حاجة بتضايقنى انى مش بعرف انظم وقتى ومش بحب اقعد على المذاكرة متواصل واكتر مادة مضيقانى هيه العربــــــــــــى بجد مش بحبها خالص لانها كلها حفظ وشكرا اوى على مساعدتكم |
اقتباس:
بجد الوقت ضيق اوى ومش قادرة ارد عليكى بس جيبتلك موضوعين لدوكتر سعيد اعتقد هاينفعوكى ف مذاكرة الفيزيا والاحياء --- من بداية العام كيف تذاكر الفيزياء للحصول على الدرجات النهائية بمشيئة الله تعالى من بداية العام.كيف تذاكر الاحياء لكى تحصل على الدرجات النهائية بأذن الله --- وربنا يوفقك :) |
اقتباس:
فيه مراجعة ادب 6 ورقات لسة شايفاها دلوقتى عالمنتدى اعتقد ان فيها اهم الاسئلة ممكن بعد ما تخلص مذاكرة الادب تراجعها وتركز عالحاجات الموجودة دى - انا هاعمل كدة - ده اللينك http://www.thanwya.com/vb/showthread...wpost&t=124660 |
شكرًا لمساعداتك و زى مقولتلك ركز فى مذاكرتك و ميهمناش أكتر من أنك كويس
|
السلام عليكم ورحمة الله
انا السنة الجاية رايحة تانية ان شاء الله واخترت علمي انا تبسطت اوي لما لقيت الموضوع دا لاني بجد كنت بدور علي حد عندو تجربة عشان يساعدني انا هتعبكم معايا اصل معايا اسئلة كتير استحملوني بقي انا كنت عاوزة اعرف طرق مذاكرتكم ؟ يعني بتبداوا من امتي الدروس وهل دا بياثر في تقفيل المنهج ؟ وهل بتهتما بالمرسة ولا بالدروس اكتر؟ والواحد لازم يذاكر كام ساعة في اليوم؟ وكمان امتي الوقت المناسب للمذاكرة واما تحسوا بالملل كنتو بتعملو ايه؟ اتمني تساعدوني |
اقتباس:
الحاجة اللى عايزة اقولهالك دلوقتى ماتفكريش بدرى اوى كدة يا بنتى ريحى شوية و have fun يعنى الاجازة دى مش هاتشوفيها كتير بعد كدة :d باهزر معاكى بس فعلا ارتاحى شوية وماتفكريش كتير .. لسة شهرين كاملين انا بجد عايزة ارد عليكى لكن وعد .. ارد عليكى لما اخلص امتحانات :( |
اقتباس:
|
انا دخلة ان شاء الله تانية ثانوى ونفسى حد يساعدنى فى تنظيم وقتى وانا اكون له مشكورة:022yb4:
|
السلام عليكم
انا ان شاء الله داخله تانية ثانوى وجايبه والحمد لله مجموع كويس فى اولى الترم الاول لسه الترم التانى ربنا يستر واجيب فيه درجة كويسة انا عايزه ان شاء الله ادخل علمى وعايزه انى اكون من الاوائل لانى مش بحب اكتفى بالنجاح او "" انك تعدى وخلاص "" بس اكتر حاجة بتضايقنى ان الناس بتقول على امتحانات الثانوية العامة صعبة وبتيجى معقدة جدااااااااااااااا وانا خايفة بالرغم ان الواحد جايب درجات الحمد لله كويسة فى اولى الا انه مش مطمن لان اولى مش مقياس لتانية صح ولا لأ ؟؟؟؟ وانا عايزه ادخل هندسة لانى مستتقلة طب وصيدلة: 7 سنين طب وصيدلة متعبه جدا اكتر من هندسة وانا احب ادرس هندسة ان شاء الله ونفسى تقولولى افضل اقسام هندسة للبنات ؟ وايه افضل الحلول ان الواحد ما يملش من عدد ساعات المذاكرة وكمان صح ان الاوائل على الجمهورية تقريبا ما كانوش بيناموا ؟؟؟؟!!!!!!!!! وجزاكم الله خيرا |
اه فى حاجة تانية
اثناء قرايتى لكلامكم لاقيت انكم بتتكلموا عن يوم راحة هل انتوا تقصدوا يوم راحة كاااااااااااااااااامل ؟؟ :excl::excl::excl: ولا تقصدوا يوم تكون فيه عدد ساعات المذاكرة اقل ولا ايه ؟؟؟؟ :bosyht9::bosyht9: ونظام المذاكرة والتطبيق السهر لحد الصبح والفجر هل ده حلو ولا ايه ؟؟ مع انى مش بتفق مع كده لانه بيتعب الجسم وبالتالى المخ مش هيقدر يستوعب كتير او بالقدر المطلوب وكأن الانسان بيجبر المخ انه يحفظ غصب عنه :abdoog8::abdoog8::abdoog8: ولكن بلا جدوى :angry2: !! هل كلامى صح ولا لأ ؟؟؟؟؟؟؟؟ |
انا شايف ان ألأسئلة مضمونها واحد وهو ان الواحد يزاكر ازاى ويعمل ايه ان شاء الرحمن من يوم 25 الشهر دةان شاء الله هتابع الموضوع وهارد بشكل تفصيلى على كل الاسئلة دى نسألكم الدعاء بالعلم والتوفيق |
بسم الله الرحمن الرحيم انا اسمي زهره 16 سنه وداخله 2 ثانوي وعاوزه اجيب مجموع عالي جدا ومش عارفه اعمل ايه وانظم وقتي ازاي وانا كمان متنساش اني هدخل ان شاء الله صيدله او هندسه فانا مش عارفه اتصرف ازاي ابدا ازاي وانا كمان ضعيفه في الفرنساوي في اولي ثنوي مش عارفه اعمل ايه ممكن تسعندي انا من البحيره
|
اقتباس:
أهلاً بيكى يا زهرة و ماتقلقيش ثانوية دى عسل :d بالنسبة للفرنساوى فا هو مادة لذيذة جداً وسهلة جداً بس محتاجة حفظ و فهم مع بعض بتهيقلى لما يكون مدرس المادة بتحبى شرحه وبتفهمى منه أكيد هتحبى المادة وهتبقى سهلة بالنسبة ليكى لإنى فى أولى كنت فاشلة بمعنى الكلمة فى الفرنساوى وكنت كرهاه جداً لكن لما دخلت تانية وغيرت المدرس بتاع المادة حسيت بفرق كبير جداً فحاولى تشوفى مدرس فرنساوى كويس تاخدى معاه و شيلى من نفسك وهم إنك ضعيفة ومش هتقدرى عليها و الكلام ده .. خليكى واثقة إنك لو حبتيها وذاكرتيها هتجيبى ال50 درجة بالنسبة لتنظيم الوقت و المذاكرة واضح إن معظم الناس بتسأل السؤال ده دكتور سعيد شاطر فى السؤال ده هيرد عليكم أحسن منى :bosyht9: و ربنا يوفقكم فى دراستكم وحياتكم يا رب و أفرح بمجامعكم الحلوة :d |
اقتباس:
هتكلم سريعاً كده عن نقط لازم تعملوها 1.العبادة والصلاة وطاعة ربنا ثم الوالدين مهمة جداً يا جماعة علشان ربنا يكرمكم فى الامتحانات و النتيجة 2.حددوا مكان هادى وترتاحوا فيه للمذاكرة لإن تغيير المكان بيشتت العقل 3.لازم تنظموا أكلكم كويس مش تقولوا إحنا هنذاكر وبس .. لأ طبعاً لازم تتغذوا كويس علشان عقلكم يفضل صاحى و يقدر يستوعب المعلومات 4.لازم تنظموا نومكم كويس لإن النوم القليل بيتعب الإنسان جداً وبيكون مرهق طول اليوم 7 ساعات نوم حلوين ليكم 5.تنظيم وقت المذاكرة و جدول المذاكرة .. هيتكلم عليها دك.سعيد إن شاء الله 6.ماتقنعوش نفسك إن الثانوية العامة صعبة و مستحيلة والكلام الكبير ده لإنى لا صعبة ولا مستحيلة ولا فيها حاجة .. كل شىء مع المذاكرة والمراجعة و تقوى ربنا أولاً و أخيراً هتكون سهلة و بسيطة 7.وقت البريك بتاعكم حاولوا تقضوه فى شىء يفيدكم .. يعنى إسألوا على أقاربكم أو جيرانكم أو أصحابكم .. إقروا كتب مفيدة فى المجال اللى بيفضله كل واحد فيكم .. ساعدوا أهل بيتكم فى أى حاجة محتاجنها دى لفتة سريعة عن حاجات مهمة لازم تنفذوها و ربنا يكرمكم و يوفقكم إلى ما فيه الخير بإذن الله |
مُعينات للتذكر
*مُعينات للتذكر .. أهمها :- 1.ضرورة بذل الجهد فى فهم المادة المراد حفظها . 2.ضرورة أن يترك الطالب فترة راحة بين تعلم أو حفظ أو إستذكار مادة و أخرى . 3.ضرورة مراجعة المادة المتعلمة بين الحين و الآخر و عدم تركها لفترات طويلة حتى لا تتحلل و تتلاشى من الذاكرة . 4.التركيز أثناء الاستذكار فى عملية التحصيل فقط . 5.تلخيص المادة المراد إستيعابها كتابةً . 6.تخصيص جزء من الوقت لتسميع ما حفظته أو تعلمته . 7.ينبغى أن تهتم بحضور المحاضرات و تعطى لها كل إنتباهك وتركيزك . 8.حاول أن تربط المعلومات التى تريد الإحتفاظ بها فى الذاكرة مع أخرى لتساندها أثناء التذكر . |
اقتباس:
شكرا جدا على ردك وربنا يباركلك ويبارك فيك كمان وان شاء الله ادخل هندسة وادخل وابشركم كمان وافرحكم معايا وكان نفسى الدكاترة او المهندسين يقولوا افضل اقسام كلية الهندسة للبنات ؟؟؟؟ وربنا يوفقكم يااااااااااااااااااااااااااااارب |
اه اسفه فى حاجة كنت عايزه اعقب عليها
اقتباس:
ياترى ممكن يكون فى طالب متفوق فى اولى وممكن يكون فاشل فى تانية ؟؟؟ لان حضرتك ذكرت فى كلامك ان العكس صحيح بردو ؟؟ اقتباس:
معلش طولت عليك حبيبتى :022yb4::022yb4::022yb4: |
لا يا جميل اللى كانوا متفوقين فى أولى و إتغيروا فى تانية وتالتة دا كان إستهتار منهم ماتقلقيش طالما انتى هتذاكرى و هتتابعى دروسك بإستمرار أكيد ربنا هيوفقك و هتكونى راضية عن مجموعك بإذن الله :) |
أنا بقى لسه داخلة تانية ثانوى ان شاء الله
واخترت كيمياء بس فى ناس كتييييير جدااااااا قالولى الاحياء صعبة مع الفيزياء فمحتارة اغير ولا ايه؟؟ ياترى ايه رأيكوا؟؟؟ |
اقتباس:
شوفى انتى قدراتك إيه .. هتقدرى على الاتنين مع بعض ولا لأ و طالما هتذاكرى و تهتمى بالمادتين إن شاء الله مفيش صعوبة هتقابلك سمعت إن الأحياء كبيرة شوية بس مادرستهاش علشان كده مقدرش أجاوبك على رأى المثل : إسأل مجرب و ماتسألش أسيل :d ربنا يوفقك يا رب .. و إن شاء الله حد ذو خبرة هيرد عليكى :bosyht9: |
اقتباس:
بصي يا دكتورة (إن شاء الله ;):d;)) الكيمياء في التانية أفضل من الأحياء وده يعني من واقع خبرتي معايا وأصحابي عشان 3 اسباب: اول سبب: معنى انك اخدتي احياء في تانية يبقى حصرتي نفسك في اختيارين يا إما علمي علوم او لاقدر الله ادبي (لاقدر الله عشان انتي مش عاوزة كده مش عشان ادبي وحش :o:d:o) وده معناه برضه انك مطالبة تجيبي في تانية فوق ال97 عشان تبقي في مرحلة الامان في تالته لو استمريت على نفس المستوى تحت ال97 دخلنا مرحلة قلق ومعظم اللي كانوا كده معرفوش يزيدوا في تالته :o:o انما لو اخدتي كيمياء وجبتي مثلا في حدود 94 او 95 قدامك هندسة وحاسبات وفنون جميلة وكده وفرص قدامك انما احياء خلاص حصرتي نفسك يا اما علمي علوم او احول ادبي لو حصل حاجة وحشة :(:( تاني سبب: الكيميا اسهل نسبيا من الاحياء (رغم اني جايب 49 ونص احياء و49 كيميا:bosyht9::bosyht9:) اسهل نسبيا يعني اسهل بالنسبة لطالب تانية اللي لسه داخل مرحلة جديدة بيتعامل مع وضع صعب يمكن ميعرفش يتأقلم معاه فالمدرسين بتوعاها بيراعوا ده وبيساعدوا الطلبة على كده انما مدرس الاحياء عارف انه مع طالب خبرة وشاطر وجايب قد كده في تانية :blush::blush: فبيبقى الاسهل كيميا طبعا حتعرفي تتأقلمي معاه ومش حتحسي بصعوبتها وساعات يعني الاحياء بتيجي على مواد تانية فتلاقي 50 احياء وباقي المواد درجات زفت :o:o:o:o تالت سبب: انك تمشي مع المعظم...يعني معظم الطلبة بتاخد احياء في تالته وكيمياء في تانية...كلهم نفس ظروف الامتحان والتصحيح والدرجات والتنسيق بعد كده انما قلبتي مثلا...مين عارف ييجي امتحان احياء صعب في تانية والكيمياء سهل والنسة اللي بعدها يقلبوا يبقى اخدتي الامتحانين الصعبين و زمايلك امتحانين سهلين ويمكن العكس :bosyht9::bosyht9::bosyht9: من واقع خبرتي واللي شوفته خلال سنتين كان معايا 6 صحابي عملوا كده زيك 1 في صيدلة و2 في علوم و2 بيطري وواحد قطع ورقة الاحصاء وبيعيدها لوحدها السنادي :(:(:(:( يعني ال6 معملوش اللي كان نفسهم فيه في حين السنادي عندي زميل في تالته جاب في تانية 98 وشغال كيميا السنادي كويس وربنا معاه ملخص كلامي::: خليكي ماشية زي الناس ومتحاوليش تمشي في خط تاني عشان اللي يجرى عليهم يجرى عليكي ومش حتفرق كيميا مع فيزياء ولا احياء مع فيزيا كحجم وترتييب وكده لانم ممكن تستهتري بالكيمياء في تالته وتهتمي بالفيزياء فتضيع الكيمياء :(:(:( و مجرد تفكيرك في انك تاخدي احياء في تانية كده معناه انك شاطرة وبتذاكري و حتعرفي تنظمي نفسك كويس و تجيبي مجموع كبير في تانية وتدخلي تالتة تحافظي على مجموعك ده كان ببساطة رأي شخصي ليا و طبعا الرأي الاخير ليكي ولأسرتك و استخيري ربنا وربنا يوفقك ان شاء الله :078111rg3::078111rg3::078111rg3: |
شكرا لاهتمامكوا.....
اقتباس:
اقتباس:
ميرسى جداااااااا على رأيك وهو مقنع جداااااااااا وشكرا لاهتمامك وربنا يوفقك وتجيب تقديرات عالية |
اقتباس:
سنة اولى مش مقياس لاني فاكر كنت جايب 265 حوالي يعني 88 في المية والحمد لله في ثانوية جبت 98 بالظبط الحمد لله فكل سنوات التعليم اللي فاتت حاجة والسنتين دول حاجة تانية خالص ممكن حد يبقى طالع اول مدرسته من اولى حضانة لاولى ثانوي وييجي في السنتين دول مع الضغط والمجهود اللي هيا متطلباه ميجبش مجموع لا قدر الله والعكس بيحصل ان ناس توصل لقمة تركيزها وتفوقها في السنتين دول وربنا معاكي ويوفقك :d:d:d |
جزاكم الله خيرا على ردودكم ومساعداتكم
جعلها الله فى ميزان حسناتكم |
السلام عليكم
كنت عايزه اسأل سؤال هو اقتصاد واحصاء امتحاناتهم وحشة ولا ايه ؟؟؟؟ وايه الافضل منهم اللى الواحد يقدر يقفله بسهوله ان شاء الله ؟؟؟؟؟؟؟؟؟؟؟؟؟؟ |
اقتباس:
بس لو انتى علمى و مالكيش فى الحفظ أوى أو مش بتحبى الأدبى خالص و مهاراتك فى الرياضة أحسن يبقى إعتمدى على الله و خدى إحصا و زى ما تيجى تيجى .. هى مادة جميلة بصراحة و لذيذة من رأيى لو السنة دى الاحصا جت صعبة و الفلسفة طلعت سهلة يبقى أفضل ليكى و أحسن تاخدى فلسفة عموماً إستشيرى برده اللى حواليكى و المدرسين بتوعك و إن شاء الله اللى ليكى نصيب فيه هتاخديه و ربنا يوفقك |
اقتباس:
علم النفس والاجتماع اسهل بكتير جدااااااااااااااا من الاحصاء و الاقتصاد حكاية الحفظ برضه حتبقي محتاجة تحفظي في الاقتصاد جامد زي علم النفس و الاحصاء امتحاناتها نصها على الاقل غلس مش مضمونة حتى لو شاطرة في الرياضة الاضمن بجد علم النفس :d:d:d:d |
اقتباس:
انا فعلا المدرسين اتكلموا وقالوا بتيجى امتحاناتها وحشة بس ده ما يمنعش ان فى ناس بيقفولها صح ولا لأ ؟؟؟ وان شاء الله ربنا يوفق جميع الطلبة |
اقتباس:
بس مش حفظ مادة كاملة زى علم النفس ؟؟ ولا ايه ؟؟؟؟ وياترى هى مادة لذيذة ولا رخمة ؟؟ وبارك الله فيكم جميعا |
اقتباس:
حتى وان كانت امتحاناتها صعبة الا ان كل الاسئلة بنكون اخدناها او موجودة فى دليل التقويم زى امتحاننا ومع ذلك ورغم ذلك انا عكيت فى الامتحان جدا:av4056bb7jp3: بس بعد الامتحان كانوا بيقولولى لو رجعتى تانى تاخدى ايه قولتيلهم اقتصاد واحصاء:bosyht9: اصلا الاقتصاد مفيد جدا كمعلومات يعنى عن نفسى عرفت حاجات كتير جدا لاول مرة وكذلك الاحصاء مفيدة برده انما علم النفس لا اعتقد طبعا الاقتصاد برده حفظ زى علم النفس بالنسبة للاحصاء حتى لو غلطتى فى مسائل الامتحان كلها لا قدر الله هتبقى عاملة خطوات صح او قوانين هتاخدى عليها درجات وتنقصى عالناتج الاخير انا اصلا فى امتحان الاحصاء مكانش عندى غير السؤال الاجبارى هو اللى صح :) السؤال التانى كان أ وب ب كانت غلط كلها من اولها لاخرها السؤال الثالث اول فقرة أ كان الناتج الاخير غلط والفقرة ب كنت اول مرة اشوفها الصراحة حليت فيها بس برده كانت غلط بس كان فيها خطوات وقوانين وكده السؤال الرابع بقى اول فقرة برده كلها غلط عشان مشفتش كلمة مختلفين المهم انى شفتها وانا بسلم للمراقب الورقة :( والفقرة ب كانت صح:av4056bb7jp3: ممكن تقدرى غلطاتى وتدينى كام فى هذا الامتحان؟ |
اقتباس:
يا رب ربنا يوفقك و يدلك على الخير .. صلى صلاة الاستخارة و فكرى كويس و سبيها على الله :bosyht9: |
اقتباس:
بصى انا اخويا بردو بيقولى خدى اقتصاد واحصاء ومعتمد ان فى ناس حلوا كويس (( اللى مفروض ابقى زيهم ان شاء الله )) بس اهو الواحد كان نفسهم ياخد حاجة مضمونة وكده بس انا بردو احترت كتيييير بين كلامك وكلام اسيل بعدك ربنا يباركلها بردو على اللى بتعملوا للطلبة فى الرد :022yb4::022yb4::022yb4::022yb4: وكنت عايزه اسألك سؤال يا طفلة الامس هو امتحانات الاحياء بتيجى سهلة ولا ايه ؟؟؟؟ انت مثلا جالك سهل ؟؟؟ اصلى محتارة ادخل هندسة ولا صيدلة ولا طب ؟؟ اه وحاجة كمان هو بعد الغلطات دى يا طفلة الامس انت جبتى كام فى الاقتصاد والاحصاء ؟؟؟؟ (( معلش رخامة منى ولو مش عايزه يا حبيبتى انا مش هزعل لان دى حاجة تخصك )) |
اقتباس:
زعلتينى والله يا اسيل بس بردو فى ناس بيقفلوا الاقتصاد والاحصاء :bosyht9::bosyht9::bosyht9: انت اخدتى علم نفس ؟؟ يعنى اخدتية بردو مادة ادبية ؟؟ مستنية ردك يا عسل وربنا يوفقك ياااااااااارب وادعولى ادخل هندسة عين شمس وشكرا جدااا على مساعدتك وربنا يقدر ان شاء الله اللى فيه الخير |
اقتباس:
اختى كان امتحانها اصعب امتحان فى السنوات الماضية لسنتنا وكانت جايبة الدرجة النهائية وصحبتى برده جايبة 50 بالنسبة للاحياء فهى جميلة جدا وممتعة فعلا وهتستفيدى منها كتير ولكنها طبعا قشور فقط:bosyht9: بس اذا كنتى بتحبى الرياضة فخليكى فى المجال اللى بتفضليه امتحاننا كان سهل ولكن كان طويل للغاية عبال ماخلصت الامتحان كانت ايدى هتقف من الكتابة بس نقصت فيها درجتين ونص معرفش ليه حتى الان؟ بس انا مش مسامحاهم ابدا فى درجاتى دى لان درجة الاحياء دى كانت بالنسبالى فعلا صدمة اقتباس:
انا كنت متخيلة مش هزيد عن 47 بالكتير اوى بس عشان انا تعبت اوى فيها كمذاكرة وحتى فى الامتحان عملت اللى اقدر عليه وربنا فعلا بيعوض ويستر ربنا يسترها السنة دى يارب:o:o |
اقتباس:
بصى يا طفلة انا مش حكاية احب الرياضة او كده بس انا لو المدرس كويس بحبها جدا لان مدرس عن مدرس يفرق يعنى انا كنت فى مرحلة الابتدائية بكره الرياضة لان المدرس - ربنا يسامحه - ما ماكانش بيشرح كويس بس فى الاعدادية حبيتها مدرسين كويسين وكده واولى ثانوى اول ترم كان كويس لكن تانى ترم فى الهندسة ظلمونى جدااا لانى كان المفروض انقص بالكتير درجة لكن حسبى الله ونعم الوكيل كان الامتحان تقريبا صعب جداااا وفى الاول هديت خاااااالص لحد ما خلصت الامتحان الا جزء بسيط وسبته وقلت ربنا هيعوضنى فى غيره وصحبتى بردو غلطت نفس الغلطة لكن ما نقصتش غير درجة تقولى ايه بقى ؟؟؟ :confused::confused::confused: طيب كنت عايزه اسألك سؤال يا طفلة الامس هل انت كنت بتاخدى طرس عربى او مثلا سنتر او كده ؟؟؟؟ لانى بصراحه معتمدة على نفسى فى العربى وعلى الكتبر الخارجية وعلى ربنا اولا واخيرا طبعا والحمد لله بجيب فيه درجات كويسه (( بس مش عارفه انا احل الامتحان كله صح وينقصوا 2 درجتين وكدة واراجع مع المدرس يقول ان شاء تنقصوا نص درجة تعبير او كده ربنا يهدى المصححين علينا ))) معلش طولت عليك يا قمر ما تنسيش تردى على سؤالى |
اقتباس:
لا شكر على واجب يا جميل ربنا يكرمك و يوفقك يا رب |
السلام عليكم ورحمة الله وبركاته وعدت انى أتكلم فى موضوع المذاكرة بالتفصيل وأرجوا ان الاخوة يعذرونى لأنى مش بدخل النت غير تخاطيف خاصة ان السنادى ان شاء الله ماعنديش اجازة أولا عشان نتكلم فى موضوع المذاكرة يبقى لازم نتكلم بنظام فى النقط التالية وانا هاتكلم أكتر على الجانب العلمى (رياضة وعلوم) أولا ازاى أعرف قدراتى العقلية وأوظفها فى كل مادة؟ ثانيا ازاى كل مادة أجيب فيها الدرجة النهائية؟ ثالثا ازاى أذاكر بوجه عام وتقسيمة المواد؟ رابعا ازاى أخد وقت راحة كافى ان الواحد يفضل يذاكر طول السنة بأذن الله بمعدل ثابت؟ """""""""""""""""""""""""""" """""""""""" """ أول نقطتين متداخلتين الثانوية العامة فيها الاتى المرحلة الاولى عربى انجليزى فرنساوى رياضة 1 كيمياء أو أحياء ويستحسن كيمياء المرحلة الثانية عربى انجليزى فيزياء أحياء أو كيمياء رياضة 2 اقتصاد واحصاء أو مادة أدبية أخرى طبعا التركيز فى الثانوى بيكون على مواد الخمسين والى بيدى للمواد الصغيرة أكبر من حقها بينقص على الفاضى وذلك للاسباب التالية الانجليزى والعربى من المواد الى مهما تستفيض منها فهم واسعين جدا يعنى مافيش حد عارف كل كلام الانجليزى ومافيش واحد عارف كل قواعد النحو الا ناس نادرة بتكون اللغة عندهم ملكة المهم نبتدى ازاى أعرف قدراتى العقلية واستغلها على كل مادة أولا ربنا خلق العقول متفاوتة ودى لازم تاخد بالك منها كويس أوى وأهم صفات فى العقل الى تهمنا فى موضوعنا هو الاتى قوة الملاحظة سرعة الفهم سرعة الحفظ قوة الذاكرة لازم تعلم ان الله سبحانه وتعالى أعطى ليك عضويين للتفكير القلب والعقل فى الدراسة طبعا بتستخدم العقل أما القلب فهو الى بيوجه العقل المهم كل واحد بيكون عارف قدرته على الحفظ والفهم سرعة الحفظ انك تحفظ عن طريق سماع الشرح وقراءة الدرس باخذ فكرة كويسة عنه وحفظه بصورة مكثفة ويستحسن انك تذاكر الدرس فى يوميها هايوفر كتير أوى عليك أما سرعة الفهم دى بتكون ملكة انك تلاحظ مطاليب المسائل وتوظفها بسهولة ومهما كانت قدرة عقلك فلازم يكون عندك خلفية واسعة من المسائل والاسئلة عشان تقدر تحل فى أى مادة فيه مواد معينة بتفيد العقل زى القهوة مثلا بتزيد من التنبيه والخميرة بتزيد من قوة الذاكرة بشكل كبير ببساطة شديدة انت ممكن تعرف قوة حفظك انك تجيب سورتين من القران ويكونوا تقريبا متقاربين مثلا سورتى القيامة والانسان وتحفظ كل سورة بطريقة مختلفة الاولى تسمعها مرتين وتقرأها مرة وتوشف حفظت منها كام فى المية التانية انك تحاول تحفظها فقط عن طريق الحفظ من اول مرة وتشوف هاتلم منها بعد 3مرات كام فى المية لو كانت سرعة حفظك عالية فان الطريقة الاولى هاتكون الافضل والمناسبة ليك فى الحفظ لو كانت سرعة الحفظ متوسطة فالطريقة التانية هى الى هاتكون مناسبة ليك وسرعة الحفظ طبعا مهمة جدا وانك تعرف انك ازاى هتذاكر يعنى مثلا هاتيجى من الدرس تقراه الاول ولازم تكون مركز فيه ولا أن اعتمادك على الشرح هايكون قليل وانك بتقدر تحفظ لواحدك والدرس هايكون ليك مجرد متابعة عن نفسى كنت بعتمد على المدرس فى العربى بنسبة 70% أما باقى المواد فكنت بعتمد فيها على نفسى وماكنتش بختار غير المدرسين الى مش بيسألوا كتير ودى بتفرق من عقل لتانى لأن فيه ناس ماتعرفشى تذاكر الا لو كانت متابعة كويس جدا وفيه ناس لو اتفرض عليها نظام واحد للمتابعة ما تعرفشى تذاكر فلازم تحدد قدرتك فى الموضوع دة ودة بيبان ليك من أول شهر ثانيا حاول تختار المدرسين_ ان كنت هاتعتمد على الدروس_من الى غيرك أكدولك انهم ينفعوا ليك :::::::::::::::::::: نيجى للمادة الاولى العربى للمرحلة الاولى القراءة يستحسن تحفظها فى صورة أسئلة وأجوبة يعنى انا كنت بقسم الدرس عن مجموعة من الاسئلة أبقى عارف السؤال وعارف الاجابة بتاعته كويس ويستحسن لو اخدت فيه درس انك تروح لمدرس من الى بيحاولوا يحفظوا الطلبة فى الحصة هاتقولى صعبة هاقولك ولا صعبة ولا حاجة وصدقنى بتوفر جامد اوى عليك فى مذاكرة المادة ولازم تكييف مخك على المادة يعنى مش كل ما تذاكر عربى تقعد تقول انا مخنوق انا مش بعرف أحفظ مافيش حاجة اسمها ما بتعرفشى تحفظ لان مخك دة تركيبه معقد أكثر مما تتصور ويقدر يخزن معلومات لا حصر لها نيجى على الجزئية المهمة اوى فى العربى وهى النصوص النصوص خلاصتها انك تكون عارف معانيها طبعا كويس تانى حاجة الجماليات بتطلعها من البلاغة والحاجات الشاذة بتفهمها وتحفظها يعنى مثلا الاساليب الانشائية واستخدامتها هاتفضل ماشية معاك طول السنة وكذلك الاطناب الاستعارات ودى أكثر شىء طبعا التشبيه وأنواعه الحاجات دى يستحسن تكون عارفها بداية عشان تعرف تمشى كويس لأن الى بيحفظ الجماليات يبقى بيتعب عقله على الفاضى بحيث ان واحد يبص بس فيها يكون عارفها ويقرأ الجماليات يلاقيها ثبتت فى دماغه والتانى قاعد يحفظها ويقول اسلوب كذا غرضه كذا يفيد كذا ويقعد يحفظها يبقى بيضيع وقت على الفاضى أهم حاجة فى النصوص ودى بقولها للى عاوز يبقى متميز التعليق على النص ودى موجودة فى اخر كل درس فى كتاب الوزارة وأغلب المدرسين بيطنشوها والحمد لله ولكنها بتيجى للتمييز بين الطالب الفاهم والطالب الى كان بيذاكر نص مذاكرة وغالبيتها من الصعب تألف فيها فلازم تكون مذاكرها ولما هاتاخدوا النصوص هاتعرفوها زى ما بقولكم اخر كل درس تحت عنوان (التعليق) أوعى تهملها وسؤال النصوص بيكون زى أى سؤال فى العربى عادى سؤال معانى وجمع ومضاد والحاجات دى سؤال شرح ودة كله بياخد درجته سؤال جماليات أو تعليق لو كان من النصوص الحفظ فبيجيبلك معنى بيت او جزئية وتكتب ما يوافقها نيجى بقى للجزء الكبير الى درجته صغيرة القصة وهى فى تانية قصة محمود سيف الدين قطز ودى قصة غاية فى الروعة القصة عموما تذاكرها ازاى تقرأ أولا الفصل مرة او مرتين على حسب وقتك بحيث تكون القصة اترتبت فى عقلك فى صورة متسلسلة وبعد كدة تبتدى تعرف ازاى تجاوب على اسئلتها هاتقولى هى القصة بتتحفظ انا عن نفسى كنت بحفظها كما كتبت ودى بتختلف من واحد لتانى انا كان مستوايا فى العربى مش كويس او بمعنى أصح ماليش فى الاساليب الادبية عشان كدة بحفظ الحاجة بنصها اما لو عندك القدرة انك تكتب فى اى سؤال المعلومات الى هو عاوزها من غير ما تتوه المصحح يبقى كويس اوى طبعا المعانى لو عملت فيها ايه فهى كتير بس أهم حاجة يبقى عند القدرة انك تخمن المعنى من السياق العام وتحاول تكون حافظ المعانى الغريبة الى هى بمعنى أصح الكلمات الى عمرك ما شفتها قبل كدة انا عن نفسى مذكرتى كانت فيها معانى كتير فكنت بكتب كل معنى فوق الكلمة بحيث انى كل ما أعدى على القصة يكون المعنى فوق الكلمة عشان ما انساهوش ويكون حفظه كدة بتسلسل والعقل يعرف يستوعبه بدل ما تيجى اخر كل فصل تعمل جدول مرادف كذا كذا لا ركب المعنى مكان الكلمة فى الجملة وزى ما بقولك اكتبها فوقها وان شاء الله الطريقة هتلاقيها كويسة ومافيش حاجة أسمها أذاكر 8 فصول واسيب 8 الا لو كنت من الناس الى بتدخل على (التنشين) وساعتها مش تبقى طالب ثانوية عامة يبقى التعليم الفنى أحسن أما بقى قصة الايام فالجزء الاول سهل وبسيط وبتذاكرها كويس الجزء التانى مليان كلام على الفاضى والحشرات كانت بتشتغل طه حسين وعلى الحاج كان بيقعد يهزأ فيهم اما الجزء التالت فهو منظم شوية وطريقة مذاكرة القصة واحدة فى الاثنين بس قصة الايام طبعا معانيها غريبة شوية فبتركز عليها انا صراحة ما كنتش بطيق أشوف أسم الشخصية دى بس كنت بزاكرها مضطر فذاكرت نص الجزء التانى والجزء التالت فى اخر السنة ويستحسن فى تالتة مش تذاكر العربى أكتر من اللازم لأنه كبير وهياخد وقت أكبر من حجمه ذاكره بما ينفعك للحل فى الامتحان نيجى بقى للأدب ودة حفظ طبعا ومافيش فيه لف وأسئلته كلها معروفة أما النحو فهو يعتمد أولا على مذاكرة القواعد النحوية الثابته يعنى ما ياتى بعد هذا وهذة يعرب بدل مطلق كل شوية هاتقابلك والممنوع من الصرف والقواعد السابقة لازم تكون على دراية بيها غالبا فى تانية بيكون التركيز على أد القواعد الى عندك انما فى تالتة العملية بتكون أكثر تعمقا بس بردة بتبقى معروفة وسؤال المعجم بتكون انت معاك كدة زى جدول فيه الكلمات الشاذة وبتدرب عليه كويس حتة بقى أقعد ازاكر كام ساعة فى الدروس طبعا دة بتتوقف عليك انا العربى كنت بحفظه فى الدرس وبرجع أذاكر الدرس فى حدود ربع ساعة وكنت بكون حفظه كما كتب انما القصة كنت بديها أكتر من وقتها لأن الواحد كان بيدى فى تانية متسع زيادة أوى من الوقت للمزاكرة وحتة التنظيم دى لسة هانتكلم عليها :::::::::::::::::::::::::::::::::: رياضة 1 طبعا دى من المواد السهلة والى غالبية الناس بتجيب فيها 50 وهى بسيطة جدا انا عن نفسى بحب الرياضة جدا فكنت حليت كتاب لامى والمعاصر وطبعا دليل التقويم وكتاب الوزارة هما المصدريين الاساسين بس عموما لو انت بتابع الدرس بدرسه وبأسئلته وأفكاره يبقى كويس اوى وأحسن الافكار هى دليل التقويم وكتاب الوزارة كام مسئلة فى الكتاب كله مش مستاهلين لو عاوز تبقى مميز أوى فيها خلى ليك ملخص تحل منه بعد كل جزئية بتاخدها واحسنهم ولكنه صعب لامى بس الى فيها انك لو حليت كتاب زى لامى أى امتحان هاتشوفه هاتحس انه بيهزر معاك يعنى أتذكر انى فى امتحانات رياضة 1 لما المراقب ادالى ورقة الاسئلة قلتله هى دى بس قالى هى مش خمس أسئلة قلتله اه قالى تبقى كاملة كان الامتحان بيتحل فى ساعة بالكتير وقضى الامر على ذلك امتحانها بيبقى امتحانين كل امتحان 25 درجة بس هى مادة مضمونة بمشيئة الرحمن :::::::::::::::::::::::::::::::::::::::::: الانجليزى الانجليزى امتحانه طبعا حاجة والمنهج حاجة تانية فطبعا زى مانت متعود عادى تكون مذاكر الكلمات والقواعد لكل شبتر وتكون مدرب كويس على السؤالين الوحيدين الى بيجولك من الى انت مذاكرهم الى هم Choose وعليه أربع درجات وهما 16 جملة و Rewrite دول محتاجين فهم للقواعد أهم حاجة فى الانجليزى لتانية وتالتة التعبيرات وتركيبات الجمل تقريبا كلها موجودة فى كتاب اسمه سربرايز وبقيت الاسئلة بتعتمد على مقدار حفظك للكلمات فحاول تحفظ وتعدى على قطع كتير عشان تحفظ قدر كويس من الكلمات أما القصة فالسؤال والجواب أفضل طريقة لمذاكرتهم بعد بردة ما تكون قرئت الفصل مرة ولا مرتين لان دى عملية مهمة للمخ فى ترتيب المعلومات ::::::::::::::::::::::::::::::::::::::::::::::: الفرنساوى مادة سهلة ومالهاش طريقة معينة قواعدها سهلة فى المذاكرة وكلماتها مش صعبة زيها زى الانجليزى من حيث أنك تلم عدد كبير من الاسئلة والمعانى :::::::::::::::::::::::::::::::::::::::::: الكيمياء أفضل انك تاخدها فى تانية عشان ماحدش عارف الظروف لانك عارف انك فى دولة نامية مش قاعدين فى أمريكا يعنى بتعتمد على الكلية بشكل كبير أوى فى شغلك وفى حاجات تانية كتير أما حتة الفيزيا مع الاحياء صعبة انا شايف انها عادى هو الافضل كمذاكرة وكتسهيل انك تاخد الفيزيا مع الكيميا بس ألأغلبية بياخدوا الكيميا فى تانية عشان علمى علوم طبعا تنسيقه أعلى من علمى رياضة المهم الكيميا مادة سهلة وجميلة جدا الباب الاول والتانى والتالت بيكونوا فى جيبك سهلين ومش عاوزين مجهود اوى بس اهم حاجة فى الكيميا دليل التقويم وكتاب الوزارة لانه غالبا من بيخرج عنهم أنا عن نفسى حليت فيها ملخصات كتير أوى أحسنهم طبعا الامتحان ومندليف وأفضل انك اخر السنة تجيب الماسى مراجعة الباب الرابع والخامس عاوزين مذاكرة كويسة انا عن نفسى كنت بعمل كدة نظام معين على حسب المدرس الى بيديلى انى كل يوم خميس بالليل براجع تلات ابواب من اول خمسة يعنى طبعا فضلت فترة كبيرة اراجع اول تلاتة على ما خلصتهم ولما خلصت الرابع والخامس كنت بمتحن فيهم كل اسبوع دى طريقة مش سهلة للى بيحب يراجع تبقى كويس أوى الباب السادس والسابع والتامن تفهمهم كويس وتحل اسئلتهم فى كتاب الوزارة والدليل والامتحان وكفاية اوى عليهم كدة مسائل على فكرة الكيميا صعبة مش سهلة كمادة علمية انما هى فى الثانوية سهلة يعنى ما تحسسشى نفسك انك هاتخترع فيها ذاكر من الملخصات الى بقولك عليها أحسن عشان ما تتوهشى فيها الباب الاخير وهو العضوية دة باب كويس عاوز حفظ بس خففوا منه كتير اوى يعنى لو تسمع اى حد كبير يقولك الباب دة ومش عارف ايه وغبى لا هو اتشال منه كتير اوى وكان الاول عليه 22 درجة وتقريبا بدأت تنزل لغاية ما وصلت لحد علمى على 14 وعلى فكرة توزيع الدرجات دة بيكون صحيح 100% مش تأليف ودة بينزل اخر السنة على غلاف كتاب الامتحان وتبقى فى مراجعة مستمرة علي الكيميا لأنها بتتنسى بسرعة وانا عامل موضوع كامل عنها فى قسم الكيميا ::::::::::::::::::::::::::::::::::::::::::::: الاحياء الاحياء مادة جميلة جدا الى يقعد يقولك هى عاملة زى التاريخ فدة واحد مش بيفهم حاجة لأنها فعلا مادة صح فيها أخطاء علمية عارف بس دى مش شغلتك دلوقتى لأنك هاتتعب لو قعدت تدور فى الموضوع وطبعا موضوع بلا جدوى طبعا زى ما بيقولوا لا يفتى ومالك فى المدينة يعنى بمعنى أصح الاكثر قدرة على الكلام عن الاحياء فى الموقع الاستاذ الدكتور هشام هيبة والاستاذ جمال الشمارقة ودول ربنا جعلهم السبب الاول فى انى أجيب فيها درجة عالية انا عامل موضوع نقلا عن الدكتور هشام فيها فى قسم الاحياء كل الى فيها أعمل الى الدكتور هشام هايقولك أعمله ومش هاتقل عن 49 ان شاء الله ::::::::::::::::::::::::::::::::::::::::::: الفيزياء دى بردة ليها موضوع مطول فى قسم الفيزيا :::::::::::::::::::::::::::::::::::::: رياضة 2 طبعا مش محتاجة كلام أسئلة على اد ما تقدر وانا طبعا ماكنتش رياضة اتنين بس معروفة رياضة تبقى مسائل وطبعا هى عاوزة جهد كبير أكتر من أى مادة تانية عشان فروعها متعددة وطبعا مش هاعرف أتكلم فيها كتير لأنها مش اختصاصى :::::::::::::::::::::::::::::::::::::::::::: الاقتصاد والاحصاء أسهل مواد الثانوية العامة الاقتصاد دة تقريبا نص الباب الاول فى الاحياء يعنى حاجة كدة لعب عيال بمعنى أصح الاحصاء خلاصتها دليل التقويم وكتاب الوزارة وقضى الامر فيهم على ذلك ::::::::::::::::::::::::::::::::::::::::::: السؤال بقى ازاى اذاكر بوجه عام هاقولك يقول الله تعالى (وجعلنا الليل لباسا وجعلنا النهار معاشا) كل واحد متعود على وقت معين بيكون فايق فيه يعنى فيه ناس متعودة على السهر وفيه ناس متعودة تصحى من الفجر أحسن وقت للمذاكرة هو من بعد الفجر لصلاة الظهر هاتقولى المدرسة هاقولك لو بتاخد دروس يبقى المدرسة ضياع وقت كبير على الفاضى هايتقالك المنازل تصحيحهم وحش هاقولك الورق كله بيروح مع بعضه معدل النوم للانسان الطبيعى من 6 الى 10 بتعرفها بطريقة بسيطة جدا انك تنام فى يوم 6 ساعات ويوم 8 ويوم 9 مع العلم ان لو معدل نومك زاد عن معدلك الطبيعى هاتصحى تعبان جسمك مهدود بمعنى أصح وكذلك لو قل دماغك هاتبقى مش مركزة طبعا مع الدروس والتعب مش بينفع معدل معين الا انك احسن طريقة انك تقسم نومك 6 و 2 يبقى كويس اوى انا فيه أيام كنت بنام الساعة 9 وأصحى 3 وأيام تانية بسهر لغاية الساعة 7 الصبح وبصحى الظهر واذاكر وايام معينة وكانوا تلات اسابيع فى تانية كنت بنام فى اليوم 5 ساعات ساعتين بعد الفجر وتلاتة من الظهر للعصر بس قعدت بعدها تقريبا 3 أيام نايم أصحى أصلى وأنام تانى فحتة انك تذاكر أمتى مالهاش معدل معين مالهاش وقت معين ذاكر على قدر مانت بتاخد أى حاجة لاقيت نفسك مش فاكرها كويس سيبلها يوم الخميس بالليل ودة متعود عليها ان كل خميس كنت بسهره لغاية الضحى بس أهم حاجة فى تنظيم الوقت انك تخلى مواعيد الدروس متناسقة مش تبقى بين الدرس والتانى ساعة تروح فى ربع ساعة تقعد نص ساعة فاضى تروح التانى فى ربع ساعة يبقى الساعة راحت فى الهوا عن نفسى كنت بخلى الدروس ورا بعضها بس طبعا مش يكون أكتر من درسين ورا بعض والى تاخده تذاكره فى يومها انا عن نفسى ماكنشى ليا نظام ثابت انا كنت ماشى مع الدروس وكنت بعمل نظام مراجعة اى حد من أصحابى كان بيتزنق كنت بعمله جدول الجدول دة بيقوم على مذاكرة المنهج كله فى 15 يوم. مراجعة بمعنى أصح بس دة للى عاوز يلم لأنه ضاع منه فترات معينة عموما احنا معاكم من أول السنة أى حاجة وقفت عليكم قولوا على طول أى حد حصلتله ظروف بقى مضغوط فى مادة معينة يقول فى الموضوع لو حاجة ماينفعشى يقولها فى الموضوع ممكن على الرسايل الخاصة انما الايميل فهو مش بيتفتح والحمد لله المهم أى مشكلة وليها حل وما خلق الله داءا الا وخلق له الدواء المهم بقولها مرة واتنين الى تقابله أى مشكلة فى اى حاجة فى الدراسة فيه أى ظروف أثرت عليك مش تتردد وأسأل واحنا هنا اخوات فى الدين ولا نسالكم الا الدعاء ولا نرجوا منكم الا تكونوا موفقين بمشيئة الرحمن """""""""""""""""""""""""""""" """"""""""""""""" حاول يكون ليك يوم مذاكرتك فيه ما تزيدشى عن أربع ساعات ويكون اليوم دة تقريبا شبه خال من الدروس عشان دة يوفرلك انك طول السنة تذاكر بمعدل متوازن بدل ما تذاكر اسبوع وتزهق أسبوع وحتة الزهقان دى لو انت قريب من ربنا وبتذاكر لهدف سامى فى عقلك فمش هاتشعر بيها ان شاء الله :::::::::::::::::::::::::::::::::::::::::::::::::: ::::: اما حتة بقى أولى ثانوى انا أولى ثانوى دة كنت بصحى الفجر أسمع 3 خطب وأذاكرلى ساعتين أروح المدرسة لانها كانت الظهر واجى أنام شوية واذاكر ساعتين تانيية فأولى ثانوى دى مش مقياس نهائيا الا انها هاتفيدك فى الفرنساوى والانجليزى وناس كتير هتلاقيهم أوائل فى السنين الى فاتت وفى الاخر ما يدخلوش حاجة ودة لأن لكل سنة مذاكرتها مش معنى انك كنت الاول على المحافظة فى تالتة اعدادى انك هاتدخل تحل بمذاكرة فى السنة دى! وما تشغلوش بالكم بنقط مالهاش لازمة وما التوفيق الا من عند الله :::::::::::::::::::::::::::::::::::::::::::::::: وتذكر دائما قول سليمان عليه السلام ومن شكر فانما يشكر لنفسه ومن كفر فان الله غنى عن العالمين يعنى أنت لما بتصلى دة بيكون اولا واخيرا لاخرتك وبيترتب عليها توفيق فى حياتك (أفنجعل المجرمين كالمؤمنين مالكم كيف تحكمون) وحتة انك فقط تصلى عشان المذاكرة فلو انت بتصلى للسبب دة فقط مش هاقولك ما تصليش لأن الكلمة دى غلط جدا بس هاقولك راجع نفسك كويس اوى لأن الله يعلم ما فى نفسك وأنت لا تعلم مقدارك عند الله فسيقول عيسى عليه السلام لملك الملوك يوم القيامة (تعلم ما نفسى ولا أعلم ما فى نفسك) وممكن أنت أصلا مش تكون مؤمن بربنا وتؤمن بمعتقدات فاسدة ويكون معاك توفيق بردة بس دة توفيق استدراج واعلم أيضا ان من سنن الله فى الكون ان الذى يجتهد فله أجره وان كان كافرا والذى يخطأ فيتحمل عواقب عمله وان كان مؤمنا أبسط مثال اليهود أى نعم ليس لهم عقيدة ولكنهم اخذوا بكل مقومات الدنيا فأصبح العالم سياسيا فى قبضتهم :::::::::::::::::::::::::::::::::::::::::: نصايح عامة حتة بتيجى فى دماغ كثير من الطلبة (القدر) ويقول الى مكتوبلى مكتوبلى ماشى كلنا نؤمن بالقدر ولكن نؤمن أيضا بقول الله تعالى (ونفس وما سواها فألهمها فجورها وتقواها قد أفلح من زكاها وقد خاب من دساها) الحتة دة دون الخوض فى تفاصيلها ان الانسان (مسير وليس مخير) وان الكلية مكتوبة ليك مهما عملت فدة اعتقاد خاطىء حتة ان علم الله.المسبق بأنك ستدخل كلية كذا او هاتجيب كذا فدة من كمال صفات الله سبحانه وتعالى لأن الله يعلم ما كان وما هو كائن وما سيكون وما لم يكن لو كان كيف يكون لأن الله خلقك ويعلم من قبل ان يخلقك انك هتذاكر أد أيه وهتعمل مجهود ازاى يعنى انا مثلا فى سنة تانية ثانوى مدرس العربى قال لى من شهر اتنين انى مش هاقل عن 200 وأخى الكبير قبل النتيجة قالى انت هاتجيب فى حدود 200 جبت 200.5 هما مش فرضوا عليا مجموع ولكن من مجهودك بيبان مقدار مجموعك فأعمل قدر ما تستطيع وكن واثق ان الله من أسمائه الحسنى وصفاته العلى (العدل) حاجة تانية وهى الحسد والعين والكلام دة أولا كما قال النبى صلى الله عليه وسلم _العين حق) ولو سبق شىء القدر لسبقت العين القدر أو كما قال صلى الله عليه وسلم (ولو هنا للاستحالة) حتة بقى انك مش تظهر نفسك دة أمر كويس بس انا شايف انه مش ضرورى اوى بس حتة الكذب دى حاجة تانية خالص ومش ليها أى مبرر بس عموما عشان الناس تفهم ايه الفرق بين الحسد والعين وهما مثبوتان فى القران والسنة أولا الحسد او تمنى المرأ الشىء مع تمنى زواله عن الشخص المحسود يعنى انا شايف واحد بيذاكر أكتر منى أتمنى أنه مش يعرف يذاكر دة اسمه حسد وبيكون فى النفس (حقد) أما العين ان الانسان يشوفك فى مكانة معينة او فى فضل معين ولا يسمى باسم الله عليك يعنى لا يقول ما شاء الله لا قوة الا بالله ومن ثم فهى غالبا مش بتبقى مقصودة من حقك انك مش تبين كل مذاكرتك انما الكذب وانا مش بذاكر وانا مش عارف ايه فدى ليها حالتين الحالة الاولى انك تكون فعلا مش بتذاكر وانت بالحالة دى بتسوء من ثقتك بنفسك لأنك مش بتشجع نفسك بل بتحبطها والحالة الاخرى انك بتقول خالف ما تفعله ودة اسمه كذب وليس له مسمى اخر ومع تكرره يخشى عليك من أن تكتب عند الله من الكذابين وعلى فكرة انا عن نفسى مش كنت بخبى وماكنشى ليا فى الحاجات دى ومافرقتشى كتير أى نعم العين حق والحسد موجود انما زى ما النبى صلى الله عليه وسلم أثبت وجود العين فبين استحالة ان تسبق العين القدر لذلك استخدم الذى لا ينطق عن الهوى حرف (لو) ::::::::::::::::::::::::::::::: كن منظم بقدر امكانك وحاول يكون ليك كشكول اجندة اى حاجة تكتب فيها اى كلمة انجليزى جديدة عليك أى جملة عجبتك تعرف تكتبها فى البراجراف اى كلمة تقابلك من خارج المنهج فى الفرنساوى لو عملت كدة من أول السنة هاتيجى على شهر تلاتة هاتلاقى نفسك مرتاح جدا والى لازم تعرفه انك كل شغلك لنفسك أولا (من يجهد فانما يجهد لنفسه ان الله لغنى عن العالمين) اشتغل بضمير عشان ربنا يوفقك وكلمة اخيرة انا عن نفسى ما شفتش حد فى محيط زمايلى ودروسى واصحابى ذاكروا وعملوا الى عليهم الى ودخلوا الكليات الى كانوا عاوزينها وأى امتحان مهما كان فبيتحل امتحان الفيزيا والحمد لله خلصت الست أسئلة وراجعت منهم أربعة وطبعا كانت فيه مسائل جديدة عليا بس كله بيعدى بفضل الله ::::::::::::::::::::::::::::::::::::::::::::: وأعلم أن ما أصابك لم يكن ليخطأك وأن ما أخطأك لم يكن ليصيبك توكلوا على الله وأخذوا بالاسباب والله يعلم وانت لا تعلمون :::::::::::::::::::::::::::::::::::::::::::::::: وجزاكم الله خيرا فى امان الله |
جزاك الله خير د/ سعيد
بجد مش عارفة اشكر حضرتك ازاى على كلامك الرائع ده:078111rg3::078111rg3: انا استفد منه كتييييييييير جداااااااااااا (اللهم انى اسال الله لك أيمانا دائما.... وقلبا خاشعا وعلما نافعا.... ويقينا صادقا ودينا قيما....ودوام النجاة من كل بلية) جزاك الله خير... وجعله فى ميزان حسناتك |
ميرسى اوييييييييييي على النصايح الغالية دى وانا بعد اذنكوا عندى استفسارين و ياريت حد يرد عليا انا رايحة 2ثانوى انشاء اللة وعايزة اعرف اية الحاجات الى اراجع عليها من الحاجات الى خدتها السنين الى فاتت وهستفاد من مراجعتها فى الثانوية العامة و الاستفسار التانى اية افضل كتب خارجية فى العربى و الانجليزى و الفرنساوى ورياضة1 والكيمياء للصف 2الثانوى ومعلش طولت عليكوا :friendsxs3:
|
السلام عليكم ورحمة الله وبركاته
جزاك الله كل خير دكتور سعيد وفقك الله لما يحبه ويرضى فعلا مجهود كبيييييييييييييييييير وان شاء الله نتبع نصائحك خطوة بخطوة |
اقتباس:
و ركزى طبعاً على كتاب المدرسة و نماذج الوزارة لإن إمتحانات تانية بيجى منها كتير من كتاب المدرسة و نماذج الوزارة و ربنا يوفقك إن شاء الله |
اقتباس:
|
اقتباس:
بصى العربى أساسى تراجعى النحو .. لإنه مش هيتغير مجرد بس إن هيضاف عليكى دروس جديدة و فى 3 ثانوى هيبقى مقرر عليكى النحو من 5 إبتدائى ل3 ثانوى .. فا راجعى على قواعد النحو اللى أخدتيها كلها و النصوص طبعاً .. الصور والتشبيهات والكلام ده الانجليزى أكيد القواعد أساسية و راجعى الكلمات أكيد هتفيدك الفرنساوى راجعى على القواعد والكلمات اللى أخدتيها فى أولى الرياضة راجعى القوانين خصوصاً حساب المثلثات الكيميا دى عالم تانى بعيد عن اللى أخدتيه خالص أقولك على فكرة حلوة .. المنتدى هيفيدك .. شوفى كده ملازم المدرسين اللى هنا و الشرح والكلام ده مش لازم تذاكريه من دلوقتى بس إقريه و خدى فكرة عن المنهج .. أكيد هتستفيدى كتير |
اقتباس:
|
اقتباس:
لا شكر على واجب يا سكرة إحنا فى الخدمة و ربنا يكرمك و يوفقك بإذن الله |
انا عندى مشكلة وبتمنى ان حد يقولى اعمل اية انا من كيجى الى 1اعدادى كنت بحب المزاكرة اكتر من اى حاجة فى الدنيا و كنت دايما بطلع من الاوائل على المدرسة و النص درجة كنت بعد اعيط عليها لغايت مجت 2اعدادى و صحبت بنت مكانتش بتزاكر و كانت مهتمة بحاجات تانية ودخلتنى فى الحاجات الى هية مهتمة بيها و مبقتش ازاكر وبقيت بكرة حاجة اسمها مزاكرة مبقاش لية صبر اقعد على الكتاب 5دقايق وبقيت بنقص درجات كتير و مبقتش الدرجات الى بنقصها بتفرق معايا لغايت مالقيت الناس كلها ضدى اى حد يشوفنى يقولى انتى زكية و شاطرة لية بقي مستواكى كدة لغايت موقفت مع نفسى و قولت لنفسى لازم ارجع زى الاول احب المزاكرة و ازاكر بجد و اطلع زى الاول من الاوائل بس للاسف مبقتش بعرف ازاكر و لا بصبر على الكتاب انا رايحة 2ثانوى بأذن الله و خايفة افضل كدة مش عارفة ازاكر لان السنتين دول 2 و3 ثانوى اهم سنتين فى حيات اى حد علشان بتحدد الانسان دة هيبقى اية انا بجد يا جماعة حاسة انى فاشلة و مش هحقق حاجة فى حياتى لو سمحتوا حد يساعنى و يقولى اعمل اية علشان ارجع احب المزاكرة تانى و اجيب المجموع الى نفسى اجيبة و جزاكم الله كل خير :slap1qk6: |
اقتباس:
بصى مشكلتك نفس مشكلتى دلوقتى من ساعة مادخلت الجامعة نادر جداً إنى أذاكر بس ده الطبيعى لبتوع أولى جامعة .. الفشل راكبهم فى أول سنة :bosyht9: بس انتى طبعاً تختلفى لإنك داخلة ثانوية عامة .. على فكرة فى غلط كبير جداً من الأب و الأم إن يكون إبنهم أو بنتهم شاطرين أوى من صغرهم و يخلهم يهتموا بالمذكرة عن أى شىء فى الدنيا و غصب عن الإبن أو الإبنة إنه لما يلاقى حاجة ماشفهاش أو مايعرفهاش بيكون نفسه يجربها .. يعنى مثلاً ولد دحيح و ميه ميه و لقى أصحابه بيقولوله تعالى إلعب كورة و تجذبه أوى لإنه أول مرة يلعبها فا يتشد أوى ليها و يفضل مستمر فى اللعب و ينسى المذاكرة لأنه لقى متعته فى حاجة جديدة عليه .. و ده طبعاً غلط لإن ممكن لحظة التغيير دى تيجى فى مرحلة مهمة فى حياة الانسان زيك كده بس طبعاً أنا مش بعفيكى من المسئولية لإنك كنتى المفروض تاخدى بالك من مذاكرتك كل اللى أقدر أقولهولك ماتحسيش إنك داخلة تانية ثانوى ولا إنك هتذاكرى .. إعتبرى الكتب و المذكرات دى مجرد شىء بتقريه و حسى إنك مستمتعة أكنك ماسكة مجلة و بتقرى فيها و حاولى تقعدى وقت كبير فى المذاكرة .. يعنى لو هتقعدى ساعة قومى ريحى نفسك 10 دقايق مثلاً تريحى فيهم جسمك و تشربى أى عصير فرش أو شوية ميه ساقعة و إرجعى كملى مذاكرة و طبعاً الآذان بين كل صلاة وصلاة حوالى ساعتين فا أول ما يأذن للصلاة قومى إتوضى و صلى و إرجعى كملى هتلاقى فى فترات بريك كبيرة بين وقت المذاكرة و حاولى قبل ما تذاكرى تقرى أواخر البقرة و الكرسى و أذكار المذاكرة .. علشان شوشو مايلعبش فى دماغك و تجرى على التليفزيون ;):d ملحوظة صغنتوتة : كلمة " الله " ماتكتبهاش بال ت المربوطة إكتبيها بال هاء .. و إن شاء الله مش إنشاء الله هفضل أعلم فيكم لحد إمتى ؟؟:slap1qk6: إيه كل الرغى ده .. دوشتك أوى .. أنا عارفة :bosyht9: ربنا يوفق و يوفق كل الطلبة بإذن الله |
المذاكرة الفعالة
لتحقيق المذاكرة الفعالة التي تقودك بإذن الله إلى قمة النجاح والتفوق يجب أن تمر بالمراحل الأربع التالية: أولاً: القراءة الإجمالية للدرس : يجب أن تبدأ مذاكرتك بقراءة الدرس قراءة عامة بصورة إجمالية وسريعة للإلمام بمحتوياته وموضوعه، ويجب عليك اتباع الإرشادات التالية: 1. تقسيم الدرس إلى عناوين كبيرة رئيسية، وتقسيم كل عنوان رئيسي إلى عناوين فرعية أصغر منه، وحفظها لتكوين صورة إجمالية عامة عن الدرس في ذهنك وتحقيق الترابط بين أجزائه. 2. قراءة الدرس إجمالياً وبسرعة قبل الشروع في قراءته تفصيلياً ودراسته بإمعان، مما يساعد على سرعة الحفظ ويزيد القدرة على التركيز. 3. الإجابة عن بعض التدريبات العامة والأسئلة المباشرة حول الدرس. ثانياً: الحفظ والمذاكرة : القاعدة الذهبية لتحقيق أعلى الدرجات وأفضل النتائج في أي مادة هي: (أحفظ ثم أحفظ ثم أحفظ)، فرغم أهمية الفهم في عملية المذاكرة إلا أنه مهما كانت قدرتك على الفهم فلابد أن تحفظ المعلومات التي سوف تضعها في الاختبار، وكثير من الطلبة الأذكياء يرجع فشلهم إلى اعتمادهم على الفهم فقط دون الحفظ، بعكس بعض الطلبة متوسطي الذكاء الذين استطاعوا التفوق في الاختبارات معتمدين على قدرتهم الفائقة على الحفظ وقليل من الفهم حتى في أدق المواد مثل الرياضيات!!؟… وفيما يلي إرشادات هامة تساعدك على الحفظ الجيد للمعلومات : 1. تعرف على النقاط الرئيسية في الدرس وضع خطاً تحتها وكرر قراءتها حتى تثبت في ذهنك وذاكرتك. 2. افهم القوانين والقواعد والمعادلات والنظريات …الخ فهماً جيداً ثم احفظها. 3. ضع أسئلة تلخص أجزاء الدرس المختلفة، ثم أجب عنها كتابة وشفهية. ثالثاً: التسميع : يعتقد كثير من الطلبة أن قراءة الدرس وفهمه ومحاولة حفظه تكفى، لكنه عندما يحاول إجابة أحد الأسئلة في الاختبارات فإنه يقف حائراً ويقول: (إني أعرفها وأفهمها) لكنه لا يستطيع الإجابة … ويرجع ذلك إلى إهماله لعملية التسميع وعدم إدراكه لأهميتها القصوى، وتتمثل أهمية التسميع فيما يلي: 1. التسميع يكشف لك مواضع ضعفك والأخطاء التي تقع فيها، فهو مرآة لذاكرتك. 2. هو الوسيلة القوية لتثبيت المعلومات وزيادة القدرة على تذكرها لفترة أطول. 3. أنه علاج ناجح للسرحان … فالطالب الذي يذاكر بدون تسميع ينسى بعد يوم واحد كمية تساوى ما ينساه الطالب الذي يقوم بالتسميع بعد 36 يوماً. وتختلف طرق التسميع باختلاف مادة الدراسة وطريق كل طالب في المذاكرة، ولكن أفضل طرق التسميع هي التي تشبه الطريقة التي سوف تستخدمها في الاختبار، ومن أهم طرق التسميع ما يلي: التسميع الشفوي : وهو أسهل وأسرع الطرق، ويجب ملاحظة ما يلي لتحقيق أفضل النتائج : 1. إذا كنت تسمع لنفسك يجب الرجوع إلى الكتاب في الأجزاء التي لا تتأكد منها. 2. التسميع مع أحد الزملاء أفضل من التسميع لنفسك. 3. التسميع في صورة مناقشة ومحاولة لشرح الدرس يعطى نتيجة أفضل. التسميع التحريري : وذلك بكتابة النقاط الرئيسية والقوانين والقواعد والرسوم التوضيحية وبياناتها الخ، ويتم التأكد مما تكتبه بالرجوع إلى الكتاب، ويجب عند الكتابة للتسميع ألاّ تهتم بتحسين الخط أو الترتيب والتنظيم، وإنما اكتب بسرعة وبخط كبير حتى تعتاد الجرأة في الكتابة والقدرة على تصحيح أخطائك. كم من الوقت تقضيه في التسميع ؟؟؟ يتوقف ذلك على طبيعة المادة التي تستذكرها، وذلك وفقاً للقواعد التالية: 1. إذا كانت المادة مفككة وغير واضحة فأنت تحتاج إلى 90 % من وقت المذاكرة للتسميع 2. إذا كانت المادة عبارة عن نظريات، معادلات، مصطلحات، تواريخ، قوانين، أسماء …الخ. فالتسميع هو العملية الأساسية في المذاكرة. 3. إذا كانت المادة أدبية كالاقتصاد والفلسفة وعلم النفس …الخ. فأنت تحتاج إلى 50 % من وقت المذاكرة للتسميع. رابعاً: المراجعة : للمراجعة فوائد كثيرة جداً أهمها تثبيت المعلومات، وسهولة استرجاعها مرة أخرى عندما تسأل فيها،كما أن مراجعة الدروس السابقة بانتظام يساعدك على فهم ما يستجد منها فهماً كاملاً وفى وقت أقل من سابقتها. كيف تراجع ؟؟ 1. لا تحاول مراجعة جميع الدروس دفعة واحدة وانما قسمها إلى مراحل متتابعة. 2. تصفح العناوين الكبيرة أولاً ثم العناوين الفرعية، مع محاولة تذكر النقاط الهامة. 3. حاول كتابة النقاط الرئيسية في الدرس والقوانين والمعادلات والقواعد وما شابهها. 4. أجب عن بعض الأسئلة الشاملة، ويفضل أن تكون من أسئلة الامتحانات السابقة. 5. يمكن أن تكون المراجعة في صورة جماعية من خلال طرح أسئلة والإجابة عليها مع بعض الزملاء مما يزيد من حماسك وقدرتك على التذكر والاسترجاع. متى تراجـــع ؟؟ قد يظن البعض أن المراجعة تكون في آخر العام أو قبل الامتحانات فقط، ولكن ذلك غير صحيح، فالمراجعة من أول العام الدراسي هامة جداً للتأكد من تثبيت المعلومات والقدرة على تذكرها، ولذلك يجب عليك اتباع الآتي : 1. مراجعة مادتين أو ثلاث على الأكثر كل أسبوع بحيث تستكمل مراجعة جميع المواد مرة كل شهر. 2. تخصيص يوم الإجازة الأسبوعي للمراجعة. 3. المراجعة قبل الامتحانات هامة جداً وضرورية لأنها مفتاح التفوق. نصـائح عامة للتفوق 1. حسّن علاقتك مع الله وتعرف إليه في أوقات رخائك حتى يقف بجانبك في أوقات شدتك وعند حاجتك إليه. 2. ثق في نفسك وفى عقلك وقدراتك، وتأكد أنك قادر على النجاح والتفوق فأنت لست أقل ممن سبقوك على طريق النجاح. 3. اجتهد في مذاكرتك وتأكد أن كل مجهود تبذله سيعود عليك بالنفع والخير لأن الله لا يضيع أجر من أحسن عملاً. 4. حدد هدفك في الحياة وضعه نصب عينيك، واجتهد في الوصول إليه بكل قوتك وإمكانياتك، حتى تنفع نفسك وأهلك ووطنك 5. استعن بالله ولا تعجز، وأعلم أن ما أصابك لم يكن ليخطئك، وأن ما أخطئك لم يكن ليصيبك، وأن الدنيا لو اجتمعت على أن يضروك بشيء لم يضروك إلا بشيء قد كتبه الله عليك، وأن الدنيا لو اجتمعت على أن ينفعوك بشيء ما نفعوك إلا بشيء قد كتبه الله لك . - تأكد من جدول الاختبارات قبل موعده بوقت كاف - لا تجهد نفسك قبل الاختبار وأهتم بغذائك - لا تكثر من المنبهات ولا تتناول الأدوية المسهرة فهى تضرك أكثر مما تفيدك - أعد أدواتك كل ليلة طبقاً لاختبار الغد. وخذ قسطاً كافياً من النوم قبل الاختبار لترتاح جسمياً ونفسياً وذهنياً وتركز في الاختبار - بكر في الذهاب إلى لجنة الاختبار، وقد أخذت ما يلزمك من أدوات، وأدخل الاختبار مستريح الجسم ، مطمئن النفس، واثقاً - أقرأ ورقة الأسئلة كلها جيداً بإمعان وهدوء ولا تتعجل في الإجابة،ولا تتردد عند الإجابة أو الاختيار حتى لا يضيع وقتك - قسم زمن الإجابة بين الأسئلة المطلوب الإجابة عليها، واترك بعض الوقت للمراجعة، ولا تغادر لجنة الاختبار قبل انتهاء الوقت - اترك فراغاً بعد إجابتك عن كل سؤال فربما تحتاج إلى زيادة شيء ما عند المراجعة - ابدأ بالإجابة عن الأسئلة السهلة، وتأكد من الأسئلة الإجبارية والاختيارية - يفضل أن تكتب مسودة للإجابة، وتأكد أن المصحح يرجع إليها أحياناً ويحتسب لك درجاتها - حدد المطلوب من السؤال بالضبط، وأجب على قدره، ورتب إجابتك في شكل عناصر وفقرات - إذا تذكرت نقطة متعلقة بسؤال آخر وأنت تجيب فسارع بكتابتها في المسودة قبل أن تنساها - لا تترك أي سؤال مطلوب منك إجابته دون أن تكتب فيه، وإذا لم تستطع الإجابة عن السؤال كله فأجب عن الجزء الذي تعرفه منه،فإن ذلك يحتسب لك في الدرجات - لا تخرج من لجنة الاختبار قبل أن تراجع إجاباتك فربما تكون قد نسيت شيئاً أو تتذكر شيئاً جديداً تضيفه للإجابة - اعتمد على نفسك ولا تحاول الغش، فمن غشنا ليس منا كما قال رسول الله، كما أن محاولاتك للغش تزيد من توترك و اضطرابك، وتشتت أفكارك، وتعرضك لإلغاء اختبارك والرسوب فأحذر أن تضيع نفسك - لا تترك أي سؤال مطلوب منك إجابته دون أن تكتب فيه، وإذا لم تستطع الإجابة عن السؤال كله فأجب عن الجزء الذي تعرفه منه،فإن ذلك يحتسب لك في الدرجات - تذكر أن وضوح خطك ونظافة كراسة الإجابة، وحسن تنظيم الإجابات وعرضها من أهم عوامل النجاح والتفوق كيف تقاوم النسيان وتقوى ذاكرتك اهتم علماء النفس بدراسة ظاهرة النسيان خاصة لدى الطلاب، وحددوا بعض القواعد التي تساعد على التغلب على النسيان وتعمل على تقوية القدرة على التذكر، وأهمها: 1. تعرف على النقاط الرئيسية في الدرس وضع خطاً تحتها وكرر قراءتها حتى تثبت في ذهنك وذاكرتك. 2. لا تذاكر وأنت مرهق فالتعب لا يساعد على تثبيت المعلومات فتنساها بسرعة. 3. قسم المواد الطويلة إلى وحدات متماسكة يسهل فهمها وحفظها كوحدة مترابطة. 4. ثق في نفسك وفى ذاكرتك واحفظ بسرعة. |
ميرسى جدااااا يا اسيل على النصايح الجامدة دى
|
اقتباس:
|
| جميع الأوقات بتوقيت GMT +2. الساعة الآن 04:30 PM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.