الاتنين صح يبني وبتاعة المدرس احسن
هو عملاق ولا عادي ؟

منا عارف ان الاتنين صح انا كان قصدي حاجة تانية .. مش مشكلة خلاص هبقي اخلي كتاب الامتحان ابص منه علي حاجات تانية مش لازم التعريفات

لو قصدك عملاق يعني معروف و جامد فهو عملاق جدا بصراحة
هو اصلا ماكانش بيدي في المنطقة هنا بس فيه سنتر في المنطقة طلبه بالاسم و وافق انه يدي كذا مجموعة عندنا و عامل جروب علي الفيس مقفول للطلبة اللي بتاخد عنده لو حد عايز يسأل في اي حاجة او في الواجب

هو موضوع التعريفات ابسط من كده يعني شوف التعريف ايه شدة التيار مثلا شوف القانون بتاعه ايه هتلاقي كمية كهربية على الزمن يبقى شدة التيار هي كمية الكهربية المارة عبر مقطع من موصل في زمن قدره 1 ثانية لكن لو التعريف تعريف وحدة يعني كولوم ابدأ باللي هي بتقيسه يبقى هي كمية الكهربية المارة وتجيب طرفين القانون التانيين اللي هم شدة التيار و الزمن تجبهم بالوحدات يبقى هي كمية الكهربية المارة عبر مقطع من موصل في زمن قدره 1 ثانية وينتج عنها شدة تيار 1 امبير
الصيغة دي بتاعتك يعني مش لازم تحفظ

انت برنس يابني والله انا كنت هقول كدا بالظبط ;)

هو امته لو قلي هات المقاومة احسب مكافئة المقاومات بس
وامته اضيف معاهم المقاومة الداخلية للعمود
هتكون صيغة السؤال اذاي فالحالتين ؟

تمام ، شكرا يا محمد
انا التعريفات ماعنديش مشكلة فيها يعني هي مشكلة المصدر بس اللي اراجع منه الصيغة ، بس انت وضحتلي الامور يعني انا كنت فاكر الامتحان بيبقي طالب صيغة زي صيغة رسمية كدا و اللي يقل عنها ينقص .. المهم سيبك خلاص
دي نفس طريقة كتاب الامتحان علي فكرة اللي انت قولته ده
انا لسه واخد قانون أوم النهاردة

المقاومة المكافئة دي اسمها المقاومة الخارجية لكن امتى تحسب وايه الصيغة دي على حسب يعني قانون اوم في اكتر من فكرة حتى لو حتفتح كتاب الامتحان حتلاقي المسائل متقسمة على حوالي 4 اجزاء

بص على مسالة مصر دور اول 2014 وهتعرف اصدي

بص انت الاول عن طريق المقارنة بشدة التيار الموجود حتقدر تعرف التوالي من التوازي وكده فحتلاقي مجموع شدة تيار اول مقاومتين 0.6 و مجموع شدة تيار المقاومتين الباقين 0.6 يبقي اول اتنين توازي و اخر اتنين توازي والتوازي توالي مع التوازي
بعد كده تجيب فرق الجهد عن طريق مبدأ ان فرق الجهد بيكون ثابت في التوصيل على التوازي يعني فرق الجهد بتاع R 1 و 2 متساوي وشدة التيار برضو متساوية يبقي اكيد المقاومة كمان متساوية تساوي 6
المقاومتين المتبقيين بقى متوصلين على التوازي يبقى فرق الجهد فيهم ثابت يبقى تقدر تجيب منهم المقاومة المتبقية هو فرق الجهد يساوي مقاومة في شدة تيار يعني 15 × 0.4 يساوي 6 وتجيب المقاومة المتبقية اقسم فرق الجهد ال 6 على شدة التيار ال0.2 تطلع 30
ظبط بقي وهات مقاوماتك المكافئة تساوي مقاومة خارجية + مقاومة داخلية
الخارجية حيبقي ال 2 التوازي ال 6 مع بعض يبقوا 3 و ال 15 وال 30 يعملوا 10 وصلهم توالي يبقم 3 و 10 = 13 دي المقاومة الخارجية بسس زود عليها الداخلية كمان يبقى بتساوي 14
القوة الدافعة الكهربية بقى حتساوي شدة التيار الكلي في المقاومة المكافئة اللي جبناها ب 14
شدة التيار من التوصيل اللي عملناه حتساوي 0.6 كانت متقسمة 0.3 مع 0.3 وطلعت اتجمعت 0.6 و طلعنا قسمناها تاني على 0.4 و على 0.2
اضرب بقى 14 × 0.6 يطلع الناتج 8.4
الامتحان بقى مجاوب كده وعامل اجابة اخرى الاجابة الاخرى دي متحددة بناء على توصيل تاني مختلف صح بس كده كفاية اوي فبصراحة اما جيت احلها اهملت خالص الحل التاني ومبصتلوش
يا رب تكون استفدت يعني :022yb4:

في حل تاني جه فبالي بس سخيف اوي بصراحة :d
القوة الدافعة الكهربية او فرق جهد البطارية ده عبارة عن فرق جهد كلي وفرق جهد مفقود صح ؟
فرق الجهد الكلي ده احنا جبنا فرق الجهد بتاع المقاومتين التانيين جبناه ب 6 بنفس الطريقة نجيب فرق الجهد بتاع المقاومتين الاولانيين يعني 6 × 0.3 حيساوي 1.8 يبقى فرق الجهد الكلي يساوي 7.8
فرق الجهد المفقود بقى اللي هو شدة التيار في المقاومة الداخلية فشدة التيار يساوي 0.6 و الداخلية تساوي 1 اضربهم يبقى 0.6
اجمع فرق الجهد الكلي و فرق الجهد المفقود 7.8 + 0.6 = 8.4 برضو
بس انا لو مكان المصحح احسبهالي غلط بصراحة حل رخم يعني :d

منا حلتها بس كانت تطلع معايا 13 ونفس الكلام مع الحل التاتي
بس فالاخر ببص فالاجابات لقيت اني نسيت اضيف الداخلية
عشان كده بسال

ايهما اجمل ولماذا ؟
مرت الليالى عليه رق - مرت عليه الليالى رق

ده رأىى
كأجمل : بيكون غالبا الى فيه أسلوب قصر وهى ( مرت عليه الليالى رق ) عن طريق تقديم ما حقه التأخير ( الجار والمجرور )

احنا على طول في اي سؤال زي كده بنفضل اللي فيه قصر بس مش عارف يعني بس ده احمد شوقي فممكن تكون فيه حاجة بلاغية فكلما مرت الليالي عليه رق خلت شوقي يقولها بالذات ان ده مكانش موضع نقد زي وطني لو شغلت و عصفت الصبا

يا دكاترة الدفعات اللي فاتت محدش يعرف الباشمهندس تيفا "Duke Tefa" مبقاش يفتح خالص ليه ؟
مفيش ولا واحد من رياضة بقي يفتح بعد الامتحانات خالص :/