بوابة الثانوية العامة المصرية

بوابة الثانوية العامة المصرية (https://www.thanwya.com/vb/index.php)
-   أرشيف المنتدى (https://www.thanwya.com/vb/forumdisplay.php?f=513)
-   -   جدول الثانوية العامة هل هو ظالم ام عادل ام !!! (https://www.thanwya.com/vb/showthread.php?t=119411)

yahiathanwya 30-04-2009 10:51 AM

طب والله جدول معدي على الأقل لبتاع رياضة اتنين إقتصاد و إحصاء و الطبيعي أصلاً إن رياضة ٢ يكونوا بياخدوا إقتصاد و إحصاء مش يبقى رياضة و خايف من الإحصاء يعني بس فعلاً بتوع علم نفس كمياء أو رياضة ٢ مظلومين أوي
بالتوفيق للكل إن شاء الله

Not Allowed 30-04-2009 12:56 PM

اقتباس:

المشاركة الأصلية كتبت بواسطة prof.ahmed4d (المشاركة 1197113)
هههههههههههههههه

No Comment

بصراحة الموضوع لغايت دلوقتى مفيد جدا جدا :049gc0:

والحمد لله استفدت منه حاجات كتير جدا جدا :040vk0:

لا وغير كدة عادى اضيع وقتى مش مشكلة يطقع الثانوية والى ايمتحنها :romarioxp6:

يلا كملوا كملوا رايكم ربنا يستر

قوموا ذاكروا بقى وكفاية والله حرام كل الوقت الى بيضيع ده

معطلكومشى بقى اخليكم تكملوا الدراسة اقصد رايكم في الظلم :078111rg3:

في رعاية الله

خلاص روح ذاكر يا حمادة :slap1qk6:

nothing 30-04-2009 09:12 PM

بصراحه انتوا صعبانين عليا اوى
بس خليكوا ايجابين شويه يا جماعه قوموا ذاكروا دلوقتى بدل الوقت اللى بيضيع منكوا ده
بجد انتوا محتاجين كل دقيقه وكمان انتوا تالته يعنى عايزين كل ربع درجه مش هاقول درجه لان كل دقيقه بتضيعوها بتحدد مصيركوا فى الاخر
وهانقعد نقول ظلم ظلم ولا حاجه هاتتغير فريحوا دماغكوا وقوموا ذاكروا احسنلكوا

la rouse 30-04-2009 10:57 PM

بصوا بقى ماتخافوش
ومتقلقوش نفسكم اتوكلوا على الله ولو عملتم اللي عليكم طول السنة متقلقوش
طب ما احنا السنة اللي فاتت قعدنا نصوت ونصوصو كمان من امتحان الفيزياء ولا حاجة حصلت !!!!:wacko:
يبقى ليه توتروا نفسكم من دلوقتي
حاولو تخلصوا وتراجعوا قبل دخول الامتحانات علشان ما تتزنقوش
ادعولي بقى امتحاناتي بعد اسبوع في الكلية والمادة 12 كتاب ايه رأيكوا إنتم بقى افقد الامل ؟؟؟؟:bosyht9:
ربنا معاكم ومعانا

محمد(o) 30-04-2009 11:09 PM

السلام عليكم :عاملين ايه يا جماعه مين مش عاجبه الجدول؟؟؟
امال لو كنت ازهر وفى تالته وبتمتحن كل يوم وعشرين ماده كنت قلت ايه انا تانيه ثانوى صحيح انا فى حاجه فى الجدول مش عجبانى لكن اهو ارحم من الازهر الى كل يوم دا انا تعبت تعب فى تالته اعدادى ازهر كان كل يوم بس ربنا ستر وربنا يستر واجيب مجموع فى الثانويه العامه والا همتحن تالته ازهر بقى والامر لله ادعولى يا جماعه اجيب مجموع فى الثانويه العامه علشان مرحش تالته ازهر واخير الحمد لله على كل حال ((استودعكم الله الذى لا تضيع ودائعه))سلاااااام اتمنى التوفيق للجميع

Rien 01-05-2009 01:02 AM

.. شوفتو جدول الامتحانات الرزل ده .. انتحر انا دلوقتى ولا اعمل ايه بالظبط !! ..
 
من غير سلام ولا كلام
عشان انا مش طايقة نفسى ومش قادرة استحمل اكتر من كدة
شوفتو الجدول ؟ اكيد طبعا آه
بجد ده غباء !!
مش معقول اللى بيحصل ده
ازاى هانلحق نراجع الجيولوجيا ف يومين
واحنا هانكون سايبين المادة بقالنا شهر ومش باصين فيها
دانا لما باسيبها اسبوع بالاقينى ناسية ومش فاكرة حاجة
لا وعلمى رياضة كمان ربنا معاهم بجد مش عارفة هايعملوا ايه
خصوصا اللى واخدين علم نفس
عندهم قبل الانجليش فرق يوم واحد
وبعد الفيزيا يوم فاضى
تانى يوم جبر
تانى يوم علم نفس
تانى يوم ميكانيكا
بقى الكلام ده يرضى ربنا ؟!
حرام اللى بيتعمل فينا ده
حرام حرام حرام
BRB
اما اروح ارمى نفسى من البلكونة وارجعلكو
:bosyht9:
***
حلو التعقيد اللى فوق ده
اى خدمة مش حارماكو من حاجة
اسلم بقى ..
مساء الخير او صباح النور .. اى حاجة تيجى معاكو
يا رب تكونو كويسين ومبسوطين ومش متضايقين ولا مخنوقين
دلوقتى يا شباب احنا النهاردة كام
1 / 5
يعنى قدام كل واحد فينا قبل الامتحان 43 يوم
الجدول واتحط
ومفيش واحد شوفته مبسوط من الجدول
وماتتخيلوش اننا لما نقعد نحرق ف دمنا ونتضايق
هانلاقى اونكل يسرى جاى يقولنا
" سورى يا جماعة انا اسف .. حطوا الجدول اللى انتو عايزينه بنفسكم "
:blush:
ولا هنلاقى نفسنا صعبنا عاللى حاطين الامتحان
ويقولوا " اما نغيرلهم الامتحانات اللى اتحطت بقالها اكتر من 3 شهور
ونديهم امتحانات خفيفة ولذيذة
عشان حرام .. كفاية عليهم الجدول الظالم ده
"
:blush:
مفيش حد هايتضر غيرنا
ومفيش حد اعصابه هاتبوظ غيرنا
ومفيش حد دمه هايتحرق غيرنا
ونبقى ولا عارفين نراجع ف الشهر ده
ولا ف ايام الامتحانات
والنتيجة معروفة
:angry2:
***
يا جماعة الدفعات اللى قبلنا مكانوش احسن مننا ف حاجة
ولا كان ليهم دماغين واحنا لينا دماغ واحدة
برضو جاتلهم جداول مقرفة وامتحانات زى الزفت
وحققوا اهدافهم ودخلوا كلياتهم
لمجرد انهم عملوا اللى عليهم
وراعوا ربنا ف اللى بيعملوه
واللى ماعملش كدة خسر هدفه وابتدى يحاول يدور على هدف تانى من جديد
احنا قدامنا 43 يوم
بالنسبة للى واخدين جيولوجيا .. من دلوقتى مايخلوش نص كلمة تفوتهم ف المنهج
كذلك باقى المواد
اعملوا اللى عليكو ف كل حاجة
وركزوا اوى اوى ف المواد اللى مضايقاكو ف الجدول
بحيث ان ايام الامتحانات تلاقوا نفسكو بتنجزوا ف المراجعة
وبجد حالات النسيان دى بتجيلنا كلنا
نحس اننا مش فاكرين ولا كلمة
بس قدام ورقة الاسئلة كل حاجة بتطلع
خليكم ايجابيين واتعبوا ف الشهر ده اوى اوى
عشان نفسكم
واكيد الكلام ده ليا وليكو وللدفعة اللى بعدنا واللى بعدها
اللى برضو هايجيلهم جدول وحش
ويعملوا زينا بالظبط
:d
انا دلوقتى مش مستنية نقاش ف الموضوع بجد
بالرغم من انى حاطاه ف العام
انا باكتب الكلام ده
عشان احتمال يكون سبب ان حد يبقى ايجابى ويحاول من جديد
يا جماعة دول 43 يوم
ده احنا عبرنا ف 6 ساعات شوفوا بقى هاتعملوا ايه ف 43 يوم
:d
واللى شايف انى غلطانة ومش بافهم
يا ريت يحتفظ برأيه العظيم لنفسه
ويحرمنا منه
:bosyht9:
***
وآسفة انى طولت
بس كان لازم اقول كل ده وحاولت اختصر على قد ماقدر
لانى رغاية طول عمرى طبعا
سلامو عليكو
:)

Messenger of Peace 01-05-2009 01:31 AM

43
http://img440.imageshack.us/img440/64/58696569yj2.gif






يااااااه لسة بادري

ربنا يوفقكم
بصي يا اخت رحمة
انتي وعدتنيا انك تخلصي السنة ديه ونشوف موهبتك
we wait u
http://www.thanwya.com/vb/showthread.php?t=98116

ده لينك موضوع فيه كله حاجة حصلت ليكم في السنة


في رعاية الله

محمود طلعت لاشين 01-05-2009 01:39 AM

والله دة حررراااااااااااااااااااااااااام يومين قبل الجيولوجيا

Rien 01-05-2009 01:58 AM

اقتباس:

المشاركة الأصلية كتبت بواسطة moaz1993 (المشاركة 1199799)
43
http://img440.imageshack.us/img440/64/58696569yj2.gif






يااااااه لسة بادري


لا طبعا مش لسة بدرى
بس الوقت كافى اننا نرتب نفسنا
ونظبط مذاكرتنا
وخصوصا ف المواد اللى شايفين انها مش واخدة حقها ف الجدول
:)
اقتباس:

المشاركة الأصلية كتبت بواسطة moaz1993 (المشاركة 1199799)
ربنا يوفقكم

آمين يا رب
ويوفق حضرتك
:)
اقتباس:

المشاركة الأصلية كتبت بواسطة moaz1993 (المشاركة 1199799)
بصي يا اخت رحمة
انتي وعدتنيا انك تخلصي السنة ديه ونشوف موهبتك
we wait u

مين اللى قال كدة امتى
:p
موهبة ايه اساسا
وبعدين اصلا اصلا
انا مش رحمة
هو كل يوم لازم اشوف رد فيه رحمة عشان اقول انى
رخااااامة
وبابقى منى بعد الضهر كدة
:d
عموما حااضر بجد وباذن الله لما اخلص هاشارك
اقتباس:

المشاركة الأصلية كتبت بواسطة moaz1993 (المشاركة 1199799)
http://www.thanwya.com/vb/showthread.php?t=98116

ده لينك موضوع فيه كله حاجة حصلت ليكم في السنة


في رعاية الله

اقتباس:

المشاركة الأصلية كتبت بواسطة moaz1993 (المشاركة 1199799)

شوفته
حلو اوى على فكرة
شكرا ليك

Sherif Elkhodary 01-05-2009 02:14 AM

السلام عليكم ورحمة الله وبركاته
ازيك يا اخت مني اخبار المذاكرة ايه ؟
ندخل في الموضوع
مش عارف ليه مكبرين الموضوع اوي كده ليه ؟
عن نفسي داخل علم نفس مع رياضة و عارف ان الجدول كده

لانه كان كده السنة اللي فاتت
مشوفتش حد شاف الجدول و قال الحمد لله
او قدر الله ماشاء فعل
خلاص الحمد لله علي كل شي
يوم واحد تقدري تراجعي فيه المنهج كله
انتي مش بتذاكري المنهج من تاني
لا انتي مجرد انك بتراجعيه يعني بتفتكريه
و علي فكرة لو جيتوا تبصوا بكل النواحي الجدول كويس اوي لكل الشعب
ماعدا طبعا رياضة بتوع علم نفس دول حالة شاذة
بس انا معاكي انه علي الاقل كان ساوي بين الادبي ورياضة وعلوم في الانجلش
ده علي الاقل في الانجلش بس
مش احنا يوم ونص و انتوا كام يوم
ده ظلم في الحتة دي اه لاننا بنمتحن عربي مع بعض وانجلش مع بعض بارده
و بعدين انا عاوز اعرف حاجة
ربنا ممكن يسهل والامتحانات دي تيجي سهلة صح ؟
زي واحد صاحبي من اول مشاف الجدول و هو قاعد بيعيط

مع انه مش علمي رياضة لا ده علوم و علم نفس يعني احلي جدول فينا كلنا
و بيعيط علشان خايف من الامتحانات
شوفتي الهنا اللي احنا فيه ؟
و الله يا جماعة سبوها علي الله
و اعملوا اللي عليكوا و اللي ربنا كاتبهولكوا هتاخدوا
لا اكتر ولا اقل
و ربنا يوفقنا جميعا و ندخل الكليات اللي عاوزين ندخلها
وفقنا الله و اياكم الي ما يحبه ويرضاه
والسلام عليكم ورحمة الله وبركاته
في امان الله



Rien 01-05-2009 03:07 AM

اقتباس:

المشاركة الأصلية كتبت بواسطة شريف الخضري (المشاركة 1199833)
السلام عليكم ورحمة الله وبركاته
ازيك يا اخت مني اخبار المذاكرة ايه ؟

الحمد لله ماشية كويس
يا رب انت كمان تكون بخير والمذاكرة ماشية تمام
اقتباس:

المشاركة الأصلية كتبت بواسطة شريف الخضري (المشاركة 1199833)
ندخل في الموضوع
مش عارف ليه مكبرين الموضوع اوي كده ليه ؟
عن نفسي داخل علم نفس مع رياضة و عارف ان الجدول كده

لانه كان كده السنة اللي فاتت

ممكن يكون الجدول مش حلو
والسنة اللى فاتت مكانش حلو
لكن بص للجانب المشرق ( خصوصا للى واخدين رياضة )
هاتقعد من يوم 29 / 6 لحد يوم 6 / 7 تذاكر مستوى رفيع وتربية وطنية
:d
اكيد مش ده خالص
بس لما بيكون الوقت قليل
بنبقى متحمسين ننجز عشان نلحق نخلص
اما الوقت الطويل
بيخلينا ناخد راحتنا ونضيع وقت كتير
اقتباس:

المشاركة الأصلية كتبت بواسطة شريف الخضري (المشاركة 1199833)
مشوفتش حد شاف الجدول و قال الحمد لله
او قدر الله ماشاء فعل
خلاص الحمد لله علي كل شي
يوم واحد تقدري تراجعي فيه المنهج كله
انتي مش بتذاكري المنهج من تاني
لا انتي مجرد انك بتراجعيه يعني بتفتكريه

اكيد الحمد لله على كل شئ
وفعلا معاك حق ان مهما كان الوقت صغير
المراجعة مش بتحتاج وقت كبير
لو مبنية على اساس صح ومذاكرة كويسة للمادة
هاتفتكر بمجرد انك تقرا تانى
حتى لو سايب المنهج بقالك شهور مش اسبوعين تلاتة
عشان كدة باقول دلوقتى ان قدامنا فرصة اخيرة
نظبط فيها مذاكرتنا ف المواد المضغوطة ف الجدول
عشان لما نيجى نراجع نفتكر بسهولة
ولو فضلنا حاطين ف دماغنا مش هانفتكر ومش هانلحق
القلق والخوف هايشغلنا ومش هايخلينا نعرف نتصرف صح
اقتباس:

المشاركة الأصلية كتبت بواسطة شريف الخضري (المشاركة 1199833)
و علي فكرة لو جيتوا تبصوا بكل النواحي الجدول كويس اوي لكل الشعب
ماعدا طبعا رياضة بتوع علم نفس دول حالة شاذة
بس انا معاكي انه علي الاقل كان ساوي بين الادبي ورياضة وعلوم في الانجلش
ده علي الاقل في الانجلش بس
مش احنا يوم ونص و انتوا كام يوم
ده ظلم في الحتة دي اه لاننا بنمتحن عربي مع بعض وانجلش مع بعض بارده

معاك حق المواد بتاعة رياضة مضغوطة كلها ورا بعض
احتمال لو كان قبل الانجليش 4 ايام زينا كنتوا قسمتوا وراجعتوا اى حاجة معاه
لانى ناوية احاول اعمل كدة ف الجيولوجيا
بس ان شاء الله هاتعدى
زى ما بتعدى كل سنة
;)
اقتباس:

المشاركة الأصلية كتبت بواسطة شريف الخضري (المشاركة 1199833)

اقتباس:

المشاركة الأصلية كتبت بواسطة شريف الخضري (المشاركة 1199833)
و بعدين انا عاوز اعرف حاجة
ربنا ممكن يسهل والامتحانات دي تيجي سهلة صح ؟
زي واحد صاحبي من اول مشاف الجدول و هو قاعد بيعيط

مع انه مش علمي رياضة لا ده علوم و علم نفس يعني احلي جدول فينا كلنا
و بيعيط علشان خايف من الامتحانات
شوفتي الهنا اللي احنا فيه ؟

ولو حتى الامتحانات جت صعبة
ما فيه برضو امتحانات جت صعبة السنة اللى فاتت
ومعظم الناس دخلت الكليات اللى عايزاها فعلا
ولو حد دخل كلية مكانش عايزها
ف ده عشان ربنا قدرله الخير هناك
وعشان ده احسن ليه
بجد الخوف الزايد ده مش كويس
ما هو لما نخاف مش هايفيد بحاجة
سواء كنا خايفين او قلقانين عاادى زى اى حد او مش هاممنا اصلا
هى هى الامتحانات اللى هاتيجى
وكل ما نقدر نتحكم ف اعصابنا
هانعرف نراجع كويس
ونحل كويس
اقتباس:

المشاركة الأصلية كتبت بواسطة شريف الخضري (المشاركة 1199833)
و الله يا جماعة سبوها علي الله
و اعملوا اللي عليكوا و اللي ربنا كاتبهولكوا هتاخدوا
لا اكتر ولا اقل
و ربنا يوفقنا جميعا و ندخل الكليات اللي عاوزين ندخلها
وفقنا الله و اياكم الي ما يحبه ويرضاه
والسلام عليكم ورحمة الله وبركاته
في امان الله

اكيد اللى ربنا عايزه هايكون
آميين يا رب
وعليكم السلام ورحمة الله وبركاته
شكرا لمرورك وردك يا شريف
بالتوفيق ان شاء الله
ربنا معاك

لؤلؤة 01-05-2009 03:40 AM

امم اهلا استاذة رخامة
انا معرفش الجدول ايه الصراحة
(مع العلم انا من بتوع رياضة اللي هايتعقدوا d:)
بس اهو انا اعتبر من اكبر المتفائلين في مصر
وبقول ان شاء الله هانجح وهاجيب تقدير
مش بقول كده ثقة من نفسي والله
انا بقول كده عشان التفاؤل بجد بجيب نفسية حلوة
على الاقل لو لا قدر الله ما جبتش مجموع
هاقول اديني عاديت سنه متافئلة d:
بس كده
ونقول سلام مؤقت ...

bosy .. mostafa 01-05-2009 04:48 AM

الجدول حلو بالنسبه لي (علمي علوج قصدي علوم)
بس الخوف من شكل الامتحان ايه
تعرفي الامتحان نفسه مش بيكون فيه حاجه
الفكره في نفسية الواحد بتكون 100 100 يوم الامتحان (شيلي رقم واحد من الرقم اللي فات ده)
يعني امتحان الكيمستري السنه اللي فاتت كان ممكن اقفله
بس ربنا يسامح جو اللجنه
كلهم كانوا بيشدوا في شعرهم و بيشتموا و يعيطوا و عربيات اسعاف راحه جايه
كل ده شتتني
بس اقول ايه قدر الله و ماشاء فعل
حقتهم يعملوا لي لجنه خاصه في الفيزيكس لو حصلت البلاوي دي تاني !!

شكراً يا قمري للموضوع

bosy .. mostafa 01-05-2009 04:50 AM

على الله بس بعد الجدول الامور ده الامتحانات تيجي عدله !

**تسابيح** 01-05-2009 08:57 AM

أنا كمان شايفة ان الجدول حلو(أصلي ادبي اللي فضلوه عن العلمي)
بس المشكلة اللي انا زعلانه عليه هو (المستوي الرفيع والتربية الوطنبه)
دا ظلم دا افتري هنذكرهم ازاي وانا ادامي نصف يوم وياريته يكمل
هههههههههههه
بتريق اوعي تأخذي ع كلامي
بجد ربنا يوفقنا كلنا
وان شاء الله الامتحانات تيجي سهله
وحتي لو جت صعبه (بعد الشر طبعا) هنحل بره
دا احنا اللي دهنا الهواء دوكوووووووووووووو
مش هنحل امتحانات ثانوية عامة
ميرسي ياكميلة ع الموضوع


جميع الأوقات بتوقيت GMT +2. الساعة الآن 09:16 AM.

Powered by vBulletin® Version 3.8.11
Copyright ©2000 - 2025, Jelsoft Enterprises Ltd.