هو والله انا مش عارف ابدأ منين
اولا انا معرفش ازاي تكلم بنت في حاجه زي دي
بس دي حريه شخصيه اعمل اللي انت عايزه انشاالله حتي...
ياع دي بتقولك بحب اتعاكس
علي فكره معني كدا انها مؤدبه
الحمد لله انها مش قالتلك بحب حاجه تانيه
بس تعرف ان موضوعك دا عايز دراسه جامده
يعني انه بيختلف من محافظه لمحافظه وكدا يعني
هفهمك قصدي ايه
يعني موضوع ان البنات تعاكس دا موجود بس بنسب متفاوته
يعني رقم واحد طبعا القاهره ثم المنصوره وطبعا انا مش هقولك ع المنصوره
بص عشان ملفش وادور كتير
زي مافي بنات ولاد....
في بنات كتير محترمه ياسلام
بس المشكله ان السيئه بتعم
مثلا يعني هو كل بنت تبصلها وتنزل عنيها تبقي زي ماصاحبتك قالت
بس سوري عشان هي مش محترمه ولو عايز تعرف ليه انها مش محترمه ابقي اقولك
عطتك وعطت الناس فكره ان كل البنات كدا
بص هو انا عندي كلام كتير والله بس نظرا لاني داخل من الموبايل
وايدي وجعتني فهكمل بعدين ان شاء الله
سلاااام
بالحق وجهت نظري فيك هبتدي اراجعها تاني

وبعدين نقول

" الحكومة هي السبب "
" رغيف العيش غالي "
" مش لاقيين ناكل "

أكيد الحكومة هي السبب في المعاكسات؟
ولا ايه رأيكم؟

وبعدين أي واحد بيعاكس فأنا أصنفه من درجة تفكير منخضة جدًا

أكيد لو غيرنا الحكومة المعاكسات هتروح؟ ياللي مش لاقيين رغيف العيش؟

في الصين الأولاد في المدارس بيخترعوا وبيشتغلوا علشان يتحملوا نفقة المدارس وفي آخر الدراسة يكون جمع له مبلغ محترم يشترك فيه مع زملائه في مشروع

مش يعاكس؟

لكن أكيد الحكومة هي السبب ..

[quote=براءة;257900]

ملحوظة : ع فاكرة انا والله كنت لابسة عباية سودة والطرحة سودة وفيها جزء صغير جدا بمبى والشنطة سودة والصندل اسود

هو ساب كل ده وبص لأمكانيات الصندل....واد قليل الأدب...ازاي بس يعاكس كدا في الشارع عادي...

لا حول ولا قوة الا بالله
 

و الله كلامك ده صح انا لسه اولى جامعه و الله استغربت من حال الرجاله و البنات و نظام الكابلات او الانتمه المنتشر فى الجامعه ده و لقيت العالم اللى حوليا يقولوا لازم تعرف تعاكس و انسى اى حياء عندك و حسسونى ان الحياء ده عيب فى زمان ده و لازما تعاكس البنات علشان تكلمهم و تعجبهم و بجد انا بدات اتاثر بكلامهم و لكن انا لما قرات موضوع امبارح على النت كانت واحده اللى كاتباه بتقول فين حقوقنا راحت فين و لا هى على الورق بس و اتكلمت على مكاسة البنات و ان ده بيقلل شعور البنات بالامن اللى من حقهم انا بامانه فكرت فى كلامها و اثر فيا اوى و قلت انا لما عاكس بنت و اضرها لدرجة انها ما تشرعش بالامان اللى هو حق ليها + انى شايف انى لما ارمى كلمه لواحخده ماشيه ده يعتبر تدخل و تطفل منى و بصراحه فى المنتدى اللى دخلته كان فيه تعصب كل البنات تقول المشكله فى الشباب هما اللى بيقلوا ادبهم و الرجاله بيقولو المشكله فى البنات هما المتبرجين اللى ما بيحترموش نفسهم و فيه منهم كتير بيعكسوا رجاله و عن تجارب شخصيه و فيه بنات تجى تكلم ولد و الله بتحاول تخترع مواضيع علشان تكلم الولد و ده انا متاكد منه و قبلت بنات فى الجامعه و بتسال الولد عن المحاضرات علشان تفتح كلام المشكله فى المجتمع فى الولاد و البنات لو كل حد احترم نفسه هنبقى كويسين و يا ساتر يارب لما بقى حد يشوف حد سايب دقنه و بيصلى فى الجامع و بيقول قال الله و قال الرسول يقوموا يبعدوا عنه و لو كانوا يعرفوه يقولوا ايه ده هو استشيخ كانها مصيبه و يبعدوا و يخافوا لحسن يكلمهم فى الدين
انا مش ملتحى لكن و الله بحب انى يكون ليا اصدقاء مقربين ليا متدينين لان المثل بيقول الصاحب ساحب لان انا لما عرف ولاد بيكلموا بنات يسحبونى لانى ابقى زيهم و لو صاحبت ناس متدينه هيسحبونى و ابقى زيهم على فكره مش اى حد بدقن يبقى اخوان
و فى الاخر لازم اقول ان لم تستح فاصنع ما شئت
و اه نسيت اقلكم حاجه و انا فى الجامعه و انا واقف مع صحابى الصايعين دول من كام يوم كانوا مشغلين اغنيه نازله جديد و بتقول ايه حبيبى على نياته فاكر ان البنات اخواته
امال هما ايه ده فيه حديث يقول النساء اشقاء الرجال
مش معناه انهما اخوات يعنى ما يتجوزوش لا معناه ان احنا نبص لهم على انهم اخواتنا زى استاذ الكمياء محمد عبد المنعم كن بيقول على البنات الاخوات الله يمسيه بالخير يعنى نخاف على مصالحهم و حقوقهم و منازيهمش و هما كمان كذلك يبصو لنا على اننا اخواتهم ما يخافوا على حقوننا و البنات اللى بتعاكس و فاكره نفسها روشه تتقى ربها ان احنا فى سن مراهقه و انا و الله عايز اكبر لانى حاسس ان عقلى لم ينضج بعد و حاسس ان مراهق دى شتيمه زى ما واحد يقوا يا مراهق.... باحتقار كده انا قبل ما ادخل الجامعه كان فيه موضوع فى المنتدى هنا اخت هى اللى كانت عملاه كانت بتحكى قصه فتاه كانت بتروح الجامع دروس و كان فيه ولد بيحاول يشغل انتباهها و لكنها ما ادلهوش اى اهتمام و اصرت على موقفها اسبشرت خير و لكنى لما نزلت الجامعه و شفت الاغلبيه كده و المواقف اللى قابلتنى هناك اكتابت من حال الشباب

ايه يا عمنا انت هتعمل زى بتوع الاخوان اى حاجه الحكومه هى السبب و رغيف العيش
السبب فينا احنا لو كل الناس بتسمع لناس زى الشيخ محمد بن حسان و بتطبق كلامه و بياثر فيهم و سابوا الاعلام البايظ اللى احنا فيه لو كل واحد عرف ان الحاجه دى حرام و معملهاش و قال سمعنا و اطعنا
كنا بقينا كويسين

هههههههههههههههههههه و الله فعلا تستاهل لانها حست ان هى ظريفه و روشه و ماتوقعتش ان راجل يعمل كده و الله فيها بنات للاسف لو الواحد ما عملش كده هتاخد عليه و هتحب تتريق عليه دايما و لكن فيه مشكله ان الراجل المفروض يبقى عنده شهامه و رجوله يعنى مستحيل يضرب بنت و لكن لو حصل معايا حاجه زى د\ى و الله لههزقها بتالكلام مش بالشتيمه و لكن ههحرجه ادام اللى ماشضيه معاهم و لدرجة انها مش هتطيق نفسها

والله موضوع جامد وانا قريته كله


ومن كتر التعليقات مش عارف اقول ايه

بس احكيلكم موقف صغير حصل معايا .. وانا مش بحكيه علشان امتدح نفسى او حاجة .. بس عايز اقول ان الواحد ممكن يقرر انه يعاكس او لا


انا كنت من حوالى اسوبع كده و راجع من سهرة جامدة مع اصحابى وكان الوقت تقريبا من 12 ونص لواحدة بالليل

والشوارع كانت فضيت لأن ليلتها كانت برد

المهم

انا ماشى ودخلت شارع وكان فاااضى خالص مفهيوش غير بنت واحدة ماشية .. وانا راكب عجلة

طبعا لو انا واد سيس .. كنت مش هلاقى احسن من الفرصة دى انى مش اعاكس .. ده انا كنت عملت حاجات اقذر من المعاكسة ..!

بس الحمدلله انا على ماعتقد محترم وابويا وامى ربونى كويس

قمت مشيت وعديتها وفضلت ماشى قدامها بمسافة كده .. علشان بس احسسها بالامان ان حد ماشى فى الشارع ..

لغاية ماجينا على شارع عمومى وكان فيه ناس وظباط مرور .. خلعت انا بقى على سكتى

اللى عايز اقوله ان الواحد المفروض ميعملش كده لو هو بيحترم نفسه

يعنى بجد الواحد لازم يخاف على اى بنت زى اخته بالظبط .. الا لو هى مش محترمة ينفضلها ويمشى احسن


طبعا الواحد لسة داخل جامعة .. والدنيا هيصة هناااك .. وربنا يولع فى العيال السيس المنتشرة دى

وبسس


ويارب يهدينا جميعا .. ياااااااارب

أنا رأى أنا الواد اللى بيعاكس ده يبقى واد سيس ومش محترم وفرفور وسيس . ويتاهل الضرب بالجزمة وانا مش باعكس لأنى لو شفت حد بيعاكس اخى هاقتله

مافيش واحده حلوة تعاكسني؟؟؟
اشمعنى انا

يظهر إنك مفهمتنيش كويس
أنا بس " أسخر " من اللي بيقولوا " الحكومة هي السبب "
حاول تقرأ الرد مرة تانية

نيس توبيك
شكرااااااااااااااااااااااااااااااااااااااااااااااا اااااااااا

اسلام انا فاكر الموضوع ده
وبالمناسبه بكرر شكرى انكما حذفتش موضوعى
طبعا منتاش فاكر اى حاجه

عموما يا سيدى
الله اعلم انت كنت كاتب الموضوع ده سنه كام
الزمن اتغير خلاص
مابقاش فيه حد بيعاكس حد
نظام المعاكسه ده اتلغى
التحرش دلوقتى بياخد حجمه فى المجتمع المصرى