اخت صديقى جت لها كلية التمريض جامعة الزقازيق وعملت تحويل الى كلية الطب البيطرى جامعة الاسماعيلية ومجموعها اكتر من مجموع كلية وتم رفض التحويل
فتهذب الى جامعة الزقازيق ام الى كلية الطب البيطرى جامعة الاسماعيلية وماهى الاوراق المطلوبة معها عند الذهاب الى الكلية

جامعة حلوان
الكلام دة من ع الموقع ؟!!!

ايه الكلام بقى ؟؟؟؟؟؟؟

انا بعد ما ملأت البيانات في التسجيل
بعدها بيوم لما جبت الاستعلام عن المدن الجامعية قالى

لم يتم مراجعة طلبك بعد

اعمل ايييه؟؟ خايفة ماتقبلش انا مجموعى مش عالىىىى؟؟؟

انا قدمت امبارح على حجز المدن الجامعية على النت وعندما ادخل لكى اعرف هل اتقبلت ام لا يقول لى لم يتم مراجعة طلبك بعد

انا عايزة اسال سؤال
هو انا ينفع اقدم فى المدينه وما اقعدش فيها الا لو عندى امتحان تانى يوم او اتاخرت فى الكليه
يعنى اروحها عند الضرورة بس اصل انا مش بحب المدينه ولا انى اقعد بارا البيت وعايزة اروح واجى
كل يوم بس بيقولولى انى هتعب خصوصا انى داخله هندسه وهضطر اروح كل يوم وكمان المواصلات
بين هنا وبورسعيد صعبه ومتعبه ومش عارفه بس فيه ناس قالولى اقدم وما اروحش المدينه الا لما احتاجها
يعنى لو اتاخرت فى الكليه ومش هعرف ارجع او لو عندى امتحان وعايزة اقعد هناك عشان الحق الامتحان الصبح
ياريت بعد اذنكم حد يرد عليا ضرورى بس يكون متاكد من كلامه
وشكرا ليكوا

طب انا جالى حاسبات حلوان وانا باقدم الطلب قالى الكلام دة
المستوى الاول
المستوى الثالثة
المستوى الثانية
نظم المعلومات
علوم حاسب

المفروض انى اختار حاجة منهم اختار ايه وايه دول اصلا

انا من الفيوم جتلى حاسبات حلوان وعملت تقليل اغتراب ورجعت الفيوم لكن انا عايز اروح القاهرة اعمل اية ؟؟؟؟؟

هل لازم اكون ساكن فى القاهرة ولا اية ؟ وهل لازم اجيب عقد سكن او وصل كهرباء ولا اية ؟؟؟

لأ ما ينفعش لسبب بسيط ان بيبقى ليكي ايام غياب (ده في المدينة اللي في كليتي)

ميرسى اوى على الرد انا كنت متوقعه كده برده ياريت لو حد تانى يعرف ياكدلى الكلام ده

يا جدعان حد يرد عليا صاحب الموضوع سايبه ليه ومش بيرد علينا

طيب يا جماااااااااعة حد يدلني بسرعة لو سمحتم انا جالي صيدلة اسيوط وانا من دمياط بس انا لسه مقدمتش اي ورق هناك في اسيوط ومستنية التحويل الورقي لان الالكتروني مقبلش اعمل ايه ينفع احجز المدينة من غير ما اقدم في الكلية ولا مينفعش بسرعة والنبي حد يجاوبني لان اخر ميعاد للمدينة الجامعية في اسيوط 30/8 وكدا مش هلحق لان التحويل الورقي لسه قدامه اكتر من اسبوعين يعني لبعد العيد اعمل ايه ينفع احجز علي النت الوقتي علي ما اشوف التحويل هيقبل ولا لا

هتلاقي على الرابط ده ارقام المدينة الجامعية بتاعت بورسعيد كلميهم و هما هيقولولك كل حاجة
http://www.psu.edu.eg/2010-08-09-11-49-28/housing.html