بوابة الثانوية العامة المصرية - وانا مالى انا عاوز اتجوز

بوابة الثانوية العامة المصرية (https://www.thanwya.com/vb/index.php)

- أرشيف المنتدى (https://www.thanwya.com/vb/forumdisplay.php?f=513)

- - وانا مالى انا عاوز اتجوز (https://www.thanwya.com/vb/showthread.php?t=69558)

اقتباس:

المشاركة الأصلية كتبت بواسطة biob (المشاركة 731460)

لا
اوعى تفهمنى غلط
اسلام
الجواز هو الطريقه الوحيده للعلاج من امراض الشباب دى

مش عارفه اسلا ماله معترض مده ليه
وانا معاك يابيوب ان الزواج علاج لكل الامراض اللى ظهرت فى عصرنا دا

اقتباس:

المشاركة الأصلية كتبت بواسطة الشفق الباكي (المشاركة 731447)

اسلام لو سمحت
اللى بيفكروا يستنوا الشغل ويستنى يستنى
بيتجوز وعنده حاجه وتلاتين وبصراحه بيتجوز بعد مااحلى فتره من حياته عدت
طب ليه مايتجوزش وهوصغير
والله تبقى احلى وعروسته هتكون صغيره زيه وهيقضوا احلى فتره فى حياتهم مع بعض
مش بعد مايكونوا زهقوا من الدنيا ويطلعوا زهقهم على بعض

متهيألك بس اسمعي كلامي .....كبيرها سنه..... وهو هيكون زهق منك...,,,وهيشوف صحابه عايشين حياتهم بالطول وبالعرض.....وكل يوم واحد فيهم يقابل دي ويعرف دي ويحب دي ويمشي مع دي......وفسح وخروجات.....وعيشه حريه بجد.......وياعيني ده هيبصلك....وطالع من دماغه كدا فقاعه زي الكاريكاتير وبيقول فيها....(((الله يخرب بيت اليوم اللي شوفتك فيه...ايه بس اللي رماني الرميه السوده دي ...ياااااااه فين ايام سوزي ومني وعبير ....الخ الخ الخ....العمر عدي بسرعه)))).......

اقتباس:

المشاركة الأصلية كتبت بواسطة moonlife (المشاركة 731393)

الحكاية مش حكاية جسم

الموضوع انه فى السن ده المفروض بيكون بداية لطريق طويل

يعنى استعدادا للمسئولية

وعلى فكرة

الرجولة مش بالعضلات

الرجولة بالاخلاق والاحترام والخوف على غيره واهل بيته

ههههههههههه
الراجل برعايته لبيته واسرته
على رايك

اقتباس:

المشاركة الأصلية كتبت بواسطة اسلام 2010 (المشاركة 731394)

هتعملو رابطه تسموها عايزين نتجوز......هههههههههههههههههههههه...المنتدي كدا هيتقلب....كل اللي هيدخل هيقول ايه المنتدي اللي اعضاءه تعبانين ده:lol::lol::lol::lol:

وماله يا اخى
مش حلال
ومين مش تعبان

اقتباس:

المشاركة الأصلية كتبت بواسطة اسلام 2010 (المشاركة 731473)

قول بقى انك عاوز تمشى مع دى وتكلم دى
تعرف اللى كده والله حتى لو اتجوز وهو عنده 30 سنه عمره ماهيعجبه الجواز ابدا
لانه متعود على التغير

اقتباس:

المشاركة الأصلية كتبت بواسطة اسلام 2010 (المشاركة 731408)

وانا اللي كنت مفكرك مؤدبه:lol::lol::lol:

بهزر علي فكره,,,

بيوب حرام عليك يابني ايه ده......داانت ياعيني خلصان خالص....شكل الدنيا جايبه عليها واطيها معاك.....بص يابيوب صلي انت بس ....وعدي فتره المراهقه دي.....وصدقني اول ماتوصل لسن 20 هتلاقي نفسك عادي خالص....ومش فارقه معاك....وهتعرف ان رأيك غلط في الجواز بدري

على فكره يا اسلام
اان مش قاعد ميت على نفسى ولا حاجه

ولا قاعدبجرى ورا بنات فى الشارع
بس انا افتكر ان كل الناس مش اقل منى
انت نفسك اكيد مش هترفض تتجوز
والا مش هتبقى طبيعى
وكلامى فى الموضوع ده
احسن من اننا نستخبى منه

اقتباس:

المشاركة الأصلية كتبت بواسطة biob (المشاركة 731474)

ههههههههههه
الراجل برعايته لبيته واسرته
على رايك

برافو يابيوب

بجد برافو يابيوب على اختيارك الموضوع

اقتباس:

المشاركة الأصلية كتبت بواسطة باسم باشا (المشاركة 731409)

هنعمل ايه بظبط وبعدين احنا محتجين مشتركين ومؤيدين واعضاء كتير معانا

وقائد طبعا مين موافق

الموافق يقول

انا موافق
وخلاص غصب عنكوا عينت نفسى العضو المنتدب

[/الظاهر كدة انا هاولك الحل روح اتحك على البت و اتجوزها عرفى و حط الحج فى الامر الواقع و تعلالى انا هصرف عليك انتا و هيا

اقتباس:

المشاركة الأصلية كتبت بواسطة withoutname2100 (المشاركة 731462)

طيب بزمتك يا رحمه لما يكون لسه شاب عنده قولي عشرين سنه واهل العروسه عاوزين حاجات منه مش ااقل من نص مليون جنيه..وهو ميكملش فجيبه خمسميه جنيه..ميبقاش غلبان؟؟؟دي مشكله جيل..صراحه المفروض سن الجواز الطبيعي فعلا تحت العشرين سنه..بس المشكله فالظروف اللي حولينا ..هي اللي غيرت فكرتنا عن الجواز..مثلا بيوب.. او اي شاب هنا..خلص ثانويه عامه..هل كان بيشتغل فالثانويه العامه عان يبقي معاه مصاريف للجواز..ولا لسه هيبدا يشتغل ..[دا لو هيتغل اثناء دراسته فالكليه]وياتري عايز كام سنه في ظل الظروف دي عشان يشتري ولو اوضه يعيش فيها هو وعروسته..وهل يا تري ضامن انه يقدر يصرف علي نفسه وعليها وعلي اولاده مستقبلا..لو حسبنا هنلاقي مثلا علي الاقل ولو ربنا كرمه والظروف ساعدته مش ااقل من تمن عشر سنين ..اواخر العشرينات يعني..يا جماعه الظروف اللي بنعشها دلوقتي غيرت ثوابت كتير فحياتنا ..زمان كان الولد بيشيل المسئوليه قبل ما يبلغ حتي ولما يبقي انسان بالغ بيجوزوه علطول لان النمو الفكري كان قبل النمو الجسماني غير ان متطلبات الجواز كانت اقل يدوب مكان ..مش مكان وتي في ودش وكمبيوتر وغساله فول اتومتيك الخ الخ من التعجيز..اما دلوقتي في ظل الفقر اللي احنا فيه اهل اي شاب بيعودوه من صغره لحد ما يخلص دراسه انه يعتمد عليهم وان مصاريفه عليهم واهم حاجه انه يكمل دراسته ويركز فيها علي اساس انه يطلع معاه شهاده عليا يشتغل بيها ..عندهم حق برده..فالمشكله ولا مشكله سن ولا مشكله جسم ولا عقل...المشكله مشكله بطاله وامكانيات ماديه ليس الا.....

وهو رايح يتقدم بال 500 جنيه ؟
بص انا مقتنعة بحاجة
احنا ف مجتمع مبيعترفش غير بالمتميزين
اى مجال ف مصر
لو فكرتله صح هتعرف توظف نفسك صح وتعلى بامكانياتك
عامتن انا مش ضد الفئة المطحونة
بس انا عن نفسي متمناش اكبر مع واحد ولما يعلى اوى
يرجع يفتكر ان السبب ف ده مراته
يبقي حاسس ان مراته اللى هيا النص الحلو بتاعه ليها فضل عليه
وكونه بقي شايف نفسه راااجل مينفعش يتقبل وضعه كده
فيقوم متجوز واحدة تعظم فيه
مش كله كده طبعا بس كتير كده
وبعدين بصرف النظر عن الماديات اللى انا مش شايفاها سبب لرفض اى عريس
فى صفات بجد لو موجودة ف اى حد اتقدملى هوافق ان شاء الله وبتبان من اول زيارة،،
وبردو انا مع حتة ان العريس بيبقي جاى ورافع مناخيره ف السما
يا عمى انا قررت احرر بنتك من ذل العذوبية :huh:

اقتباس:

المشاركة الأصلية كتبت بواسطة الشفق الباكي (المشاركة 731481)

والله بالعكس.....اللي يمشي مع دي ويعرف دي...يبقي عنده خبرات في الحياه....يعني دماغه خلاص نضجت.....هيعرف ازاي يعامل مراته وازاي يحافظ عليها كويس...وازاي يربي عياله ...انما هتتجوزي واحد لسه خام....بعد الجواز عينيه هتتفتح بقي.....وهيبتدي يشوف البنات بمنظور تاني....وعينه هتزوغ اما يشوف واحده احلي منك...وحاجات كتير ............تبقي اسألي اي حد كبير وانتي تتأكدي من الكلام ده

اقتباس:

المشاركة الأصلية كتبت بواسطة الشفق الباكي (المشاركة 731418)

ماشى يااسلام
على فكره ياجماعه انا اتهزات وانتو قاعدين

لا عاش ولا كان اللى يهزقك
بس الراجل قال انه بيهزر يا شفق
خلاص عديها بقى

اقتباس:

المشاركة الأصلية كتبت بواسطة نسمة هوى (المشاركة 731494)

لا طبعا اوعى تعمل كده
كده تبقى بتعمل مصيبه
احنا بنتكلم ياجماعه فى موضوع مهم مش مشكله واحد بس عاوز يتجوز وخلاص والسلام
دا جواز مش حط بابا قدام الامر الواقع

اقتباس:

المشاركة الأصلية كتبت بواسطة رحمة للعالمين (المشاركة 731423)

والله فى الاول و فى الاخر ده نصيب ومكتوب
وبعدين ما هما بيبقوا كحيانين
وواحدة زيى مثلا مستحيل تتجوز واحد مش حنين ورقيق _ وطبعا ده بعد الشروط الاساسية(ملتزم_فطرة طيبة_....)_
يعنى لو جالى واحد جاهز من مجاميعه بس مش حنين هرفضه طبعا
ده جواز و ف ايدى مسئولية عيله كاملة يا ابنيها صح من الاول يا هتفشل :mellow:

بس اكيدطبعا لازم يبقى كامل منمجاميعه الاول
يعنى لوحنين ومفيش معاه فلوس
هترفضيه
مظبوط ولا ايه رايك