|
لا مدام كلكم منتظرين التكمله يبقى اكمل بقه ....
انا اصلا اللي كان مدايقني اني لما كنت عضوه جديده وطلبت المساعده من كذا حد ملقيتش فيه تجاوب مع اني كنت اسمع عن المنتدى ده انو فظيع يعني وكان عندي درجة انبهار بيه فظيعه برضه وبدأ الانبهار ده يروح شويه بشويه لما طلعلي كذا عضو كده عاملين عليا شيوخ مع اني والله متدينه والحمد لله بدرجه كافيه ومش مستنيه توجيه منهم او كان ممكن التعامل يكون باسلوب افضل من كده كمان المواضيع بتاعتي يوم ورا التاني كانت بتتقفل من غير اسباب ... طب لما يقابلني ده كله وانالسه جديده طيب كنت هكمل ازاي .. بس لاني انسانه مغامره نوعا ما وعنيده جدا قررت انسى ده واكمل وبقيت عضو مجتهد والحمد لله عقبال ما ابقى قدوه ... بس الشهاده لله ( جايد ) برضه كان مزهقني في عشتي سابقا وهو ده كان سبب تحاملي على المشرفين بس لما اتعاملت معاه عرفت قد ايه هو طيب والله وكان بيساعدني ويجاوب على استفساراتي كلها ... ومن هنا اعلن اني استريحت بدرجة 80% .. بس فيه لسه قشور صغيره هي اللي مدايقاني وان شاء الله نناقشها برضه في مشاركات لاحقه ... اعرف رأيكم بقه ؟؟؟؟ في امان الله ... |
على فكره يا دريمر فعلا المنتدى هنا فيه شويه كده متدينين ودى حاجه كويسه وهما بس كانوا بيحاولوا يوجهوكى
وانا يا بنتى هديكى نصيحه عمر ابن الخطاب كان بيقول لو خاطبت جاهلا لغلبنى فلو انتوا الاتنين شايفين نفسكوا صح يبقى ريحى دماغك من النقاش ده واخرجى منه اما موضوع المشرفين ده فكله بصراحه بيتضايق لما يتحذفله موضوع او يمكن لما يتنقل او حاجه انا كده برضه بس كده كده المواضيع هتتحذف وكده كده المواضيع هتتنقل خلاص بقى يبقى لازم نشوف طريقه نريح بيها الكل ما تفاجأش العضو يا اخى ما تبعتله رساله خاصه وقولى انا هحذف موضوعك عشانكذا وكذا وكذا كده هيحس انك محترمهبداممفيش رساله اذاريه بعد الحذف يعنى انامره اسلام اللى انتى بتقولى عليه ده كنت عامل موضوع وكان مكرر وطبعا انتى عارفه ان المواضيع المكررهمن غير نقاش بتتحذف انا لقيته باعت رساله خاصه ليا بيقولى فيها على فكره موضوع ده مكرر امسحه ولا اضمه على الموضوع التانى والله العظيم يا ستى بعدهالومسحه ماكنت هزعل حسيت انه محترمنى بياخد رايي مش بيسلق بيض |
اقتباس:
|
رايي ومحدش يزعل منتدى الثانوية هو المنتدى الوحيد اللى انا بشارك فيه يوميا ومرتحتش غير فيه حتى شاركت ف منتديات لطلبة كليات الصيدلة بعد ما دخلت الكلية بس مش بدخلها يجى مرة ف الاسبوع بخصوص المشاكل اى منتدى فيه صحيح هى زايدة عن حدها بس المفروض نعذر المشرفين شوفو مسئولياتهم واللى بيواجهوه ولو عضو دخل عمل اى مشكلة واتأخروا شوية ف الحل بتلاقى الدنيا مقلوبة عليهم ولو استنو لما يتأكدو برضه الدنيا بتتقلب عليهم حلولهم انتو المشكلة دى فيها ايه يعنى لما يتوقف عضو لمدة يومين او تلاتة لحد ما المشكلة اللى عاملها تخلص؟ وليه اصلا عضو يقدم موضوع يثير الجدل ف المنتدى ويقلبه رأسا على عقب؟ لما تحصل لعضو مشكلة مع مشرف ولا حاجة يعصر ع نفسه لمونه ويكلم المشرف ده ع الخاص ويحاول يتفاهم معاه منفعش يبقى يكلم مشرف ادارى او حتى رئيس المنتدى (برده ع الخاص) ف النهاية يبقى يعمل الموضوع اللى نفسه فيه ما يمكن المشرف ده مخدش باله ؟ ولا يمكن انتو عملتو موضوع موجود قبل كده ومتعرفهوش ؟ مش ف ثوانى عشان اتنقله موضوع ولا اتحذف يجري يعمل موضوع ف قسم اقتراحات وحلول ويشتم ف المشرفين................... اللى انتو مش تعرفوه ان احسن حاجة لموضوع حصل فيه كلام كتير الغلق مش احسن ما نسيبه لحد ما تبقى الاعضاء كلها بتتخانق مع بعضها ونقعد نتفرج صدقونى المشكلة ف الاعضاء لو عضو اسلوبه كويس حتى لو فيه اختلاف ف الرأى مش هتحصل مشاكل وغلق ووقف بس العضو ساعة ما يشوف رأى مخالف لرايه يا داهية دقى بقى حكاية ان المشرفين بيعاملو صحابهم احسن من غيرهم ده لانهم اسسو معاهم المنتدى ده بصو لتواريخ انتسابكو (وانا معاكو) ولتواريخ انتساب الاعضاء دول للمنتدى ......... بجد الناس دى ادت للمنتدى واسسته ومن حقهم ان المشرفين يحترموهم ويعاملوهم احسن مننا لا دول يدولهم صلاحيات كمان مش عند باقى الاعضاء ملحوظة صغنتوتة انا لسة جديدة ف المنتدى بالنسبة للاعضاء القدام دول عشان كده مش بزعل من حاجة ولا اعرف مشرفين اداريين ولا غيره ولا حتى اعضاء كتير غير من مشاركاتهم وانا متاكدة ان غالبية المشرفين بيتقو الله ف المنتدى ده وفيه كمان مشرفين وقفو نفسهم بنفسهم وفيه مشرفين اداريين اتوقفو لعدة ايام من قبل مشرفين تانيين ينى محدش بيجامل حد ولا حاجة عندى ملحوظة للمشرفين ياريت حضراتكم تراعو انكو متتجاهلوش الاعضاء الجداد اللى زى حالتنا لان ده بيأثر ع مشاعرهم تجاهكو وكمان حاجة كاتبة الموضوع ده يا ريت حضرتك مش تنتقدى الاراء انتى طلبتى اننا نقول راينا وادينا قولنا بكل صراحة ومنغير خوف مش بقى الراى المخالف لرأيك يبقى وحش والباقى هما العاقلين واحنا المجانين في رعاية الله |
اقتباس:
اللهم انت حسبي ونعم وكيلي ... |
مشكله المنتدى ده إن مفيش حد مدى فرصه لحد يعرض وجهة نظره إن واحد قال يمين وواحد تانى قال شمال يبقى كده اللى معايا فى اليمين حبيبى واللى معاه فى الشمال دول جبهة الأعداء يعنى بمنتهى البساطه المنتدى متقسم لأحزاب كل حزب هدفه الأول والأخير إحباط الحزب المنافس وتشوه صورته وكل فرد فى الحزب بيحاول يبان إنه أكتر وعى من اللى معاه ويحاول يفرض عليهم سيترطه عشان يبان فى الكادر وده اللى الأعضاء بتوعه بيدخلو يقولو وراه آمين يعنى بيجتمعو كده فى الميل ويتفقو مع بعض الخناقه هتقوم من الركن العام حتى إقتراحات ومشاكل إنت عليك تعقد محمد وإنتى عليكى تأيدى كلامه وإنت عليك تدخل تهيص فى الزقه عاوزنها تبقى حرب هو عاملى فيا بيفهم وناصح أوى والله لنوريه بقى أنا المشرف يحذفلى موضوع إزاى ياخبر إسود إحنا وراه لحد ما نشله من الإشراف وأنا ده يرد عليا رد وحش أنا هكره فى المنتدى وهكذا وفى الآخر نعيب على الإداره ونعيب على بعض لو كل واحد خلاه فى نفسه وخلينا آرءنا حره وكل واحد بيفكر بعقله مش متوجه بعقل غير هنتغير كتير وفى النهايه ربنا يوفقكم |
اقتباس:
بس خايف اتوقف ولا حاجه ومش عاوز اقول كلام اتحاسب عليه وانا معنديش ادله بس كويس انك اجرأ منى بكتير |
ابسط رد عليك ياختى
انا ورايا غسيل والله ووراياخبيز خبز--عيش بيتى يعنى--وكعك وبسكويت ومنينبعجوه ماتيجى تساعدينى من الاخر كده المنتدى بتاعكم ده وقف حالى وخايفه ان زوجى يغير وبجد بيغير من المنتدى ده وكل شويه يجى يقرا اللى بكتبه ربنا يستر جميل بكل عيوبه رائع وممتع ومفيد ومحترم كفايه انى اتعرفت فيه على اناس يعطون بسخاء الكل يعطون بسخاء ممكن اضرب امثله امال --الليدر--ضبعون --احمد حجازى عبقرينو --حسب الله --الغلبان قوى------------------الخ معلهش اعذرونى الكل بجد والله بجد بحبكم فى الله ربنا يجعل القائمين على هذا المنتدى اعمالهم فى ميزان حسناتهم |
بجد منتدى روعة واعضائة ناس محترمة جدا وطاقم الادارة والمشرفين ناس بجد محترمين
بجد منتدى رائع.................................. بجد مشكور على الموضوع الرائع تقبل تحياتى |
اقتباس:
بس المفروض تقوللي مشكوره مش مشكور وتقبلي مش تقبل .. لاني بنت والله ... وع العموم انا تقبلت المرور ...والشكر لله ... |
اقتباس:
وبعدين كلامك للاعضاء اللى بينتقدو المشرفين بيبين كده تانى اسفة وجزاكى الله خيرا ع الموضوع ارجو متزعليش منى ع العيد |
اقتباس:
وكل سنه وانتي طيبه ... |
كنت اتمنى اكما قراءة فى الردود
لكن احب اقولك ان المنتدى جميل قوى بس اللى حصل انى اول مادخلته وده حوالى من 5 شهور كنت متعودة على ناس انى الاقيهم حاسة ان كلهم مشيوا(والله خلاص انا عيطت.....) لكن عارفة انا كنت بدخل مواضيع الاقى الاعضاء مش مستحملين راى بعض كله عايز يفرض رايه كمان المشرفين المفروض قبل الحذف يفهمونا ايه الغلط اللى هيتسبب فى قفله) اما نقل المواضيع دى لقيتها جميلة وبيهتموا بها طبعا المنتدى من الناحية الدراسية رائع لانى القيت عليه نظرة وخاصة فى الاحياء |
| جميع الأوقات بتوقيت GMT +2. الساعة الآن 12:22 PM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.