بوابة الثانوية العامة المصرية - وزارة مـــــ تــمــت ـــــا

اقتباس:

المشاركة الأصلية كتبت بواسطة اسيل رزق (المشاركة 847920)

السلام عليكم ورحمة الله وبركاته

أهلاً وسهلاً بكم أعزائى المشاهدين

اليوم بإذن الله سنبدأ أول حلقات برنامجنا وزارة ما تمت

لقد عين السيد رئيس جمهورية المنتدى الأستاذ عبقرينومان رئيس وزارء جديد اليوم

و هو أول رئيس وزراء فى برنامجنا

هو أ / أحمد رضا

أهلاً بيك فى البرنامج وفى الحكومة منورنا

اقتباس:

المشاركة الأصلية كتبت بواسطة ◄ Prof is Here ► (المشاركة 847924)

صباح القشطه

فتحتوا الوزارة الساعه كام
:d

واضح إن الحوار هيطلع زى الفل

تحت امرك يا فندم

الأمر لله وحده

وإنه لشرف ٍ لي ان اكون رئيسا للوزراء

اقدر اساعدك ؟

ربنا يطولنا فى عمر حضرتك

اقتباس:

المشاركة الأصلية كتبت بواسطة اسيل رزق (المشاركة 847933)

نبدأ أول سؤال

ونقول لسيادتك

إيه إحساسك لما وصلك خبر إن سيادة الرئيس إختارك رئيس وزراء للمنتدى ؟؟

ونرجو من السادة المشاهدين عدم الرد أثناء الحوار

و لو حد عايز يقول حاجة للأستاذ أحمد يبعتلنا رسالة خاصة ( لأسيل رزق ) بالكلام اللى عايز يقوله لسيادة رئيس الوزراء

اقتباس:

المشاركة الأصلية كتبت بواسطة ◄ Prof is Here ► (المشاركة 847944)

بداية ً أحب اشكر السيد الرئيس ( عبقرينو مان ) محدش يفهمني غلط
علي اختياره ليا
وإحساسي عادى يعني عشان مش بصحيح
بس احب اقولك لو كانت فعلا الظروف حقيقية
والافتراضات حقيقية
كنت هبقي مبسوط جدا لانها كانت هتبقي أول فرصه اني احقق ايجابيتي اللي برجو وبطمح إليها
:)

فـــاصـــل

اقتباس:

المشاركة الأصلية كتبت بواسطة اسيل رزق (المشاركة 849481)

أعزائى المشاهدين عدنا من جديد لنستكمل حوارنا مع أ.د/ أحمد رضا

واللى يحب يسأل سيادة رئيس الوزراء أى سؤال يبعتلى فى رسالة خاصة

أهلاً بيك مرة تانية يا سيادة رئيس الوزراء

إيه رأى حضرتك فى سياسة المنتدى قبل تعيينك رئيس وزارء المنتدى ؟؟

اقتباس:

المشاركة الأصلية كتبت بواسطة ◄ Prof is Here ► (المشاركة 849555)

السلام عليكم ورحمة الله وبركاته

اهلا وسهلا بيكي يا آنسه مها
والله بالنسبة لسياسة المنتدي فمرت بعدة مراحل

مرحلة الصوت الواحد : استاذ أشرف
مرحلة الديموقراطية المفروضة ( المتعبه ) : استاذ اشرف - استاذ عصام
مرحلة الديموقراطية المريحة : استاذ أشرف - استاذ عصام - استاذ حسام

طبعا سياسة المنتدي في المرحلة الأولي كانت قايمه علي التنفيض والتطنيش وكان الحمل كله علي استاذ أشرف واللي كان مخلي الحمل الاضعاف .. معرفة الناس بالمشاكل اللي حصلت من استاذ أشرف في بداية تاريخ المنتدي .. ودي طبعا مرحلة استاذ أشرف كان حكيم جدا ً في سياسة التجاهل واستخدام مقولة " الباب يفوت جروب أعضاء واللي مش عاجبه يضغط تسجيل خروج "

مرحلة الديموقراطية المفروضة ( المتعبة )
ودي لما استاذ عصام مسك الإدارة مع استاذ اشرف وبدأ فعلا يحصل نوع من التقدم والاهتمام لان بقي فيه واحد أقرب للناس من استاذ أشرف .. استاذ عصام بذل مجهود عالي جدا .. ولا ننكر فضل استاذ أشرف بردو في المسائل التنقية وما إلي ذلك عشان منبقاش جاحدين ..

مرحلة الديموقراطية المريحة

ودي بعد ما مسك استاذ حسام الإدارة مما خفف العبئ علي استاذ عصام واستاذ أشرف وإن كان خفف العبئ أكتر علي استاذ أشرف بحيث ان استاذ حسام دماغه مرنه تقنيا ً شوية يقدر ياخد باله من بعض المسائل اللي ممكن تصعب علي استاذي العزيز عصام .. وده الأمر اللي خفف العبئ شوية عن استاذ أشرف

اقتباس:

المشاركة الأصلية كتبت بواسطة اسيل رزق (المشاركة 850196)

يا ترى إيه أهم وزارة بالنسبالك هتعدلها ؟؟وليه ؟؟ و مين هو الوزير اللى هتختاره للوزارة دى ؟؟

اقتباس:

المشاركة الأصلية كتبت بواسطة ◄ Prof is Here ► (المشاركة 850214)

التربية والتعليم والإعلام اهم وزارة بالنسبالي

لان دول هما اهم وزارتين
عن طريقهم اقدر ادخل كل البيوت
وكل العقول
واقدر اغير اللي انا عايزه
حسب احتياجات البلد
وحسب الصح اللي ممكن يفيد
وهمسكها لمستر محمود حميدة
كان معانا هنا
مدرس لغة انجليزية
بس استقال عشان اتخنق شوية

اقتباس:

المشاركة الأصلية كتبت بواسطة اسيل رزق (المشاركة 850227)

يعنى حضرتك هتدمج الوزارتين فى بعض ( وزارة التعليم و وزاة الاعلام ) ولا كل وزارة ليها خصوصياتها بس ماسكهم وزير واحد ؟

اقتباس:

المشاركة الأصلية كتبت بواسطة ◄ Prof is Here ► (المشاركة 850241)

بالظبط كدا

كل وزارة ليها خصوصياتها وميزانيتها وكل حاجة
بس وزير واحد
لان الهدف واحد لاني غرضي وهدفي اني اوصل العلم والثقافه للناس ولكل الأعمار حتي لو في ازايز سفن اب
تعبير جميل الحقيقة من حضرتك .. بيدل على إصرار سيادتك على تثقيف الشعب كاملاً
والوزير هيبقي واحد عشان الرواتب
عايزين نحافظ علي اقتصاد الدولة

اقتباس:

المشاركة الأصلية كتبت بواسطة اسيل رزق (المشاركة 850264)

بمناسبة الجملة الأخير

هسأل حضرتك

مين هتختاره وزير المالية ؟؟ و ليه ؟؟

اقتباس:

المشاركة الأصلية كتبت بواسطة ◄ Prof is Here ► (المشاركة 850290)

وزير المالية هختارني .. انا الأقدر علي الحفاظ علي مالية الدولة

:d
وإن لم يكن أنا
فخليه استاذ عصام
يبقي وزير للمالية

لانها مسألة عايزه حكمه في التعامل مع الأمور

اقتباس:

المشاركة الأصلية كتبت بواسطة اسيل رزق (المشاركة 850312)

إختيار موفق

حضرتك شخص كما يعلم الجميع

حرصك الشديد على أموالك

و أموال الدول بالتأكيد إنها ستكون فى أيد أمينة

( ربنا يستر : حاميها ....... :stickjo4: )

أنا بقول أستاذ عصام شخص يعتمد عليه وحضرتك عليك عبء كبير جداً

وفقك الله

اقتباس:

المشاركة الأصلية كتبت بواسطة ◄ Prof is Here ► (المشاركة 850319)

مش مستريحلك

وواضح اني هقفلك الموضوع والبرنامج وهفصل عنك كابل الحياه

:040vk0:

اقتباس:

المشاركة الأصلية كتبت بواسطة اسيل رزق (المشاركة 850246)

أهملنا سؤال مهم جداً

بعيداً عن السؤال اللى فات

أول قرار سيادتك هتصدره هيكون إيه ؟؟ وإيه السبب ؟؟

اقتباس:

المشاركة الأصلية كتبت بواسطة ◄ Prof is Here ► (المشاركة 850262)

الاجتماع بالنظام الوزاري القديم واسمع مناقشاتهم وتقاريرهم المزيفه

تغيير النظام الوزاري بالكامل وبداية دراسة المناهج وتطويرها
وإدخال نظام اليوسي ماث ( اجعل من عقل طفلك كمبيوتر )
وده هيبقي في المرحله التعليميه الابتدائية عشان عقل الطفل بيكون مستقبل جيد في الفترة دي
ومن ثم هرتب القرارات بقي بعد الاحتماع بالوزارء الجدد
السبب
ان الحال دلوقتي ميرضيش حتي الكلب الأحول اللي بيديلين

اقتباس:

المشاركة الأصلية كتبت بواسطة اسيل رزق (المشاركة 850296)

شىء جميل جداً

واضح إن هيكون فى إهتمام شديد من حضرتك بكل الوزارات

فى مثل قديم بيقول

الغربال الجديد له شده

تفتكر وجود سيادتك كرئيس وزراء المنتدى هيفيد المنتدى أكتر ولا وجودك كفرد من الشعب هيكون أفيد للمنتدى ؟؟ و ليه ؟؟ وهل إهتمامك بتعديل وتغيير كافة الوزارات هيكون لفترة قصيرة كما نرى من جميع رئساء الوزارات السابقة أم سيكون هذا الاهتمام دائم بإذن الله ؟؟

اقتباس:

المشاركة الأصلية كتبت بواسطة ◄ Prof is Here ► (المشاركة 850309)

واضع ان قراري الأول هيبقي حبسك 24 سنه

انا غربال ؟
هـ هـ هـ زرافه وخفافه
:angry2:
--
بكوني شخص مسئول ومعايا منصب أقدر افيد اكتر
لان بدون منصب هلاقي صعوبة في تنفيذ أفكاري
وحتي لو اتنفذت ممكن متبقاش زي ما انا عايز
لكن المنصب هيساعدني اني اعمل حاجات أكتر
--
الاهتمام طبيعي انه يكون في الاول بس
لان بعد كدا هتبقي متابعه
مش شغل
لان مادام انصلح المنهج
واتظبطت الحياه
يبقي المتابع اللي يتابع خط سير التقدم بس
--

اقتباس:

واضع ان قراري الأول هيبقي حبسك 24 سنه

انا غربال ؟

اقتباس:

المشاركة الأصلية كتبت بواسطة اسيل رزق (المشاركة 850323)

ليه كده يا فندم دا انا بقول إن حضرتك شخص ديمقراطى وده أول يوم لحضرتك فى الوزارة

و دى أول شغلانة ليا ربنا يكرمك يا رب :(

ندخل فى جزئية تانية

بكل صراحة يا دكتور لو حد من الشعب إعترض عليك عامتاً أو إعترض على قرار من قراراتك هيكون إيه تصرفك ؟؟

اقتباس:

المشاركة الأصلية كتبت بواسطة ◄ Prof is Here ► (المشاركة 850332)

هيكون مناقشته ومعرفة ايه السبب علي الاعتراض

لاني مبحبش اللي بيقولوا " خلقنا لنعترض "
لاء في الحاله دي
هتجاهله عشان مش هبقي فاضي اني اسمع رأي مش مفيد
لكن لو هيقول شئ ممكن يتصلح فيا
فأكيد هصلحه
لو مش هينفع اصلحه
همنع نفسي من اتخاذ القرارات اللي ممكن يتحكم فيها العيب اللي فيا ده
العبي في الموبايل كدا خليكي ما انتيش فاهمه حاجة
ابقي قابليني اذا فلحتي

:angry2:

بتزعقلى فى البرنامج وأدام الناس كده .. طب خد :slap1qk6:

اقتباس:

المشاركة الأصلية كتبت بواسطة اسيل رزق (المشاركة 850347)

حقك عليا يا فندم

ذلة لسان :(

عايزين من حضرتك وزارتين أول مرة يتكونوا

يعنى وزارتين ماكنش لهم وجود قبل كده ؟؟ ومين هيمسكهم ؟؟

اقتباس:

المشاركة الأصلية كتبت بواسطة ◄ Prof is Here ► (المشاركة 850370)

لالالا مفيش حاجة

بس امسكي لسانك المره الجايه
:040vk0:
هعمل وزارة للأخلاق .. لبث الأخلاق في نفوس البشر
باختلاف ديانتهم ومذاهبهم ومستويات تفكيرهم
والوزارة التانيه
وزارة الدراسات العلمية المتطورة
وزارة الأخلاق همسكها لـ ( لاستاذ زيزو )
وبالنسبة لوزارة العلوم المتطورة
فهتبقي في ايد ( بسام او خالد الجن )

فــاصــل

اقتباس:

المشاركة الأصلية كتبت بواسطة اسيل رزق (المشاركة 851233)

شكراً لكل المواطنين الكرام اللى شرفونا فى الحلقة

ويا ريت اللى يحب يقول حاجة يبعتلى رسالة خاصة لعدم مقاطعة الحوار :stickjo4:

وهسأل سيادة الوزير سؤال عقبال ما يشرفنا لتكملة الحوار

تختار مين سيادة الوزير ليكون مسئول عن وزارة الشباب ؟؟مع ذكر السبب ؟؟

اقتباس:

المشاركة الأصلية كتبت بواسطة ◄ Prof is Here ► (المشاركة 851243)

ااااااااه

الواحد لسه صاحي من النوم
ومش عارف هيلاقي وقت يستريح امتي بس
مره فضلت نايم شهر يامها ومش لاقي ساعه ارتاح فيها

يااااااااااه حضرتك بتتعب أوى

بارك الله فيك وعليك
---
نستكمل الحوار
وزارة الشباب هوليها لـعاشق القلم لاني عرفت مؤخرا ً انه لاعب تايكندو مثابر ومتميز
وأي شئ في الدنيا محتاج انسان مثابر في المقام الأول وبالتالي هيبقي متميز لان المثابرين مش كتير
اللي بعده

اقتباس:

( قولت الموبايلات تتقفل ) ابقي قابليني اذا فلحتي

بطل تزعق تانى .. فاهم :slap1qk6:

اقتباس:

المشاركة الأصلية كتبت بواسطة اسيل رزق (المشاركة 851408)

أنا آسفة يا فندم

المعجبين بحضرتك كتير .. فا بيعبروا عن إعجابهم بحضرتك

صدقنى قفلت الموبايل .. أعمل إيه ؟؟

حضرتك عارف المصريين :bosyht9:

اقتباس:

المشاركة الأصلية كتبت بواسطة اسيل رزق (المشاركة 851458)

ممكن حضرتك تقولنا بعض الوزراء اللى هيمسكوا بعض الوزارات

* وزارة التضامن الاجتماعى

* وزارة الداخلية

* وزارة الخارجية

* وزارة الأوقاف

* وزارة البيئة

* وزارة القوى العاملة والهجرة

* وزارة الاسكان والتعمير

* وزارة الزراعة والموارد المائية

* وزارة التموين

* وزارة السياحة

* وزارة الطيران

* وزارة النقل

* وزارة الحربية

والسبب لو سمحت

اقتباس:

المشاركة الأصلية كتبت بواسطة ◄ Prof is Here ► (المشاركة 857737)

* وزارة التضامن الاجتماعى : فيفا : بتحس دايما باللي اقل منها وبتحب تساعد

* وزارة الداخلية : مصطفي فتحي : شخص بيحب البلد ويقدر يحميها

* وزارة الخارجية : هابي ( حابي ) : شخصية مثقفه وتقدر تتعامل

* وزارة الأوقاف : دكتور سعيد : اعتقد انه يقدر يسد ف الموضوع ده

* وزارة البيئة : معرفش حد بصراحه بمواصفات المؤهل للمنصب

* وزارة القوى العاملة والهجرة : أنا : لاني احب يكون ليا دور فعال بالاضافه لدوري كرئيس وزراء

* وزارة الاسكان والتعمير : إسلام قريب من الشباب ومن أحوال البلد وهيقدر يفيد

* وزارة الزراعة والموارد المائية : دي بعتبرها من اهم الوزارات في البلد لذلك هوليها يااما لبورسعيدي يااما لزيزو

* وزارة التموين : أ.احمد هيقدر يتعامل كويس وبحكمه

* وزارة السياحة : ترافيل لانها حابه الجو ده

* وزارة الطيران : واحد صاحبي اسمه احمد سعد طيار كان مشترك هنا وخلع بردو - مش عارف بيحصلهم ايه -

* وزارة النقل : هتكون تحت إشرافي بردو عشان انا اكتر واحد بيشوف حاجات غلط في المواصلات باختلاف انواعها

* وزارة الحربية : معرفش مين مؤهل للمسألة دي عشان كدا هعمل اجتماع واشوف الاقتراحات حول مسألة المسئول المناسب في الوزارة المناسبة

اقتباس:

المشاركة الأصلية كتبت بواسطة اسيل رزق (المشاركة 860690)

سيادة الوزير

فى رأيك مين يكون نائب سيادة الرئيس عبقر ؟؟

سؤال تانى علشان وقت حلقتنا

سيادة رئيس الجمهورية لو طلب من حضرتك إقامة وزارة للضحك أو للترفيه مين هيكون وزيرها ؟؟

اقتباس:

المشاركة الأصلية كتبت بواسطة ◄ Prof is Here ► (المشاركة 860888)

في رأيي نائب الرئيس عبقر
المفروووض انه يكون حد تاني غير اللي ممكن اكون متوقعه
ولكن في بلدنا مفيش حاجة اسمها المفروض
--
بالنسبة للوزارة
فهوليها لتيمون وبومبا هتعرف تديرها كويس
وبعدين مش عارف عندي إحساس انك بتتريقي
:040vk0:

اقتباس:

المشاركة الأصلية كتبت بواسطة اسيل رزق (المشاركة 860908)

ما عاش ولا كان اللى يتريق على سيادتك

السؤال الأخير إن شاء الله

لو وصل لحضرتك إنك لازم تقدم إستقالتك بكره الصبح .. آخر قرار سيادتك هتاخده هو إيه ؟؟

اقتباس:

المشاركة الأصلية كتبت بواسطة ◄ Prof is Here ► (المشاركة 860911)

اخر قرار هاخده

إلغاء قرار إقالتي
:d
او اقتراح تعديل المواد الدستورية اللي تحد من حرية المواطن

وبذلك اكون فتحت لنفسي مجال ان يبقي صوتي مسموع بعد ما اتقلب

اقتباس:

المشاركة الأصلية كتبت بواسطة اسيل رزق (المشاركة 860940)

ههههه

حضرتك ذكى جداً بصراحة .. وواضح إنك حاسس بحب الشعب ليك

مع الأسف نسيت أقول لحضرتك فى بداية الحلقة إن فى آخر الحلقة لازم حضرتك تقدم إستقالتك

::::::::::::::::::::

وقبل ما تمشى تحاسب على المشاريب عند عم عبدو فى الكافيتريا تحت :abdoog8:

وفى 20% ضرايب عليك.. يا ريت بالذوق تتدفعهم :slap1qk6:

و بما إننا شعب ديمقراطى .. فا أنا هسيب الشعب يقوم كلمته عنك .. و يتصرف معاك بمعرفته :049gc0:

فين القلا يا خميــس :stickjo4:

اقتباس:

المشاركة الأصلية كتبت بواسطة ◄ Prof is Here ► (المشاركة 860964)

علي فكرة انا بحب الشعب جدا

اقتباس:

المشاركة الأصلية كتبت بواسطة ◄ Prof is Here ► (المشاركة 860964)

وعلي فكرة انتي مذيعه ناجحه جدا

وعم عبدو بيعمل شاي حلو اوى
وخميس فنان في القلل بصراحه
ممكن اروح والمسااااامح كريم ?
:)

اقتباس:

المشاركة الأصلية كتبت بواسطة اسيل رزق (المشاركة 861015)

هههههههههههه

جالك الموت يا تارك الصلاة :giljotiiniug3:

الشعب مجتمع فى كل حته انت بتتواجد فيها

يعنى روح براحتك

أمان .. أمان يعنى :stickjo4:
:::::::::::::::

لأ بجد نورتنا يا أحمد

بتهيقلى الحلقة لو ماكنتش ساعدتنى فيها ماكنتش هتبقا حلوة كده

و يا رب كل الحلقات تبقا زى الحلقة دى