ما تخرجوا :d هو حد قالكوا اقعدوا في البيت:p
الجو صيف وماورناش حاجه ....انا حاسس اني هخلل في الاجازه دي :022yb4:
اول مره اخد اجازه طويله كده ...في الثانوي كان الاجازه شهر :d

والشهر الاجازه قاعدين قلقانين علي النتيجه

وبعد كده قلقانين علي المدرسين وتغير مين وتخليك مع مين

وهكذا

انا اتعلمت حاجه من خبرتي في التعليم المصري التعبان (فكك من النتيجه وعيش حياتك ...القلق مش هيغير حاجه ..اللي اتكتب ..اتكتب خلاص:d)

هي مذكرات ثانوي احسن من الكليه ؟؟؟:d

OUI

bien sur

والله انا من ساعه الاجازه هو الاسبوع بتاع المصيف بس
الي خرجته والباقي في البيت في الاوضه اودام النت 24ساعه
وخلاص النت هيتفصل عندي بعد يومين هاابقي اودعكوا قبل ماامشي ياعيال هتوحشوني اوي
اهئ اهئ

بصراحة ثانوى اجمد علشان كمان احنا لسة مشفتاش جو الكليه عامل ازاى
استغفر الله العظيم عيال تانى بردوه

مصطفي كلامه صح:stickjo4::stickjo4:

وانت يا دوك مش هتقول تعليقك علي كلامي

:bosyht9::bosyht9:

انا من ساعه الاجازه ..بقيت بدخل البيت عشان انام بس:p ..عشان كده ساعات بتأخر في كتابه الحلقات:022yb4:
هو النت عندكوا بيقولوا هيفصل امتي عشان تعملوا حسابكوا ؟؟؟:p والله ناس محترمه

عيال ..عيال يا عم ...استحملها اليومين دول وخلاص :022yb4::p
يعني اكمل ثانوي ولا ايه ؟؟:p مع اني حاسس ان الكليه احسن:039uw8:

اكيد هقول :022yb4: بس كلامك ده محتاج قعده حلوه كده عشان ارد عليه :d
وانا لسه جاي من ساعه من بره ومش شايف قدامي:d و حوالي 100 بيكلمني شات
شكلي هقوم انام احسن :022yb4:

ايه يا دوك مش واخد بالك من كلامي ولا ايه

هزعل وعلي فكرة بجد الثانوي احلي بكتير اووووووووووي

يلا كمل الباقي ثانوي احلي بكتير بس يلا بسرعة ناو علشان عايزة بجد اضحك

علشان مش هعرف ادخل تاني

النت هيتشال علشان الدراسة

صح يا دكتور هما يومين بس اوك
ويلا عايزين حلقة ثانوى مضحكة كده على مدرسة الاحياء بتاعة البحرين ديه هههههههههههههههههههههههه

لا رد عليا انا مش هعرف ادخل تاني

مش هيخلوني اعد تاني علشان الاجازة خلصت

بس عايزة اعرف هو الثانوي دا حصل بجد ولا من ابداعاتك الخيالية؟

ياعم ظبتنا بقي اليومين دول علشين النت هيتفصل عند الكل مش انا لوحدي هيييييييه فرحتوني:p
وقلل من الخروجات اليومين دول واسهر كتير ومتنمش علشين تكتب الحلقات احنا مش اي حد برضوا اكيد طبعا بتقول في سرك مايولعوا لالالالا يابابا انا مش هسمحلك تقول علينا كده يالا مستنين الحلقات بسرعه لسه ماكتبتش يالا بسرعه:friendsxs3:

انا النت مش هيطعك خلص يا دك اكتب يوم الاتنين

هههههههه سوما قايمة بالواجب

يا بنتي احمدي ربنا ان انتي عندك نت

انا بعمل كل شغل البيت علشان ماما تسمح بساعة

و كمان ممنوع اصلا بداية من بكرة علشان الدروس

صبرنا يا رب

اي خدعه:022yb4:
لا انا ع كده بعد كتير اوي يالا ربنا يصبرنا
ع امهاتنا

على اخر الزمن بقيت رخم
خلاص يا دكتور ابدا يوم الاحد 8/8

مصطفي روح اصحابك بينادوا عليك

يوم الجمعة يا دوك نزل الحلقات

سيبك من الواد دا مش تبعنا اصلا جاي غلط

:006et4::006et4::006et4:

يلا يا دكتور

فييييييييييييين الحلقاااااااااااااااااااات

ايه ده ايه ده
ايه حكايه فصل النت دي ...ده طلعت عند الكل و لا ايه
لا حول و لا قوه الا بالله
ربنا معاكم ... ده بابا و ماما دول عسل بقى على كده
اصلهم مش عايزين التوتر و شده الاعصاب ف سايبين النت و كل حاجه

اه
على فكره فيه نت على الموبايل :d انا بس بعرفكم مش قصدي حاجه :d:d

ربنا يوفقكم ...
و كمل يا دكتور الموضوع قبل اما موبايلاتهم تتصادر :d

انا عن نفسي انا ....كنت في مدرسه مشتركه في ابتدائي واعدادي وثانوي :d هو كان فيه مدارس ولاد بس ومدارس بنات بس
لكن انا كنت بروح المشتركه:022yb4:
ف موضوع البنات والتعامل ده عادي بالنسبه لي
وفكره ان البنت تتمشي مع شاب بمعني اصح يتصاحبوا (اكيد البنت دي مبتبقاش محترمه ) وعلي فكره وربنا اعلم (انا عندي اكتر 10000000000 فرصه عشان اصاحب ومبرضاش والله ...بعامل البنت زي ما احب اختي تتعامل)
وهتقابلي ناس تقولك الصحوبيه عادي وخليك كول (بصي مهما كان الانسان متحضر وكده ...في الاخر هتلاقي فيه الرجل المصري اللي مستحيل يرتبط ببنت صاحبها قبل كده)

لا انا مش هيطع عندى انا موجود
فكرة حلوة الموبيل دى علشان محدش يتحجج
ويلا يا دكتور واين الحلجات

انا النت مش هيتفصل لاني بابا مسافر وبنكلمه عليه
بس هيعملوا للكمبيوتر باسورد علشين مش اعرف اتدخل بس ع مين وربنا لحاول
اتدخل في اي وقت فاضي بس قليل لو لاقيت وقت فاضي اصل عقبال عندكوا
بقيت امراه اعمال اي خدعه حلوه الكلمه دي
بس ربنا يستر ونعدي السنه دي ع خير

يرجعلكم بالسلامة انشاء الله
بس الام طيبة بكلمتين تخدى كل حاجة بس مش سيدة اعمال با سيدة ثانوى عام
وانشاء الله نعدى وكل واحد يجيب المجموع اللى هوا عيزوا وربنا معانا

ياااااااد يا نصاب انت مش مصاحب ؟؟؟:049gc0:
اللي بيتكلم ده بيعرف يجي 1000000000000000000000000000 بنت في نفس الوقت
ده صاحبي وعملي الاسود وانا عارفه
اي خدمه انا ماردتش اسيح اكتر من كده

والله انت ما بتفهم حاجه في اي حاجه
يابني دول زمايل عادي ...مفيهاش حاجه يعني
هو كل واحده اتكلم معاها يبقي مصاحبها :d انا مش عارف ايه اللي مخليني مستحملك والله:022yb4:

:022yb4:ان شاء الله شويه كده وهكتب شويه حلقات ورا بعض

احمممممممممممم
ايه الي بنسمعه ده يادوك
شكلنا هناخد فكره وحشه عليك هههههه بهزر طبعاع فكره حكايه اني بنت تكلم ولد دي حاجه عاديه بس اهم
حاجه الكلام هيكون عامل ازاي
يعني مثلا انا لو محتاجه مذكره من ولد وطلبتها منه كده ادام انا كلمته هاابقي مش محترمه
بس للاسف البنات كلها بتفهم كده طب مااحنا اهو كلنا بنات مع ولاد وبنتكلم عادي بس بنتكلم في حاجات مفيده
يبقي دي حاجه كويسه مش حاجه وحشه صح ولا انا غلطانه؟؟؟؟؟؟؟؟

بناء علي طلب الاعضاء ...(اللي عايزين اكتب ثانوي ) واكيد انا كرئيس جمهوريه مش هستجيب لمطالب الشعب:p سوري قصدي لازم استجيب لمطالب الشعب ...فااااااااصل ونرررررررررررررررررررررجع لبعض تااااااااااني:022yb4:

المهم انا هكتب النهارده يوم من ايام الثانوي :p

انا الحمد لله في الثانوي ده ..كان معايا صحاب زي الفل وكلهم تمام واشطه بيشربوا حشيش بس :p بس الحمد لله مكنوش مدمنين ولا حاجه(بس انا الحمد لله مش بشرب اي حاجه :022yb4: رغم الضغوطات الكبيره اللي عليا ..واشرب يا عم هو حد واخد منها حاجه ..دي بتعمل دماااااااغ وهتخليك تنسي الناظر بتاعنا اللي عمره ما ضحك ....لأ يا شباب انا عمري ما اشرب ...ده انا بابا يقطعني :p ...يعني احنا اللي ملناش اهل ياااااد يا ************ هههههههههه )
المهم يجوا الصبح المدرسه متكيفين ( واكيد مش شاربين حاجه ....لأ ده كل واحد ابوه مكيفه :p عشان يروح المدرسه ...يا بابا ما بنخادش حاجه ..والله ما بناخد حاجه ....هتروح برضه لو وقفت علي شعرك هتروح برضه ...طب يابا انا اقرع سبني انام بقي :p بس انا غير كده خالص عمر ما حد في البيت كيفني او ضايقني ...هو حد يقدر ؟؟ وعشان تتأكدوا هوريكوا بصحي ازاي ؟؟:022yb4::

انها السادسه صباحا ...موسيقي تصويريه هاديه ( اللي هو المنبه بتاع التليفون الصيني الحقير ده اللي صوته يصحي اسماعيليه كلها ....والله انا شاكك ان الصين بعتهولنا حل للزياده السكانيه ..ده من الخضه الشعب المصري كله هيقطع الخلف هههههههههههههههههههههههههه:039uw8: ) طبعا انا بعمل عبدو الاهبل (علي فكره مش اسمي عبدو:p) ولا بيهمني ولا بتحرك من السرير ..قوم بقي ياابني وراك مدرسه ...طب هخطف حلم سريع واقوم ...لأ مفيش كفايه احلام قصدي كفايه نوم ...ايه يا بابا انت هيست ولا ايه ؟؟:p.....هيست !!!! قوم يا قليل الادب (انا في اللحظه دي طيران من علي السرير اصل كنت علي وشك اني كنت اتكيف(.ما انا قولت ما بتكيفش :p ) )
بابا !! هو الحمام فاضي ولا اتصرف في اي درج :p.....فاضي وبطل لماضه بقي
طبعا بدخل انام جوه ...يلا يابني ورايا شغل ...طب والله ما انا طالع اللي لما تسمعني الشعار :p
يابني ورايا شغل ..ورايا شغل ...ورايا شغل ...اغنيهالك ..الله:p
كده اشطه اطلع انا بقي ..اخطف اسرع صلاه صبح في التاريخ ..ركعتين ..هوب هوب هوب :022yb4: والبس واقلب بابا في المصروف واخلع :p
اروح المدرسه اقابل صحابي في الطابور (والله كانت ايام ) ادخل ايه يا جدعان اتكيفتوا تمام ؟؟؟؟ .....لأ الناظر لسه مجاش ...مش قصدي بس ما علينا هو الناظر ناوي يكيفنا ولا ايه ؟؟؟....طبعا هو مش قال امبارح تيجوا بالزي الرسمي ....نعم الزي الرسمي !!!! ده انا هتكيف لحد ما يبانلي صاحب (كنت في اليوم ده لابس تيشرت احمر ..وانتوا متعرفوش معني اللون الاحمر في اسماعيليه:p)

ايه ده ؟؟ ده الناظر جه !!! (اه يا ولاد ال ... ده انتوا فرحانين فيا بقي )

الناظر هو اللي كان بيعدي علي الطابور ( وانا في سري ...يارب ما يبص ...ألاهي تتعمي يا بعيد :p ..الحمد لله ما شافنيش ..:022yb4:)
هو في المدرسه في تحيه العلم كان فيه تلاته بيحيوا العلم (انا واتنين تانييين :p اصل انا وطني اوي ههههه)
وفي الميكرفون فين كذا ؟؟ مجاش ..طب فين كذا ؟؟ مجاش (انا في سري ....ده لو نادي عليا ..الناظر مش هيخليني احيي العلم ...ده هيعلقني في العلم :p)
ولحسن الحظ بينادي عليا فين VILLA ؟؟ فين ؟؟ (وانا في سري ما تسكت بقي يا عم هتخلي الناظر يكيفني الله يحرقك )
وكان فيه واحد صاحبي واقف قدامي :p وبقوله :
خبيني والنبي لانت مخبيني :p ..اخبيك فين يا عم ...خبيني يا عم في اي حته ده انت كلك مخابئ :p:p

والحمد لله عديت في الطابور بس وانا طالع الناظر مسكني وقالي ازاي ما شفتكش (وانا مالي ..انت الللي اعمي :p) وكمان جاي بأحمر ...استناني عند المكتب بتاعي :p

يتبع .... مكتب الناظر:022yb4:

ربنا معاك وتتكيفش ههههههههههههههه

هههههههههههههههههههههههههههههههههههه
يالا كمل شكلك هتمووووووووووووووووت من التكييف

حلوة أوي
كمل بقى

علشان اشوف ايه الاخطاء والعبارات غير الائقة وادعم الشكوى يعنى زى ما بتسب الناس كدة وحاجات مخالفة للدين كدة يعنى يا رب صبرنى:(:( لا اله الا انت سبحانك انى كنت من الظالمين وكمان بغير عى البنات اللي قاعدين يسهروا مع الشباب دول ويهزروا كدة حررررام شرعا اين الحياء ممكن يكون حوار فى حدود الادب مش الكلام الفارغ ده اللي تقول حاجة تقول حاجة مفيدة يا اما تسكت والله ان بقول كدة خوفا عليهم مش اكتر النت ده هو سبب كل المصايب اختى عودى الى الله واستغفرى الله وتذكرى والديكى واخوتك وانتى قاعدة تهزرى مع شاب فى النت لازم كلامك ما يبقاش فيه مرونة كدة لازم تبقى حادة ناس كتيرة هتزعل من كلامى ده لكن يبقى افتكرونى يوم القيامة وانتو بتتحاسبو على كدة والله بدعيلكم بالهداية والستر والعفاف والحياء البنت زينتها الحياء

ماااشى ليه بتسخر من الطلبة والبنات بالطريقة دى ده ينفع انتى تسمح لحد يقول كدة على اختك او اخوك ينفع تخلى البنات المؤدبات تصفهم بالتناكة والرخامة والبنت اللى مرخصة نفسها اللى يعدى يكلمها تصاحب ولاد دى بقى المتحضرة اساللك سوال وجاوب بصدق لو اختك هى اللى قاعدة تقول كمل يا دوك وتهزر وتقول الكلام ده هتعمل فيها ايه؟؟؟ لو شوفت اختك بكلم واحد فى الشارع هتعمل ايه؟

على فكرة انا ما نقدش فى دينك انا ما اعرفكش لكن حضرتك مخلى صداقة الولد مع البنت شى عادى وانا ما بكفرش حد انا فعلا بلتزم بدينى لكن بدعى ربنا يثبتنى وانا مش بشهد ليا بالايمان الكامل علشان اشهد لحد تاانى بالفساد او غيره ده مجرد نقد مش لاخلاقك لكلامك معن كلام الواحد عنوان اخلاقه وربنا يهدينا كلنا

و لا يهمك يا دوك :d:d
كمل احنا معاك متابعين ومنتظرين باقي الحلقات

ياجماعه مش اي بنت تاخد الكلام ع نفسها اكيد كلنا واثقين من نفسنا
(سياتي الضياء)بالنسبه للاهانه لي بتقول عليها ايه الاهانه الي هنا اكيد اي بنت واثقه من نفسها
مش هتقبل الكلام ده والبنات الي هنا كلهم محترمين والولاد كمان بردوا يبقي مش نغلط في حد واحنا الي
عاوزينه يكمل الحلقات من ناحيه انها كومديه ومن ناحيه اننا بنستفاد بردوا

أستغــفــر الله العظيم .
فعلا انها المهانة انه الهوان .
لابد من وقفة .
من هذا الشخص الذى سيعلمنا ديننا وايه يا عم الكلام الجامد ده . ويانا للـ........... فى قلب ال............. .
هل لكم من فتيات . هل لكم من أخوات فلتتقدمو االى هذا التوبيك ولتتحدثوا مع دكتور الاسماعيلية .
لن أقول سوى حسبى الله ونعم الوكيل .
حسبى الله ونعم الوكيل.
حسبى الله ونعم الوكيل .
ماذا تفعلون رحمكم الله .

( يا عم نفض للكلام ده وكمل مذكراتك . انت فاضى للكلام ده ) .
طبعا لابد لنا هنا من وقفة . نأخذ من كل رجل قبيـــــــــــــــــــــــــــلة .
سبونا ناخد فرصتنا بقى .

شوف انت الجملة دى يا دكتور ( لكن حضرتك مخلى صداقة الولد مع البنت شى عادى )
هو يقصد أنك تدعو الى الفساد . لالالالا .
لن أسمح لك لك .
فنحن هنا من أجلكم
نحن هنا من اجلنا .
نحن هنا من أجلى .

هههههههههههههههههههههههههه
طبعا محدش فهم حاجة من الكلام اللى انا قلته دة .
هههههههههههههههههههههههههه
الخلاصة بقى بتاعت الكلام ده : كلم يا دكتور ونحن ورائك ورائك ورائك . ( متبصش وراك يا دكتور أنا أقصد ورائك معنويا )
( مصر كلها وراك يا دكتور )

استهدوا بالله يا جماعه

و كل واحد حالا يصلي على النبي

الاساءه لا ترد بإساءه مثلها .... ماشي محدش يرد على حد لو سمحتم

و ليس عندي الا اعظم كلام و هو كلام الله جل و علا


{ادْعُ إِلِى سَبِيلِ رَبِّكَ بِالْحِكْمَةِ وَالْمَوْعِظَةِ الْحَسَنَةِ وَجَادِلْهُم بِالَّتِى هِىَ أَحْسَنُ إِنَّ رَبّكَ هُوَ أَعْلَمُ بِمَن ضَلَّ عَن سَبِيلِهِ وَهُوَ أَعْلَمُ بِالْمُهْتَدِينَ }.

و هذا الكلام منقول عن احدى المواقع الدينيه
ومن لطائف هذه الآية أنه قال: {ادع إلى سبيل ربك بالحكمة والموعظة الحسنة} فقصر الدعوة على ذكر هذين القسمين لأن الدعوة إذا كانت بالدلائل القطعية فهي الحكمة، وإن كانت بالدلائل الظنية فهي الموعظة الحسنة، أما الجدل فليس من باب الدعوة، بل المقصود منه غرض آخر مغاير/ للدعوة وهو الإلزام والإفحام فهلذا السبب لم يقل ادع إلى سبيل ربك بالحكمة والموعظة الحسنة والجدل الأحسن، بل قطع الجدل عن باب الدعوة تنبيهاً على أنه لا يحصل الدعوة، وإنما الغرض منه شيء آخر، والله أعلم.

اظن ليس هناك بعد كلام الله كلام ...
ارجو ان يكون قد فهم الجميع الايه الكريمه

و اصلح الله لنا و اياكم ديننا .... و اكيد اذا كان الموضوع غرضه سيئ لا سمح الله ...(( فلن يلقى صدى من الاعضاء المحترمين الكرام ))

تقبلوا مروري المتواضع

عليه افضل الصلاة والسلام
مفيش كلام بعد كده لان مفيش كلام بعد كلام ربنا
وجزاكى الله خيرا على هذه المشاركة
الموضوع محترم بما فيه من اعضاء كرام

سيبكوا يا جماعة من الكلام ده.
فينك يا دكتور
.وممكن مذكرات اول يوم ليك فى الدروس .
وكمل بقى حرام عليك . المذكرات دى كلها يومين وتنزل على الفضائيات .

يلا يا دكتور مستنين الحلقات وفكرة حلوة اول يوم فى الدروس ok يا دكتور كمل

ممكن اعرف ديه على مين بالضبط كده مش حينفع خالص على فكرة وحيكون لينا تصرف تانى
انا كنت فكرك كويس ومبتغلطش لكن طلعت حاجة تانية يعنى فلو سمحت احترم نفسك شوية وبكررها كل اللى هنا محترمين

انت فين يا دوك
مستنيين باقي الحلقات وياريت بسرعة

اكتب اول يوم دروووس ولا اكمل زي ما انا عايز ؟؟

يا رب يسامحنى ويسامح الكل

هموووووووووت واعرف طالما مش عجبك الموضوع بتدخل ليه
رخامه ولا سخافه منك