|
انا عايز اقول حاجه بالنسبه لموضوع الوقت
كان الدكتور بتاع الاحصاء هو من بترول ومش مادته ولا هو فاهم فيها حاجه ما عالينا كان قالنا مش شرط انى اجيب امتحان يكفى الوقت اكتر واحد هايجاوب هو ده اللى يجيب امتياز يعنى من الاخر كده شوفى الدفعه عامله ايه لو فى ناس حلت اكتر منك تعرفى ان كده فى مشكله الدنيا كلها بايظه تعرفى انك كده تمام وربنا يستر ويعديهالنا على خير |
على فكرة يعنى احنا ماعندناش كمبيوتر فى الصيدلية
مفيش غير تليفزيون ومحطوط ع مكتب كمان مش متشعلق مع العصافير:d وطول الوقت بفضل واقفة على رجلى لان ماينفعش الزبون يدخل واحنا قاعدين والفتات اساسا كلمة عربية مأصلة معناها القليل :stickjo4: اما بالنسبة لموضوع الوقت فانا شخصيا كنت بخلص بدرى بدرى واطلع اول واحدة فى الدفعة كلها وكنت اتنرفز اوى لما الاقى حد طلب ورقة اجابة تانية طب بيجيبوا الكلام منين ابص ساعتها ع ورقتى والتميز اللى انا كتبته الاقينى عديت النص بورقة ورقتين بالكتير اقعد بقى ابخر فى نفسى طول اللجنة اطلع بره الاقي زمايلى كتبوا وكان فاضل لهم 3صفحات ويخلصوا الورقة اخاف بقى اقولهم يحسدونى ولا حاجة:av4056bb7jp3: ادعوا لى بقى اجيب تقدير والسلام ختام:friendsxs3: |
ياااااه كفاره يا بشمهندس رفاعى فينك ولا الامتحانات كانت عامله عمايلها معاك على العموم حمد لله على السلامه ويا رب ترجع بقوه زى الاول بالنسبه لموضوع الوقت لو زى ما انتى بتقول اكتر واحد يحل يجيب امتياز دا يبقى دمار فى ناس ما شاء الله كانو بيحلو الامتحان كله يبقى كده احنا فى الباى باى
اما بالنسه ليكى يا ايمان والنبى بلاش تعطينا نصايحك وتفشرى فى وشنا ارحمينا من حاجاتك الغريبه دى انتى يا حبيبتى اسبشيل ورنا يوفقك |
وكمان اسبيشل ده انتوا ضيعتوا الانجليزى والعربى كمان معلش مش هكتر عشان انا بكلمكم من مكان الكورس سلام قبل ما حد يشوفنى |
الفتات وكمان اخمص قدمى دى حاجة صعبة خالص يادكتورة ان شاء الله تجيبى تقدير كبير اووووى |
وطول الوقت بفضل واقفة على رجلى
لان ماينفعش الزبون يدخل واحنا قاعدين لا وانتى الصادقه تلاقى معندكوش كراسى فبدل ماتقعدى على الارض بتبقى واقفه على طول |
بالنسبه للوقت
على حسب الماده وعلى حسب الدكتور لو بيحب الرغى ارغى بس المشكله بقى اما ماتلاقيش حاجه ترغى فيها تعملى ايه ساعتها ما علينا بس بجد يعنى بشويه الدكاتره اللى احنا شفناهم معظمهم خير الكلام ما قل ودل يعنى ميحبوش الرغى نظام اعدادى وثانوى ده انسوووووووووووووووووووووه وطبعا الازهريه احسن ناس بتلت وتعجن فى قلب الامتحان بيكتبو خطبه |
كفاره ليكى انتى ياياسمين
انا كنت متابع بعد الامتحانات بفتره وكنت فى حد غير الزعيم عموما حمد الله على سلامتى وسلامتك بعد كابوس الامتحانات بس شكلك رجتى بقوه اهو ده الكلام اهلا بيكى |
all natiga 15\7 an shaa allah
|
اه بطنى
ربنا يستر |
ana msh arfa aktb arabe please helps me
|
هو ده جزاك يايشمهندسة ياسمين عشان مكنش عجبك الانجليزى بتاعى
غير النسخة تلاقيها هنجت منك صعبان عليا اووى موضوع الانجليزى ده |
خلاص الحمد لله البشمهندس رفاعى حلها علشان ماحدش يشمت فيا بجد شكرا يا بشمهندس الزعيم على الرد والافاده
وبعدين حد اتكلم على الانجليزى بتاعك دا حتى انجليزى اصيل امال ايه انتى هتقولى انت وايمان ما شاء الله عيكم |
ياترى مين اللى هيشمت فيكى يابشمهندسة ؟ الظاهر كده حد انا اعرفه الدكتورة ايمان شكلها تعبت من كتر الحسد عليها !! منورنا يابشمهندس رفاعى فعلا طلبة الازهر احسن طلبة تلت وتعجن ايه اللغة العربية الفصحى دى تلت !! ما علينا |
محدش يعرف الثانويه الازهريه هتبان امتى
لا الدكتوره ايمان عندها مشكله فى النت وهترجع تانى وبعدين البشمهندس رفاعى يشكر قالى المفيد وادينى رجعت تانى اكتب عربى الحمد لله اه صحيح تلت وتعجن ما شاء الله عليك بروفسير فى اللغه العربيه نمسك الخشب ايه ده ما تدينا درس لغه عربيه على التوبيك وينوبك فينا ثواب والله نتكلم جد شويه انا عايزه اعرف شويه عن دوره icdl يعنى بتتكلم عن ايه وهستفاد منها ايه وبالنسبه للكرس بتاع الانجليزى يكون عام ولا يكون دوره هندسيه ايه افضل ولو عايزه ادخل عماره ان شاء الله لازم اخد اوتوكاد وجرافك من دلوقتى ولا استنه للسنه ال جايه انا حاسه ان الاجازه كده ضاعت ربنا يستر يلا بلاش رغى كتير سلام |
ياجماعه تلت وتعجن دى
لغه رفاعى الفصحه شكلكم متفهموش فى اللغه وهتلاقوا من ده كتييييييييير |
ال icdl
عباره عن دروه كمبيوتر دوره ورد و اكسس وأكسل وبور بوينت واخر حاجه النت بسيطه مش كده هههههه |
ياهندسة خد راحتك فى الغة العربية فعلا اللى يعيش ياما يشوف icdl عبارة عن سبع مستويات بتعرفك ازاى تستخدمى الجهاز وازاى تكتبتى وتعملى تنسيق للكتابة ...... انا كنت خدتها وانا فى تانية ثانوى بس للاسف ما كملتها وناوى ان شاء الله اخدها فى اول السنة دى فيه مركز فى الحى الثامن بيديها ببلاش هيا سهلة ومهمة كمان لا الانجليزى كورس عام معتقدش هتلاقى كورس انجليزى بالمصطلحات الهندسية المهم انك تعرفى تقرى انجليزى وتكلمى كويس وهالانجليزى حوالى 13 مستوى بس انا اعتقد انو مش مؤثر جدا فى عمارة الاجازة ضاعت فعلا وياريت تنامى على قد ما تقدرى علشان تستعدى للسنة الجديدة هههههههههه بصى لسه قدامك كتير ما تقلقى متستعجليش على الاتوكاد ده كبيره معاكى اسبوعيين وتخلصيه فبلاش تتعبى نفسك لسه التعب جاى قدام مش بقولكم الدكتورة ايمان اتحسدت يخسارة |
شكرا يا بشمهندسين بس انا افضل انى اقعد فى البيت انتظر النتيجه الاول ربنا يستر دعواتكم انا مرعوبه لاول مره فى حياتى اخاف من النتيجه بالشكل ده ربنا يستر انا عايزه اعرف دكتور سيد ناجى بتاع الميكانيكا لو تعرفوه ايه اخباره فى التصحيح يعنى بمعنى اصح التصحيح بيبقى عامل ازاى ربنا يستر
|
صحيح ما قولتوليش الثانويه الازهريه مفيش اخبار عنها هتظر امتى يا ريت ال يعرف عنها حاجه يقولى ويا ريت لو تعرفو الرابط ال بتبان عليه يبقى جزاكم الله كل خير
|
دكتور مونا انتى صيدله بنات ياريت لو تعرفى اى حاجه عن النتيجه وخاصه صيدله بنين تتكلمى عنها عشان بجد بطنى خلاص بدأت توجعنى
على فكره انا كمان اول واحد بطلع لانى بكره الكتابه الكتير بس هوا كسل مش اكتر يعنىوغالبا ماحدش بيطلب ورقه اجابه تانيه فى الكليه لان النظام الحديث اصلا فى كليتنا هو ان الاجابه فى نفس ورقه الاسئله يبقى ازاى هنطلب ورقه تانيه ولا ايه يا دكتوره |
اقتباس:
وهتظهر على موقع الرابطه ومعاها نتائج الكلبات اما بالنسبه لصيدله للطلبه الل فى صيدله هتظهر النتيجه على موقع كليه الصيدله بنين |
ازيك يابشمهندسة ياسيمن والله انا خبرتى مع الدكتور سيد ناجى فى فى ما دتيين الاولى كانت ميكانيكا فى اولى كهربا وبفضل الله جبت فيها مقبول زى الفل معرفش ازاى بس مقبول كان أحسن من 00000 المادة التانية جبت فيها جيد جدا كانت power system على فكرة انا حاسس ان بطنى وجعتنى من كلامك وبدأت أخاف وده مش كويس علشانى بلاش موضوع النتيجة ده ياجماعة بس ايه أصح التصحيح ده !! |
ازيكم يا احلى مهندسين
ايه فينكم احنا اتحسدنا ولا ايه انا عايزه اخد رايكم فى ال المنتدى عمله اشمعنا الثانويه العامه عملولها ضجه وترقبو وصدرت وكل ده وحاليا البحث بالاسم فى حين الثانويه الازهريه :bosyht9:مفيش اى معلومات عنها اكنها ولا موجوده. والله ما ينفع كده احنا زينا زيهم ويمكن احسن كمان شوفو احنا عندنا كام مادة والصراحه مش المنتدى ده بس ال عمل كده كل المنتديات حتى التليفزيون انا عايزه اعرف ليه كده هما دول مش طلبه زى اى طلبه دا يمكن احسن. والله كده ما ينفع انا عايزه اعرف ليه التفرقه دى .ال عنده رد او سبب بيضحك على نفسه بيه يقوله يمكن نضحك على نفسنا احنا كمان ونصدقه |
السبب ان احنا غلابه
وقله بالنسبه للعام وحذر من انتشار الازهر من الحكومه والقنوات لا تهتم واحنا برضه لا بنعد نقول امتحانات سهله او صعبه بناخدها ببركتها كده وخلاص وياريت بلاش تفتحى الموضوع ده خلينا ساكتين |
مفيش حاجه اسمها غلابه ومش غلابه فى حاجه اسمها طلبه ازهر ودول لازم ياخدو حقهم وما ينفعش نقعد نحط ايدينا على خدنا ونسكت نبدا من المنتدى ده نشوف ليه بيعملو كده وبعد كده منتدى تانى وغيره وغيره يمكن نعمل حاجه ولا رايكم ايه
|
ياريت تفهمى حذر انتشار الازهر كويس
وانتى تعرفى ليه محدش بيتكلم على الازهر ومع ذلك الازهر منتشر برضه هو مش زى زمان لكنه موجود وهيفضل موجود رغم انف اى حد ومسير الدنيا تتغير كفايه |
السلام عليكم والله ياجماعة أنا من صغرى بسئل نفسى السؤال ده؟؟؟؟؟؟؟؟؟؟؟؟؟ لكن مفيش اجابة صريحة بسمعها . بس خلونا احنا الأزهرية نتكلم مع بعض كلمة أزهر فى دولتنا بتعنى او بتساوى فعلا = تخلف الشخص الازهرى ده واحد عايش فى الدروشة اعتقد يابشمهندسة انك بتركبى القطار ووسائل الموصلات وبتشوفى تعبيرات الناس والامر ده فعلا راجع فى الاصل لنظام الدولة احنا فى دولة علمانية شاء ون شاء وأبى من أبى. والنظام العلمانى بيرى الدين انو تخلف والممثل الطبيعى للدين عندنا هو الازهر . من المعروف ان امتحانات الازهر اصعب وظروف امتحانات لا يصدقها عاقل ثلاثة اسابيع امتحانات متتالية ده جنون! وعندنا امتحان الفيزياء اصعب بكتير لكن احنا فى الظلام حتى فى نتيجتنا انا فاكر واحد حكى ليا موقف واحد بيسئله فى القطار انت فى كلية ايه قال هندسة قاله ما شاء الله هو الازهر فيه هندسة؟ قاله اه .قاله بتخدوا فيها ايه الهندسة دى؟؟؟ لاتعليق الموضوع ده طويل بس فعلا الخلاصة زى ما قال المهندس رفاعى ده سياسة دولة فيه ناس لما بتتخرج من كليتنا وحد يسئلها خريج ايه ؟ينكسف يقول جامعة الازهر. مع تحياتى وأسفى على الوضع الحالى |
شكلى هضيع بعد الكلام ده بالمناسبة دى انا بحب اسمع انشودة جميلة جدا ياريت تسمعوها وتعرفونى رايكم فيها انا ابن الأزهر الحانى انا الإسـلام ربانى انا من جئـت للدنيـا لأرفع شأن أوطانى نسخة بالموسيقى http://www.mediafire.com/?wyizmgi4mkk نسخة بالإيقاع فقط http://www.mediafire.com/?rzzazzrnhmm نسخة بدون ايقاع http://www.mediafire.com/?dtmh2uvy3xj |
انتو نسيتو النتيجة ولا ايه شكلها مش طلعه بكرة ولا الشهر ده:confused:
|
النتيجة عادية ومفيش فيها مشاكل وبعدين مفيش علاقة بين الكلام اللى احنا بنقوله والنتيجة دى مش اول سنة ولا اخر سنة يحصل ده |
هي لسه ما طلعتش اصلا انا اقصد نتيجتنا احنا بتوع هندسة و بالنسبة لتهميشنا في الاعلام والنت فده من زمان ولو تقدروا تغيروه فطبعا معاكم
|
ولكن طبعا احنا مقتنعين بنفسنا زي ما بتقولو رغم السمعه اللي مطاردانا واللي بتفرض علينا مجهود اكبر بكتير علشان نبقى موجودين
|
انا اسف بحسب حضرتك بتكلمى عن الثانوية بالنسبة لنتيجة هندسة ربنا يستر وياريت لو فيه اخبار تعرفونا عندك حق ان السمعة دى فعلا بتفرض علينا مجهود كبير علشان نثبت نفسنا نسيت أقول لحضرتك نورتى المنتدى يابشمهندسة وياريت دايما تشاركينا |
مرحبا بالوجوه الجديده
ويارب تورى المنتدى على طول ياجماعه سبأ وقلت لكم كفايه وانا بتدايق من الموضوع ده وانا ازهرى وهفضل ازهرى والازهر باقى رغم عن اى حد بيحاربه سواء جوه او بره وسطيه لا تشدد ولا انحراف كفايه وافهموا كلمه كفايه كويس |
شكل كده الموقع متراقب بس معلش يابشمهندس رفاعي اخر تعليق على الانشودة اللي وضعها البشمهندس الزعيم بتتحسسنا بفخر ومؤثرة جدا ربنا يستر على المنشد
|
شكرا يا بشمهندسين المنتدى منور باصحابه وانشاء الله يزهو اكتر واكتر
|
ازيك يا بشمهندسه هبه اهلا بيكى اخت لينا فى المنتدى ايه ده ايه الردود الجامده دى يا بشمهندسين طيب طبعا كلنا عرفين الكلام ده بس الحل ايه هنفضل ساكتين كده الساكت عن الحق شيطان اخرس بس خلاص مش هقول حاجه غير حسبى الله ونعم الوكيل |
بس خلاص فككم من الموضوع ده المهم دلوقتى ان كل واحد ووحده مننا يقدر يفيد حد من بتوع هندسه الجدد ما يترددش وهنبدا من المنتده والتوبيك ده بالاخص عيزين كل واحد (ه)مننا يحكى حصله ايه فى اول يوم وايه ال ممكن اى حد جديد على هندسه يحصل له وهيشوف ايه ويدخل الجامعه ازاى وكده يعنى علشان ما يحصلهم ال حصلنا فى اول يوم والمرمطه ال شفناها خاصتا البنات وهما رايحين الجامعه وفاجاه يقولولهم هندسه؟ اعدادى؟ لاء فى ميكانيكا بنين وهما جم جامعه البنات بالقوه يعنى نساعدهم شويه على الاقل فى الوصول للجامعه والنظام ده ال انتم عرفينه اكتر منى
وانا على فكره يا بشمهندس رفاعى قفلت الموضوع ده علشان انا فهم ال انت قلته (كفايه بقى) المهم ان كل واحد مننا يعرف قيمه نفسه كويس ويعرف قيمه الازهر كويس وبس كفايه رغى |
الظاهر اننا هنرفع شعار كفاية ههههههههههه المشكلة دى اى ازهرى حاسس بيها احنا مغلطناش فى كلامنا كنا بنوضح مشكلة بس وفعلا كفاية مرة تانية التوبك نور بوجود البشمهندسة هبة محدش قال ليا رائيكم ايه فى الانشودة؟ |
ماشاء الله انشوده جميله ايوه كده حط كل الروابط بتاع الاناشيد الجامده دى
بس ما ردتش على الموضوع الجديد :078111rg3:ولا مش عجبك |
الانشوده جميله جدا
ياريت فعلا نسمع اناشيد من دى عشان نحس بنفسينا وياريت تعليم مصر كله يكون ازهر دين ودنيا على الاقل حتى مش هنلاقى الفضائح اللى بنسمعها فى جامعات العام الحمد لله |
تعرفوا ايه الل مخليهم يقولوا علينا كده هوا انتم لان انتم كده فعلا مافيش ثقه فى نفسكم احنا ليه نفتح موضوع احنا اصلا مينفعش نتكلم فيه ياريت الموضوع يتقفل لان المفروض الانسان الكويس يكون واثق من نفسه مهما كان وكل واحد عارف فين الوحش وفين الكويس انا ليا اصدقاء من كل مكان فى مصر ومن كل الجامعات وفعلا مافيش فرق بين ازهرى وتربيه وتعليم بل انهم بيبصولنا ب احترام وفعلا فيه ناس كتير شايفانا احسن منهم
انا شايف ان الموضوع ده يتقفل ولو احنا مابنسمعش عن الازهر ده عشان الدوله مش عايزه كده عايزه تلغى ازدواجيه التعليم بمعنى اصح اتمنى ان كله يكون فاهمنى |
على فكره يا باشمهندسين انا اسمع عن هندسه الازهر كلام كويس اوى
وان فعلا دول مطلوبين اوى فى سوق العمل وفى حاجه كمان ان احنا ك أزهر مميزين اوى فى الشغل بره مصر لان كلمه ازهرى معاناها ملتزم دينيا (وده واقعى مش صحيح ) ف احنا والله واخدنا حقنا اكتر بكتير من بتوع التربيه والتعليم لاننا شغلنا كهندسه زيكم او صيدله زيى فرصه بتكون بره احسن وكله بيسافر واحنا يهمنا بره مش جوووه ويولع الل جووه |
فيه حاجة غريبة فى التوبك ده انا مش فاهمها انا ليه بحس ان الناس هنا بتموت وبتصحى مرة واحدة ؟؟؟؟؟؟؟ |
اقتباس:
|
عندك حق!!! |
يريت لو حد يعرف اي حاجة عن معهد صيانة المعدات الكهربية
وهل فعلا لو جبت جيد جدا في سنة تانية ادخل هندسة بس انا عايز اعرف ادخل علي قسم ايه؟؟؟؟؟؟ يريت حد يفديني |
ما شاء الله ايه المشاركات دي كلها هو انا اسيبكم شهر واحد ارجع الاقي دا كله دا انا قعدت اقرأ حوالي نص ساعه عشان اشوف اللي فاتني بس بجد انا بحيي كل الناس المشاركه معانا في الموضوع خاصة البشمهندسه ياسمين والبشمهندس رفاعي والبشمهندس الزعيم والبشمهندس الدمرداش والبشمهندسة رشا وكونان باشا وعايز ارحب بالدكتوره إيمان (مُونّة) والبشمهندسة هبه واي حد بجد بيشارك معانا والله كلكم منورين التوبيك انا طبعا مش هكلم عن الامتحانات تاني لان فعلا ماليش نفس خالص بس كنت عايز اعرف فيه حد عنده اخبار جديده عن النتيجه موقع الرابطة العالمية لخريجي الأزهر مش عايز يفتح معايه خالص مافيش اي موقع غيره |
اهلا بيك يابشمهندس
وياريت ترجع تنورنا تانى والموقع كان بيفتح معايا قبل كده لكن دلوقتى الجهاز بقى بيريح دماغه ويقولى Service Unavailable زى ميكون بيقولى لسه مظهرتش متقرفنيش بقى ههههههه |
| جميع الأوقات بتوقيت GMT +2. الساعة الآن 05:33 PM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.