|
إن شاء الله ربنا هيوفقك و يوفق كل الطلبة المجتهدين ربنا يكرمكم كلكم بإذن الله |
ممكن حد يساعدنى ويقولى ازاكر الكيمياء ازاى من اول السنة علشان اضمن إن شاء الله انى اجيب 50 فى الامتحانات حتى لو كانت صعبة :confused::confused::redface::redface:
|
اقتباس:
فينك يا طفله ؟؟ وفينك يا اسيل ؟؟ انت ممكن يا اسيل تردى عليا بردو واى حد بحيث ان الواحد يعرف وجهه نظر كل شخص ياقمر ( ده لو انت افتكرت ان الكلام موجهه لطفلة ) وربنا يعدى لها الامتحانات بتاعتها على خير ياااااااااااااااارب وكل طلبة المسلمين (( وعلى فكرة امتحان الاقتصاد والاحصاء على ما اسمع من طلبة بوابة الثانوية انه كان سهل وربنا يوفق كل طلبة المسلمين يا رب )) اه فى حاجة كمان كنت عايزه اسأل عليها يا اسيل واى طالبة تانية بالذات لو كانت علمى وهو : هل كان فى ايامها بتاعه الدراسة يوم اجازة او راحة((((((((( يعنى تخرج فيه او تعمل فيه اى حاجة تانية غير المذاكرة ؟؟؟؟؟؟؟؟ ))) لان الواحد بردو بيمل !! وربنا يجازيك عن كل طلبة المسلمين كل خير ياااااارب |
اقتباس:
آسفة جداً جداً جداً إنى مأخدتش بالى من المشاركة دى حقيقى ماشفتهاش خالص .. و آسفة مرة تانية على التأخير |
اقتباس:
بس انا غلسة شوية وعايزاكى تردى على باقى اسئلتى اللى مكتوبة فوق يا قمر وفعلا ربنا يجازيك كل خير يارب عن كل طلبة المسلمين يااااااااااااااااارب |
اقتباس:
جزانا و إياكم كل خير يا قمر ربنا يوفقك و إحنا فى الخدمة |
اقتباس:
|
و الله غصب عنى يا قمر بس فعلاً أنا كنت فاشلة فى الكيميا .. فا مش هقدر أفيدك زى اللى بيحبوها أهم حاجة تحبيها و تذاكريها زى أى مادة و اللى محتاج حفظ منك تحفظيه و اللى محتاج فهم وقوانين خدى بالك منهم و الكيميا العضوية مهمة جداً ماتستهتريش بيها أو تقولى دى رخمة .. لازم تذاكريها كويس وتحلى عليها كتير و ربنا يوفقك يا رب .. و يوفقكم جميعاً بإذن الله |
اقتباس:
الكمياء من اسهل المواد العلمية ومفيهاش اى صعوبة لو هتمسكيها من اول السنة صح اهم حاجة انك تفهميها حتى اجزاء الحفظ تفهميها الاول وبعدين تحفظى واهم حاجة فى الكمياء كتاب المدرسة لازم تزاكرى منة لان الامتحان موجود فية ومسائل الكميا مش معقدة وبتبقى فى فصول محددة حلى عليها كتير وهتبقى تمام وبالنسبة للعضوية هو باب فهم مش اكتر افهمى تحويلاتها وهتبقى تمام وحاولى تحبى المادة وتخيليها ولو اى مساعدة تانى احنا فى الخدمة |
merci ya marwa 3la el nsayh de we shokran ank rdety 3laya w 3la fekra ana kman asmy marwa:p:d:lol::wub:
|
السلام عليكم ورحمة الله وبركاته ....
جزاك الله كل خير اسيل رزق وان شاء الله ربنا يوفقك فى حياتك :d انا كان قصدى من سؤالى يا اسيل هو ياترى بيبقى فى يوم فاضى كااااااااااااامل !!! يعنى 24 ساعه بيبقى الواحد فاضى ! :av4056bb7jp3::av4056bb7jp3::av4056bb7jp3: مش بيبقى فى نصها مذاكرة او كده ؟؟؟؟؟ علشان تقريبا عرفت ان حتى يوم الراحة بيبقى فيه مذاكرة بس على خفيف !! :abdoog8::abdoog8::abdoog8::abdoog8: صح الكلام ده ولا لا ؟؟؟؟؟؟:) |
اقتباس:
يوم راحة في الثانوية العامة مش فاكرها دي بصراحة يمكن عندي :rolleyes::rolleyes: هو يمكن المقصود يوم راحة من الدروس اللي بره البيت و مشوايرها والنزول وواجب الدرس والاستاذ اللي عامل امتحان و التسميع والكلام ده فبيبقى الواحد قاعد في البيت طول اليوم لو مفيش مدرسة كمان بس عادي اليوم بيستغل في المذاكرة انا عن نفسي كنت بستخدمه اكتر في اني اخلص المتأخر عليا واحضر دروس اليومين اللي بعديه سواء الواجب او المذاكرة اهم حاجة المذاكرة يوم بيوم بس مفيش يوم راحة كده كامل من غير مذاكرة في ثانوية عامة متجيش :):):) |
بالنسبه للي بيسألوا عن الكيميا
بصوا هي اسهل حاجه ذاكرتها في ثانوي بس خدوا بالكم انها بتتنسي بسرعه يعني راجعي كتير عليها من وقت للتاني و ركزوا في التحويلات و العضويه ماتصدقوش اللي بيقولكم بعبع و رخمه و معرفش ايه والله دي لذيذه جدااااااا كأنها لغه جديده بتتعلميها زي أ ب ت ث ج كده يعني اهم حاجه تراجعوا عالكيميا من وقت للتاني و مش تنسوا المعادلات و وزنها |
اقتباس:
اقتباس:
مع احترامي لأحمد بس انا كنت باخد يوم راحه من المذاكره و من كل حاجه في الدنيا و بخرج فيه عادي و هو يوم واحد بس في الإسبوع بس المهم مايكونش عندك فيه دروس , و تكوني مخلصه كل حاجه و مش وراكي حاجه لاني ساعات كنت بلغيه لو فيه حاجه ناقصاني و بكملها فيه بس الكلام ده كان في تانيه في تالته .. ماشوفتش وشه :romarioxp6:ههههههههه هي مره او اتنين و مابنش تاني هي تانيه سهله و ممكن تجيبي فيها مجموع بس اهم حاجه تركزي و مش تضعطي على نفسك و ربنا يوفقك و عايزه اقولك حاجه انتي لو تعبتي السنتين دول .. هترتاحي بقية حياتك لو دخلتي كليه كويسه على مزاجك مش التنسيق اللي حدفك فيها :) بجد اتعبي دلوقتي ترتاحي باقي حياتك |
اقتباس:
لو نتكلم على البنات اتعبي دلوقتي ارتاحي.....كده كده حترتاحي بعد كده لو نتكلم على الولاد اتعب دلوقتي او ارتاح....حتفضل تتعب طول حياتك انا مثال حي تعبت في ثانوي سنتين عشان ارتاح دخلت الكلية اتعب 5 سنين عشان ارتاح والشغل مفهوش راحة الا لو جبت صيدلية ووقفت قدامها ارش ميا الصبح :028ja7::028ja7::028ja7::028ja7::028ja7::028ja7::0 28ja7::028ja7::028ja7: مصر بقى امي ولازم استحملها ;);););) |
اقتباس:
ماقصدتش بانك ترتاح بانك تنام في البيت اقصد تشتغل في شغل مستريح فيه محدش يرخم عليك كده يعني و بعدين تفتح صيدليه احسن ما تشتغل في شركة ادويه و تفضل تلف عالدكاتره لحد الساعه 2 و 3 بالليل :) |
اقتباس:
أنا عن نفسى كان عندى أيام راحة 24 ساعة و مع إحترامى لدكتور أحمد بس مفيش حد بيقدر يذاكر كل يوم أكيد بتيجى لحظة ملل للشخص و بيكره فيها إنه يفتح كتاب .. غلط طبعاً إن مايكنش فى يوم كامل من غير مذاكرة بس مش مرة فى الأسبوع يعنى .. أكيد كل شهر مرة مثلاً و بسم الله ما شاء الله الأعياد و المناسبات كتير أوى فى السنة يعنى أنا ماكنتش بذاكر إلا آخر يوم فى العيد الصغير و الكبير و رمضان أكيد مذاكرته بتكون أى كلام مش مذاكرة ثانوية .. الراحة من المذاكرة موجودة و لازم تكون موجودة بس مش نذاكر يوم و نقعد من المذاكرة يوم .. الهدف من يوم الراحة ده عدم الشعور بالملل من المذاكرة .. أنا كان ليا واحدة زميلتى شاطرة جداً فضلت طول السنة تذاكر و ماكنتش بترتاح أبداً و جت فى شهر 4 حست بملل فظيع و مابقتش تذاكر زى الأول و ماجبتش المجموع اللى كانت عايزاه يوم الراحة مطلوب و يفضل يكون فى المناسبات علشان مايكنش فى تقصير فى متابعة الدروس و يكون في خروج أو تغيير جو بعيد عن المذاكرة لكن لو حسيتى بملل فى يوم وسط دراستك و دروسك ممكن تكون مذاكرتك على خفيف يعنى تقرى درس أو تحلى كام مسألة كده على الخفيف أو تذاكرى أكتر مادة بتحبيها علشان الملل يروح من عندك و ربنا يوفق الجميع |
اقتباس:
بس انا اختلف مع حضرتك واتفق مع كلام بوسى :) اقتباس:
وانا كمان قلت ان مش معقول يكون طول السنة مذاكرة مذاكرة مذاكرة ..... بردو النفس بتمل حتى لو الواحد بيحب المذاكرة انا ان شاء الله هعمل اقصى ما عندى علشان اجيب درجة محترمة ان شاء الله واشرف بيها دينى وحجابى كمان وان شاء الله ادخل الكلية اللى عايزاها ادعولى انى ادخل هندسة عين شمس وربنا يباركلك يا بوسى على ردك وان شاء الله تدخلى الكلية اللى انت عايزاها اقتباس:
سئل احد السلف متى يجد العبد الراحة قيل عن اول قدم يضعها فى الجنة :excl::excl::excl: الحمد لله على كل شئ معنى الراحة اللى الناس عايزنها هى فلوس علشان تكون معاه عربية " شكل من اشكال الراحة " شقة " شكل من اشكال الراحة " فى منظقة نضيفه طبعا جواز وخلافه " شكل من اشكال الراحة " وبس هى دى اشكال الراحة الدنيوية لا اكتر ولا اقل فطلبة كليات القمة الى حد ما مرتباتهم كويسة والحمد لله علشان كده هيقدروا بأذن الله يحققوا اشكال الراحة السابق ذكرها وجزاك الله كل خير اقتباس:
وفعلا ياما ناس تتعب نفسها وبعدين ؟؟؟ بيجيلهم تعب فى اهم شهور وهى الشهور الاخيرة وضاعت المذاكرة القديمة افضل شئ هو الاعتدال الواحد هيعمل اقصى ما عنده لكن مش هيقتل نفسه جزاكم الله كل خير على ردودكم الجميلة :av4056bb7jp3::av4056bb7jp3::av4056bb7jp3: |
موضوع حلو
انا لسة داخلة اولى ثانوى واى شئ سأجى هنا وساعدونى |
الموضوع جميييييييييل ومفيييييييييد جداااااااااااااا
وانا داخلة تانية ثانوى ان شاء الله ومشكلتى انى عندى حالة توتر وقلق جاااااااااامدة جدااااااااااا من اول الدروس ما بدأت لدرجةانى ساعات مش بعرف اركز فى المزاكرة بس ياترى بقى ده عندى بس ولا كله كده علشان داخلين مرحلة جديدة وفى نفس الوقت صعبة؟؟؟؟ |
اقتباس:
المشكلة إن كل الناس اللى داخلة ثانوى فاكريين إن ثانوى دى نهاية العالم يا تفوق يا فشل !! و ده غلط كبير جداً لإن ثانوى ما هى إلا تحديد مجال شغل أو دراسة هيدخلها الطالب و هى الجامعة لكن فعلاً الكلية هى تحديد المستقبل مش الثانوية فا ليه نوتر نفسها و نقلق نفسها زيادة عن اللزوم إحنا لازم نقلق بس مش بالدرجة دى خالص لإن اللى بيزيد عن حده بينقلب لضده و ممكن لا قدر الله قلقنا و خوفنا الزيادة مايوصلناش للتفوق أو المجموع اللى نفسنا نوصله يا ريت يكون عندنا هدوء أعصاب و تركيز كفاية و إجعلوا الثانوية العامة زيها زى أى سنة عديتوا عليها و هى فعلاً مش أكتر من كده ربنا يعزكم و يوفقكم بإذنه تعالى و كل سنة و انتم طيبين http://www.thanwya.com/vb/life/icons/star.gif |
انا رايح تانية ثانوى كنت عايز أعرف طلبة المنازل بخشوا الترتيب على الجمهورية و لا لأ ؟
|
السلام عليكم ورحمة الله وبركاته انا لسة عضوة جديدة في المنتدي وانا في سنة 2 ثانوي
انا عايزة اعرف كل حاجة من الدكاترة لو سمحوا طبعا انا باخذ الدروس تقريبا لحد دلوقتي في 5 ايام عربي(سبت و ثلاثاء الساعة 2-3.5) الرياضة e (الاحد و الاربعاء الساعة 7.5-8.5) والكيمياء e(الاحد والاربعاء الساعة 6-7) قبل الرياضة والانجليزي (الجمعة 3-5) والفرنساوي (الجمعة 10-1) انا عايزة جدول مذاكرة وانا الكبيرة هنا وبيجربوا فيه فانا عايزة اعرف كل المعلومات عن الثانوية وطريقة المذاكرة وايه الالومبياد وكده ولو سمحتوا حد يقولي او يجبلي لو مافيهاش غلاسه الاسئلة عشان انا لسة عضوة جديدة ومعرفش ايه النظام في المنتدي وشكرا وبارك الله فيكم |
اقتباس:
و عليكم السلام ورحمة الله وبركاته أهلاً بيكى يا قمر إدخلى على الروابط دى هتساعدك بإذن الله (((___هام لجميع طلاب الثانوية العامة___))) °¨¨°؛"°¨¨°(*)(_.·´¯`·«¤° (مش عارف تذاكر ... يبقي هنا الحل) °¤»·´¯`·._)(*)°¨¨°؛"°¨¨° فى مواضيع موجودة فى القسم كتير هتفيدك حاولى فى وقت فاضى تدخلى تعملى شوبنج فى القسم هتلاقى مواضيع مهمة ليكى :d بالنسبة للكتب الخارجية اللى ممكن تستعينى بيها هتكون من وجهة نظرى الكتب دى العربى الأضواء الانجليزى جيم أو سربرايز الرياضة المعاصر كويس الفرنساوى كتاب برافو كويس برده الكيميا كتاب الامتحان بس مش عارفة فيه انجلش ولا لأ كتب الامتحان عامةً سواء أسئلة أو مراجعة كويسة جداً و فى آخر السنة إن شاء الله بتنزل كتب اسمها مراجعة ليلة الامتحان بتنزل فى كل المواد عربى و انجلش يا رب أكون قدرت أفيدك و ربنا يوفقك يا رب |
اقتباس:
اقتباس:
أهلاً بيكى فى المنتدى :d الاول انتى شكلك سخنه اوى متخديش الموضوع كده من اوله مش بحبطك ولا حاجه خليكى معايا للاخر لانى انا كنت كده وفى الاخر بتملى كمثال لو فى اتنين فى ماراثون واحد بدأ سريع جدا والتانى بدأ يجرى بس مش بالسرعه القسوى بتاعته مين اللى هيكسب؟؟ طبعا ممكن تقولى اللى بدأ بسرعه بس مش كده لانه بيتعب فى الاخر ومش بيقدر يكمل اللى بيتدرج وبيتحكم فى التحمس بتاعه بيعرف يكمل للاخر المهم بالنسبه لموضوع جدول المذاكره كان فى بنى ادم قال ان الجداول اتعملت عشان منلتزمش بيها وده رايي بردو .. ياما عملنا جداول ومكنش حد بيلتزم المسأله مش فى الجدول انتى تحددى المفروض تعملى ايه النهارده متأجليش حاجه لبعد كده تخلصى اول باول مساله وضع جدول ليكى صعبه لان حتى لو انا مقتنعه بالفكره فمش هعرف احدد مواعيد اكلك ونومك .. الخ حتى ساعات المذاكره مش هنقدر نحددها لانها بتختلف من شخص للتانى فى حاجه تانيه متقلقيش نفسك ع فكره الموضوع عاوز اجتهاد شويه بس مش صعب وربنا هيكرمك ان شاء الله انتى هتقدرى تتعرفى ع نظام الثانوى عن طريق انك هتعاشريها ودى احسن طريقه الكلام نفسه مش هيكون بصوره وافيه كافيه المذاكره طريقتها زى مبتذاكرى عادى حسب الطريقه اللى طول عمرك بتذاكرى فيها الثانويه صدقينى مش حاجه رخمه ع أد مهى حاجه ممله :d سواء بتذاكرى بالورقه والقلم او بتذاكرى شفوى وكده ده بيختلف بردو من شخص للتانى موضوع الاولمبياد ده اتلسعنا منه كلنا تقريبا وخاصه الدفعه اللى طلعت من الثانوى السنه دى والدفعه اللى قبلها بصى هى اسئله موضوعه لطلبه متفوقين وتفيات بتتعمل فى بلاد بره باين وحوار عجيب كده المهم الاسئله دى نزلتلنا فى الشهر الاخير قبل الامتحانات وبدأوا يخوفونا وبتاع هى اسئله الصراحه عجيبه بس ظريفه و ع اى حال مينفعش تيجى فى امتحان من رايي الا لو كانت مسأله بتاع عشان يشوف المستوى العام او يفرق بين الطلبه هى الماده اللى جت فى امتحانتها اولمبياد كانت الفيزيا والصراحه كان امتحان اقل مايقال عليه انه امتحان (متخلف بطريقه مستفزه ) مش متخلف بمعنى الكلمه بس كان قمه قمه الغباء واللى حطه لم يراعى فروق التوقيت المهم انتى اساتذتك فى الدرس هيوروكى النظام وكده ولو الاسئله ليها نفع هيجبوهالك فى ورق متصور ولو لقيت حاجه انا هنا ع المنتدى مع انى عمرى مدخلت الاقسام اتلعليميه بس اسمع انها مفيده يعنى هبقى اجيبهالك ان شاء الله ومفيهاش غلاسه و لاحاجه احنا تحت امرك يا باشا :d |
احم ايه الموضوع ده
طبعا مفيش رد بعد رد ياسمين جميل الموضوع ده شكرا يا مها علي مجهودك |
الشكر لله منورنا يا شريف و يا ريت تكون متابع معانا الموضوع و تساعد على قد ما تقدر |
ممتاز الموضوع ده
شكراً لـ الفكرة ومنفذيها |
على فكرة ياجماعة انا عن تجربة الشطارة مش ان اعد اذاكر طول الوقت اهم حاجة تذاكر بمزاج وتنظيم
|
اقتباس:
فعلاً كلامك صح فى ناس بتذاكر كتير لكن نتايجها مش كبيرة و فى ناس تذاكر 4 ساعات فى اليوم و مجامعهم كبيرة حب المذاكرة و التركيز فيها أهم من عدد ساعات المذاكرة جزاكِ الله كل خير |
أنا إن شاء الله داخلة أولى ثانوى بس عندى مشكلة كبيرة هى إنى مش عارفة أنا عايزة إيه بمعنى إنى محتارة بين إنى أختار علمى علوم أو رياضة ولما بفكر فى الموضوع ده بلاقى إن الطب له مميزات والهندسة كمان فبحتار أكتر ياريت تساعدونى وياريت كمان لو حد كان علمى رياضة ودخل هندسة يقول لى على نظام الدراسة فى الكلية والثانوية وكمان ياريت لو حد دخل طب أو صيدلة يقول لى على الوضع فى علمى علوم.
ملحوظة: أنا كنت طول عمرى نفسى أكون دكتورة بس مش عارفة إيه اللى جرالى ياريت حد يساعدنى ولكم جزيل الشكر وآسفة على الإطالة. |
اقتباس:
السلام عليكم ورحمة الله وبركاته هدخل في الموضوع علي طول اولا انتي في اولي ثانوي و حكاية علمي رياضة ولا علوم دي سبيها للاخر يعني السنة الجاية كده ان شاء الله تفكري في الموضوع ده بس هقولك اولا حتة علمي علوم وعلمي رياضة دي راجعة لاختياراتك يعني امر شخصي بحت بالنسبة ليكي شوفي انتي بتحبي ايه اكتر حابة تشتغلي في اي مجال ؟ حابة تشتغلي في مجلات العلوم الاحياء وكده ولا الرياضة ؟ علي فكرة حكاية طول عمري نفسي ابقي دي حاجة فاشلة بصي انا كنت وانا صغير كان نفسي ابقي مدرس و بعدين طيار و بعدين دكتور ورسيت علي هندسة :d شوفي انتي هتحبي ايه في اولي ثانوي وحاولي متعديهاش علي انها سنة تنجحي فيها وخلاص لا حاولي تشوفي ايه اصلح ليكي انا مبقولش ان مناهج اولي ثانوي التافهة اللي هتحدد لا بس هتحددي اكتر في امان الله |
انا دلوقتى فى تانية ثانوى وبقالى شهرين بدأة دروس ومشكلتى انى ساعات بحس انى انا محبطة اوى ومش عايزة اذاكر واوقات بحس انى عايزة اكل الكتب من كتر المذاكرة
|
سر النجاح المذاكرة بمزاج و بهدوء اعصاب و البعد عن الحرت و التعب المضاعف فى المذاكرة من اول العام الدراسى
عشان اكيد هتهنجى فى نص السكه و مش ح تقومى تانى افضل حاجه التدرج لغاية شهر الامتحانات تكونى وصلت لاعلى تركيز و مذاكرة باحترافيه يعنى تشوف الامتحانات و طريقة وضع الاسئلة و مش تفتكرى انى اللى ح يحط الامتحانات بيخترع حاجه جديدة اغلب الامتحانات مكررة و الحاجات البسيطة الجديدة عبارة عن فهم المذاكرة بفهم و ليس حفظ دية اللى بتفرق طالب عن طالب |
اقتباس:
كلنا بنبقي كده طول السنة عشان كده انا كان بيعدي عليا ايام مبفتحش فيها كتاب انا مبقولكيش تعملي زيي لان انا كنت بعوض الايام دي بس حاولي تاخدي راحة و تريحي شوية و متاخديش المذاكرة كلها قفش و خط مستقيم من الاول مش معني كده انك متذاكريش بضمير لا ذكري بس مش طول الوقت عشان متيجيش علي اخر ايام وتزهقي و دي بتبقي اهم ايام مشكلتك بسيطة بس حاولي متذاكريش طول الوقت عشان متزهقيش بالتوفيق في امان الله |
أنا عندي استفسار مش مشكلة
كنت عايز أعملها في موضوع بس لقيت ممنوع أحط موضوعين في يوم واحد و استفساري كالآتي : طبعاً أنا سمعت ناس كتيرة بتقول الامتحان بيجي من كتاب الوزارة و الكلام ده أنا طبعاً داخل على 2ث هل أذاكر كل المواد من الكتاب المدرسي ؟؟ يعني مثلاً العربي و خصوصاً الأدب متحير فيه أذاكر الأدب من الكتاب المدرسي ولا الأضواء ؟؟ (مش ناوي آخد دروس :d ) كده يعني .. مستنيكم |
اقتباس:
السلام عليكم ورحمة الله وبركاته هدخل في الموضوع علي طول فعلا الامتحان بيجي من كتاب الوزارة مش كله طبعا بس مفيش حاجة بتيجي بره المنهج غير مثلا كلمة اعراب في النحو كلمتين ترجمة كده يعني نبتدي بالعربي عشان بتسال عنه العربي مش هتعرف تذاكر النصوص من كتاب المدرسة لان المعاني والجماليات وكده قليلة القصة هتبي مكلكعة اوي يفضل تقراها من كتاب المدرسة وتذاكرها من اي مذاكرة انا كنت بعمل كده الادب كتاب المدرسة طبعااااااااااااااااااااا طبعااااااااااااا فيه مدرسيين كتير بيخترعوا ادب غير اللي عندكوا في المنهج والله بجد مفيش احسن من كتاب المدرسة في الادب بيجي السؤال منه بالنص مش بالنص اوي يعني عشان ما افورش :d بجد الادب جميل من كتاب المدرسة طبعا النحو لازم حد يفهمهولك مش هتعرف تذاكره من كتاب المدرسة بس حل التدريبات اللي فيه ممكن جدا متاخدش درس عربي انا كنت باخد ومكنتش باخد ملوش لازمة يعني ممكن مراجعة اخر شهر عند مدرس يلملك النحو بس طالما مش هتذاكر الا مع مدرس خدلك درس و كتاب الاضواء ده من اكتر الكتب اللي بكرهها مش بيحل ولا بيربط ملوش لازمة من وجهة نظري ناقل كل حاجة من كتاب المدرسة والسنة اللي فاتت في 3 كان كاتب علي نص حفظ وهو دراسة و نص دراسة وهو حفظ وشكك كتير من الناس في النقطة دي الانجلش و الفرنش اعتقد تقرات الدرس من كتاب الانجلش الفرنش مستحيل اصلا تذاكر من الكتاب الرخم ده الكمياء طبعا من كتاب المدرسة _ مش عارف المادة العلمية ايه عندك في 2 _ والرياضة لازم مدرس مع انها تافهة بس حل تمارين كتاب المدرسة و راجع التمارين المحلولة جه منها مرة سؤال صعب و عملوا عليه مشكلة ومحدش قدر يتكلم عشان من كتاب المدرسة مش صعب اوي يعني السنة جميلة و سهلة حاول تجيب فيها اكبر مجموع ممكن متضمنش نفسك في 3 الثانوية العامة دي اصلا كلها 3 2 دي تعتبر نقل بالنسبة ل3 سهلة جدا بجد يلا كفاية كده :d في امان الله |
اقتباس:
ثانياً أنا إن شاء الله هروح المدرسة يعني كده كده معايا مدرس إن شاء الله و بخصوص الأدب كده بتقيت متأكد 100 % أني هذاكر من الكتاب المدرسي بس الصراحة القصة اللى محيراني لان ديماً بحس أن الأسئلة ساعات بتكون مش واضحة أو متعرفش السؤال ممكن يجي فين يعني الأسئلة بتيج من تدريبات المدرسة ولا ايه النظام ؟ و بخصوص كتاب العربي ... أنا الصراحة برضو مخنوق من كتاب الأضواء بس الرغم من ذلك هو أفضل كتاب لانه الكل في رأيي مش حلو ولا حضرتك تعرف كتاب تاني كويس ؟؟؟ و الإنجليزي و الفرنساوي بذاكرهم من كتاب خارجي ده أساسي و الكيماء إن شاء الله بدام كده أذاكرها من الكتاب المدرسي و على العموم إن شاء الله السنة تعدي على خير و يا ريت دعواتك بقى :) |
اقتباس:
الموضوع جميل و السنة اللي بينجح فيها بمجموع عالي هو اللي بيقدر يركز و يحصل معلومات ربنا يوفقك |
السلام عليكم ورحمته وبركاته ...
أنا عندى سؤال : ازاى اذاكر مادة اللغة العربية كويس واضمن فيها النهاية باذن الله ؟؟؟؟؟؟ لانى حاسه ان المعلومات فى الكتب سايحة على بعضها حتى الخارجية ومش عارفة اعمل ايه؟؟؟؟؟؟ بليييييييييييييييييييييييييييييييييييييييييييييز ردوا...مع العلم انى فى تانية ثانوى... |
ألف شكر أستاذنا شريف على الرد
و بجد كده 100 % :) |
اذيكم يا جماعه هو انا ممكن اشترك معاكم اصل انا لسه جديده فى المنتدى ودى اول مره اشوف التوبك ده انا لسه بردوا مخلصه ثانويه والحمد لله انا رايحه اعدادى صيدله وانا الحمد الله كانت جيالى طب بس انا اخترت صيدله يعنى الحمد الله انا بقيت عنده خلفيه كويسه عن المذاكرة والدروس والحاجات دى ويارب اقدر افيد اى حد عشان يحقق حلمه وعلى فكرة بالرغم من ان الثانويه صعبه الا ان انا كنت بحب ايمها وانا مش عيزه ارغى كتير ومستنيه ردكم عليا وتقبلوى مرورى
|
اقتباس:
أهلاً بيكى معانا فى المنتدى و ربنا يوفقك فى الكلية و تكون بداية خير عليكى بإذن الله و متشكرين جداً على روحك الحلوة فى تقديم المساعدة و ده شىء يسعدنا و يفيد الطلبة كلهم يا ريت تتابعى معنا الموضوع و تقدرى تفيدى الطلبة بخبرتك و بمجهودك و جزاكِ الله كل خير |
اقتباس:
الأدب لازم يتذاكر أول بأول و تراجعيه دايماً و يا ريت تكون مذاكرتك للأدب عبارة عن نقط يعنى إحفظى الكلام واحد اتنين تلاتة مش كلو ورا بعضه و الأدب أصلاً اغلبه بيكون عبارة عن نقط ورا بعض البلاغة مش محتاجة منك غير تركيز و حفظ للأساسيات بتاعتها تشبيهات و إستعارات و كنايات و هكذا النصوص عايزة تعايش مع الأبيات الشعرية و حاولى تفهمى معانى الأبيات فهم كويس .. لو قدرتى تفهمى الأبيات يبقى هتقدرى تحلى بشكل كويس فى ال3 فروع سواء نصوص أو بلاغة أو أدب و إحفظى النصوص المقررة عليكى لإن بيكون عليها درجتين فى الامتحان النحو بقى ده المعلم الكبير اللى عامل زى الدوا المر بس لابد منه .. لازم تركيز كويس جداً فيه و تحفظى كل القواعد و دايماً حلى أسئلة نحو و خصوصاً اللى فى النماذج و الامتحانات السابقة القراءة و القصة امرهم سهل الفصل أو الدرس لازم تقريهم علشان يثبتوا فى عقلك و بعد كده قسمى الدرس أو الفصل لأسئلة علشان تعرفى تراجعيهم بسهولة و يثبتوا أكتر فى علقك و جمعى المعانى الخاصة بكل درس و إحفظيهم التعبير بقى ده عايز كوكتيل من كل الفروع يعنى اللى بيصحح بيحب يلاقى الطالب مدخل فى كلامه البلاغة و النحو بشكل كويس و كمان الثقافة ليها دور فى التعبير سواء حكم أو اقوال مأثورة أو أبيات شعر و هكذا و خليكى مع المدرس بتاعك و ذاكرى على أساس كلامه اللى بيقوله علشان ماتتلخبطيش لإن فى إختلافات بين المدرسين خصوصاً فى النصوص علشان كده بتلاقى الكتب شرحها مختلف عن بعض إدخلى على الروابط دى هتساعدك بإذن الله |
انا عندي مشاكل كتيرة اولها انا معرفش حاجة في البلاغة معرقش يعني ايه بلاغة اصلا و كل ما مستر يشرحهالي مش بفهمها و لو فهمتها بنساها و انا اصلا بكره العربي و مش بحبو خالص عشان كدا مش بزاكروا اصلا دي حاجة.
الحاجة التابيه ان انا دلوقتي نزلت المدرسة فا ابتديت اسمع شرح مدرسين تانيين غير بتوع الدرس فا بسمع نوعين شرح فابتلخبط و كمان ممكن واحد يقولي علي جملة صح و واحد تاني يقولي لا غلط طب اصدق انا ميين فيهم؟!!!!!!!!:confused: |
بصى انتى مشكلتك الأساسية فى عدم حبك للمادة أو على الأقل ماعندكيش تقبل للمادة و ده أقوى سبب يخليكى مش عايزة تفهمى ولا تحفظى ولا تذاكرى أى شىء فى المادة حاولى تعصرى على نفسك لمونة و انتى بتذاكرى العربى لإن ده مستقبلك يعنى ماينفعش تقولى بحب و مش بحب .. دى مادة أساسية و لازم تذاكريها و حاولى تحبيها على قد ما تقدرى .. ماتحطيش حاجز بينك و بين المادة و تقولى لا مش هقدر أحبها ولا هقدر اذاكرها أنا على فكرة مش بحب العربى و خصوصاً النحو و الأدب و شوية بلاغة .. و رغم كل ده ذاكرت و بقيت بذاكرها أكتر مادة علشان اتعود عليها و أكسر جوايا حاجز الخوف أو الكره بالنسبة للمادة و الحمد لله درجاتى فى العربى كانت 27 و 28 حاجة مش وحشة يعنى و البلاغة حاولى تحفظى الأساسيات و حلى أسئلة كتير هتلاقى نفسك بقيتى كويسة فيه و لو انتى متأكدة إن المدرس بتاع الدرس كويس يبقى تسمعى كلامه و ماتركزيش فى شرح مدرس المدرسة و ربنا يوفقك |
شكرا علي النصيحة
|
شكرا اسيل على النصيحة انتى باه فى كلية ايييييييييييييييييييه؟؟؟؟؟؟؟؟؟؟؟
|
اقتباس:
الشكر لله فى آداب عين شمس |
بصوا ياجماعة انا فى تانية ثانوى هقولكم على مواعيد دروسى وعايزاكم تساعدونى اعمل جدول للمذاكرة عشن بذاكر المادة الواحدة مرة فى الاسبوع يعنى مثلا الاتنين المانى يبقى الاتنين كله من اوله خره المانى راجع المدة من اولها قبل الدرس واذاكر اللى اخدته بعد الدرس وشايفة ن لطريقة دى متهيألى غلط مع ان درجاتى فى امتحانا جيدة جدا بس برضه حسة انى غلط فيريت تساعدونى انا جدول دروسى
السبت انجليزى من 12 الى 3 دة غير ساعة رايح وساعة جاى الاحد فاضى الاتنين المانى من 3 الى 5.5 الثلاثاء عربى من 5الى 7 الاربعاء فاضى الخميس كيمياء من 5.5 الى 8 الجمعة رياضة من 3 الى5.5 |
| جميع الأوقات بتوقيت GMT +2. الساعة الآن 05:40 AM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.