١.إذا قالي انه يمر تيار من البروتونات في خط مستقيم بمعدل مليون بروتون في ميكرو ثانيه وعاوز شدة التيار.
أنا حلتها كده :
شدة التيار=الكمية الكهربية بالكولوم/الزمن بالثانية=١٠أس٦ x ١ / ١٠ أس-٦ x ١ = ١٠أس١٢ x ١
هو مديني الإجابة ب ١٠أس-٧ x ١.٦ ازااااي ؟؟؟
٢.شحنة كهربية قدراها ١٢ ميكرو كولوم تتحرك في مسار دائري نصف قطره ٧/١١ سم بسرعة منتظمة قدرها ٨ م/ث وعاوز شدة التيار
عندي الكمية الكهربية "Q" ١٢ ميكرو كولوم هحولها للكولوم x ١٠ أس -٦
محتاجة الزمن هجيبه عند طريق السرعة = المسافة / الزمن
المسافة هجبها عن طريق محيطالدائرة ولا المساحة

1--- عندنا n وt
اذا q=nxe
كمية الكهربية تساوى 10 اس 6 فى 1.6 فى 10 اس -19
e ه ثابت عندك بيتحفظ
وبع كده تقسمى الناتج اللى طلع على الزمن (10 اس -6 )
وهتطلع 1.6 فى 10 اس -7

2-- هتجيبى المحيط مش المساحة وتجيبى الزمن وتعملى المسالة عادى

شكرا ليكي :)

ازيكوا يا جماعة عاملين ايه فى المذاكرة ؟

اللى أحياء يتسلى فى الاسئلة دى
علل تتكون الحيوانات المنوية فى ذكر النحل من انقسام ميتوزى وليس ميوزى
*قد يحدث الانقسام الميوزى قبل التكاثر ال***ى او بعده وضح ذلك
علل : بالرغم من أن طحلب السبيروجيرا والهيدرا والاسفنج كائنات تتكاثر ***ى و لا ***ى الا ان ذلك لا يعتبر تعاقب اجيال

فى مسألة كتاب امتحان فيزياء صفحة 73 رقم 25
يعنى ايه مستوى الزوال المغناطيسى الأرضى

يا جماعة محدش عنده أسئلة صعبة يحطهالنا فى النحو :)
ومسألة رقم 16 صفحة 72 معلش اى حد عارفها يشرحهالى احنا ليه حليناها كده عشان الاتجاهات عندى بايظة خالص

الشكر لله احنا طلاب ولزمن نساعد بعضنا انا علمى رياضة

طب بدل متحمليه اتفرج عليه ع التليفزيون
هى بتيجى الساعة8 مساءا الاحد وحلقى بعديها 9وهم لسه فى اخر الفصل الاول
ودا موقع شروحات كل المنهج واى مادة واى صف http://www.nafham.com/egypt/g12

بصي أول سؤال تنتنج الحيوانات المنوية في ذكر نحل العسل من انقسام ميتوزي عشان بينتج من توالد بكري طبيعي

التاني بقي، لأنهم لا يتكاثروا في دورة حياة واحدة

.

تمام شكرا ليك
بس بصراحة نفهم مش كل الفيديوهات مشروحة كويس في برضه أكاديمية التحرير
حلو ببيبسط الحاجه جدا وبطريقة تركز اه مش كل المنهج بس الفيديوهات اللي بينزلها ف منتهى الروعة

علي قناة ايه دي ؟

قناة مصر التعليمية

اجيبها من فين دي
وترددها ايه ؟

قمر نايل سات
التردد 11747
معدل الترميز 27500
رأسي "v"

تمام جزاكي الله كل خير
بس ياريت تقوليلي مواعيد المواد من امتي علي القناة ؟

افتح القناة دلوقتى
لو جايبة حاجة لعلمى رياضة قولى

اه رياضيات الثانوية العامة تدريبات ع التباديل والتوافيق

وإياك يا رب
أنا معرفش بصراحة المواعيد كلها بس أدخل ع موقع القناة ممكن يفيدك
http://www.niletc.tv/Page/9/Education

ازيكم ي جماعه ايه الأخبار ؟؟؟

يا جماعة انا سألت سؤال
ليه محدش رد عليا وجاوبني

تأثير مساحة السطح المعرض للتفاعل على سرعة التفاعل https://www.youtube.com/watch?v=-u4zs36VOsM
تأثير درجة الحرارة على سرعة التفاعل
https://www.youtube.com/watch?v=AC3WZegDLlY

ايه الصعب عليكي فيها

جماعة في حاجه حبة أعملها لو حد فيكو يعرف د.إبراهيم الفقي بصراحة كلامه في منتهى الروعة واستفد كتير منه فقلت افيدكم وقررت أنزله حلقات الطريق إلى النجاح هي ملفات صوتيه تقريبا مدتها نص ساعة فلو عجباكو الفكرة قولولي
ودي الحلقة الأولى
http://archive.org/download/Tareq-alnaja7/001.mp3

انا كنت قرات له كتب فى الاجازة بصراحة روعة ,حتى كتبت عنه برجراف فى اخر امتحان مع المستر هذي السنة ^^ ..لكن انى اسمع حاجة ليه دلوقتى ما اظن انى هقعد واسمع ^^ ...لكن الفكرة جميلة وممكن كتير غيري يسمعو :bosyht9:

لو سمحتم للى فاتحين فيس وعندهم جروبات للثانوىة او صفحات مدرسين بيعرضو اسئله حلوة وخصوصا احياء ...ممكن يقول على اسمائهم
انا وصلت للمواقع دى وفيها حاجات تحفة بصراحة
https://www.********.com/groups/FekraPhysicsG/#
https://www.********.com/%D9%85%D8%A...6464015529990/

مش لازم توقفي حالك وتسمعي ممكن مثلا لو انت في طريق لدرس أو مواصلة تسمعي أنا بعمل كده

احم بلاش احراج بقي >< انا الموبايل بيتصل بالعافية :cool:امى وعدتنى انى ان شاء الله لو جبت طب هتجيبلى واحد تاتش ^_^

أسفة والله معرف وبعدين ايه الاحراج في كده هي حاجه لا سمح الله عيب ولا حرام البني أدم مبيتقاسش بلي في ايديه بيتقاس بلي ف عقله وقلبه .
طيب ممكن تشغليه وانت بتساعدي والدتك :d هتسمعي يعني هتسمعي هههههههه

ههههه بقولك بذاكر باكل وانام فين المساعده دي ‏o.O‏ وهي اصلا مش بترضي باذن الله هعوضها ف الاجازه ربنا يعيني :)‏‎
‎

سؤال في قصة الايام
"ولقد فهمت أمك وفهم أبوك وفهمت أنا أيضا"
ما المفهوم من العبارة ؟؟ :-d

حد بيذاكر المواد الى مبتضفيش للمجموع
زى الدين والاقتصاد والاحصاء....

حضرتك السؤال ده جيه ف امتحان؟ وفي اي كتاب؟
*_* ____
الجمله بحد ذاتها مش مفهومه
بس ممكن نشرح ما الذي فهموه "سبب بكاء ابنته"وهذا يدل علي مدي إشفاق الطفله علي ابيها

السؤال كان جايلي في امتحان درس في الفصل 11 واجابتك تمام :-)

يا جماعة بتذاكروا الجيولوجيا من ايه
والنوم ننظمه ازاي والنسيان بردو نعمل ايه

بجد ! دا انا لسه بفهم *_* يعني لسه فيه امل فيا ‏
كنت فقدته البارحه فعلا من بعد امتحان العربي >_<‏‎
#شكرا ^^

الصفحات بتاع الاسئلة مش بتفتح

من مذكره المستروكتاب الامتحان ،فيه كتاب اسمه الاول احتمال اجيبه‎
‎

طيب اكتب ف الفيس او جوجل جروب فكره ف الفزيا
وكمان صفحه متعه الثانوية

اولا :مش علينا تطبيق اليد اليمني لامبير ف الملف الحلزوني...بنستخدم قاعده عقارب الساعه ونحدد نوع الاقطاب وبالتالي اتجاه التيار
*بالنسبه لقاعده البريمه ممكن تقول الاستخدامين ف الملف الحلزوني والدائري

انا ذاكرت درسين دين لوحدي
وخدت حصة احصاء

بقولكم يا جماعة
هو انا اذاكر النحو من فين ؟

في كتاب الامتحان شرح الفيزياء ص 18 اللي هو تعيين مقاومة بدلالة الكتله والحجم والكثافة جبها ازاي ؟؟؟

أهم حاجة بس نتفق عليها ان احنا هنا بنستخدم الايد الشمال عشان لو اسخدمنا اليمين هتبقي العكس والاجابة تبقي غلط .

بالنسبة للاتجاهات احنا بنستخدم ثلاث اصابع 1. السبابه تشير الي اتجاه المجال أو الفيض المغناطيسي والاتجاه محصور بين (1) الداخل شكله عبارة عن نقاط
(2) الخارج وشكله عباره عن اكسات.

2.الوسطي تشير الي اتجاه التيار الكهربي
والاتجاه محصور بين (1) من اليمين الي اليسار أو اذا كان مديكي رموز ع ملف مثلا أو شكل يبقي من الرمز اللي ع اليمين الي الرمز اللي ع اليسار .
(2) من اليسار الي اليمين " من الرمز اللي ع اليسار الي اليمين ".

3.الابهام تشير الي اتجاه القوة المغناطيسية الموثرة علي الملف "اتجاه حركة الملف"
والاتجاه محصور ما بين (1) من أعلي الي اسفل "من الرمز اللي في فوق الي الرمز اللي تحت"
(2) من أسفل الي أعلي " من الرمز اللي تحت الي الرمز اللي فوق"

وعشان متتلخبطيش انهي واحده بيشير الي انهي اتجاه أنا بحفظها كده السبابه فيها الف والمجال في الف يبقو مع بعض والوسطي فيها ياء والتيار في ياء يبقو مع بعض والابهام اخر جاحة اللي هو اتجاه القوة.

وأخيرا : الاتجاهات الثلاثة " الأصابع " متعامدين ع بعض

يارب بس أكون عرفت اوصلهالك اذا فهمتي قولي واذا لأ قولي اشوف طريقة تانية ليها
وربنا يوفقك :d

من كتاب الامتحان يا بشمهندس