المشاركة الأصلية كتبت بواسطة tears river (المشاركة 879083)

الحمد لله انى عشت و شوفت اليوم دة
مستر بدوى على الكرسى
يا welcome يا welcome
يا ميت نهار welcome
ليا عودة تانى يا مستر بس شوية الاسئلة دول
بنستفتح بس

1- ايه اكتر حاجة فى الدنيا بتضايق حضرتك؟
الشخص العنيد على غير وعى مع انى عنيد الى حد ما
2- لو قالولك ان الانجلش هيتلغى و الطلبة مش هتاخده تانى هتعمل ايه؟
اعمل نفسى مش واخد بالى ..... حرام عليكى .....
افتراض مستحيل يشردنا
3-حضرتك عندك اولاد؟ عايزين اساميهم و اعمارهم (و يا ريت يا مستر تقولهم انى بحسدهم ان حضرتك والدهم)
ملك فقط وشكرا لكى على المجاملة ...... بس انا بعذبها فى البيت ( بصراحة بعمل نفسى بعذبها هههههههه)
4- حضرتك مضايق من حد فى الوقت الحالى؟
اكيد
5-حضرتك مضايق حد من حضرتك؟
طبعاااااااااا
6-حضرتك عمرك عملت حاجة و ندمت عليها؟
عملت لأ ... بس سمحت لحاجات تتعمل وندمت انى سمحت
7-ايه راى حضرتك فى الناس اللى بتقول ان مدرس الانجلش لازم يكون كل كلامه انجلش و يهجر اللغة العربية
مفيش ناس بتقول كده ........ نهجر لغة القران الكريم ؟
8-ايه راى حضرتك فى شباب اليومين دول؟
عيال مزيكا واللى مش عاجبه يعمل زيهم
9-لو قالوا لحضرتك انك هتبقى وزير التربية و التعليم ايه اول قرار هتاخده غير انك تفصلنى طبعا؟
اعمل interview لكل مدرس فيها
10-ايه راى حضرتك فى شيوخ المسلمين و الصمت اللى بيخيم عليهم رغم كل اللى بيحصل ؟
اللهم لا اعتراض ........
11-لو حضرتك امريكى الجنسية كنت هترشح مين اوباما و لا ماكين (بالله عليك مش تقول هيلارى كلينتون)
محمد ابو تريكة ..... انا لا اقبل الافتراض ان اكون مثل هذا
من عرف لغة قوم امن شرهم ( دى علاقتى بيهم )
12-ايه راى حضرتك فى مستوى التعليم فى مصر
انا لا اعطى رأيى فى الغيبيات
دول دستة كبداية ان شاء الله هرجع تانى و نكمل اسئلة

المشاركة الأصلية كتبت بواسطة tears river (المشاركة 879168)

الدفعة التانية من الاسئلة

1-ايه اكتر وقت حضرتك كنت متضايق فيه ؟
اى فترة قبل الزواج
2- حضرتك عمرك تمنيت الموت (بعد الشر عن حضرتك )؟
سؤال صعب اوى ..... اسف جدا
3- حضرتك بتعتبر نفسك حكيم؟
لا سعد الصغير ......... طبعا لا
4- هل علاقتك بالطلبة بتوعك زى علاقة حضرتك بينا و لا بتختلف نظرا لان حضرتك عارفهم؟
وانا ايه علاقتى بيكم . مش فاهم
بس طلبتى علاقتى بيهم قوية وباولياء امورهم اقوى
5-مين اكتر حد حضرتك بتدين له بالفضل عليك
زوجتى دون منازع .........
6-حضرتك دايما بتقول انا بستفيد من الطلبة هل حضرتك تعتقد ان حضرتك بستفيد من حد تانى غير الطلبة؟فى الحياة العادية او على النت
قصدك كنت بستفيد ........... طبعا اصدقاء كليتى اكثر من الطلبة كمان
على النت بتشتم بس
7-مين اكتر سياسى حضرتك بتحترمه؟

المشاركة الأصلية كتبت بواسطة _guide_ (المشاركة 880809)

المشاركة الأصلية كتبت بواسطة mohammed.el_sadat (المشاركة 880329)

إيه رأيك فى كل
من
عبقرينو مان

سؤال كده بره اللعبه خالص
مهنه التدريس دى مهنه كويسه جايز أفضل فى التجاره أحول تدريس أقطع عليك
؟:)
بص
هى مكسبها كويس اوى
والمطلوب مش قوة معلومة
شوية انعدام ضمير على شوية مظاهر كدابة
اتكل على الله وممكن تبقى احسن الموجودين
وسيبك من الشعارات ..... المهم التنفيذ

لو مسكت ورقه وقلم وحبيت تكتب الشخصيات اللى فعلاً تأثرت بفكرها فى المنتدى هتكتب مين
؟
لا السؤال ده مينفعش ليا
اولا انا عديت مرحلة التأثر بالفكر
يالا حسن الختام
ثانيا انا عمرى فى المنتدى مش كبير
شهور قليلة فقط

إيه عيوب المنتدى بالنسبه لوجهة نظر حضرتك
؟
المجاملة
انا شخصيا كتير بجامل
غصب عنى

لو طبلنا من حضرتك تقيم نفسك تقيم موضوعى يعنى إعتبر إن حضرتك مش حضرتك وبنطلب منك تقيم حضرت
إيه الكلام الغريب اللى أنا بقوله ده
؟!

هو كلام غريب فعلا يا سادات
فاشل جداااااااا
بس احب اطمنك
انا مش هاغلط فى حق نفسى تانى
و لو حد غلط فيا من المعروفين تانى لن اتستر عليه
وهخليه عبرة

بص عشان شكلى طولت جاوب على دول على إيه ما ألف لفه فى المنتدى وأرجعلك

المشاركة الأصلية كتبت بواسطة برنسيسة الظلام (المشاركة 880543)

يااااااااااااااااااااااااااه

الف حمد الله على السلامة يامستر

كنت منتظرة اللحظة دى من زمان

بس خلاص بقى

امممممممممممممممم

نبدأ اسئلة

ايه الكلية اللى كنت بتتمنى تدخلها ؟؟؟
اللى انا دخلتها والحمد لله

ام ملك تمثل لك ايه؟؟؟؟
هنهزر كل حاجة طبعا ....
الاولى والاخيرة فى حياتى
ايه اكتر حاجة بتعصبك ؟؟؟؟؟؟
الغباء ويا سلام لو معاه شوية عند
اكتر موقف حسيت بيه بالاحراج؟؟؟؟؟؟
اول مرة امسك شوكة وسكينة
كانت فضيحة
انت أهلاوى ولا زمالكاوى ؟؟؟؟؟؟؟؟؟؟ (وخلى بالك من السؤال دا اوى )
اهلاااااااااااااااااااااااااااااااوى ابا عن جد
الاهلى لعبه احسن ولا الزمالك؟؟؟؟؟؟؟
الله يكون فى عونهم بيشجعوا تاريخ
سؤال غريب بصراحة ....
لاحظى انك بتتكلمى عن ممثل مصر كرويا
ايه رايك فى اقتصاد البلد؟؟؟؟؟
زى حال مادة الجغرافيا فى الثانوية العامة حاليا
والسؤال دا بقى





1- صوت الحق
اخى الاكبر على المستوى الشخصى
لو قلت احد عيوبه هتبقى شكلها معفن اوى
تقريبا عيوبه مميزات ..... على الاقل بالنسبة لى
2- جايد
لو استطاع الانسان الحياة بدون قلب لاستطاع المنتدى الحياة بدونه فهو قلب المنتدى
متسرع جدا .... حاد جدا .... مستفز الى حد كبير هههههههههههه
3- عبقرينو
قلت قبل كده
4- سعيد نجم
مش عاجبنى كلمة عبقرى المنتدى
متهيألى احسن مستشار المنتدى .... ده حقيقى
ربنا يزيده
5- شريف الخضرى
ده بقى حكاية تانية
كل اللى اعرفه عنه ايجابى بصراحة
6 - ملك
بنت كلب سيبك منها
7- مستر محمود فتحى
اخويا وتوأمى
8- مستر محمد الشاذلى
ايه ده ؟ يعنى مش عارفة العلاقة يعنى ؟
9- مستر احمد فاضل
يا سلام ؟ ازاى يعنى ؟ ده احنا عصابة فى بعض
10- ترافل
يالا ... ربنا يوفقها ويوقف لها ولاد الحلال
دى خلاص اختى رسميا ... اتحسبت عليا
11- بلاك روز
10 على 10
بس يارب تركز فى الحصة ههههههههههههه
12- نداء الجنة
لها منى كل الاحترام
ويكفى مكانتها عند كل الاعضاء ومجهودها
13- سندريلا العراق
لا دى اختى اختى يعنى
شاعرة جامدة جدا
14- محمدm.th101
نشيط يحب الخير
بس بيخلط الامور ههههههههههه
15- لؤلؤة المحيط
لؤلؤة فعلا
وربنا يخليى لها مامتها

16- ريتاج
يا انا يا هى فى المنتدى ده
دى بتتحدانى يا جدعان
17_ 44 prof ahmed
كنت فاهمه غلط
بس هو اثبت لى غير كده تماما
راجل بجد ربنا يوفقه



واخيرا


18- برنسيسة الظلام
لالالالالالالالالالالالالالا
مالها دى
مستشارى الخاص
والمشرفة على اعمالى بالمنتدى
هههههههههههههههههههههههه
واختى الصغيرة

المطلوب تقول لكل واحد عيب فيه وحاجة حلوة فيه والنصيحة اللى تقدمهاله

وطبعا مافيش انسان كامل

وحضرتك فاهمنى ...............
مش عايز افهم



ولنا عودة

المشاركة الأصلية كتبت بواسطة tears river (المشاركة 884023)

16- ريتاج
يا انا يا هى فى المنتدى ده
دى بتتحدانى يا جدعان


انا بتحداك يا مستر
حضرتك كدة بستفزنى
انا شكلى هابدا اتحدى بجد
و لو على المنتدى يبقى حضرتك اهم طبعا

كانت معكم (ريتاج2016سابقا)