لو سمحتوا بتوع علمى علوم
محدش يعرف طريق مذكرة احياء تكون مطابقة لكتاب المدرسة بس منظمة شوية

مذكرة الدرس بتاعي كدا بس مش هعرف ارفعها

انت عاملها سكان ع الكمبيوتر؟؟

يا جماعة حديعرف ملزمة انجليزى او فرنساوى تكون به اسئلة

لا........

الكتب افضل المذكرات بتكون فيها اخطاء

احنا لسه بدرى ماخدناش ولاهندسة ولاتفاضل ولا ديناميكا
ولسة النهاردة بادئين فى الاعداد المركبة
وبعد كده هتعملوا اى

احنا هنبدا في الاستاتيكا

ربنا معاكوا ان شاء الله 😉

حاول تحل اكبر فدر من الاسئلة وان شاء الله هتثبت
يعنى الفيزياء حل الدليل والكتاب الخارجى ....

امتحان 2013 عربي مكنش سهل خاصة قطعة البلاغة
حلوها كدا وقولوا رايكم .. والي خاد الصغيران يحله في نفس الامتحان ... فيه سؤال رخم برضو

رياضة ان شاء الله

انا من رأيي تحل امتحان علي الفصل مثلا بس تحط في دماغك انه امتحان مهم و لازم تحله كله تمام .. ده هيساعدك تسترجع كل المعلومات اللي في الفصل و ربنا يوفقك و ماتخفش خالص طالما ذاكرته كويس بس لازم مراجعة دورية كل فترة عشان يثبت اكتر
انا بعمل كدا في الفيزياء عندي ، الفصل بعد ما اذاكره اراجع عليه كل ما ابقي فاضي مراجعة سريعة كدا ، و كل مرة وقت المراجعة هيكون اقل لأن الدرس هيكون ثبت بالفعل

ايه يا عم السرعه دى :d
احنا خلصنا الاستاتيكا بس
ولسه فى الاعداد المركبه جبر
وتلت ابواب تفاضل بس !

اخباركم ايه يا جماعه فى باقى المواد

انا الاحياء والجيولوجيا بايظين معايا خالص حد يقولي اظبطهم ازاي اصل حاسس اني بيجلي زهايمر فيهم من فتره لفتره ؟؟؟؟؟

مفيش أحسن من المراجعه باستمرار حتي لو نقطه واحده مخ الإنسان عامل زي البناية لو مرممتهاش من وقت لتاني تقع

شكرا علي النصيحه
المشكله عندي انا لو مرجعتش الحاجه لفترة معينه مش طويلة اوي بنساها اجي اذاكرها كأني بذاكرها لاول مره

لا شكر علي واجب
النسيان بعد فترة قصيرة يبقى التركيز في عملية الحفظ أو الفهم في أول مرة مكنش عالي أو مثلا النوم قليل بأثر على الذاكرة وبردو الأكل وحاجات كتير كل واحد حسب حياته الكلام ده قلته من خلال فهمي لمحاضرة لأستاذ أحمد قدوس عن التفوق الدراسي ولسه بكره ان شاء الله هناخد الجزء الثاني

لو سمحتم حد يعرف كتاب الرساله ف النحو بس نزل ولا لسه؟ولوحديعرف كتب للنحو بس ممكن يقول لي؟

الحمد لله بقي عندي جدول بمشي عليه طول الاسبوع ع حكاية النسيان دي لحاجات ممكن اكون صامها ف الاول بس طبيعي مع كتر الدروس والدخول ف المنهج بننسي وبيتفلت حاجات،فاولا محتاجين ندعي ربنا كتير ان يثبت عندنا ال بنذاكره ويرده عند حاجتنا اليه،نراجع كتير مع نفسنا المواد غير طبعا الدروس وده هيفرق جامد،خصوصا جلوجيا الباب الرابع ارخم باب ومعتش غير الزلازل ونخلصه،الاحياء:المس مظبطانا فيه،بتسال كل حصه وال مش بيذاكر بتضربه ،فبنذاكر بالعافيه وبنحفظ الدرس من اسئلتها،
فزيا :اجمل ماده
كيميا :بردو فيها نسبه حفظ مش قليله
انجلش:مش محتاج كلام،ترجمه وقواعد نبقي تمام ،
____
الخلاصه افضل وقت مذاكره الصبح بدري لان لسه دماغنا مش بيخلط حاجات وامور ف الفتره دي،بجانب طبعا التغذيه السليمه والنوم الكويس ده بيفرق جدا،ولو قدرنا فعلا ان يبقي عندنا نفس مود الصبح هنبقي تمام ،بمعني ان احنا "نفصل"،وده فعلا ال بحاول اطبقه،يعني:بذاكر تبقي دماغي ف المذاكره وبس،ما فكرش ف حاجه تانيه،بصلي:تبقي صلاه خاشعه،ف حصه:اعط للمدرس كل كياني،بتسلي :يبقي اتسلي سواء نت،تلفزيون،مش احل الواجب وانابتفرج!،فعلا باذن الله ده هيكون الانسان الناجح^_^

شكرا ع الكلام الجميل ... نحاول نعدل من طريقة مذكرتي للمادتين دول اكيد المشكلة في طريقة مذاكرتهم

ده انتو لسة مطولين جامد في المنهج :022yb4:

العفو ..باذن الله بالحل الكتير هنحس بان احنا حفظناهم
ربنا معانا كلنا ويوفقنا جمعا يارب
#دعوات الجميع _فى امس الحاجة ليها

احنا مش اخدنا غير مدرسة الاحياء والمقال ..بس حفظناها وسمعناها فى الدرس وامتحنا عليها مرتين ..لحد كده معايا حلو بس الله اعلم الباق هيكون شكله اى !

ولسة الي جاي احلي :d:022yb4:

انا لما كنت ذاكرت المدسة دى كنت ذاكرتها على كذا مرة يعنى مثلا الصبح احفظها مش اوى وارجع اراجع عليها مثلا العصر او فى وقت تانى فتثبت اكتر وارجع اراجعها قبل الدرس ..مش عارفة هل الطريقة كده حلوة ولا اى بس حسيت انى فاكراها مش بنساها بسرعة !

دى "حلو" بجد ! ولا حلو من الطعم التانى ._.

بصي بصراحة كدا المدرسة الرومانتيكية جميلة جدا وبتتحفظ بسرعة
اما تدخلي علي مدرسة الديوان " اعوذ بالله "

بشرك الله بالخير...اهى دى الحاجة الوحشة ف الثانوى ..ان كل مدرس يقول اكتبو بالنص ,احفظو والا هتنقصوا ._.

يارب بس يهونوا علينا في اسئلة الادب
اصلي الدماغ مش ناقصة

آمين يارب مش بعيد انسي اسمى على اخر السنة -_-

هههههههههههههههههه مش للدرجة دي

ده انا بكرة الساعة 12 معايا في الدرس تسميع المدرسة الرومانتيكية والديوان + نص المساء
#ربنا _يستر

وربنا بتحصل معايا ممكن انسي حرف فى اسمي والاستاذ يصححه فاصبحت بعد كل امتحان اراجع الاسم من ضمن الاسئلة :d

ههه عند حضرتك ده بس ! ده اسمه ترفيه._.
انا كان عندي 3امتحانات :٤ابواب جلوجيا،فزياء،عربي
بجانب درس فرنساوي،نص الصغيران

معلش سؤال هو ايه ران نيتشان ده ؟
اسم كارتون ده ولا ايه ؟؟؟

الحمد لله علي كل حال بس هو يقف بس لحد كده وانا راضيه بكده ‏‎:‎‏]‏‎
‎

تمام انا عندي بردو 2 درس ف اليوم بس مفيش يوم فاض والجمعه امتحان،يعن اسبوعي متصل ><

ههه حضرتك تعرف الكارتون !طب الحمدلله
اولا الحاجه ال بتفرج عليها هي الانمي وفعلا ده ماخوذ من انمي كونان بتفرج عليها بالياباني :‏d‏ ،حاله ادمان للانمي بس للاسف 3ث فرقتنا بس هنرجع بعد 3ث واتفرج

لا انا معرفهوش الكارتون ده بس الاسم جذبني فبحثت عنه لاقيته كارتون
انا الصراحة مش بتفرج علي كرتون اطلاقا
اخر مرة اتفرجت عليها كنت في المرحلة الابتدائية وكانت توم وجيري وسابق ولاحق والحاجات دي :d

وصلتي لفين في الفيزياء ؟

دي حاجات صغنطوطه دي
انا بتابع الانمي حاجه راقية شوي ههه^^

بدانا ف دوائر التيار المتردد

ماشاء الله
انا في الدينامو