|
اولا احب ارحب بزميلتنا الجديده beauty_andy
شكلنا فعلا يا ميجا هنسيطر على المنتدى ده وممكن نعمل مظاهره ونستقل بقسم منفرد بالنسبه لرأيي في الدكاتره انا بحب د/ محمد فريد بحس معاه بحماسه جامده قوي وكل الدكاتره كويسين بس دكتور الاداره عايزنا نحفظ وانا في الحفظ ( م م) يعني ميئوس منه وبيفضل طول المحاضره انت ياواد يا مشمش وعطوه عاجبني قوي الحكايه اللي دخل بيها لانه كده بيحاول يحسسنا اننا نكون متعودين عليه يعني مايكونش ليه رهبه لكن (نحبه باحترام) والدكتوره علا دي ماقدرش احكم عليها لانها لسه في اول محاضره وماقدرش احكم على حد من اول مره لانه غالبا بيكون حكم متسرع وغير صحيح ودكتور القانون عايز الواحد يكتب اللي بيقوله بالحرف الواحد والاقتصاد الدكتور بيقول اللي مش عايز يجيب الكتاب مش يجيبه واخر المحاضره قال كملوا المحاضره من الكتاب عاجبني قوي الاسلوب ده بس ارجع واقول كلهم كويسين بالمقارنه بالترم اللي فات و عبد المحسن كان شرحه كويس لكن ماصدقش في وعده عن الهدايا ولا لما قال ان الامتحان سهل والهدايا هتشوفوها بنفسكم وانا خايف يكون ضمن "اذا حدث كذب , واذا وعد اخلف" |
السكاشن نزلت النهارده والحمد لله عزمى معانا
انا بجد مكنتش عارفه من غيره هعمل ايه بس الحمد لله هيدينا بس فيه مشكله ان السكاشن معموله عشان انتظام مش انتساب فيبقى متظبط ع جدولهم مش جدولنا احنا وهنا بقى بتظهر المشكله بس انا ان شاء الله هحضر المحاسبه بس فالسكاشن لانى مش عارفه لسه باقى السكاشن نظامها ايه انا والله مجبتش الجدول كله عشان كان زحمه موووت جبت عزمى بس ولما اجيب السكاشن هنزلها باذن الله او لو فى حد جابها ياريت ينزلها |
اقتباس:
|
انا حضرت سكشن عزمى و سكشن سطوحى بامانه الاتنين عشره على شعره و بالتاكيد برده هحضر لعبد السميع و لمحمد بتاع السلوكيه و يائذن الله فى مدخل القانون هسال اصحابى اللى دخلوا حقوق ان كان بيدرسوا الماده دى التيرم ده و لو كانوا بيدرسوها هحضر معاهم سكاشنها و لكن يا جماعه جدول السكاشن هتغير و دى مش شاءعه زى شائعة عزمى و مادة ال icdlههههههه
|
انا غيرت راى عن بداية التيرم ده انا مش هصور من حد محاضرات انا عاوز حد يكون مخطط كتبه مع الدكاتره لانى ناوى هذاكر من الكتب لغاية ما تنزل المذكرات لان يا جماعه ناس كتير حذرونى من التيرم ده لانه صغير مش زى التيرم الاول و انا مش عارف اعمل ايه فى نفسى كل ما اجى اذاكر اشوف الكمبيوتر اسيب المذاكره و اروح على الكمبيوتر
|
لو سمحت يا جماعة كنت عاوزة اعرف فى مادة السلوك ومادة الادارة مين احسن معيدين
انا بحضر لعزمى وعبد السميع بس ناقصلى المادتين التانيين ياريت حد يقولى |
فى مادة الاداره طبعا سطوحى ده مشهور اكتر من نار على علم لكن فى السلوك معرفش لكن عن نفسى هحضر للمعيد اللى اسمه محمد
|
معلش ياجماعه بقالى كتير مش دخلت عشان كان عندى ظروف كده
المهم انتم اخبار الدراسه معاكم ايه؟؟؟ واخبار السكاشن والمحاضرات انا حضرت لعزمى الاسبوع ده وكان سكشن كويس بس المحاسبه شكلها تقيل الترم ده والسلوك حضرت لمحمد وشكله كويس قووى ع فكرة بيتناقش معانا وكده مش داخل يرغى كلمتين وخارج بس الباقى لسه محضرتش وان شاء الله هبقى اكمل الباقى ياريت تقولولى اخبار السكاشن معاكم ايه وياريت ياجماعه ونبى عايزة طلب صغير لو سمحتم الى يقدر يجيبلى اخر محاضرتين فالادارة لانى مش عارفه اجيبهم خالص ياريت ينزلهم عالمنتدى عشان كلنا نستفيد برضه وجزاكم الله كل خير |
الف شكر ليك
بس ياريت لو حد يقولى الدكاترة وصلت لفين فى الجامعة عشان انا لسة محضرتش |
الدكاترة دايسين فالمنهج خالص ولازم تحضر
وابقى هات المحاضرات الى فاتتك من حد من اصحابك لان الترم ده تقييل جدااا وربنا معانا |
انا بقالي فتره مش عارف اذاكر ازاي ولا فاهم حاجه من المحاضرات
كل اللي بفهمه الاقتصاد وبس غير كده بحس ان الباقي بيسمع المكتوب في الكتاب اللي يعرف المذكرات او المحاضرات هتنزل امتى او فين يقولي علشان انا تقريبا ااسبوع اللي فات ضاع كله واكون مشكووووووور جدا |
انا بقالى كتير بكسل انتزل الجامعه و مبحضرش المحاضرات و عاوز اعرف الدكاتره وصلوا لفين و انا بدات ازهق تانى من الجامعه و من المحاضرات و شكلى معدش هنزل الجامعه الا للسكاشن للمحاسبه و الاقتصاد و الاداره فقط و سكشن السلوك التنظيمى انا شايف انه ملوش لازمه كل اللى بيعمله الاستاذ محمد انه بيدى مثال تطبيقى و خلاص
و بالنسبه للمذاكره انا مذكرتش من اول التيرم ده حاجه غير انى قرات شويه فى كتاب السلوك التنظيمى بامانه كتاب ممتاز و شيق جدا و انا قربت اخلص الفصل التانى |
انا سالت فى مكتبة مركز الطلاب امبارح و قالوا ان المذكرات هتنزل يوم الاحد القادم بائذن الله
|
السلام عليكم ممكن اعرف جدول السكاشن نزل ولا لا انا ابراهيم اولي تجاره انتساب
|
يااااااااااااااه انت لسه فاكر يا راجل ده نزل من زمان انزل الكليه و هتلاقيه و السكاشن يوم الاحد و السبت فقط
مرحبا بيك معانافى المنتدى |
| جميع الأوقات بتوقيت GMT +2. الساعة الآن 01:35 PM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.