لا اله الا الله سيدنا محمد رسول الله
ولا يسعنى وى النظر واقفا ولا انطق بشيئ
تقبلى مرورى

جزاكي الله خيراا
ففعلا انا برضوا متفقه
في رعاية الله

جزاك الله خيرااا على المشاركه
في رعاية الله

مرسيييييييييييييييى على موضوعك الرائع ده وفى نفس الوقت مهم جدا.لانه بيطرح مشكلة مهمة لان الخطوبة فى سن صغير من اسباب ازدياد حالات الطلاق فى مصر .وبعدين لما الاهل خايفين ان البنت تعنس طيب مش خايفين لما ترجعلهم تانى وهيا حاملة لقب مطلقة ومعاها اطفال فايهما افضل.ومن رايى ان افضل سن للخطوبة يكون بعد ما تخلص دراستها فهيكون تقريبا فى سن 21 يعنى سن الرشد وتكون وصلت لمرحلة كبيرة من النضج العقلى وتتحكم فى احتيارها لشريك حياتهاوتكون مسئولةعن اختيارها .تقبلى مرورى.....

جملة الزواج في سن صغير من أسباب الطلاق في مصر جملة إعلامية فقط تم الترويج لها من قبل الإعلام لهدم القيم وهدم الإسلام والجملة الصحيحة هي تأخير الزواج والتبرج والسفور والإختلاط في كافة مجالات الحياة وعدم توافر شروط الزواج وعدم الدقة في إختيار ذو الدين وذات الدين وعدم مرعاة الله من كل طرف من الطرفين والمبالغة والإسراف هم السبب الحقيقي في ذيادة عدد الطلاق
كما أن الطلاق ليس بجريمة بل الجريمة هي مفهومنا نحن عن الطلاق

لأ هيا مش جملة اعلامية تم الترويج ليها ولا حاجة ده واقع حاصل وانا عاشيته فى الريف فى بنات اتجوزوا فى سن صغير والان مطلقة وخمس اطفال واحنا مبندوعش لتاخر سن الزواج بس على الاقل ميكنش عشر سنين يعنى دى طفلة تفهم ايه عن زواج واسرة واطفال وحياة دلوقتى ما يعلم بيها الا ربنا.

للمرة المليون لم أقل أبداً كلمة عشر سنوات إلا و معهاكلمتان هما ((( توفر الشروط))) فإذا ما كانت الشروط متوفرة فهي ليست طفلة ولا يصح أبداً أن تعامل معاملة الأطفال بل يتغير المسمي إلي أمرأة كما سمي الرسول عليه الصلاة والسلام اسماء بنت ابي بكر رضي الله عنهما وقد توفر فيها شرط واحد من الشروط التي أأتيت بها في مشاركاتي السابقة وكما نعرف فإن أقل سن الحيض عند الفقهاء عشر سنوات

قال الرسول صلى الله عليه وسلم لأسماء بنت أبي بكر رضي الله عنها يا أسماء إن المرأة إذا بلغت المحيض لم يصلح أن يرى منها إلا هذا وهذا وأشار إلى وجهه وكفه

والله انا هقولك حاجة با بنتى و متسبهليش(متندهشيش)انا وانا فى تالتة اعدادى كان عندنا حوالى 3او4 فى المدرسة كلها مخطوبين والعملية معاهم *****اكس خالص واحنا نا مستغربين فعلا ازاى
اما جينا دخلنا اولى ثانى استغربت من الكم الهائل المخطوبين فى المدرسة سالت كام واحدة منهم اذا كانو هيكملو دراسة ولا هيقفو عند تالتة وهيتجوزوا قلولى هيكملوا طب والعرسان هيسنوهم( 9 ) بس ما صدقتش لان انا اسمع ان الخطوبة بتشغل جامد عن المداكرة
فانا بشجع جدا الخطوبة بعد الجامعة

أنا قريت الردود كلها تقريبا
ولقيت أن ما فيش خلاف

يعني حضرتك يا استاذ خالد
بتقول ان الجواز يبقى في أي سن طالما كان في مقدرة وأتحققت الشروط اللي حضرتك بينتها

وبقيت الردود اللي بتعترض على الزواج المبكر بتعترض عليه في حالة عدم توفر الشروط

يعني لاحظت أن معظم المعترضين على الزواج المبكر بيقولوا أن البنت أو الولد مابيكنوش ناضجين أو ما بيكون تفكرهم طفولي وده ممكن يسبب فشل الزواج يعنى من الآخر مش متوفر فيهم الشروط اللي حضرتك ذكرتها
يعني لقيت اللي بيعرضوا الزواج المبكر مش بيعرضوه لأنهم رافضين الفكرة نفسها همه رافضين أن دلوقتي معظم الشباب والبنات ما بتنطبقش عليهم الشروط اللي حضرتك ذكرتها

لو بصينا دلوقتي في الأغلب بتلاقي البنت اللي عندها أقل من عشرين سنة ما بتقدرش تشيل مسئولية نفسها حتى ودايما عايزة والدها وولدتها تحللها مشكلها مهما كانت بسيطة ما ينفعش تجوزها بالحالة دي وأعتقد أن حضرتك بتوفقني الرأي

يعنى كلنا متفقين وما فيش خلاف :blush:

شكرا على النصيحة بس أعتقد أنها مش مناسبة لكل البنات
حضرتك في كلية تجارة يعني عديت على الثانوية العامة وعارف مدى صعوبتها
تقدر تقولي كام بنت تقدر توفق بين الدروس والمذاكرة و الخطوبة اللي هيه المفروض بتبقى فترة تعارف على صفات وطباع زوج المستقبل اللي حتكمل معاه بقيت عمرها؟ وهل البنت في وسط قلق وتوتر الثانوية العامة بتبقى عندها القدرة انها تفكر وتأخد قرار مصيري بالجواز من خطبها؟ وهل بيبقى عندها الوقت الكافي أنها تقعد مع خطبها وتعرف بيفكر الزاي وتتعرف على شخصيته ؟هل الانسان عامة بيبقى عنده القدرة أن يفكر ويآخد قرار سليم وهوه متوتر وقلقان؟
أعتقد أن عدد البنات اللي تقدر تعمل كده قليل أوي

غير كده ما اعتقدش ان في رجالة كتير حتقبل ان مراته تبقى مشغولة بالمذاكرة في الكلية ورايحه جايه من الكلية وكمان تقوله بلاش خلفة دلوقتي خليها بعدين ولو هوه وافق على كده أهله -وأهلها هيه كمان- مش حيقعدوا يقولوا كلام من نوعية أحنا عايزين نشوف عيالك قبل ما نموت وأنت حارمنا ليه من أن يكون لينا أحفاد

بجد بجد عجبني اوي مناقشه الموضوع ده
بالنسبه للخطوبه بتاعت ابتدائي واعدادي فبصراحه وسوري ف اللفظ يعني ده هبل

البنت بالذات النضوج العقلي بتاعها بيبتدي ف الجامعه خاصة وانها مع كل فتره من الحياة بيتغير اسلوب تفكيرها ونظرتها للدنيا
علشان كده السن المناسب اوي بيبقي ف الجامعة
اما بقي من ناحية السنه الاولي او كده فدي حسب ظروف البنت والولد
لما بيكونو بيحبو بعض وبيصارحو اهاليهم فمنعا لاي كلام او كده وعلشان العادات والتقاليد بيعملو خطوبه حتي لو كانو صغيرين
يعني بتكون دي رغبة الطرفين
وفي ناس بتقول انه بعد الجامعه بتبقي متاخره والبنت بتبقي خايفه من العنوسه والحاجات دي
بس المفروض اللي يحدد ده كله ظروف المخطوبين
موضوع بجد متميز