المشاركة الأصلية كتبت بواسطة كونان العرب (المشاركة 2404178)

لا طبعا مش غلطت .. خير ما عملت
الغش عمره ما هيتمحي من الوجود و اللي عايز يغش براحته و خليه يدخل الكلية اللي عايزاها مش من عرقه وتعبه و لو عنده ضمير اكيد هيشعر بتأنيب الضمير طول عمره و بعدين ممكن يدخل كلية بعد كده ويبقي فاشل زي ما هو الحال دلوقت اللي غش و دخل ثانوي و هوا لا يفقه اي شئ ! وكمان سمعت والله اعلم ان رزقه بعد كده يبقي حرام ..
انا برضه كان عندي غش في اللجنة بتاعتي و طبعا مش غشيت و لا غششت حد ^_^
مفروض كل واحد ياخد علي قد تعبه .. انا بحب اللجان الصعبة جدااااااا حتي الواحد يعرف يركز في الحل
في رأيي لو ركزت و حليت هتحقق احسن ما تغش و مش تبقي مركز بتكتب اي حاجة وخلاااااااص !!
ده غير الناس اللي بتغشش غلط وكده ..
واكيد بتنرفز لما حد يغش و يجيب اعلي مني بس خلاص خليه يفرح في الدنيا و في الاخره بقي ينال جزاءه
اكيد يعني الدنيا مش تساوي حاجة بالنسبة للاخره
بس طبعا مش عايز اظلم حد .. لان اكيد مش كل اللي جاب مجموع جابه بالغش .. الناس بتتعب و بتذاكر و ربنا بيوفقها بدون و لا كلمه غشها و في الاخر يقولوا اكيد غش حرام برضه يعني !!

المشاركة الأصلية كتبت بواسطة ningooooo (المشاركة 2404199)

أه والله انا كنت راجع من امتحان الجبر مضايق علي الرغم من ان ربنا الحمد لله كرمني بس عشان علي الرغم من إن الامتحان كان سهل لكن كان في غش و باين كده ان الامتحان ده مصرح فيه بالغش علي مستوي الجمهورية بس احنا مكناش نعرف:p
و طبعا مش كل الي جايبين مجاميع عالية كانوا بيغشوا ده اكيد تعب و عرق مش بالساهل و عشان كدة ربنا كرمهم و ربنا يحميهم

المشاركة الأصلية كتبت بواسطة هند شريبة (المشاركة 2404011)

بصي يا قمر اهم حاجة طاعة ربنا اولا والدعاء
خلي كل اللي حواليكي يدعولك
وماتخافيش ولا حاجة
لازم تهدي نفسك
لان اهم حاجة التركيز والهدوء
وذاكري اول باول<<مش كنت بعملها اوي هههههههه:d>>
وحلي في الانجلش والرياضة والفرنساوي كتيرررررررر خالص لان الحل اهم حاجة
والعربي احفظي وحلي مع مدرسك
بس لازم النحو والبلاغة تحلي فيهم كتير والادب راجعيه داااااااايما

قوليلي بقا انتي كميا و لا احياء ولا ادبي

المشاركة الأصلية كتبت بواسطة أحمد الزنارى (المشاركة 2404025)

اتعلمى مننا بدل ما تبقى زينا و عشان تبقى دكتورة زى ما مكتوب فى اسمك
هقولك السر
ممكن تضحكى علية لانك سمعتية كتير جدا و مقولة قديمة جدا لكن اقسم بالله هذا هو السر و لو طبقتية هتبقى دكتورة فعلا و تعدى 98 ان شاء الله
لا تؤجل عمل اليوم الى الغد
هو دة السر نفذى الجملة دى بس و اضمنلك تحققى اللى عايزاة
شوية نصايح عالماشى كدة
غلطات وقعت فيها و بحذرك منها
حسن اختيار المدرس و المجموعة اللى هتاخدى فيها درس و متتكسفيش انك تطلبى من المدرس نقلك لمجموعة اشطر او حتى تسيبى المدرس لو كان وحش
ما تسمعيش لصحابك اللى بيقوللك مابنذاكرش و خليكى فى نفسك و بس

المشاركة الأصلية كتبت بواسطة كونان العرب (المشاركة 2404030)

بجد الكلام ده بيحصل !! يعني زي الفلسفة كده ولا ايه ؟