المشاركة الأصلية كتبت بواسطة abosalah_crazyboy (المشاركة 2730283)

بالنسبة للموضوع بقا .... زي ما كل بلد في العالم معروفة بحاجة معينة ... يعني بنات لبنان و ذكاء المغاربة والموضة في باريس والعلم في اليابان ... إلخ ... عندنا برضه في مصر ... ولأن مصر كبيرة إعتبرنا إن كل محافظة بلد ليها اللي يميزها عن المحافظة التانية .. ولأننا مختلفين عن العالم كله .. ميزنا نفسنا بصفات زباااااااااااااااااالة ... البخل والغباء وقلة الأصل والندالة ... طبعاً الحاجات دي معروفة لكل محافظة ..... الموضوع له جذور تاريخية لأن في مصر القديمة كان كل إقليم بيتفاخر على الإقليم التاني وده ثابت تاريخيا

أنا هتكلم عن نفسي بلدي .. علشان منزعلش حد ومع كامل الإحترام لكل مصري

أنا مثلاً شرقاوي ..وأفتخر ... لكن تلاقي حاجات على الشرقاوية ..زي " ولاد عم الصعايدة " "شرقاوى كورك عبيط " ... ودايماُ معروفين بالسذاجة " شرقاوي عزم القطر " وحتى الحادثة دي لو صحت تاريخياً يبقى دليل على المروءة والكرم مش السذاجة والعبط

وأعتقد إن السبب الرئيسي في ده كله هو إننا كمصريين بنميل دايماً للإستهبال والإستعباط .. ولو عاوزين نشوف الكلام اللي إتقال على كل محافظة في مصر يبقى مش هنخلص ... بس أنا هديكو أمثلة ع السريع إتقالت قدامي في مرة كنت بتناقش في الموضوع ده مع ناس محترمين زيكو :d
المنوفية ( بلد الحبايب كلهم .. وعلى رأسهم رئيسنا حبيبنا اللي إخترناه ) .... "المنوفى لا يلوفى ولو أكلته لحم كتوفى "
دمنهور ..... "ميت نورى ولا دمنهورى "
الشرقية ( بلدي ) ... شرقاوي أهبل كاورك عبيط ... شرقاوي عزم القطر ... ولاد عم الصعايدة
الصعيد ... اللي إشترى التورماي
دمياط ... بالرغم من إنهم معروفين بالإجتهاد وإتقان العمل بس طبعاً لهم نصيب بعبارة ... " تتعشى ولا تنام خفيف "

مع كامل الإعتذار والإحترام لكل اللي ذكرته .. لكن كل ده معروف للجميع .. وطبعاً الإنسان مش بمكانه لكن بمكانته وشخصيته ...
وربنا قال في سورة الحجرات :
{ يأيها الناس إنا خلقناكم من ذكر وأنثى وجعلناكم شعوبا وقبائل لتعارفوا إن أكرمكم عند الله أتقاكم إن الله عليم خبير }

المشاركة الأصلية كتبت بواسطة هانى الشرقاوى (المشاركة 2730555)

هههههههه
صحيح نسيت أقولك على حاجة كده يا تسابيح
فيه فى مدينة نصر جنب قسم تانى مدينة نصر مبنى اسمه مبنى طلاب المنوفية
أهل الحى اللى قعدت فيه فترة كبيرة جدا بيقولوا عليه ( مبنى اليهود )

المشاركة الأصلية كتبت بواسطة تسابيح النجوم (المشاركة 2730576)

المشاركة الأصلية كتبت بواسطة هانى الشرقاوى (المشاركة 2730612)

ههههههههههه
لا
الشرقية
اسمها كده
عاصمة القلوب البيضاء
شرقت وغريت عمرى ما شفت ناس زى أهل الشرقية :d


هههههههههه
مدينة نصر !!!
الرجالة فى مدينة نصر ليهم لقب وكمان الستات لقب والشباب لقب والبنات لقب
ومش ح قولك على الألقاب دى أحسن عيب :o
ههههههه


بالمناسبة
أنا اسمى مفيهوش لقب شرقاوى
بس انا بفتخر انى فى أصل الأصل شرقاوى :d

المشاركة الأصلية كتبت بواسطة عبد الله الرفاعي (المشاركة 2733140)

المنايفة وأدب المنايفة والناس دى انا قلت راى فيهم قبل كده ياتسابيح(أصل المثل )ومفيش حاجة اسمها بخل المنايفة .
أما بالنسبة للرجالة اللى فى الصعيد فالصعيد فى مصر هو صعيد طيب لا ترى فيه عوجا ولا أمتا _ولا نريده ولا نرضاه صعيدا جرزا.
وأنا دقهلاوى يعنى الجمال والعيون الخضر واللى عاوز يتريق علينا ويقول أحفاد لويس يقول اللى عنده جمال زى اللى عندنا يورينا.

ودامت مصر بخير وأهلها طيبون

المشاركة الأصلية كتبت بواسطة hazim111 (المشاركة 2751211)