|
السلام عليكم ورحمة الله وبركاته
ازيكم يابنات اتمني ماكونش هزعجكو بكلامي عندي مشكله يمكن بعضكو هيفهمني غلط بس متأكده انكو مش هتسيبوني مشكلتي يابنات في بابا وماما بس المشكله ان كل واحد فيهم ليا معاه مشكله اولا ماما مش قادره انا وهي نكون اصحاب متظلمونيش من اول كلمه بجد حاولت كتير بس هي مش قادره تفهمني مش قادره توصل للي بحتاجه صدقوني انا محتاجالها اوييييي بس للأسف ش عارفه ليه ده يحصل معايا والله في يوم ما فكرت ازعلها ولا في يوم طلبت مني حاجه كنت اقدر اعملها ومعملتهاش الحمد لله بشهادة الجميه باره بيهم ودي نعمه بحمد ربنا عليها بس هي دي مشكلتي مع ماما محدي يقولي حاولي لاني بامانه حاولت كتير يعني مثلا ماما بيضايقها قعادي ع النت مع اني والله مش بعد غير لما اكون خلاص مخلصه كل حاجه هي طلبتها مني واكون اديت واجبي علي اكمل وجه ومع ذلك بتضايق برده حتي لو كنت لسه قاعده تعد تقولي نفسي اعرف ايه اللي بيشدك ايه اللي يخليكي لو قعدتي اليوم كله مش تزهقي دي كده مشكله ماما واتمني الاقيلها حل معاكم ثانيا بابا بابا مش عنده حاجه اسمها خصوصيه يعني معندوش مشكله اني اكون بتكلم ع الميل مع واحده صاحبتي والاقيه قعد جنبي يقرا اللي بكتبه واللي هي بتبعته او اكون بكلم حد في التليفون ويعد جنبي محدش يقوللي خايف عليا لانه واثق فيا والحمد لله ثقه عمياء اذن ده مش خوف ومش لاقياله تسميه برده بابا معندوش مشكله انه يمسك موبايلي يقلب في الرسايل اللي ببعتها وببتبعتلي يمكن ده مش بيسبب مشكله ليكم بس صدقوني والله حاجه بتضايقني جداااااا وبتخليني عاجزه عن الكلام لاني ببقي محرجه اكلمه او اقوله ان الموضوع ده بيضايقني احيانا بحس ان بابا يمكن مع انه مش متعلم برده او تعليم بسيط شويه بس واللله يابنات لما يلاقي ماما تقسي عليا شويه يعد يقوللها قدامي او من ورايا بالراحه عليها عامليها كويس وبعدين هي تعبت السنه دي كتير سيبيها ترتاح وتعمل اللي هي عايزاه كفايه انك مش بتسممحيلها تخرج مع صاحباتها من خوفك عليها يعني بيبقي كتير ليه دور ايجاب واحيانا لا ومش بس كده كمان اخخواتي ع انهم متعلمين مش بلاقي فيهم الصدر الحنين مفيش في مره لقيت حد فيهم جاي يسالني عن احوالي حتي ايام الامتحانات الموضوع بالنسبه ليهم عادي حاسه ان مش ليا اخوات عن جد مفيش في مره لقيت حد فيهم بيقولي تعالي اخرجك عشان انتي مش بتخرجي معاملتي معاهم يمكن تقتصر علي روتين يومي منقدرش نستتغني عنه لكن غير كده لا احساس متبادل بيننا متلاقيهوش بعد كل ده هتقولولي امال لما بيكون عندك مشكله بتحيك لمين اول حد بفكر فيه اصحابي ع النت يمكن حتي اصحابي في الحقيقه مش بلاقيهم اوي كل واحد عنده همومه ومشاكله بس بجد اصحابي من المنتتدي عوضوا الشرخ ده اوي بس مثلا ايام امتحانات ومحتاجه اتكلم وافضفض اتكلم لمين واشكي لمين مفيش قرايبي يمكن عمتو شويه بس هي مش ساكنه جنبي اوي يمكن مرات عمي شويه ودي فعلا اللي بلاقيها وقت ما احتاجها بس صدقوني احساس الام ده مش بلاقيه عند اي حد محدش يقدر يعوضه غيرها هي عايزه اسمع رايككم في مشكلتي عارفه ان معظم الي هيرد عليا هيكونوا من اصحابي بس مش عايزه ردكم عليا يرتبط بالعواطف وكده عايزاكو تدوني رايكم حتي لو كان قاسي عشان كده محدش يعرف انا مين عايزاكو تدعولي كتير بالله عليكم اختكم في الله |
بصى ياحببتى اولا انا زعلت منك علشان بتقولى يارب مش اضايقكوا من مشكلتى
اولا احنا عملين الموضوع علشان نسمع لبعض اما بخصوص ماماتك ففعلا فى امهات كدة مش بتقدر توزع حبها على كل ولادها فاعذريها وادعى ربنا انكوا تكونوا اصحاب وفى نفس الوقت اوعى تغيرى معملتك ليها خلي معملتك تكون كويسة جدااااااا معاها واوعى لما تكبرى تعملى ولادك بالمعاملة دية الى مش لقتيه عندهم لازم تلاقيه فى بيتك انتى مش هتقدرى تغيرى مامتك ولا تغيرى تفكيرها بس اصبرى وزى مابقولوا الصبر مفتاح الفرج وابقى صرحيها فالكلام دة وقوللها الى انتى بتضيقى منه اما بخصوص باباكى فبرضه صرحيه قوليله انك بتضايقى وهو اكيد هيتفهم الموضوع ومش هيضيقك تانى لانهم مش عاوزين غير مصلحتك وغير انك تكونى مبسوطة بس اكيد دة خوفه عليكى مش اكتر والخوف مش معناه انهم مش واثقين فيكى لا واثقين بس دورهم انهم يتبعوكى ربنا يسهل ويفرجها من عنده هو قادر يغيرهم فى لحظة بس بجد مش تغيرى معاملتك ابدا وربنا يكتبلك الى بيحصل دة فى ميزان حسناتك |
اقتباس:
بس فى الاول ليا طلب و هو انك تحطى نفسك مكان مامتك و باباكى و اخواتك اوكى بالنسبة لمامتك مامتك يا سكر مش عايزة حاجة غير مصلحتك احنا بنقول عادى هما عايزين مننا ايه ساعناها فى البيت و خلصنا امتحانات و كله تمام فين المشكلة؟؟؟؟؟؟؟؟ المشكلة بكل بساطة انهم خايفين علينا اكتر من نفسنا خايفين ع عيننا_بالنسبة للنت_و خايفين ع جسمنا اللى المفروض انه يتحرك مش يقعد فترة طويلة ع كرسى الكمبيوتر من غير حركة بصى يا حبيبتى طبعا عشان نبقى صرحاء مع بعض لازم نعترف بفجوة الاجيال من جيل غير جيلك ماتعرفش النت كويس زينا و لا تعرف اهميته لما تسمع عن النت بيبقى كلام يخوف مش كويس لاننا فى مجتمع بيشوف عيوب الحاجة مش مميزاتها فليها حق تخاف عليكى حتى من صحاباتك البنات و انتى نفسك المفروض تلتمسيلها العذر فى ده لانك المفروض برده تخافى من النت او مش تخافى بس تبقى حذرة حاولى تعر فيها اهمية النت بطريقة غير مباشرة يعنى مثلا لو قاعدة معاها فى يوم و كنتى انبارح مثلا شفتى معلومات دينية كويسة قوليلها و الله ياماما ده انا انبارح قريت كذا و كذا و الله برده النت ده مفيد الواحد بيعرف حاجات فى الدين ماكنش عارفها بس ماتطلبيش منها انها من اول مرة تقولك اه و الله تصدقى ده مفيد لا مش من اول مرة بس مرة ورا مرة هتقتنع يعنى بالمحاولة ده بالنسبة للنت بالنسبة انك عايزة مامتك تبقى صاحبتك براحة حاولى تفهميها ان الاجيال مختلفة مش مرة واحدة تبقى احبتك و سنها زى سنك ده صعب بس براحة مرة تقوليلها ده حصل النهاردة كذا و تاخدى برايها و ناقشيها بس براحة مش تشدى معاها فى الكلام لو لاقيتيها هتشد هيا فى الكلام اطلعى بره الموضوع يعنى قوليلها مثلا المهم يا قمر انتى ايه اخبارك انا اهم حاجة عندى انتى و رضاكى عليا و اى حاجة انتى عايزاها هنفذهالك كده يعنى نبجى بقى لبابا بابا يا ستى واثق فيكى اه بس يعنى صراحة الزمن ده لازم يحرس و لا يخون يعنى اه واثق فيكى بس مافيهاش حاجة لما عمو يطمن ع بنوته حبيبته خديها من المنظور ده لما مثلا ييجى يدور فى الموبايل حطى فى دماغك انك مهمة عنده حريص عليكى جداااااااااااا و الا ماكنش تعب نفسه مع انه واثق فيكى ماتخديهاش من منظور ان دى عدم ثقة او انه بيفتش وراكى يعنى انتى باذن الله هتبقى ام هل مش هتدورى ع حاجات اطفالك او بناتك لما يكبرو اكيد لا هتدورى و تتابعيهم يمكن باسلوب مختلف بس الهدف واحد و حاولى براحة انتى بدل ماهو ييجى يدور ع حاجتك انتى قوليهاله يعنى مثلا قاعدين سوا جيبى موبايلك و قوليله شفت يابابا فلانة باعتالى ايه و لا فلانة و وريله انتى الرسايل فاهمانى كده يعنى استخدمى ذكاء البنت عشان تمشى الموقف بالنسبة لاخواتك بقى دول بقى المشكلة مش عارفة انا كان نفسى يبقى ليا اخوا ولاد كبار بس الحمد لله ماعنديش دلوقتى عرفت قيمة انى ماعنديش اخوات ولاد اكبر منى ...بس المهم برده هرجع و اقولك ذكاء البنت انتى مثلا معاملتهم ليكى بتضايقك و بتعيطى منها طب عيطى ادامهم شوفى اكتر واحد قريب منك و كلميه و انتى بتكلميه صدقينى هتعيطى طلعى اللى جواكى ليهم و مرة فى مرة هيستجيبو ليكى يعنى قوليلهم انتو بتعاملونى كده ليه انا اختكو المفروض تعاملونى افضل من كده و بعدين لازم تحسسونى انكم بتحبونى مش عشان اخوات يبقى لازم تحبونى ........كده يابنتى خليكى ذكية البنت عندها الذكاء العاطفى ماشاء الله استخدميه و بالنسبة لموضوع الامتحانات فوالله صدقينى هما بيبقو متعصبين و خايفين عليكى جداااااااااااااااا بس مش بيبنوا عشان مش يعصبوكى انتى يعنى فى النهاية لمصلحتك و راقبيهم يوم النتيجة مع انى عارفة انك كفاية عليكى تعرفى النتيجة بس و الله يابنتى بيبقو متعصبين زينا او اكتر بس يمكن الولاد عامة غير البنات فمش بيبنوا ده بيبقى جواهم حاجات مش بيبنوها لانهم مش مهتمين بيها او مش عارفين اهميتها بس هيا مهمة عندنا احنا لان البنات غير الولاد سواء فى المعاملة او التعامل ربنا معاكى ياقمر و يوفقك يارب معلش صدعتك :) |
السلام عليكم
تعرفي انها مشكله بنات كتير في حكايه الام وانا مصدقاكي انك حولتي تصحبيها بس هما مش قدرين يفهموا كده حاسين انهم مش شايفين غير انهم هما صح حاسين انهم مينفعش يغلطوا انا كمان كان نفسي ماما تصحبني واقرب منها بس صعب انت علي قد متقدري اعملي حاجه تفرحها وخليها ديما تفرخ بيكي ياريت يفهموا اننا في سنا محتجنهم جمبا انا بحاول افرحها وانت كمان حاولي ترضيها واتمني رضها |
السلام عليكم
تعرفي انها مشكله بنات كتير في حكايه الام وانا مصدقاكي انك حولتي تصحبيها بس هما مش قدرين يفهموا كده حاسين انهم مش شايفين غير انهم هما صح حاسين انهم مينفعش يغلطوا انا كمان كان نفسي ماما تصحبني واقرب منها بس صعب انت علي قد متقدري اعملي حاجه تفرحها وخليها ديما تفرخ بيكي ياريت يفهموا اننا في سنا محتجنهم جمبا انا بحاول افرحها وانت كمان حاولي ترضيها واتمني رضها . بالنسبه لولدك حيسببك احراج جامد لانك مش حتعرفي تتكلمي معهم وفي حاجات مثلا هما بيحكهوالك مينفعش هو يشوفها حاولي مره تتفتحي معاه الموضوع علي سبيل النقاش مثلا تقولي ايه رايك في الخصوصيه يعني كده اخواتك يمكن هما مش قصدهم كده بس انت حاولي ديما انك ترسمي صوره الشيء الجميل عشان يوم ميكون في نقاش يبقي الافضل انك تكوني المظلومه مش الظالمه ومتبعديش عنهم قربلهم حببيهم فيكي ومتخسريش الناس اللي حبكوي زي مكانوا جمبك وبيكونوا جنبك انت كمان قربي منهم عشان مش اللي بيحصل معاكي يخليكي تكوني حاجه تانيه وقربي من ربنا وادعليه ان الحال يتغير والدنيا تبقي احلي او علي الاقل تحسي بروح الحب بنكم |
الفكره جميله وي وانا عندي فوبيا اني لازم معرفش اشوف حد في مشكله ومفكرش معاه اخدت علي كده وانا معاكم يا بناويت يا خواتي يا عساسيل اي حد يحتاج حاجه ان في الخدمه وانا كمان لو عندي مشكله اكيد حلاقي خواتي حبيبي جنبي |
اقتباس:
وان شاء الله تابعى معانا المشكلات الى بتتحط ولو احتجتينا فى اى وقت اتفضلى واحنا كلنا سامعين |
فكرة حلوة اوى يا حبيبه قلبى
ربنا يوفقوا يارب |
اقتباس:
انا عوزاكى تتابعى معانا المشاكل وعاوزة اشوفك هنا باستمرار اوكش نورتى ياجميل |
حبايب قلبى
انا سعيدة جدا بكم وبافكاركم الرائعة ومحاولاتكم للتعامل مع المشكلات بطريقة تتناسب مع سنكم وافكاركم انتم عارفين انى قبل ان اقرأ موضوعكم الجميل ده انا اقترحت نفس الموضوع على الادارة بس المختلف انى فكرت ان يكون المشاركات لا تراها الا صاحبتها وأيضا المسئولة عن الموضوع فما رايكم انتم ونحن فى خدمتكم ومستعدين لاى مشكلة او اى كلام فضفضة زى مبتسموه يا حبايبى انا واستاذة رانيا تحت امركم والرسائل الخاصة بينا مفتوحة دائما لكم واى شىء يحتاج للوصول للادارة اعتبرونا همزة الوصل بينكم وبين الادارة فى كامل السرية والامانة ايه رايكم نطلب من الادارة تثبيت الموضوع ؟ وربنا يوفقكم حبيبى |
اقتباس:
بس انا مش فاهمه اقتراح حضرتك ازاى المشاركات مش تشوفها غير صاحبتها وباقى البنات يعنى مش يشوفها ولا اية؟؟ مش فاهمه قصد حضرتك وانا بصراحة نفسى الموضوع يتثبت نورتينى كتير:) |
يا ويلكم يا ويلكم يا ميت نهار ويلكم(welcome)
افكارنا احنا و لا افكار حضرتك يا ميس جنة انتى و ميس رانيا تنورونا اكيد و على فكرة انا كنت بطلت ادخل الموضوع دة لكن هادخله ما دام حضرتك بتدخليه شكرا بجد على المشاركة |
اقتباس:
وبعدين لو عاوزة تكلمى ميس جنة صح قوللها بون سوار ;) مش كدة ولا اية ؟؟:D |
انا مش فيا دماغ اقري الموضوع كله بس انتوا هتتحدوا علي ايه الرجالة يعني
|
اقتباس:
علشان نتحد عليكوا دة من اية يعنى احنا فى الموضوع دة اى بنت عندها مشكلة بتعرضها وكلنا بنكون واحد فى اننا نحللها مشكلتها وننبقى واحد فى ان مشكلة واحدة منا بتبقى مشكلتنا يارب تكون الرؤية وضحت ..,, |
| جميع الأوقات بتوقيت GMT +2. الساعة الآن 05:27 AM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.