لا طبعا من حقك تختاري ماده المستوي اللي انت عايزاه سواء كان عربي او انجليزي او احياء لو كنت علمي علوم او رياضه لو كنت علمي رياضه

استهدى بالله كدة وادعى ربنا انه يهديكى للمزاكرة انا عملت كدة والحمد لله بدأت اتقبل المادة ولما بدأت فى الفصل الراع حسيت انه كويس شوية
واوعى تقولى كدة تانى مفيش اى حاجة تستاهل ان الانسان يؤذى نفسه عشانها وخصوصا بقى لو كانت الثانوية العامة تروح فى داهية بس احنا نطلع منها كويسين استغفرى ربنا واوعى تقولى كدة تانى وربنا يوفقنا كلنا يارب اه صحيح كل سنة وانتى طيبة العيد بكرة

طيب ياريت لو تعرفى عن المواد دى حاجة فى المستوى الرفيع قوليلى

ربنا يخليكى ليا
انا اضعف من ان انا ااذى نفسى بس انا بجد تعبت الفيزياء خنقانى والاحياء مموتانى
اعمل معاهم ايه
كل ما احفظ الاحياء بتتبخر لدرجة انى بدأت انسى الفهم واركز بس فى الحفظ لأن معظم مواد الثانوية عايزة حفظ وانا والله مبحبش الحفظ نهائى بس حاعمل ايه
ربنا يستر
وانت طيبة وبألف صحة وسلامة مع ان العيد النهاردة كان بايخ جدا مش عارفة ليه:)

السلام عليكم ورحمة الله وبركاته
يلا يابنات انا منضمالكوا
بصوا بقى الفيزيا دى لا تطاق بس هنحاول نساعد بعض فيها على قد ما نقدر
وبالنسبة للاحياء هو انا لازم اذاكر من كتاب المدرسة يعنى مثلا الناس اللى خدوها
ياريت يقولولى اذا كان كتاب الامتحان يكفى عن المدرسة واحل اسئلة كتاب المدرسة بس ولا لازم اذاكر منه ؟
يلا مستنية ردكوا

لا يا قمر

لازم تذاكرى من كتاب المدرسة لازم لازم لازم
و الكتاب مش فيه حاجة
دة من احسن الكتب المدرسية
لو مش هتذاكرى كل المواد من كتب المدرسة
لازم تذاكرى الاحياء من كتاب المدرسة

ازيكم يا بنات كل سنه وانتم طيبين انا طبعا بقالى كتييير مبدخلش المنتدى الجميييل ده عشان الدراسه لما بتبدا عندنا مفيش تليفزيون ولا نت وده طبعا من خوف ماما عليا لانها اخرسنه ليا وبعدين الكليه انا الحمد لله 3 ثانوى علمى علوم ومجموعى السنه اللى فاتت كان تقريبا 97 المهم يا بنات انا مشكلتى انى الصراحه كنت تايهه من اول السنه والصراحه كده الفيزياء والاحياء واخدين وقتى كله لسه مبداتش عربى ولا انجلش وتتتصوروا انى لسه متلخبطه فى موضوع انى اكمل علم نفس مش عارفه اعمل ايه وكمان كان عندى لغبطه فى المواعيد ومدرس الفيزياء اللى خدت عنده ادانى ميعاد فى نفس الوقت بتاع درس الاحياء بعد ما خلاص كنت اتعودت على المكان والبنات اللى معايا حاجه فظيعه والله يا بنات انا متضايقه جدااا حاسه انى مبذاكرش كويس ومقصره وساعات بيجيلى احباط انى ممكن ملحقش لاقدر الله الكليه اللى عاوزاها على درجه ولا نص يارب محدش فينا يتحط فى الموقف ده عارفين يا بنات انا دخلت على الفصل التالت من غير ما اخد الفصل التانى بتاع الصوت لان كان عندى لغبطه فى المدرسين كده وطبعا المدرس هيدينى الفصل التانى مع باقى التالت يعنى المذاكره هتبقى شديده عليا ربنا يستر وطبعا الفيزياء مليانه جدااا وهى اصلا ماده علميه صعبه بس عارفين اجنا عاوزين نحاول نحبها عشان نعرف نذاكرها انا الصراحه مش عارفه اصلا اذاكرها منين بالظبط كتاب المدرسه كله رسومات كده ملهاش لازمه وكمان يا جماعه المعلومات الاثرائيه دى المفروض نذاكرها احنا المستر مقالهاش ومش شرحها والله يا جماعه انا كمان زيكوااا مرعوبه موووووووت من الفيزياء دى بس ربنا يستر لان احنا لسه فى الاول ولسه مدخلناش على التقيييل وانا كمان فى الحصه بحس انى مبفهمش كده ساعات مخى بيهنج معلشى ده مش غباءنا احنا ده غباء الماده نفسها المهم الاحياء دى والله فعلا انا حاسه انها جميييله هى اه عايزه حفظ بس لو فهمتى خلاص الحفظ ان شاء الله هيبقى سهل وانا الحمد لله باخد مع مدرس قمه فى الروعه صحابى اللى فى المنتدى هنا دكتوره ساره ودكتوره ماجدولين كانوا بياخدوا معاه وهما اللى قالوا لى عليه وبيقولوا ان شرحه قريب من دكتور هشام فعلا هو ما شاء الله عليه شخصيه فذه وبيخلينا نفهم كل حاجه بس رغم شطاره المدرس انا ساعات بحس ان الاحياء مليانه كده شويه لانى بنساها على طول دى بتتبخر والفيزياء كمان كله بيتنسى والرسومات بتاعه الاحياء مجننانى مبعرفش غير البلاستيده انا اصلا مبعرفش ارسم والرسم ده هو اللى كان منقصنى فى 3 اعدادى ده موهبه وفن هى دى بقى ارخم حاجه فى الاحياء بس عارفين انا دايما بقى كل الطلبه المتميزين والشاطرين بيجيبوا فى الاحياء 49 مفيش خمسين وكلهم بيقولوا مش عارفين الدرجه دى راحت فين ليه كده لما الماده الاساسيه الطلبه بيبقوا حلين كويس وميه ميه وفى الاخر يلاقوا9 4 المستوى الرفيع هيعملوا فينا ايه يااااااااااه ده انا طولت جامد سوري يا بنات دوشتكوا معايا انا طبعا زى ما قلت لكوا بقالى كتير مدخلتش المنتدى بس كنت بفضفض معاكوا وطبعا ممكن اتاخر فى الرد على الموضوع لان قليل جدااا لما بفتحه فى الدراسه وشكرااا لمروه ولكل البنات وكل سنه وانتن طيبات عشان العربى ميزعلش ساااااااااااااااااااااااااااااام

معاكوا ان شاء الله
هرد رد تانى لما افضى

منورة ياشرين


انا على فكرة بكتيرة بكرة اوبعدة هكون معاكوا

ياريت تستمروا وتساعدوا بعض ونتقابل السنة الجاية ان شاء الله

انتى صح وكلنا لازم نعمل زيك وانا اولكم ولازم احنا اللى نهزم الفيزيا مش هى اللى تهزمنا
ممكن اعرف انتى منين يا بوسى لهجتك مش مصرية؟؟؟؟؟؟

على فكرة انا معاكى ان الفيزيا رخمة فى مزاكرتها بس مش معاكى ان الاحياء وحشة حاولى تفهميها وانتى هتحبيها والله لانها بتتكلم عن حاجات محسوسة حاجات فى النبات وفى جسم الانسان حاولى بس انك تحبيها وتفهميها ونصيحة منى ممكن يكون العيب فى المدرس بتاعك حاولى تغيريه
على فكرة انا كمان العيد كان بايخ عندى مش عرفة ليه كدة يمكن عشان حملين هم الثانوية http://www.thanwya.com/vb/life/icons/icon111.gifhttp://www.thanwya.com/vb/life/icons/icon111.gifhttp://www.thanwya.com/vb/life/icons/icon111.gif

والله العملية مش محتاجة زعل قوى يعنى وده لسه اول امتحان لسه فى امتحننننننننننننننننننات كتتتتتتتتتتتتتتتتتتتتتتيرة وانت عرفه الواحد فى رمضان مش بيركز وبيلعب واخر ضياع ان شاء الله بعد العيد نشد بقى^_^