دا المعروف انك لازم تقعد سنه اولى دراسه فى المنيا وبعدين تقدر تحول تانى سنه لعين شمس
انا للاسف معرفش غير المعلومه دى :rolleyes:

طب مرسى جدا

طيب معلش هي ايه الاقسام اللي ف السن المنيا؟
انا اسمع انها انجليزي وفرنساوي والماني واسباني وايطالي وتقريبا فتحوا قسم صيني
طيب يعني هما دول بس ولا ايه لان انا نفسي ف ياباني
وكمان انا كنت واخدة فرنساوي مش الماني ف ثانوي كده مش هينفع ادخل الماني صح؟

يا جماعه سااااااااااااااااعدوووووووووووووووووووووونى انا محتاره اوووووووووووووى بجد مش عارفه ادخل ايه بالظبط بس انا عاوزه السن ومش عارفه اخد ايه اللغه ومش عاوزه انجلش لان عرفت انه صعب وكمان مش لحد دلوقتى مكتبتش الرغبات والله ساعدونى

وكنت عاوزه اعرف ازاى يعنى ان مجموع الانجيليزى بيأثر ع اللغه الى انت تدخلها وانا جايبه فى الانجلش 44 فقالولى ينفع ولا

مجموعك كام بالظبط وفعلا هوا الانجلش صعب دراسته ف الكليه بس ف غير الانجلش لغات تانيه كويسه وحلوه يعني

يعني كل قسم ليه تنسيق معين والتنسيق دا ع حسب درجه الانجلش او الفرنش او الالماني ( اللغه التانيه اللى درستيها ف ثانوي ) انتى جايبه 44 يعني قدامك روسي تشيكي عبري صيني تركي مش هيبقي ليكي انجلش علشان هوا بيخد من 46 او مش عارف تنسيقه هيبقي ايه السنادي وف لغات تانيه بتخد من الفرنش زي الاسباني والايطالي
لو كنتي دراسه الماني ف ثانوي ممكن تدرسيه ف الكليه بس ولو ف اي استفسار تاني اوك

السلام عليكم

انا عاوزة اكتب ف الرغبات اول حاجة ألسن عين شمس بعدين ألسن المنيا وبعدها اعلام فهل لو جالى ألسن المنيا ممكن احول لالسن عين شمس وهل المجموع هيبقى شرط فى التحويل ولا ممكن احول من المنيا لعين شمس من غير مشكلة

اتمنى الرد سريعا علشان المفروض اكتب الرغبات

انا جايبه فى تالته 97.56 % و كتبت اول رغبه السن عين شمس و جايبه فى الانجليزى 48.5 و فى الفرنساوى 47.5 يا هل ترى ممكن ادخل القسم الكورى و لو دخلته اخد معاه ايه و ايه الاقسام اللى متاحه ليا لو مدخلتش الكورى و طله تنسيقه الداخلى عالى ارجو الرد بسرعه لان النتيجه قربت تظهر بلييييييييييز

انا جبت فى تانيه 97.07 % 199 من 205 فى تالته جبت 197 من 205 و المجوعين كلهم 396 و المستوى الرفيع جبت فيه تسعه خدت منهم اربع درجات بس يعنى المجموع الكلى 400 من 410 و درجة الانجليزى 48.5 و الفرنساوى 47.5 بس عايزين توضيح تانى ؟

شكرا جزيلا على الرد و كل عام و انتم بخير

مين بياخد مجموع اكتر
السن المنيا ولا السن عين شمس

عين شمس حضرتك

العفو وحضرتك بخير رمضان كريم

السن عين شمس

يا جماعه ياريت تساعدونى

انا كنت علمى بس للاسف محصلش توفيق من عند ربنا و الحمد لله على كل شئ ..
اولا هل هلاقى صعوبه فى السن لانى ماليش فى الحفظ خالص و ملا ليا فى المجالات الادبيه دى
ثانيه بالنسبع للفرست و السكند الاحسن يكونوا مادتين عرفاهم يعنى انجلش و فرنش حسب ما كنت باخد فى ثانوى ولا الاحسن لغه على الاقل تكون جديده بحيث يبقى معايا لغه بيرفكت و لغتين مش اوى < السكند و اللى كنت باخدها فى ثانوى >
ثالثا هو العربى صعب ؟؟ لانى عرفت انه اجبارى لاى قسم و للاسف مش بحبه خالص و ممكن يكون دا الصعوبه اللى هتقابلنى
رابعا هو فى فرق بين السن عين شمس و الجامعات الاخرى ؟؟ و لو فى فرق يبقى فى ايه ؟؟

انا اسفه على الاطاله بس والله محتاجه اى حاجه تشجعنى واى حد يفيدنى .. و شكرا

لو سمحت انا عايز اسئل عن المانى و الروسى

انا جايب فى الانجلش 43 و الايطالى 47 فهل ممكن انى التحق بيهم علشان فى ناس بتقول لن بخصوص قسم الالمانى كان لازم انى اكون واخد المانى و لو كدة بجد بالنسبة للروسى ايه متطلباته

انا لسه هدخل السن خاصه ان شاء الله لو سمحتم هو الامانى فرص الشغل ليه كتيره ولا هبقى مدرسه بنسبه كبيره؟
مع العلم انا مش حلمى انى ابقى مدرسه إلا لو فى مدرسه دوليه او المانيه و دا صعب