كوميدى خالـــــــــــــــــــــــــص;) ...........بس دلوقتى انا بدأت اتفائل ان لينا محاضرات (اللى يقرا الخبر كويس لازم يتفاءل)

يا جماعه انا قراءت من علي النت اننا انتساب يعني ملهاش محاضرات بس الي انا مستغرباله ليه تجاره انتساب القاهره الوحيده الي ملهاش محاضرات يعني هما بتوع انتساب القاهره بس هما الي فيهم المشكله وبعدين طب ما فيه تجمعات كتيره اوي في كل الجامعات اشمعني دي بالظبط ده اولا تانيا يعني ايه الدراسه من علي التلفزيون طب نفترض انها بقي كده مش ممكن النور يقطع وانا بسمع المحاضره طب لو من علي النت مش ممكن برده النت يفصل طب لو بقت في ورق مين يشرحلي الي انا مش فاهماه وهي دي الحلول الي هما بيدرسوها علشات تكون لينا تفتكره بالطريقه دي حد ها ينجح حد يقولي انا بتكلم صح ولا غلط لاني خلاص اتجننت وهاتجنن اكتر لو محدش رد عليا انا اسفه اني طولت عليكو بس انا مليش غيركم يجاوبني علي كل الاسئله دي

انا هانزل الجامعه بكره واسال لو طلع موضوع انتساب حقيقي انا هحول عين شمس او حلوان ولو اتاكت انا هقول ليكم ايه الي حصل

بصى كلام النت كتير زى ماقولناليك
وبعدين لو موضوع الانتساب دا هيتلغى هيبئه على كله
مستحيل يكون فى جامعه والجامعات التانيه لا
وياريت لما تروحى الجامعه ان شاء الله تبشرينا

كلام معقول جدا وكمان بالراحة كده :028ja7:هو قالك هنذيع المحاضرات على النت وهو كل الناس عندها نت ؟ دا اذا كان فى ناس معندههاش كمبيوتر اصلا..؟ او حتى لو على التلفزيون مش كل الناس عندها دش او المعظم عنده وصله وحتى لو الناس كلها عندها نايل سات مفيش غير قناة واحده شغالة دلوقتى اسمها جامعة القاهرة فمعقولة هيذيعوا محاضرات لاربع كليات(تجارة واداب وحقوق ودار علوم) يعنىحوالى عشرين مادة وكل كلية من دول فيها تلت اربع فرق معقولة هيذيعوا محاضرات كل دول يوميا (المفروض يعنى) وحتى لو أجروا قناة تانية على النايل سات ب 300 الف جنيه فى الشهر متهيألى مش هتكفى المحاضرات دية كلو هيبان الاسبوع ده ( وان شاء الله هيبقى خير )

:040vk0: ايه ماحدش عارف يعرف الحقيقه فين ولا ايه يعني احنا هنفضل كده كتير مش فاهمين اي حاجه انا عن نفسي لو اتاكت اني انتساب هتقعد في البيت انا اكرملي احول معهد خاص عالي وخلاص

فين الحل
الي عنده حل غير الي انا قولتو يقولي عليه

:mad::mad::mad::mad::mad::mad::abdoog8::abdoog8:ان ا مش متفائله خالص

جماعه حد يقولي انتظام القاهره بياخد من كام وانتظام حلوان وعين شمس من كام وبالنسبه لانتساب برده حد يقولي الدرجات كلها لاني مش عارفاها

هو مش فيه حد يرد عليا ولا انا بكلم نفسي ولا انا لوحدي الي جيلي انتساب وشايله هم غير عادي ومن كتر التفكير في الموضوع ده مش بنام الي يعرف حاجه يقولهالي ويطمني ويريت ندعي اني الموضوع ده يطلع مش حقيقي

فين الاعضاء الي في المنتدي حد يرد عليااااااااااااااااااااااااااااااااااااااااااااااا اااااااااااااااااااااااااااااااااااااااااااااااااا ااااااااااااااااااااااااااااااا

ابحث عن التفاؤل في عيون ماليئه بالياس

استنى بس قبل ما تعملى حاجه وتتسرعى لازم تعرفى ان القرار ده على كل الجامعات فبالتالى يبقى تخليكى فى القاهرة احسن

يعنى هى الحكايه انهم عايزين فلوس طيب نفرض ان كله دفع وكله حضر يبقى عملوا ايه
مشكلة الزحمه هى هى
مشكلة الامراض هى هى
مش عارف تقريبا الناس دى مش بتفكر او مش عايزه تفكر

لا يامروى مش انتى لوحدك انتساب انا زيك وخايفه والله اكتر منك بس هعمل ايه
انا بقيت اخاف ادخل الموقع ده والله عشان مسمعشى خبر كده والا كده بس فعلا لحد دلوقتى محدش عارف حاجه ومتستعجليش وتحولى اى حاجه عشان كل دا مش اكيد
وربنا يستــــــــــــــــر

بصي يا مروة انا دخلت تجارة انتظام القاهرة وهي كانت بتاخد من86% في المرحلة الاولي
والانتساب من 83% تقريبا
وربنا معاكي

اكيد يا جماعة لازم نتفائل مش فى الموضوع ده بس لأ فى كل شىء فى حياتنا زى ما النبى صلى الله عليه وسلم قال (( بشروا ولا تنفروا ))

وعشان ما تفكرش كتير وتوجع دماغك وتبقى تحت ضغط نفسى


دع المقادير تجرى فى اعنتها ولا تبيتن الا خالى البال
ما بين غمضة عين وانتباهتها يغير الله من حال الى حال

وإن شاء الله ربنا هيسهل

لازم حد يقولنا ايه ـاكيد الخبر ده وايه النظام كده(فامبير او توتى)

الموضوع خلاص ظهر ياجماعة وانتساب اتلغت وهقتعد في البيت ومحاضراتها هتبقها علي قناة الجامعة علي التلفزيون وعلي النت
وهما عاملين تجارة انتساب بالذات عشان عددها كبير جدا ده غير التحويلات اللي جايه من كل الكليات فبقت عددها اكبر
وده ياجماعة في صالحنا مش حاجة وحشة
اولا محضراتنا هتبقي معاكي علي طول يعني لو عاوزة ترجعي لحاجة هتكون عندك لكن مش هتعرفي تخلي دكتور يعيد المحاضرة تاني ومعندناش سكاشن
وبعدين ان شاء الله نجتهد ونذاكر ونحول للانتظام
ومش في مصلحتك يامروة انك تحولي عين شمس او حلوان
للان كل اللي بيرحوهم بيتعقد وبيدبلر
وده كلام مؤكد واللي عاوز يتاكد اكتر ده اللينك بتاع موقع تجارة جامعة القاهرة
www.shtegara.com

اولا \الخبر لسه مش اكيد (برضو هفضل اقول كده لغاية ما الجداول تنزل) واللى مش مصدقنى يقوم ينزل الكلية دلوقتى ويشوف اذا كان فى حد عارف هناك ولا لآ
ثانيا \اللينك ده مش بتاع كلية التجارة ولا حاجة ده منتدى عادى (زى ده) وهناك برضو لسه محدش عارف حاجة.......(وايه رأيك فى اللينك ده وعلى نفس الموقع
http://www.shtegara.com/forums/showthread.php?t=32833

يا اخ توتى فامبير هينزل الجداول النهارده على المنتدى ابقا خش وشوف عشان تعرف ان انتساب اتلغت

ممكن برده بس برده مش اكيد وعلى العموم فامبير قال انه هيجيب الجداول النهارده وهنشوف ولو مطلعش فى جداول لانتساب؟

ابقي اقره المشاركات كلها بتاعت اللينك اللي انت كاتبه وحرام عليك متقاوحش عشان متعشمش حد بحاجة متاكدة انها مش هتحصل
والعند وحش
ونتقابل اول السنة علي قناة الجامعة :stickjo4::stickjo4:
وزور موقع جريدة الاهرام عشان تتاكد

وصحيح نسيت اقولك اللينك اللي بتقول مش بتاع كلية تجارة هو ده اللي بيتجاب من عليه النتيجة اخر السنة وبيتجاب من عليه كل اخبار الجامعة
وصحيح ياستاذ توتي انت تاريخ ميلادك بيقول انك لسه في تالتة ثانوي ايه اللي دخلك في كلية تجارة مش مواليد سنة 93 برضو :abdoog8:

:dلا 92 بس شكلى كتبت غلط (تصدقى لسه واخد بالى)................

لا سلامة نظرك

ياريت تكون خلصت قراية جريدة الاهرام وياريت تنشرها بقي عشان الناس تطمن
http://www.ahram.org.eg/Index.asp?Cu....HTM&DID=10084

حضرتك اللى مش فاهمه الخبر كويس(ياريت تخلى حد كبير يقرهولك)...................:romarioxp6::romarioxp6 :
وعشان متعبكيش ركزى فى استعدادت جامعة القاهرة (اقولك) خلينا احسن لما نشوف ايه اللى هيحصل اول الاسبوع الجاى.....................................

خلاص بفى انتوا هتضربوا بعض ولا ايه :stickjo4::abdoog8:

ياجماعه الخبر الاكيد بكره
لان الاجتماع النهائى بكره
وياريت بلاش الاستفزاز اللى بيحصل هنا من ناس
لان الحكايه مش ناقصه
واللى بيتكلم اوى وفرحان ياريته يحط نفسه مكانا احسن بدل م يعد يستفزنا
وربنا يستر
قدر الله وما شاء فعل

اهو انا نفسى اقول الكلمتين دول من زمان ولناس كتير ؟؟؟؟؟؟؟؟؟!!!!!!!!!!!

على فكره لسه برده والله مش اكيد
إما تخصيص محاضرات لهم مستقلة بالتبادل مع الطلاب النظاميين في الأماكن وفي نفس اليوم‏,‏ وفصل طلاب الانتساب في محاضرات مستقلة بالتبادل في أيام معينة‏,‏ وإلغاء محاضرات الانتساب والاكتفاء بمحاضرات الطلاب النظاميين‏,‏ وسوف يتم اختيار البديل المناسب في ضوء الأعداد‏.‏ وأوضح أنه بالنسبة للمدن الجامعية تم الانتهاء من عمليات الصيانة بالمدن قبل تسكين الطلاب والطالبات‏,‏ وإخضاع طلاب المدن الجامعية للكشف الطبي قبل التسكين‏,‏ وتحديد اعداد الطلاب بما يتناسب مع الطاقة الحقيقية للمدن مع تخصيص‏5%‏ من الاماكن للعزل الصحي ووجود الأطباء طوال‏24‏ ساعة‏.‏


اشمعنى يعنى يايويو اختارتى ان الانتساب هيتلغى وهما لسه بيقولوا ان هما هيختاروا واحد من الحاجات دى يعنى ممكن الانتساب يروح فى ايام تانيه
حبك لاخيك كما تحب لنفسك

انا حاسس والله اعلم ان بتوع انتظام _ مش كلهم _
حاسس انهم شمتنين فينا

حقد طبقى:d

كلامك زى الفل
 

يا ريت كل الناس تضه نفسها مكان الناس التانيه وانت فعلا يجب علينا الانتظار(من يضع نفسه مكان الناس هو من لديه القدره على اقناعهم وهو من يحبه الناس( فمن قمة الايمان ان تضع نفسك مكان غيرك))

طب انت اتاكت منين روحت الجامعه ولا سالت حد ولا شوفتها من علي النت ولا ايه بس يا ريت ترد عليه بسرعه لاني كده هحول اي معهد خاص اوك

في حد معايا ولا لا

كلنا معاكى
اى خدمة ؟!

ياسيدى خد الجامعه كلها لو عاوز
مكانوش درجه ولا اتنين اللى زياده عننا اللى مخلياك تكلمنا كده
المهم اخر السنه
وميرسى اوى لاحساسك بينا والله

وانا والله كانت فارقه معايا نص درجه بالظبط والله
وياجماعه الى يخلينا نصبر كل الايام دى او كل الشهور كمان نصبر لحد بكره بس ومحدش يفتى بئه والنبى
اهدواااااااااااا شويه
وعموما كل الى ربنا يجيبه خير ان شاء الله

خيييييييير ان شاء الله يا جماعه لييييييه بس العصبيه ليه انا مش متعصب وعااااااااااااادىى
ودايما كلنا بنقوله احنا ومش فايقين (صباح الفففففل) ههههههههههه

ياباشا انا كاتب الرد دة علشان اقول انا مافيش مشكلة للانتساب بالنسبة ليا مش علشان تقولى بتكلمنا بالطريقة دى بمعنى انى بقول ان الواحد مش شمتان ولا حاجة لان الانتساب مش هياخد مكان النظامى
تمام

باشا ايه؟ (دى بنت مش ولد ) وبصراحة كده عندها حق اللى يشوف كل مشاركاتك هنا يحس بنوع من الفرحة ناحية الغاء محاضرات الانتساب و يمكن جملة طالب انتساب مش هيأخد مكان طالب نظامى قايلها لحد دلوقتى 20 مرة لغاية محفظنها (يا عم ارحمنا ) :bosyht9: