يا جماعة انا عندي استفسار صغير

هو ينفع احول من صيدلة القاهرة لعين شمس قبل ما الدراسة تبدا

ولا مينفعش عشان مش اقاليم:(

لو سمحت انا ليا استقار عايز اعرف مستقبل خريج فنية عسكريه ومستقبل خريج كليع علوم غير انى اكون مدرس وكليه فنون تطبيقية وعمارة معلش تعبك معايا.

لو سمحت عندى سؤال و يا ريت الاجابه بسرغه
 

هو كليه السن افضل و لا كليه تجاره انجلش
و مين الى هنلاقى فيها فرص عمل

بص يا عم محمد ..

بالنسبة لألسن هيا من كليات القمة طبعا .. ومجموعها ليس اقل من 94 تقريباً

الالسن بتدرس فيها لغات كتيره .. بس انتا طبعا اللي يهمك فيها الانجليش .. بس مشكلتك ان انتا هايبقي مش متاحلك غير مجال اللغة وبس ومش هايبقي معاك اي دراسة تانية غيرها

عشان كدا نقدر نقول ان تجارة انجليش احلي واحسن

هاتقدر تتعامل بالانجليش فيها .. وفي نفس الوقت هاتبقي دارس تجارة وانتا عارف يعني ايه تجارة

مستقبلها حلو وواسع جدا بس لللي يقدر يتسفيد منها ..

بس سواء كدا او كدا .. القرار ليك والميول ليك برده

وربنا يوفقك

ماعتقدش انه ينفع .. لإن التنسيق مابيسمحش بالتحويل في المحافظة الواحده

الا اذا كانت بقي جامعة عين شمس دي بقت تبع محافظة تانية !!

غالبا تقدر تتصل بمكتب الشكاوي بتاع التنسيق وتسألهم .. وهما هايجاوبوك

بصى السنة دى فيه نظام تانى ان شاء الله لسكان القاهرة الكبرى
حلوان - عين شمس - القاهرة

ال3 جامعات دول تقدرى تكتبى دلوقتى اى واحدة فيهم رغبة اولى مش شرط اللى جمبك بس او توزيعك الاقليمى يوديكى ليها
طالما مجموعك جايبها خلاص

يعنى انا مثلا
مكان سكنى يودينى جامعة عين شمس
بس طالما مثلا حابة القاهرة
اقدر اكتبها رغبة اولى براحتى هى او حلوان طالما اقدر اروحها بالمجموع وكأنك ساكنة جمبهم عادى خالص


النظام دا جديد ع فكرة السنة دى تقريبا

ربنا معاكي بجد لإني انا فعلا حاسس بيكي :(

بس نقدر بكل بساطه .. نسرد الكليات اللي ممكن تخشيها بمجموعك دا

عندك علوم - آثار - تربية + الكليات الادبية المتعارف عليها زي اداب وتجارة وحقوق

وبما ان ميولك مش رايحة لعلوم .. يبقي مافيش غير الكليات الأدبية

يبقي مش عندك غير تربية واداب وتجارة وآثار

بالنسبة لآثار انا بقول بلاش لإن بنت عمتي فيها والدراسة هناك صعبة فعلا وكلها بهدلة ومش موجود منها تقريبا غير في القاهرة ..

بالنسبة لتربية دا بيعتمد على درجات مواد اللغات عندك .. يعني انتي وحظك ..

تجارة بقي هى كلية الشعب المرموق !!

لا بديل غير تجارة بيتهيألي قدام اللي زيك ..

وزي مابيقولوا كدا على رأي المثل هناك east or west Tegara is the best !!

فيه بقي مشروع تاني وهوا كلية اعلام .. بس دي مش موجود منها في مصر كلها غير جامعة القاهرة كجامعة حكومية ..

عايزة بقي جامعات خاصة فيه عندنا في الايه يو سي .. بس غالبا الكورسات قفلت خلاص

انا كل دا بتكلم على اساس الجامعات الحكومية .. لكن لو هاتتجهي للخاص بقي يبقي عندك 6 اكتوبر وجامعة مصر الدولية

طبعا خاص وانتي علمي .. يبقي شوفي بقي الطب والصيدلة هناك هاتبقي اخبارها ايه

وربنا معاكي في زنقتك دي بقي :)

طيب بالنسبة للتنسيق الالكترونى المرحلة الاولى ان ادبى 376.5 لازم يبقى الاحد ولا ممكن اقدم السبت

على حسب ميولك .. بس نصيحة ياريت تحولي ادبي

لسببين رئيسيين :

1- في الادبي هاتعرفي تجمعي مجموع اكتر .. بس تذاكري كويس .. وتركزي جامد على التاريخ ..

2- امتحانات علمي سواء علوم او رياضة .. زي الزفت .. وامتحانات الفيزاء كل سنة بتشهد بذلك .. فالبتالي امتحانات الادبي بتيجي اسهل من علمي بكتير ..

بس كل دا والقرار لسه ليكي ..

و Good Luck ...

بص يا بوب .. السنة اللي فاتت .. نظام الشرايح دا كان موجود للناس اللي كانت بتروح المعامل والاماكن اللي كانت مخصصة لعملية التنسيق على النت دي .. عشان بس مايبقاش في زحمة وكبس على المنافذ دي

لكن طالما انتا عندك نت في البيت تقدر تخش في اي وقت .. من اول ميعاد فتح المرحلة بتاعتك لغاية ميعاد انتهائها

انا بتكلم على اساس السنه اللي فاتت .. لكن السنه دي مش عارف بقي ممكن يكون اتغير

والله اعلم :rolleyes:

طيب ايه رايك فى فنيه عسكريه وشغلها ايه ياريت ترد

بص ياعم فتحي ...

كلية الفنية العسكرية دي تابعة للقوات المسلحة المصرية .. يعني بمعني اصح .. كلية عسكرية

بكل بساطه .. هاتدخلها تتخرج منها وانتا اسمك مهندس عسكري وهايبقي اسمك ضابط مهندس

بالنسبة لتخصصاتها .. فيها تخصصات كتيرة زي هندسة الكهربا والميكانيكا والكيميا والمدنيه والمعمارية

وعشان تخشها بتخضع طبعا للاختبارات زيها زي اي كلية عسكرية من خلال مكتب تنسيق الكليات العسكرية

بس بشرط ان مجموعك في الثانوية العامة مايقلش عن90 في الميه وتكون علمي رياضة

مدة الدراسة فيها زيها زي كليات الهندسة العادية 5 سنين وشغالين هناك بنظام الفصلين الدراسيين الشتوي والصيفي ( Fall & Spring )

السنة الاولي بتدرس هندسة عمومية .. زي كلية الهندسة العادية كدا .. بمعني اصح (اعدادي)

السنة اللي بعديها بقي بتبدأ تتخص على حسب مجموعك الي الاقسام اللي ذكرتها قبل كدا

من السنة التالته للسنة الخامسة بقي بتبدأ تتخص في تخصصات فرعية .. زي مثلا انتا في تانية دخلت هندسة كهربا .. بتبدأ تتخص بقي جواها سواء كهربا اتصالات او كمبيوتر .. كدا يعني ..

رأيي فيها .. هيا كلية مضمونة طبعا .. طالما انها تابعة للقوات المسلحة .. الشغل فيها مضمون والرعاية الصحية برده مضمونه (مستشفي القوات المسلحة)

بمعني عاااااااام .. اي حاجة تابعة للقوات المسلحة زي الفنية العسكرية او الكلية الجوية او الدفاع الجوي او البحرية او الحربية .. تبقي ميه ميه وسيبك من اي حد يقولك غير كدا

بس اهم حاجة عايزك تعرف ان هناك ماشيين بنظام محكم .. وهوا النظام العسكري اللي مافيهوش رحمة

لو قالك اقلع تقلع .. لو قالك بوس التراب تبوسه .. عااااااادي جدا .. دا اسمه امر عسكري ..

تاني حاجة بقي تعدي الاختبارات وهى اختبار الثقة واللياقة البدنية والكشف الطبي

لو عديت هايدوك كراسة الالتحاق .. ملحقة بنموذج بيوقعه والدك او ولي امرك ودا بيعتبر تعهد منه ..

يارب اكون وفقت في تجميع بعض المعلومات ليك .. و ربنا يوفقك

بعد اذنكم يا جماعة
كان نفسي حد يرد علي الفرق ين هندسة قسم حاسبات و كلية حاسبات و معلومات

شكرا اوى يا Vampire وربنا يوفقنا جميعا

بص يا عم احمد ..

السؤال دا بيتردد على ناس كتيييييييره جدا زيك كدا انا عارف .. انا هاقول اللي اعرفه وربنا يقدرني عليه

انا هاقسم الرد على قسمين ..

1- كلية الحاسبات والمعلومات :

دي ياسيدي الدراسة فيها بتبقي 4 سنين واما بتتخرج منها بتبقي تبع نقابة العلميين .. فيه كذا قسم في الكلية دي زي قسم الحاسب ونظم المعلومات وتكنولوجيا المعلومات وقسم تاني مش فاكر اسمه

اهو المهم .. بتتخصص في القسم اللي يعجبك .. الحلاوة بقي في الكلية دي انها بتعتمد على نظام الساعات المعتمدة Credit Hours زي نظام الايه يو سي كدا ... بمعني انها بتلتزم بمقرر كل مادة ومابتعتمدش على السنة الدراسية الكاملة كشرط من شروط الحصول على شهادة التخرج وبالتالي بتختلف في نظام النتيجة بتاعة اخر السنة ... كل دا هاتعرفه لما تخشها .. لو خشيتها يعني ..

2- كلية الهندسة قسم الحاسبات :

طبعا كلنا عارفين ان هندسة 5 سنين .. واما تتخرج هاتبقي تبع نقابة المهندسين ..

بالنسبة بقي للفروق بين الكليتين هندسة الحاسبات اعتقد انها الاصعب لانها بتركز على تصاميم الهاردوير والدواير الكهربية وكدا .. يعني بتدرس الكمبيوتر من ناحية الهندسة الداخلية فيه

اما عن كلية الحاسبات والمعلومات بتدرس الكمبيوتر على اساس السوفت وير اكتر منه هاردوير .. وجزء من النظري

من الاخر .. عشان تخش الكليتين دول .. لازم تكون واحد دماغ ومابتحبش الدش الكتير ..

وربنا يوفقك

أنا جايبة 97.9% ممكن ألحق طب أسنان أو صيدلة
مش عارفه لو لحقت أدخل إيه برغو أني صليت الاستخارة ومش حاسه بحاجة
أرجو الافادة
ولك مني كل تقدير واحترام

ايه يا جماعة اللى انا بقراه فى المنتدى عن اعادة النتائج دى انا دخلت ولقيت درجاتى زى ماهى هما عدلوا ولا لسه اصل الحكاية مش ناقصة خالص !!!!!!!!!!!!!

اعادت النتائج خاصه بالفنون والعماره بس

السلام عليكم يا شباب انا عايز حد يتكرم ويتعطف ويقولي اية نظام كلية تجارة انجليزي من حيث المجموع الكلي واللغة واقسمها وشكرا مقدما

هو استفسار بسيط دلوقتى انا دخلت على موقع التنسيق مش لاقى الجامعات الخاصة زى جامعة msa ومش لاقى غير الاكاديميات هل الجامعات دى ليها تنسيق لوحده ولا ايه
وياريت حد يقولى جامعة msa كليه هندسة مصاريفها قد ايه و نظام الدراسة والاقسام الموجودة وازاى اتقدم ليها

اناعايزة رقم جلوس اى حد فى تانية ثانوى ضرورى

مرسى جدا جدا يا قمر على المعلوات الجامده جدا ومرسى لاهتمامك
الف شكريا قمر
تقبل تحياتى

انا لما رحت الجامعة الامريكية اسأل عموما عن مصاريفها
الراجل قال لى التيرم ب 40 الف جنيه
______________________

ممكن اعرف اتهما افضل حاسبات ومعلومات ولا كلية هندسة قسم حاسبات ومعلومات

ممكن معلومات عن كلية علوم قسم الرياضيات يعني الدراسة ازاي وممكن التحويل منها ولا لأ
واللي يتخرج منها بيشتغل فين

اولا راجل مين ؟!!!

ثانيا .. سيادتك انا بدرس هناك .. يعني انا اللي بدفع وماحدش اعلم مني بدا

ثالثا انا اما قولت 75 الف .. دا كان المصاريف عامة .. لكن لو بالترم اه ممكن يبقي في حدود 70 الف

لكن انتي في السيمستر كله مطالبه انك تخلصي على الاقل 48 كريديت اورز .. يعني مش هاتلحقي اساسا تخلصيهم .. فهاضطري انك تاخدي سيمسر اضافي عشان تحلقي تخلصي باقي الكورسات اللي بتبقي كفيلة انها تديكي التخصص المطلوب اللي انتي عايزاه زي اعلام كدا ..

ممكن تبقي تخشي على موقع الايه يو سي ذات نفسه وتشوفيه والسايت اهو http://www.aucegypt.edu

انا عارف انك هاتسيحي فيه ومش هاتفهمي حاجة .. لو فيه اي مشكلة واجهتك انا موجود واي اسئلة اتفضلي اسألي >>> :):)

يا ياسمين هانم .. ممكن بكل بساطة تكلفي نفسك وتبصي في الصفحة اللي قبل الصفحة دي وانتي هاتتلاقي اجابة سؤالك ...

أنا جايب 91في المائه ممكن ألحق هندسه؟

يا جماعة بليز من فضلكم حديساعدني
انا سمعت ان في دراسة في كلية الاعلام بالقاهرة بالانجلش هل ده حفيقي
و كمان عايزة اعرف اي حاجة عن امتحان القبول بالكلية
بليز بليز بسرعة علشان التنسيق بكرة
و شكرا جدا جدا

والله يا موني هوا فيه ناس صحابي في اعلام القاهرة بس مش كتير يعني .. سألت واحد فيهم قالي انه فعلا فيه قسم للانجليش في كليتهم هناك .. بس طبعا مصاريفه بتفرق عن قسم العربي .. اللي هوا بيعامل هناك معاملة الكلية الخاصة كدا !!

بالنسبة لامتحان القبول بيبقي عبارة عن امتحان تحريري وشفوي ..

الامتحان التحريري بيتضمن الاسئلة عن المعلومات العامة واسماء الرؤساء والمدن والدول والشخصيات العامة

اما الشفوي فابيبقي عن ليه عايز تخش كلية الاعلام ؟ .. شايف مستقبلها ازاي ؟ .. ليه اللي مخليك تحب المجال دا ؟ ... اسئلة من هذا القبيل ..

بس أجوبة الاسئلة من المفترض انها تتسم باللباقة وحسن اختيار التعبير واللفظ والاختصار لإن وراكي امم عايز تمتحن تاني .. فاتقصري !!

وماتسنيش تهتمي بمظهرك شوية برده .. عشان المظهر مهم هناك جدااااااا

وربنا يوفقك ..

مش عارف اضحك على سؤالك :lol: .. ولا اكشر :mad: ولا افاجأ :eek: ولا اتكتم :mellow:

بقي بذمتك يا راجل جايب 91 وعايز تخش هندسة ؟!!

ياحبيب قلبي مقداماكش غير تجارة وما تحتها .. الا اذا بقي كنت عايز تخش خاص ..

ربنا معاك يابني :cool:

ربنا يخليكي يارب على كلامك دا .. وانا الحمدلله بحاول اجاوب واريح الناس على قد ماقدر .. وربنا يقدر الواحد على فعل الخير ..

وميرسي كتير على كلامك دا :cool::rolleyes:

ياريت حد يرد عليا ضرورى يا جماعة

انا عاوز اعرف طب 6 اكتوبر من كام المجموع

بالنسبة للجامعات الخاصة دي مالهاش تنسيق تابع للحكومة .. كل اللي انتا بتعمله بتسأل على الجامعة اللي انتا هاتتقدم ليها وتقلهم على الحد الادني للكلية اللي انتا عايز تخشها هناك .. اذا تم الموضوع بتاخد ملفك وتقدمه هناك .. وهما بيتعاملوا

بالنسبة لجامعة MSA او جامعة العلوم والآداب الحديثة Modern Sciences and Arts فدي ياسيدي فيها اقسام رئيسية زي الهندسة المعمارية والهندسة الصناعية والهندسة الكهربائية والإلكترونية دا غير قسم هندسة الكمبيوتر والحاسبات ..

مدة الدراسة فيها بيبقي 5 سنين .. كل سنة بتاخد فيها 12 مادة كل مادة بيبقالها كود معين .. ماعدا السنة الخامسة بتبقي 8 مواد فقط

اما عن مصاريفها .. فعلى ماسمعت انها بتتكلف في الترم الواحد بس 12500 جنيه مصري دا بالنسبة للهندسة .. دا غير 300 جنيه استرليني عشان تاخد الشهادة البريطانية انا تيجي تتخرج ..

عشان تبقي عارف بس .. فيه اتفاقية مابين الجامعة وجامعة Middle*** في انجلترا .. عشان كدا انتا بتدفع الفلوس دي اللي هيا ال 300 استرليني عشان تاخد الشهادة .. زي ماتقول كدا اتفاقية تخرج مشترك!!

مع العلم برده لو انتا جايب فوق ال90% بتاخد ديسكاونت على المصاريف بتاعتك بمقدار 10 في الميه

اما لو كنت جايب فوق الـ 95% بتاخد ديسكاونت 20% على المصاريف ..

عشان تقدم هناك .. فيه مكتبين ليهم .. واحد في الدقي وواحد تاني مرمي في طريق الواحات/ستة اكتوبر

يستحسن تخليك في مكتب الدقي احسن .. هوا بالظبط في ميدان المساحة هناك .. ممكن تروح هناك وتسأل ولو مش عايز تتعب نفسك ايميلهم اهو وكلمهم واستفسر اكتر

info@msa.eun.eg

بالنسبة بقي للطلبات المعقدة بتاعتهم :

بيبقوا عايزين شهادة ميلاد مصدقة من وزارة الخارجية بمعني اصح .. تاخد اصل شهادة الميلاد وتوديه الخارجية عشان تتختم .. ودي طبعا فيها مش اقل من 100 جنيه .. دا غير طابع الخارجية اللي اخر مرة عملته كان ب48 جنيه

وشهادة الثانوية العامة و5 صور واجتياز اختبار التويفل !! .. اللي هوا من اعقد امتحانات الانجليش .. ربنا يقدرك عليه وتعرف تعديه بقي !!

بس يستحسن ليك تتصل بيهم وتسألهم .. وربنا معاك

طيب هو الميعاد اللى بنقدم فيه اوراقنا للكلية امتى يعنى امتى بتظهر نتيجة التنسيق واروح اقدم اوراقى ؟

سيادتك اول ما جواب التنسيق يجيلك على البيت وتتلاقيه فيه اسم الكلية بتاعتك .. تروح للكلية دي ومعاك ورقك اللي هوا :

1- شهادة النجاح بتاعة الثانوية العامة

2- 6 صور تقريباً .. ممكن يزيدوا او ينقصوا على حسب الكلية اللي انتا رايحلها ..

3- اصل شهادة الميلاد القديمة .. مش الجديدة ..

4- نموذج استمارة 2 جند للولاد بس .. عشان تأجيل الخدمة العسكرية

بس كدا .. مش مطلوب من غير الحاجات دي ..

شكر جزيلاا

ادخال الرغبات بدا فعلا دلوقتى

سؤال عن فنون جميلة ربنا يخليك انا هقدم ان شاء الله فنون جميلة اسكندرية وجبت 94 وانا ادبى يعنى ونجحت فى القدرات ممكن ادخل عادى؟؟؟؟ ولو دخلت عايزة قسم ديكور بقدمه مع الرغبات ولا بعد لما اقبل فى الكلية نفسا؟؟؟؟؟؟

وشكرااااااااااااااااااااا.

والله انا للأسف ماعنديش اي معلومات عن كلية فنون جميلة دي .. و من قال لا اعلم فقد افتي ..

بس سيادتك ممكن تخشي على اللينك دا وانتي يمكن تلاقي معلومات كويسه http://www.thanwya.com/vb/showthread.php?t=53816

طيب معلش انا بكتب رغباتى دلوقت لما اتك" تسجيل" لى الحق اعدل فيها فى اى وقت صح طول الاسبوع ؟

ممكن معلومات عن كلية علوم قسم الرياضيات وممكن التحويل منها ولا لأ لأى قسم في علوم
واللي يتخرج منها بيشتغل فين

هناك والله
ما انا مخلصة كورسات هناك
،،
وكان لى كمان ع المكان اللى بسأل فيه عن المنح
وكمان احنا هنتخانق ع 5 ولا ايه ؟:D
انا فعلا الطلبة اعرفهم بيدرسوا هناك فعلا ناس قالت 75 الف وناس قالت 70 الف
لكن انا اتقال لى المبلغ دا هناااااك بتاع ال80 فى الجامعة نفسها فعلا
فانا قلت جايز ع الدفعة الجديدة

فعلا عارفة الموقع ،، لانى كنت مهتمة بموضوع كدة متعلق بيها لفترة ما
بس انا نفسى من زمااااااان اوى فى فنون تطبيقية ودى اللى عرفته انها مالهاش وجود هناك ،، متواجدة فى الجامعات الحكومية فى جامعة حلوان (قصاد جامعة القاهرة) وجامعة المنصورة (فى دمياط )
_______________
انا ع فكرة لسة مخلصة الثانوية :D
يعنى المفروض من اللى بيسألوا مش بيتسئلوا :lo:

ع فكرة معلش يعنى مع احترامى ليك واضح ان حضرتك مش متابع اخبار :)

من حيث الامتحانات والدرجات واخبار التنسيق او جرايد

ليه لاء!؟
مش بعيد
احنا بنتكلم عن 2008 مش 2007 ع فكرة

الله اعلم ،، كل شىء جايز

انا اعرف ناس يعنى اقل منه فى المجموع وترتيبهم على شعبة رياضة ال18 الف (بتكلم عن رياضة بس مش علمى عموما )
ويقال انهم طالبين فى الشعبة الهندسية عموما (هندسة وحاسبات) اللى يعدى ال20 الف
____________________________________________

احنا عن نفسنا مستنيين المفاجآت اللى بنسمع عنها جديدة كل يوم ،، والله اعلم ايه اللى هيحصل
:rolleyes::rolleyes:
________________

ع فكرة اللى بيسأل عن هندسة ،، انا عن نفسى مبفضلش اللى يمشى تبع مجموعه
اعمل دراسةكدة للكليات الموجودة هتكتشف ان فيه كليات متعرفش عنها حاجة
واختار اللى يناسبك

وسيبها على ربنا

كلنا لسة منتظرين

بص ياابنى
انت اسهل حاجة تعملها ،، زى ما انا عملت فى فنون تطبيقية
انك تطلب الدليل 140
وتقول لهم يدوك نمرة الجامعة اللى انت عاوزها
وتتصل بالمكان اللى انت عاوزه وتسأل عليه براحتك

لان انا بصراحة معنديش معلومات خالص عن اللى بتتكلم عليه

والسلام عليكم

النتساب الموجه
 

اريد معرفة الفرق بين النتساب الموجة والانتظام وهل هو فى كل الكليات ولا لأ

وشكرا

بالنسبه للجايب 92.18 ممكن يجيب هندسه