احرجتنى والله
أنا ضايعه فى الادب
ربنا ييسر
ياريت حد يجاوب

بالنسبة لسبب أقتران جواب الشرط بالفاء أعتقد أنه صح لأن كان وأخواتها ما بتدخلش فعلاً الا على الجملة الأسمية ، وبالنسبة ل ( عمرو ) أعتقد انه علم أعجمى والله أعلم ، أما بالنسبة للملاحظة الثالثة فأعذرنى لأنى اتعودت أعملها مفعول فيه ، وبالنسبة للتفريق بنائياً واعرابياً أنا اتلخبطت فيها من الأول ونسيت أعدلها .
ع العموم شكرا ع الملاحظات ، فى انتظار جديدك ، أفادكم الله .

ولا يهمك أحنا هنا لتذكير نفسنا وتبادل المعلومات مش أكتر ، تقبلى مرورى .

السلام عليكم

انا اسمي دينا

واتمني تقبلوني معاكم

وان شاء الله هشارك دايما معاكم

و اوعوا تستهونوا بالموضوع بتاعكم ده
لانه بجد فكرة جميلة جدااااااااا

وهتوفر علينا كتير وهنشجع بعض

أنا هجاوب علشان لو فيها حاجات صعبة ولا حاجة

ازيكم ياشباب معلش والله كان غصب عنى يا khaled ti مردتش عليك
وانا دلوقتى جبت لى مكان فى المراجعه ولالا
واسف على اليومين اللى غبت فيهم
واهلا بكل اللى شارك معانا

طبعا كلنا عرفين ان نظام الامتحان اتغير وبالاخص العربى
ودى نظام الاسئله اللى حتاجى قولوا امين
ياجماعه لو جات الاسئله وعايز العاطفه والافكار يبقى عايز العاطفه والشرح
اما لو جات العاطفه والخيال يبقى تذكر العاطفه وبعض مظاهر الجمال اللى موجوده
اما لو طلب العاطفه واثرها فى اختيار الالفاظ يبقى توضح العاطفه والمعانى الوحيه
ويريت نركز على مثل هذه الاسئله فى النصوص وانا عندى اسئله منها اكتير
وشكرا
1-من نص صلاح الدين

اكيد طبعا هو ده الهدف الاساسي من الموضوع . واهلا بكل الموجودين مرة تانية:078111rg3:

من نص صلاح الدين
ما علاقه اخر بتين بالنص كله
1-جيش به اسد الكريهة غضب وان شئت عقبان المنيه حوم
ايهم اجمل ان ياتى باسد ثم العقبان ام العكس مع التعليل
من نص جنه الحسن
1- ايهم افضل يقول اارحل من مصر او اارحل عن مصر
2- حووه لماذا جاءت ماضى

:):):):):):friendsxs3::friendsxs3::friendsxs3::fri endsxs3::friendsxs3:

الله ينور احلي شباب

انا مشكلتى بقا انى بذاكر الادب كتير وبنساه اول ما بذاكره ومش عارفه اعمل ايه

بلييييييز ساعدونى

ودة بيت شعر سمعتوه قبل كدة بس تركيبته كويسه وبيفيد فى النحو ، يا ريت نشوف أعرابه الكامل

وأنى وأن كنت الأخير زمانه لآت بما لم يأت به الأوائل

وأنى وأن كنت الأخير زمانه لآت بما لم يأت به الأوائل

وانى / الواو ابتدائيه _ انى اداه شرط ....................؟؟؟؟؟؟؟؟؟؟؟؟؟؟؟؟؟
وان / الواو حرف عطف -ان اداه شرط جازمه -
كنت / فعل ماض ناقص والتاء اسم كان مرفوع وعلامه الرفع الضمه (فعل الشرط)
الاخير / نعت سببى مرفوع وعلامه الرفع الضمه
زمانه/ تميز مفرد منصوب وعلامه النصب الفتحه والهاء ضمير مبنى فى محل جر مضاف اليه
لآت / فعل مضارع منصوب بعد لام الجحود وعلامه النصب حذف حرف العله
بما/الباء حرف جر وما اسم موصول فى مجل جر اسم مجرور
لم/اداه جزم
يأت/ فعل مضارع مجزوم وعلامه الجزم حذف حرف العله
به / حرف جر والهاء ضمير مبنى فى محل جراسم مجرور
الأوائل / فاعل مرفوع وعلامه الرفع الضمه

____________________

الله اعلى واعلم مش عاوزه حد يتريق علشان انا قايله دا فى دقيقه هروح الدرس واجى افكر فيها كويس

مفيش مشاكل ، بس يا ريت تفكرى فى أجاباتك تانى وتالت .

وأنى وأن كنت الأخير زمانه لآت بما لم يأت به الأوائل

الواو دى ممكن تكون واو قسم(حرف جر وقسم)
انى (مقسم به ) /اسم مجرور وعلامه الجر الكسره المقدره
الواو التانيه/حرف عطف
لكن انا مش عارفه ( هو حضرتك متأكد ان الهمزه فوق الالف مش تحتها).........؟؟
كنت/(فعل الشرط)فعل ماض ناسخ والتاء تاء الفاعل(اسم كان مرفوع وعلامه الرفع الضمه)
الاخير / خبر كان منصوب وعلامه النصب الفتحه
زمانه/نعت منصوب وعلامه النصب الفتحه
لآت/ الام لام الجحود وات فعل مضارع منصوب وعلامه النصف الفتحه الظاهره على الياء المخذوفه (جواب الشرط)
جمله صله الموصول لا محل لها من الاعراب
بما / الباء حرف جر _ ما اسم موصول فى محل جر مضاف اليه
لم / مضارع مجزوم بعد لم وعلامه الجزم حذف حرف العله
به/جار ومجرور
الاوائل/ فاعل مرفوع وعلامه الرفع الضمه الظاهره

_______________

الله اعلى واعلم
اول مره اسمع البيت دا

كتير هيك حلو
فى نص بين المتنبى وسيف الدوله
ظاهره العتاب ظاهرة متكررة فى الشعر العربي فما اسبابها وما دوافعها

دى الأجابات والله أعلم
وأنى : الواو استئنافية لا محل لها من الأعراب ، و أن حرف ناسخ مبنى ، والياء ضمير مبنى على السكون فى محل نصب اسم أن .
وإن : الواو واو المعية ، إن : حرف مصدرى "الهمزة تحت الألف مش فوقها معلش "
كنت : فعل ماض ناسخ مبنى على السكون ، والتاء ضمير مبنى على الضم فى محل رفع اسم كان .
الأخير : خبر كان منصوب وعلامة النصب الفتحة الظاهرة .
زمانه : اسم منصوب على نزع الخافض وعلامة النصب الفتحة ، والهاء مضاف اليه مبنى فى محل جر . ( نزع الخافض يعنى نزع حرف الجر لأن أصل الكلام " الأخير فى زمانه " ) .
لآت : اللام المزحلقة مبنية على الفتح لا محل لها من الأعراب ، آت : خبر ان منصوب وعلامة النصب الفتحة المقدرة ."لأن أصلها( آتى ) وهو اسم منقوص نكرة عندما يُرفع أو يُجر تحذف الياء ويعوض عنها بتنوين العوض "
بما : الباء حرف جر مبنى لا محل له من الأعراب ، ما اسم موصول مبنى فى محل جر اسم .
لم يأت : لم جازمة لا محل لها من الأعراب ، والفعل مجزوم ب لم وعلامة الجزم حذف حرف العلة ، والجملة من الفعل والفاعل (صلة الموصول )لا محل لها من الأعراب .
به : الباء حرف جر ، والهاء اسم مبنى فى محل جر .
الأوائل : فاعل مرفوع وعلامة الرفع الضمة الظاهرة .
ملحوظة : جميع الضمائر المتصلة أو المنفصلة تكون مبنية (على حركة آخرها) فى محل (حالتها الأعرابية )
ع العموم أنا آسف انى لخبطتك لأنى فى الكتابة مش قد كدة ، يا رب أكون أفدتك ، تقبلى مرورى .
يا ريت لو حد عنده أى ملاحظة يفيدنى ، شكرا .

ممكن يا معتز تقولي ازاي اثبتة

اطلبى من أحد مشرفين المنتدى التثبيت , وأكتبى ده فى عنوان الوضوع .

دى شوية أسئلة تقدرى تقيسى بها مدى مذاكرتك :
تاريخ الأدب :
1 - أذكر خصائص الشعر فى العصر العباسى الأول من حيث (الألفاظ - الصوروالخيال - الموضوعات - الأفكار - بناء القصيدة - الأوزان والقوافى ) .
2 - أذكر أهم الأغراض الشعرية التى تطورت فى العصر العباسى الثانى .
3 - أذكر أهم سمات الشعر والنثر فى عصر الولاة فى الأندلس .
4 - قارن بين الأتجاهين الشعريين فى مرحلة أزدهار الأدب فى مصر الأسلامية موضحا مميزاتهما وأهم شعرائهما مع ذكر أمثلة .
5 - علل :
* عدم تدهور الحياة العلمية أُسوة بالسياسية فى العصر العباسى الثانى ؟
* كان النثر أكثر تطوراً من الشعر فى العصر العباسى الأول ؟
* عدم انحلال المجتمع العباسى على الرغم من وجود الزنادقة ؟
* نشأة الموشحات فى الأندلس ؟
* تحول الشعر لصنعة لفظية فى عصر التأليف والتجميع ؟

المكتبة العربية :
1 - أذكر منهج كل من الأصفهانى وابن بسام الشنترينى فى عرض مادتى كتابيهما .
2- أذكر المآخذ التى تؤخذ على كتاب الأغانى ؟
3- أذكر أقسام كتاب الذخيرة ومحتويات كل قسم .
4-علل :
* قلة ما وصلنا من شعر البحترى فى الهجاء ؟
* مجئ البحترى فى ختام الشعراء الجيدين ؟
* رحيل ابن بسام الى اشبيلية ؟
* هروب أولاد عبد الله بن ادريس الى بلاد افريقيا ؟

الف شكر ياكابتن للمعلومات دى
بصراحه حاجات جديده جدا بالنسبه ليه
خاصه نزع الخافض دى وهسأل فيها ان شاء الله
الف شكر مره تانيه
ومعلش بقه ياخوانا على الفشل اللى انا فيه دا
ياعينى عليا بقيت خايبه .. قصدى كنت خايبه ولسه خايبه هههههههه

ولا يهمك خالص ، ربنا يوفقك .

الف الف الف شكر

شكرا على الأفادة .

تسمحولى ياجماعة اشارك معاكوا...؟؟

مش المفروض ان العداوة دى تبقى مبتدا مرفوع لانة بداية جملة جديدة...؟؟؟

العفو علي ايه؟ كلنا بنستفاد من بعض و شكرا عالاسئلة.

اسمح لى أشاركك معلوماتى فى السؤال ده ، لام التعليل مش بتدخل فعلا الا على الفعل (بدون اضافات)، وغير كده تبقى حرف جر ، زى ما تدخل على اسم مباشر :
* استخدم العدو جميع أسلحته للفوز .
وحتى لو دخلت على أن من (إن وأخواتها) :
*يعجبنى الطالب لأنه مجتهد .
وده لأنها تؤول مع معموليها بمصدر ، يعنى معناها :يعجبنى الطالب لإجتهاده ، والجملة فى محل جر .
دى معلومات أكيدة وممكن تسأل فيها مدرسك ، يا رب أكون أفدتك ، تحياتى .
:039uw8::039uw8::039uw8::039uw8::039uw8:

أنا أسفة يا جماعة أنا عارفة أنى مقصرة الفترة اللى فاتت بس غصب عنى والله
العداوة بدل بعض من كل
على ما أعتقد والله أعلم

كل ما اتمناه اننا كشباب يجب ان يكن لنا دور فى التغيير الذى سيطرا قريبا جدا على الساحه المصريه فى جميع المجالات وفكرت بان نستغل الانترنت كوسيله للتواصل مع اساتذه علم التنميه البشريه المصريين اولا ثم الغربيين ومن ثم ننشره فى الانترنت وندعو كل الشباب اللى الحوار العقلى ثم من يتعلم ينقل لمن جاروة من الاصدقاء والاهل وبهذا نكون قدد حقننا وعى محتمعى فى فتره قصيره وحسنا من مهاراتنا فى الابداع الفكرى ونا واحده من طلاب الثانويه العامه ومن بنات هذا الجيل الذى سيحمل قريبا هذه المسئوليه وهذا كل ما ارجوه من الشباب والفتيات فى فتره الصيف

انا اتمنى اكون من ضمن اصدقاء الصفحة دي بجد مفيدة جدا ومتخفوش بإذن الله الامتحانات هتكون سهلة وجميلة بإذن الله بس ذاكروا كويس ومفيش حاجة هتيجي من برة
وكمان عندي سؤال ؟؟؟؟
هو الحصص الصوتية او الدروس الصوتية اللي بيعملوها في الالمنتدى ازاي ادخلها لو سمحتم رجاءعايزة الرد بسرعة وباتوفيق ان شاء الله؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟