|
السلام عليكم
اية الاخبار يا فريال هل هيكون فى عقد جديد و لا تثبيت و لا اية |
اقتباس:
و عليكم السلام و رحمة الله و بركاته لسه مفيش اى اخبار حتى الان اهو احنا فى انتظار الفرج من عند ربنا لكن يقال و الله اعلم ان يوجد عقد جديد و على فكرة لو كان العقد الجديد هو اللى العقد اللى الوزارة نزلته بخصوص المعلم المساعد فيعتبر بمثابة تثبيت |
ياريت الاخ اللى من الحامول يتأكد لنا من الادارة هناك عن خبر تثبيت جميع المتعاقدين المؤهل المتوسط و فوق المتوسط و المؤهلات العليا لان يقال ان وصل فاكس فى ادارة الحامول بهذا الكلام ياريت التأكد من هذا الخبر هل هو حقيقة أم اشاعة و ان اوراق المؤهلات المتوسطة و فوق المتوسط هم المطلوبه حاليا حتى تاريخ 15/6 و ابتداء من 19/6 يتم تقديم اوراق المؤهلات العليا |
مبروووووووووووووووووووك للمعلمين المنقطعين أو الذين تسلموا العمل بمسابقة سيتم تحرير عقد مميز لنا ( تثبييييييييييييييت ) للمؤهلات العليا من يوم 19-5 وحتي يوم 30-5 والمؤهلات المتوسطة من يوم 2-6 ولمدة 15 يوم الفاكس في ايدي يا جماعه فيه خبر كمان بس مش متأكد منه وهو إنهم عملوا التثبيت ده عشان كله هيتعين في 1-7 اللي جاي الف الف مبروك يا جماعة |
|
الله يبشرك بالخير
:av4056bb7jp3:حضررتك محافظة ايه والكلام ده لجميع المحافظات ولا لا
|
ويا ريت لو حضرتك تعرف المرتب هيبقي كام وهنقبضه من امتي يبقي جزاك الله كل خير
|
اقتباس:
لو سمحت ارفق لنا الفاكس |
السلام عليكم
وضحولنا الامور يا جماعة لو سمحتوا |
دي صورة الفاكس اللي جه إدارة الحامول يا جماعة موضوع المرتبات والكلام ده أنا لسه والله ما شفتش العقد وإن شاء الله يوم الأحد أو الإثنين بالكتير هوريلكم صورة العقد http://im42.gulfup.com/R6tzW.jpg |
اقتباس:
جزاك الله خيرا و ياريت لما توقع العقد تبقى تقولنا ايه الموجود فيه لان ادارة بيلا أجلت العملية دى الى ان تنتهى امتحانات الاعدادية يعنى احنا هنمضى العقد على شهر 6 ان شاء الله |
الاستاذ سيد عطاالله بيقول ان العقد لمدة عامين بيبدأ من 1-7-2013 و ينتهى 30-6-2015 و بيقول ان العقد مجزى و ان كان يوجد اجتماع يوم الثلاثاء الماضى فى المديرية لجميع ادارات المحافظة بخصوص هذا الموضوع و تم تسليم جميع الادارات هذا العقد الموحد |
اعتقد ان هذا العقد هو اللى الوزارة نزلته و سبق ووضعته هنا فى الباب هذا العقد بمثابة تثبيت ألف مبروك للجميع و عقبال التعيين يارب |
لكن بصراحة سنتين دول كتير اوى لسه هننتظر سنتين للتعيين الناس دى لم تعمل اى اعتبار اننا منقطعين يعنى سبق و عملنا بالتربية و التعليم سنوات و المفروض كانوا عينونا او حتى عملوا العقد بعام و بعدين يعينونا |
يا جماعة اللي أنا سمعته مفيش تثبيت خلاص العقد ده تعيين علي طول وسواء تم إمضاءه دلوقتي أو في شهر 6 كده كده هو هيسري من شهر 7 إن شاء الله ده تعيين علي الدرجة الثالثة مباشرة ده اللي أنا عرفته وإن شاء الله هرفع صورة العقد النهارده ولو فيه أي جديد هبلغكم |
عقبالنا يا رب
الف مبروك يا رجاله وعقبال عندنا ؟؟؟؟؟؟؟ يا ترى هما هيطبقوا عندنا الكلام ده ولا فى المشمش ؟؟؟ احنا فى الغربيه فى عالم تانى خااااااااااااالص
|
مفيش حاجة اسمها عقد تعيين على طول العقد ده هيتعمل ان شاء الله علشان تقدروا تدخلوا الأكاديميةوهو (عقد معلم مساعد) ولما تمضوه ان شاء الله هتاخدوا مرتب كويس حوالى 400 جنيه تقريبا بالاضافة الى حافز الأداء اللى ممكن يصل الى 300 تقريبا وبعد مرور عامين على التعاقد هتقدموا ورقكم للأكاديمية من أجل التقرقى الى درجة معلم ..
بالتوفيق ان شاء الله |
اقتباس:
التعيين دا لما يبقى ينزلنا درجة مالية و الدرجة المالية بتنزل لما تقضى عامين كمعلم مساعد و خلال العامين بتكون دخلت الكادر و بعد استيفاء جميع الشرط ينزلك درجتك المالية و تبقى معلم لكن العقد اللى هنعمله دا بمثابة تثبيت و بنتحول من معلم مساعد مؤقت الى معلم مساعد و بناخد جميع مميزات المعلم اللى على الدرجة الثالثة (بدون الكادر ) يعنى خطوة جيدة و ياريت ترفع لنا صورة العقد لما تمضيه ان شاء الله |
اقتباس:
الله يبارك فيك و عقبالكم ان شاء الله اذهب الى المديرية عندكم و شوف العقد الموحد دا وصل هناك و لا لا و بالتوفيق ان شاء الله |
اقتباس:
كلام سليم و ربنا يصلح احوالنا جميعا يارب |
http://www.qbnet.net/vb/imgcache/80561.imgcache.gif http://www.qbnet.net/vb/imgcache/80562.imgcache.gif مبرووووووووووووووووووووووووووووووووك لكل زملائى وزميلاتى يارب يتمملكم فرحتكم باذن الله ويارب يبارك لكم فيه وياااااااااارب عقبال التعييييييين للجميع باذن الله http://alkuytem.com/up//uploads/imag...8121626836.gif |
اقتباس:
|
السلام عليكم
ليه يا فريال مفيش اخبار من ادارة بيلا؟؟؟ |
اقتباس:
و عليكم السلام و رحمة الله و بركاته انا كلمت الاستاذ سيد عطاالله النهاردة و كتبت فى احدى مشاركاتى الحوار اللى دار عموما هو قال ان كان يوجد اجتماع فى المديرية يوم التلاثاء الماضى و جميع الادارات اللى فى المحافظة كانت حاضرة الاجتماع و تم توزيع عقد موحد و ادارة بيلا هتخلينا نوقع العقود بعد امتحانات الاعدادية او على النصف الاخير من شهر 6 ان شاء الله و العقد مدته عامين من 1-7-2013 حتى 30-6-2015 |
لو عايز رقم الاستاذ سيد عطا الله
ممكن ارسله لحضرتك على الخاص للاستفسار منه عن اى سؤال |
اقتباس:
السلام عليكم تم الاتصال بالاستاذ جلال مدير الادارة و قال ان التثبيت فى شهر 7 حرام نستني كمان سنتين ، فى معلمات الان كانوا تلاميذ عندي حرام و الله |
الف الف مبروووووووووووووووووووك وعقبال الغربية يارب الي نايمة في العسل لسة بعقد 105 ومافيش امل باي حاجة الصبر يارب
|
اقتباس:
فعلا حرام لكن ما باليد حيله احنا كده هنعتبر مثبتين و بعد عامين ينزلنا درجة مالية و ناخد لقب معلم ان شاء الله على فكرة انا سمعت ان بعض المنقطعين مش عاجبهم هذا الوضع و عايزين التعيين على طول و لذلك بيعملوا على حشد باقى المنقطعين للتظاهر و المطالبة بالتعييين وعدم الانتظار عامين |
اقتباس:
الله يبارك فيكى و عقبالكم يارب |
كده كده 90% من المنقطعين مفيش معاهم تربوي وكده كده لا يجوز التعيين إلا بالشروط الواردة في العقد يعني لازم هنستني سنتين لحين إكتمال إجراءات التعيين العقد ده تثبيت وليس تعيين بس الحمد لله ده كده فضل من ربنا ونعمة |
اقتباس:
الحمد و الشكر لله على كل شئ كان نفسنا نتعيين على طول و خصوصا ان كتيييييير من المنقطعين عندنا حصلوا على التربوى انا واحدة من الناس اخذت الدبلوم العام (التربوى ) و كمان الدبلوم الخاص منذ سنوات لسه هستنى كمان سنتين علشان اتعيين عموما لله الحمد من قبل ومن بعد و ياريت حضرتك لما توقع العقد تبقى تنزله لنا فى الباب او تقولنا تفاصيله و هل هو العقد اللى الوزارة نزلته ام لا |
صورة العقد الجديد ( التثبيت ) http://im40.gulfup.com/3k1hk.jpg http://im40.gulfup.com/ZD8Bc.jpg http://im40.gulfup.com/AZePH.jpg http://im40.gulfup.com/07kdO.jpg وإن شاء الله لما أستلم العقد والبيانات المالية تتكتب فيه هرفع صوره |
السلام عليكم , أولا : ليس صحيحا أن 90% من المنقطعيين ليس معهم مؤهلات تربوية فأنا خريج كلية التربية 1999 وكثيرمن الزملاء كذلك وأظن أن مدة العاميين مدة طويلة جدا
ثانيا: أنا ما ألاحظ فرق جوهرى حقيقى بين العقد الذى نحن عليه الآن وبين هذا العقد الجديد , ولذلك أنا أسأل الزملاء كيف تجزمون أن هذا العفد بمثابة تثبيت ؟ |
اقتباس:
اقتباس:
ثانياً حضرتك ممكن تسأل أي حد من المثبتين وهو يقولك إن ده عقد تثبيت مش عقد عادي ثالثاً موضوع التربوي انا 90% من اللي اعرفهم منقطعين مفيش معاهم تربوي طبعا ده بالنسبة للناس اللي مش معاها تربوي لو انت شايف غير كده دي وجهة نظرك أخر حاجة أنا مش بتعب نفسي وأرفع صورة الفاكس وصورة العقد عشان حضرتك تقولي إن إنت مش ملاحظ أي فرق بين العقد ده وغيره لو انت مش ملاحظ فرق دي وجهة نظرك ثم مش أنا اللي بعمل العقد علي فكرة أنا أسف علي طريقتي في الكلام بس حضرتك ضايقتني الواحد مصدق لقي باب أمل فمش ناقصة حد يقفله هو كمان |
اقتباس:
اقتباس:
جزاك الله خيرا هو دا فعلا عقد الوزارة و هو بمثابة تثبيت و هتتأكد اكد انه تثبيت لما يرتفع مرتبك و يصبح اكثر من 600 جنية ان شاء الله ربنا يصلح احوالنا جميعا يارب |
ياجماعة العقد المميز طبعا خطوة جميلة س احنا عندنا فى الغربية ماضينا نفس العقد ده من 1/10/2011 وليس لنا الحق فى اى اجازات طويلة الا بعد مرور عامين وحصولنا على شهادة التطبيقات من الأكاديمية
معنى تثبيت ان يكون لنا درجة مالية فعلية مش على ورق وخلاص لكن دى بداية كويسة لدخول الأكاديمية ان شاء الله بعد عامين ربنا يوفقكم ويتم فرحتكم على خير وعقبال الغربية ان شاء الله |
اقتباس:
يارب و عقبال جميع المحافظات احنا عندنا فى ادارتنا تبع محافظة كفر الشيخ المعلم المساعد له الحق فى اجازة مرافقة زوج و احدى الصديقات كانت معلم مساعد اخذت اجازة و سافرت و يوجد اخت هنا فى المنتدى من المعلمين المنقطعين فى محافظتنا اخذت اجازة تقريبا اسمها لم الشمل و سافرت لزوجها و احنا بهذا العقد نعتبر اتثبتنا لكن بعد مرور العامين سوف ينزلنا الدرجة المالية و يتم التعييين ان شاء الله |
و على فكرة الايام الماضية حصلنا من قسم الاحصاء على الاكواد و الباسورد الخاص بنا و اعتقد انهم طلعونا اكوادنا و الباسورد علشان ندخل الاكاديمية فاحتمال و الله اعلم اننا ندخل دورات الكادر قريبا |
الاخ الفاضل الاستاذ / mga2005 اولا الف مبروك توقيع العقد و عقبال التعيين ان شاء الله ثانيا ياريت لا تتضايق من مشاركة الاستاذ ابو صهيب احنا هنا كلنا اخوة و كلا منا بيقول رائيه ممكن انا اكون رائى خطأ و حضرتك رائيك اللى صح و ممكن العكس كلنا لازم نساعد بعض و نفيد بعض كل من يمتلك اى معلومة او راى يعرضه لان بالتالى هيعود علينا جميعا بالنفع تحياتى لحضرتك و شكرا لمجهودك |
الاخ الفاضل الاستاذ / mga2005
شكرا لك و لمجهودك فعلا قد تكون خطوة جيدة لكن من حقنا التعيين من سنوات الله المستعان على ما تصفون يقال فى الحامول ان من معه تربوي و دورة الكادر هيكون معلم نأمل تفاصل أكتر ان امكن اما بالنسبة لبيلا فالاستاذ سيد عطا ينتظر حتي يكتب الراتب فى العقد |
إلى الأستاذ المحترم الذى يرمز لنفسه بالرمزmga2005 اسمح لى ان يكون ردى على إساءتك هذه من وجوه:
أولا :يعلم الله أننى ما كتبت المشاركة السابقة اتهاما لك ولا لأحد من الزملاء ولا الزميلات لكن كتبتها استفسارا فقط ثانيا:أبدا ما أردت أن أحبطك ولا أحبط أحدا من زملائى الفضلاء ولا زميلاتىالفضليات ولا أقفل لك بابا من الخير تراه مفتوحا, وإن كنت أنت تعبت من طول انتظار التعيين فأنا أولى منك بذلك لأننى خريج كلية التربية قسم اللغة الإنجليزية دفعة 1999وكان لنا حق فى التكليف حتى وقت أن كنا قى السنة الرابعة من الكلية وألغى التكليف عام 1998 , يعنى ذلك أننا منذ 14 عام وأنا لى حق مسلوب فى التعيين أما حضرتك فإن وفقك الله فى التعيين كمدرس فالحمدلله وإلا فهذا ليس مجالك لأنه كما فهمت أن حضرتك خريج حقوق وهذا ليس انتقاصا من حضرتك لكن أوضح لك أننى أولى منك فى التطلع إلى التعيين وإن كنت والله لا يتعلق قلبى به أبدا ولكن أعلق قلبى بربى سبحانه ثالثا: يجدر بحضرتك أن تحسن المحاورة وأن تحسن الظن بإخوانك وأن تتكلم بطريقة تناسب ما ينبغى أن تكون عليه - واظنك كذلك- من اللياقة وحسن الخلق رابعا : إذا كنت رفعت صورة العقد على المنتدى وساهمت بمجهود فى نفع إخوانك فلا تمن به واجعل قصدك هو نفع إخوانك - وهذا ظنى بحضرتك- قال النبى صل الله عليه وسلم " خير الناس أنفعهم للناس" خامسا": لا تظن أخى الكريم أننى أعجز عن الرد على إسلوبك هذا بنفس الإسلوب بل ربما باسوأ منه لكن الكياسة كل الكياسة والحلم كل الحلم أن تصبر على مثل ذلك قوة وليس ضعفا" قال النبى" إنما الشديد الذى يملك نفسه عند الغضب" سادسا وأخيرا : مع كامل احرامى وتقديرى لكل إخوانى وأخواتى المشاركون فىهذا المنتدى الذين لمست فيهم منتهى الحرص على بعضهم البعض فأنا لن أشارك مرة ثانية فى المنتدى وسأكتفى بقراءة مشاركاتكم حتى لا تضطرنى مثل مشاركة أخى هذا إلى الرد بمثل رده وهذا ما لا أعهده على نفسى, قال النبى صلى الله عليه وسلم " أنا زعيم بيت بربض الجنة لمن ترك المراء ولو كان محقا" وفقنا الله وإياكم |
السلام عليكم , فقط نسيت أن أشكر الأخت الفاضلة فريال على حسن خلقها وعلى حرصها على إخوانها وفقك الله لكل خير
|
اقتباس:
أنا هرد علي بعض النقاط فقط رابعاً : أنا لم أمن علي أحد في أني رفعت صورة العقد فده شيء صغير جداً وأنا أقل واحد بقدم شيء للمنتدي خامساً : موضوع إنك ترد عليه بنفس الأسلوب ده أنا بصراحة مش فاهمه .. لأن أنا كل اللي قلته هو مجرد رد علي استفساراتك الغلط اللي حضرتك فاهمها صح للأسف.. لأن العقد ده فعلاً تثبيت وليس عقد عادي ولو عاوز ترد عليه بنفس أسلوبي أنا مش هزعل بس المهم ترد بنفس أسلوب ويكون كلامك صح .. أما موضوع إنك ترد عليه بأسوأ منه .. فمعلش أنا مش بتهدد لأن أنا شايف في الجملة دي نوع من التهديد وأنا مش بخاف ولا بتهدد .. |
أنا عاوز أوضح للناس الفرق بين التثبيت والتعيين التثبيت بيتم ربط المعلم علي الدرجة الثالثة ولكن غير دائمة وإعضائه فرصة سنتين لاكتمال شرط التعيين وهو التربوي وشهادة الصلاحية وده طبعاً لغير التربويين .. كما أنا المثبت ليس له الحق في أجازة بدون مرتب وده سببه إنه لسه ما كملش شروط التعيين فتيجي إزاي إنه يسافر بدون اكتمال شروط التعيين أما التعيين فيتم ربط المعلم علي الدرجة الثالثة الدائمة وطبعاً له الحق في كل الأجازات ده اللي أنا فاهمه لو حد عند معلومة زيادة ياريت يفيدنا ويبقي جزاه الله كل خير |
اقتباس:
و عليكم السلام و رحمة الله و بركاته رجاء ان تستمر فى المشاركة فنحن كلنا أخوة و هطلب من حضرتك طلب على ما اتذكر ان حضرتك تبع ادارة فوة و كنت كتبت انهم هيضيفوا ال 30% على الاساسى للمنقطعين فياريت لما تيجى تقبض مرتبك هذا الشهر تشوف الكشوف هل فعلا الاساسى زاد عندك أم لا و لك جزيل الشكر |
اقتباس:
على فكرة حضرتك بتنفعل بسرعة الحياة اللى احنا فيها عايزة يكون صدرك رحب و بعدين احنا عايزين حاجة حلوة مش حضرتك مضيت العقد قبلنا تبقى تعزمنا فى الباب هنا على اى حاجة و اولنا اخونا الاستاذ ابو صهيب بالنسبة للاجازات فقانون الكادر الجديد سمح للمعلم المساعد الحق فى جميع الاجازات مثله مثل المعلم لكن للاسف بعض الادارات فى بعض المحافظات رافضة تعطى الاجازات للمعلم المساعد و اتفضل اقرأ اكد محمد السروجى " المتحدث باسم وزارة التربية والتعليم الى ان المعلم المساعد خارج زيادات بدل الاعتماد للكادر لانه يعد فى قترة اختبار لمدة عامين ،ولكن له طبقا لمرسوم القانون كافة الحقوق والواجبات ، ويشترط حصوله على رخصة مزاولة المهنة بعد العامين ليحصل على بدل اعتماد الكادر، قائلا " ان افضل ما فى هذا القانون انه منح كافة الحقوق للمعلم المساعد فيما يخص الاجازات والنقل والندب لاى مكان اخر ، لافتا الى ان المادة 88 من القانون توقف المد من يبلغ سن التقاعد بأثر رجعى من اول اكتوبر الماضى ، وبالتالى سيتم اصدار تعليمات بوقف تعاقدات جميع من جدد لهم فى اول اكتوبر الماضى بعد بلوغهم سن المعاش طبقا للقانون الجديد، مؤكدا على ان هذة المادة ستوفر مايقرب من مليار جنيه للوزارة ". " السروجى " اضاف انه بصدور القانون اصدرت الوزارة تعليمات للمديريات التعليمية باعداد الكشوف المالية الخاصة بصرف 50% من الاساسى بأثر رجعى لكافة المعلمين ، اضافة الى تشكيل لجان من الوزارة لاعداد لائحة تنفيذية جديدة للقانون لان هناك بعض المواد فى القانون التى تشترط اجراء مسابقات لشغل الوظائف الادارية ، وبالتالى تكمن مهمة هذة اللجان وضع المعايير والمواصفات التى بناء عليها سيتم اجراء هذة المسابقات . وعن امتناع بعض المعلمين عن صرف الزيادات الجديدة للكادر ، قال المتحدث باسم الوزارة ان رفض بعض اعضاء الائتلافات للزيادات المقرة بالكادر الجديد ليس امر بجديد وانما موقف واضح منذ شهور ، قائلا " لقد صدقت الوزارة فى تنفيذ وعدها ، حيث وفرت الوزارة 2.5 مليار جنيه لصرف الزيادات المتفق عليها منهم 1.3 مليار لصرف المرحلة الاولى ، و1.2 مليار للمرحلة الثانية ، وسنصرف الكادر بالنسب المتفق عليها ، ومن يعترض عليها فهذا حق مشروع لهم ، مؤكدا على ان الزيادة المقررة على المرتب سيتم الابقاء عليها فى حال امتناع البعض عن صرفها فى المدارس لمدة فترة زمنية معينة ثم تعود الى المالية مرة اخرى فى حال الامتناع نهائيا عن الصرف ، واضاف ان على المعلمين المعترضين على اعتماد الكادر الجديد ويعدون مشروعا بديلا له عليهم ان ينتظروا مجلس الشعب القادم ليقدموا مشروعهم من خلال الاحزاب او نواب البرلمان لتعديل ما يرونه صحيحا فى قانون الكادر او التعليم ، وتابع ، من حق المعلمين المعترضين ان يقدموا مشروع بديل ولكن المشكلة فى الالية ، فى ان يتحول هذا المشروع البديل من فكرة الى قانون " . " السروجى " لفت الى ان تهديد بعض المعلمين بالامتناع عن تصحيح امتحانات الشهادات العامة ، فهذا امر مشروع لهم بان يشاركوا او يمتنعوا فى اعمال الامتحانات ، مشيرا الى ان الشريحة المعترضة على الكادر والمصّرة على تهديدها بالامتناع عن اعمال الامتحانات احتجاجا على اعتماد الكادر فهى شريحة غير مؤثرة لا على انتظام سير اليوم الدراسى او الامتحانات ، قائلا " وهذا لم يكن تقليلا من حجم المعترضين ، فالاعتراض حق مشروع للجميع ، ولكن فى الوقت ذاته مكافأة الامتحانات مرتبطة بالمشاركة فى أعمالها طبقا للقانون ، وتابع ، ومن لم يشارك ليس له مكافأة عند الوزارة " . " السروجى " اشار الى ان الوزارة لديها العديد من الخطط البديلة للمعلمين الذين قد يمتنعوا عن المشاركة فى اعمال الامتحانات ، موضحا ان الوزارة تمتلك نسبة 7% من المعلمعلمين تستطيع من خلالهم تغطية عجز المعلمين فى الامتحانات حال حدوث ذلك ، ليسير العمل بصورة منتظمة ، قائلا " الوزارة ليس لديها عجز فى المدرسين بل وفرة كبيرة " . وعن استبعاد المعلمين من قانون الحد الادنى والاقصى بعد اعتماد الكادر الجديد .. اكد السروجى على انتقاده التام لنظام الكوادر فى مصر ، مشددا على ان هذا النظام خاطىء تماما لا يحقق العدالة الاجتماعية ، قائلا " ان الكادر نظام غير عادل ،لان هناك عاملين بالتعليم لايحصلون على كادر ، وبالتالى من الافضل والاعدل ان يعدل هيكل الاجور فى الدولة ككل ، ليكن هناك نظام موحد للاجور دون تفاوت ، مشيرا الى ان وزير التعليم الدكتور ابراهيم غنيم طالب خلال اجتماعات مجلس الوزراء بتغيير نظام الاجور فى مصر حتى تتحقق العدالة الاجتماعية " ، لافتا الى ان وزارة التعليم اول من قامت بتطبيق الحد الاقصى بالوزارة حاليا على كافة مسئولى الوزارة بمافيهم وزير التعليم حيث اصبح الحد الاقصى لايتعدى 12 ضعف الحد الادنى ، رغم ان الحكومة تحدده 35 ضعف ، وبالتالى فان مرتب قيادات الوزارة لا يتعدى 18 الف و500 جنيه . و جدول الزيادات التى اقرها القانون الجديد تتضمن زيادة بدل الاعتماد بدء من اول اكتوبر الماضى لكبير المعلمين من 150% الى 200% ، والمعلم الخبير من 125% الى 175% ، والمعلم الاول (أ)من 125% الى 175% ، اما المعلم الاول يزيد البدل لـ125% بدلا من 75% ، والمعلم لـ100% بدلا من 50% . |
اقتباس:
|
يعني يا أخت فريال أنا بناءً علي العقد ده أقدر أغير المسمي الوظيفي وأروح الإدارة شئون قانونية ولا بردو موضوع تغيير المسمي الوظيفي ده فيه بعض الإدارات بترفضه أرجو توضيح هذه النقطة للأهمية وبالنسبة للعزومة أنا تحت أمركم في أي شيء وأتشرف إني أعزم الأخ أبو صهيب طبعاً أول واحد شوفوا حضراتكم تطلبو إيه وأنا تحت أمركم |
اقتباس:
كل الشكر ليكى فريال خاصة و انك صاحبة فكرة الصفحة دي بيلا منورة على المنتدي بالمناسبة السعيدة رجالة الادارة بتاعتنا ان شاء الله هيتحركوا امتى لعل المانع خير |
اقتباس:
بالتوفيق |
| جميع الأوقات بتوقيت GMT +2. الساعة الآن 05:35 PM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.