|
اقتباس:
طيب جدولك حلو فى الدروس ممكن السبت تخليه انجليزى و رياضة يعنى من الصبح لغاية 6 بليل انجليزى و بعد كده تاخدى بريك و تبدأى فى الرياضة لغاية معاد نومك يوم الاحد فاضى يبقى تاخدى 3 مواد لو هتصحى على الفجر يبقى تبداى من 6 الصبح كيميا لغاية 12 الضهر و بعدين تاخدى بريك و تبدأى 1 و نص مثلاً عربى لغاية المغرب و تاخدى بريك و بعدين تبداى فى الألمانى لغاية معاد نومك الاتنين ذاكرى المانى لغاية الساعة 7 بليل و بعدين خدى بريك صغير و ابدأى عربى لغاية ما تنامى و التلات خديه عربى و شوية كيميا بعد ما تذاكرى الدرس الاربع قسميه على تلاتة زى الحد و ذاكرى فيه المانى و عربى و كيميا الخميس خليه كيميا و شوية رياضة فى الأخر و الجمعة يبقى رياضة و انجليزى دا من وجهة نظرى و يا رب التقسيمة دى تعجبك و تقدرى تمشى عليها و ربنا يوفقك |
موضوع هايل بارك الله فيكي
|
السلام عليكم ورحمة الله وبركاتة تقبلوا فائق احترامي وتقديري لكل من ساهم في هذا الموضوع الجميل انا مشكلتي بكل بساطة يا جماعة هي اني كنت لحد 3 اعدادي كدة ماشي زي الفل وفجأه !!! مشكلة جامدة جدا حصلتلي بسبب الانترنت مش هقولكم شات بقا ولا بنات ولا غيرو الموضوع بكل بساطة هي لعبة لعبة علي الانترنت تسمي كونكر اون لاين صينية المنشأ مفيش حد بيلعبها الا ويدمنها ودا طبعاً بسبب الجيرافيك ووسائل الجذب الجامدة جداً اللي موجودة في اللعبة وفضلت اولي ثانوي كلها مع اللعبة وبقيت مش بروح معظم الدروس ودا قصر عليا طبعاً وخلاني جبت درجة زفت في اولي ثانوي وقولت ابطل اللعبة وانتبه بقا شوية لمذاكرتي ومستقبلي ومفيش كام شهر ورجعت لام اللعبة دي تاني ولحد دلوقتي لسة بردوا معلقة معايا علي الرغم من اني بدأت اقلل منها شوية بس بردوا انتو مش هتتخيلو يعني اية الواحد وهوا بيذاكر مش منتبه للمذاكرة خالص ومش بيفكر غير في كونكر بس كونكر .. كونكر .. كونكر انا زهقت والله يا جماعة ولازم تشوفولي حل في الموضوع دا انا نفسيتي تعبت جدا منها ومش قادر ما افكرش فيها ودا لان كل اصحابي بيلعبوها بس انا مش عارف هما بيلعبوها عشان يبعدوني انا عن المذاكرة ولا اية هما شاطرين جدا ودا بيبان طبعاً في امتحانات الحصص والشهور في الدرس وانا مستوايا عمال بيقل كل شوية اكتر من اللي قبلها يا ريت يا جماعة حد يقدر يساعدني هنا وانا اسف اسف اسف ان كنت طولت عليكم او شغلت بالكم بموضوعي حتي وتقبلوا فائق احترامي مرة اخري |
اقتباس:
|
السلام عليكم ورحمة الله وبركاته ,,
ممكن لو سمحتوا حل اسئلة الكتاب المدرسى / مادة التاريخ/ أولى ثانوى؟ |
اقتباس:
وعليكم السلام ورحمة الله وبركاته قسم التاريخ لأولى ثانوى ممتاز فيه دروس حلوة و مدرسين رائعين الحقيقة و الملازم بتاعتهم كويسة أوى أكيد هتلاقى أى حاجة انتى عاوزاها فى القسم http://www.thanwya.com/vb/forumdisplay.php?f=99 وربنا يوفقك |
اقتباس:
وعليكم السلام ورحمة الله وبركاته أنا عايزة أقول إن الألعاب دلوقتى بقت العن من الشات و المنتديات فى ادمان الشخص ليها لإن فى حياتنا عمرنا ما شفنا ألعاب فى صغرنا زى دى فا إندهاشنا ليها خليتنا ليل نهار عليها حل الحكاية دى هى الإرادة .. لو الواحد عنده إرادة و عزيمة إنه يبعد عن اللعبة اللى مدمرة حياته هيقدر بس حاول إنك تشغل نفسك بحاجة تانية أو حط حبك كله بإرادتك فى حاجة مفيدة زى القراءة مثلاً حتى لو مش بتحب القراية لازم تحبها شيل من عقلك فكرة كره الشىء و حبك ليه .. حب اللى هيفيدك و إكره اللى هيضيعلك وقتك زيادة عن اللزوم بس إبدأ واحدة واحدة يعنى ماتبطلش اللعبة مرة واحدة أحكم نفسك ب3 ساعات فى اليوم مثلا لمدة 3 أيام أو اسبوع و بعد كده خليها ساعتين لمدة معينة وبعدين ساعة و حاول بقدر المستطاع تملا وقتك بأى حاجة تانية مفيدة على الأقل اقعد من أهلك أو شوف اصحابك حتى لو هتتفرج على التليفزيون بس أهم حاجة إنك تبعد عن اللعبة نهائى و تشيلها من دماغك و فكر دايماً إنك لو رجعتلها هتدمر حياتك و إن شاء الله تكون عندك الإرادة و ربنا يعينك على التخلص من إدمان اللعبة دى وربنا يوفقك |
اقتباس:
لا شكر على واجب يا رب أكون قدرت افيدك فعلاً و ربنا يوفقك و يوفق الجميع |
السلام عليكم ورحمة الله وبركاته ازيك يا اسيل ؟؟ يارب تكونى فكرانى ؟؟ انا الحمد لله عندى يوم السبت المانى ويوم الجمعة كيمياء ويوم الثلاثاء e ويوم الاربعاء رياضيات تسألينى بق على العربى انا الحمد لله حضرت حصتين عربى مع مدلرس وقولت اذاكر القصة من ملازمه وبرذاكر الادب من ملازم واحد تانى بردو بيكتب اللى فى الوزارة ومنظم والنصوص من الاضواء كويس ماشى يعنى احسن من المدرسين لانى شوفت الملازم بتاعتهم مختصرة لحد ما والنحو بقى بصراحة ممكن اروح كل كام وقت وهو كده كده بيتلم فى الاخر لان المدرسين كلهم بيعملوا حصص مراجعة بالهبل يعنى المدرس اللى اعرفه ده بيراجع من بعد تقريبا والله اعلم من نص فبراير ان شاء الله وانا الحمد لله اعرف واحد كان بيروح حصص فى النص وفى الاخر بيتلم النحو... لكن القصة ماشية وكده فهل انت شايفه اللى يعمله صح ؟؟؟ انا مرتاحه للى بعمله لان المدرس ده بيلم المنهج فى الاخر واللى قاله فى الاول مش هيبخل علينا فى الاخ يعنى ولا ايه ؟؟ وكل سنة وانت طيبه اه نسيت نصيحة لكل طالب ثانوية انه يحاول يلم المنهج مع نفسه وادعيلى ادخل هندسة عين شمس يا اسيل يااااااااااارب |
اقتباس:
رغم إنى مقتنعة تماماً إن النحو ده زى الرياضة عايز متابعة وحل كتير بس كل واحد ينامع لى الجمب اللى مريحه طالما إنتى حاسة إنك مرتاحة و مستواكى ماشى كويس يبقى امشى بالنظام اللى يعجبك اهم حاجة ماتذاكريش مادة على حساب التانية ..نظمى وقتك و مذاكرتك و خلى كل مادة تاخد حقها من المذاكرة و الشهرين بتوع المراجعة دول أهم من السنة كلها لإن فيهم مصير كل طالب يا بالنجاح يا بالفشل و إن شاء الله هيكونوا بالنجاح و التوفيق ربنا يكرمك و تحققى حلمك و تدخلى هندسة عين شمس بس شدى حيلك علشان هى مش سهلة ولا عايزة مجموع كبير و كل سنة و انتى طيبة يا حبيبتى |
شكرا ليكي جدا يا أسيل انا فعلاً هحاول اعمل زي ما انتي قولتي كدة بالظبط وعلي فكرة ياريت اللعبة دي جاية عليا وعلي مستقبلي وبس لأ والله دي مخليه كل أهلي زعلانين مني ومش بيكلموني حتي عشان هي مخلياني اعمل أخطاء أكتر بكتير من اني أدمنها حتي وربنا يوفقنا كلنا ويعيني علي اني ابعد عنها خالص هي واي حاجة عايزة تشغلني وتقبلي فائق احترامي وأعجابي بكل النصائح شكرا |
انا عايزة حد يعملى جدول مذاكرة ومش عارفه اعمل ايه والنبى ياجماعه لو ممكن اكتب مواعيد دروسى وحد يعملى جدول مذاكرة ممكن؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
|
السلام عليكم ورحمه الله وبركاته..
أنا المشكلة إللي بتواجهني دلوقتي هى مشكلة الإنترنت، أنا الحمدلله رب العالمين ماشي كويس فى الدراسة، لكن مشكلتي إن الإنترنت دايماً ف بالي لإني شبه مدمن إنترنت، أنا المشكلة إن ممكن البريك بتاعي يكون إني أقعد علي الكمبيوتر وهو بياخد من الوقت جامد..يعني لو مخصص مثلاً نص ساعة بريك ممكن أقعد ساعة أو أكتر! وهي دي المشكلة نفسي أنسي الكمبيوتر علي الأقل ف أوقات البريك بتاعي ويكون جلوسي عليه محدود ومرة واحدة نص ساعة قبل المذاكرة أو بعدها بس، نفسي بجد أتحكم ف نفسي.. وطبعاً مقدرش أقول إنه مقصر عليا فى مذاكرتي، بالعكس أنا بستخدمه فبعض الأوقات ف إني أستفيد دراسياً منه وأسأل الأساتذة وأكيد أدخل علي المنتدي الجميل ده، بس أنا برضه حاسس إني أقدر أوفر الوقت إللي بقعده علي الفيس بوك مثلاً ف إني ألعب رياضة أو أنشط جسمي وأبتدي أذاكر ف الوقت إللي أنا محدده مش الوقت إللي الكمبيوتر محدده! |
اقتباس:
|
اقتباس:
|
بسم الله الرحمن الرحيم
السلام عليكم ورحمة الله وبركاته ازيكوا ياجماعه يارب تكون الدراسه ماشية معاكوا كويس يابختكوا انتوا فى نعمة كبيرة اوى مافيش احلى من الثانوية العامه انما الجامعه دى ناااااااااااااااار كنت فاكرة نفسى هرتاح طلعت الثانويه ارحم انا الحمد لله دخلت علاج طبيعى جامعة القاهرة وعقبالكوا جميعا اشوفكوا فى كليات القمه |
اقتباس:
وعليكم السلام ورحمة الله وبركاته الحمد لله بخير أكيد الثانوية كانت أجمل بكتير و ارحم من اللى بنشوفه فى الجامعة ربنا يوفقنا جميعاً وشكراً على مساندتك |
ساعدوني ياجماعه من فضلكم انا في2 ثانوي علمي علوم
دروسي السبت عربي8 احياء 10 انجليزي 12.5 الاحد فرنساوي3.5 الاثنين انجليزي 10 رياضه 5 الثلاثاء احياء 10 انجليزي 12.5 عربي 2 الاربعاء فرنساوي3.5 الخميس احياء 12.5 رياضه 5 الجمعه فرنساوي12.5 عربي 2 ارجو منكم جدول للمزاكره وتقسيم المواد وطرق المزاكره الرجاء الرد السريع |
بسم الله الرحمن الرحيم
السلام عليكم ورحمة الله وبركاته انا هبة الله فى تانيه ثانوى علمى علوم انا مشكلتى انى عايزه اذاكر بجد بس اولا وقتى مش منظم تماما ثانيا اصحابى على طول بيقولوا انهم مش بيذاكروا فبتأثر بيهم انا الحمد لله حاسه انى مش عندى مشكله فى المواد برغم من انى مش بذاكر لانى بحاول اركز فى الدرس والحمد لله بكون فاكره كلام المدرسين فتعتبر مذكرتى عمل الواجبات ومذاكرة الى اخدناه فى الحصه لكن مش براجع الحاجات القديمه فبنساها طبعا انا كنت شبه مدمنه للنت بس الحمد لله قللت منه جامد يعنى فى اولى ثانوى كان لازم ادخل على النت كل يوم ساعه وطبعا دى اقل حاجه دلوقتى ممكن اقعد اسبوع مش ادخل على النت والتليفزيون برضه مش بتفرج عليه كتير يعنى وقت الغداء والعشاء كده بس بحس ان عندى وقت فاضى كتير لكن مش بعرف استثمره مشكلتى الكبرى بقه الاحباط احيانا بحس انى لو بدأت اجتهد من دلوقتى ربنا اه هيوفقنى فى المذاكرة وهجيب مجموع على قد الى زاكرته بس بحس ان ربنا هيعاقبى فى مجموع عشان الوقت الى ضيعته ده ارجوكم ساعدونى فى عمل جدول مذاكرة دى مواعيدى السبت احياء 11 عربى5 فرنساوى 8 الاحد انجليزى 11 الاثنين احياء11 رياضه 3 الثلاثاء عربى 5 فرنساوى 8 الاربعاء انجليزى 11 الخميس احياء11 الجمعه رياضه 9 ونص اسفه ان طولت عليكم جزاكم الله خيرا ونفعنا بكم |
انا في 2 ثانوي مفروض اذاكر كام ساعه في اليوم الي انا فاضي فيه خالص و ازاي ابث الحماس في نفسي؟؟
|
المذاكرة مش بلساعات
انت ممكن تذاكر 4 ساعات و متفهمش حاجة لكن عند التركيز والقليل من العمل ممكن توصل فيهم لاقصى درجة المزاكرة والثانوية العامة هي اللي هتحدد مستقبلنا ومصيرنا راجية من الله ان يوفقنا جميعا تحياتي لكم |
السلام عليكم ورحمة الله وبركاته
انا حاليا في تانية ثانوي وبجد محتاجة حد يساعدي انا قريت الموضوع وفرحت جدا لانه موضوع جميل واتمني بجد حد يرد علي اللي هقوله انا يا جماعة فوت وقت كتير والله وربنا يشهد اني ندمت عليه اشد الندم وحاسة اني لو اجتهدت وذاكرت الفتر اللي جاية ربنا هيوفقني بس برضوه هيعاقبني علي اللي فات من الوقت وبرجع واقول ربنا كبير ومش عارفة اعمل زمايلي معظمهم مش بيذاكرو او بيذاكرو ومش بيرضوه بيقولولي اللله اعلم بس انا بجد نفسي اذاكر وعندي استعداد ابدا واذاكر ان شاء الله اليوم كله مفيش مشكلة بس مش عارفة انظم وقتي ازاي ودا جدول دروسي يا رب تساعدوني السبت كيميا 8-10وفرنساوي 3-5 الاحد فاضي الاثنين فاضي الثلاثاء انجليزي3.5-5.5وهناخد الصبح حصة كيميا زيادة من8-10 الاربعاء رياضيات 9.5-12 الخميس فاضي بس ممكن يكون فيه حصص زيادة في اي يوم في الاسبوع فاضي مش عارفة الجمعة فاضي وانا مش باخد درس في العربي المدرس بتاع المدرسة ممتاز وبصور ورق من زمايلي اللي بياخدوا فيه دروس انا كتبت الموضوع وكلي ثقة ان حد هيعبرني ويرد عليا ارجوكي تساعدوني انا بجد نفسي اجيب مجموع عالي ومش هقولوكوا والله بجد ندمانة علي كل ساعة عدت مني وربنا العالم وبجد اللي هيرد عليا هدعيلو في ظهر الغيب وشكرا ليكم معلش انا طولت:):) |
انا يا جماعةفى ثانية ثانوى ومش عارف اعمل جدول مذاكر انا هقولكم مواعيد الدروس وحد يعملى جدول بالله عليكم انا دروسى بعيدة عن سكنى يعنى باخد فى المواصلات سعتين انا باخ يوم السبت عربى وكيميا من الساعة 9 الى 4 ويوم الحد انجليزى من7بليل الى9 ويوم لاتنين فرنساوى من 1الى4ويوالثلاثاء رياضة من1الى 4 وشكرا لكم ياريت الرد
|
السلام عليكم ورحمة الله وبركاته
انا فى تانية ثانوى وكنت عاوزة اسال عن طريقة مزاكرة قصة العربى ( واسلاماه) هى قصة جميلة اوى بس فيها رغى كتييييير مش عارفة ازاكر النقاط الرئيسية ولا ممكن ييجى اسئلة من بين السطور والكلام ده؟؟؟؟؟؟؟؟؟؟؟ منتظرة ردكم |
ازيكم يا جماعة بصراحة انا عجبتني فكرة الموضوع اوي
بس انا حالة خاصة .... انا عايشة في قطر وانا دلوقتي في تالتة سنوي ((الثانوية العامة عندنا ثالثة بس)) بصراحة لو حد سمع نظام الامتحانات عندنا يرمي نفسة من سابع دور طبعا للقرار الجديد الي طلع مفيش بين ايام الامتحانات اي فواصل يعني بالعربي الاحد:رياضه الاثنين:احياء الثلاثاء :انجليزي . . . وهكذا ده طبعا على حظي القرار ده لسة نازل السنة دي وعلى فكرة انا لسة راجعة من امتحان الكيمياء دلوقتي وكان آخر امتحان عندنا ((عشان كده طبعا قاعده عالنت)) سوري يا جماعة زماني زهقتكم المهم المشكلة عندي مش في ايام الدراسة نفسها المشكلة في ايام الامتحانات انا مش عايزة حالي في الترم التاني يكون سلطبيطة ازاي اذاكر ماده كاااااااااااملة في نص يوم؟؟؟؟ |
السلام عليكم ورحمة الله وبركاته...ايه اخباركم يا جماعة في المذاكرة؟
يارب يوفقكم ويحقق امانيكم وعلى فكرة انا خلصت ثانوية عامة السنة اللى فاتت والحمد لله دخلت كلية علوم ونصيحت ليكم انكم تذاكروا كويس وياريت تنسوا النت والتليفزيون وتخلوهم للاجازة او في وقت فاضى وياريت مش كتير وربنا معاكم ان شاء الله ومتخافوش من الامتحانات لان الخوف بيضيع المعلومات . |
ان مشكلتى النوم بنام يامه ولملا نمت11 ساعة قولت اليوم الى بعده عذاكر اكتر وبردة نمت10 ساعات ومشعارفة اعما ايه خيفة اجيب درجة مش حلوة واصحابى اعلى منى
اعمل اية وكمان الايام دى مفروض نزاكر اليوم كله طب اذاكر كام ساعة وامتى اذاكر وارجو الرد بسرعة وارجو ادعية لعلاج الكسل واى خاجة لعلاج النوم الكثير والله كل مابذاكر اقرا قران طب اعمل اية ارجو الرد بسرعة |
انا عندى مشكلة كبيرة جداااااااااا
انا اتفصلت من المدرسة بسبب استنفاذ اايام الغياب والمدرسة مش راضية تعملى اعادة قيد و لما روحت اتفاجات ان انا مفصولة بتاريخ 15/12 بس انا مجاليش جواب ان انا اتفصلت ومش عارفة اعمل ايه ؟؟؟ ياريت اللى عنده حل بجد يقولى عليه وانا كدا همتحن منازل ولا ايه ولا هيكون مصيرى ايه ؟؟ |
يا جماعه والله انا عايز اساعدكم وجبتلكم موضوع يارب يساعدكم انكم تذاكرو من غير مشاكل
وربنا يوفقكم طبعا تقديرى واحترامى الشديد لصاحب موضوع مشاكل طلاب الثانويه العامه ونرجو من الله نشر العلم والتقدم ورابط الموضع هتلاقوه فى التوقيع (الموضوع الذى عجب و اثر فى الكثير) او(اياك تذاكر من البدايه وهتتعب نفسك ليه) والسلام عليكم ووفقنا الله |
والله كلام زى العنب
|
هو ايه الى زى اعنب رويدا ههههههههههههه؟؟؟والله انتى رايقة
|
هههههههههههه
والله جوعت :d |
السلام عليكم
اولا ميرسي علي الموضوع اللاائع ده ثانيا اانا عندي مشكله كبيييييييييييييييييييييييييييييييييييييييرة الانجلش مهما اذاكره بجيب درجات وحشة فيه وخايفة اخر السنة ينقصني حد يقولي علي حل لان انا خلاص بجد ياست |
ههههاااي مشاكل الثانويه العامه انتوا بتجمعوها
بس عمركم ما هتعرفوا تحلوها اهه شوفوا كام واحد قال مشكلته ومحدش عنده حل وشوفوا الوزير بيعمل ايه احنا اصلا دفعه منحوسه حسبي الله ونعم الوكيل |
شكرا على طرح هذا الموضوع أنا دلوقتى طالب فى الأزهر وداخل على ثالثة ثانوى المشكلة انه بيضيع منى 3 ساعات مواصلات (ساعة ونص رايح ساعة ونص جاى) بروح من الجيزة لحلوان لأن دروسى مدرستى هناك ممكن تقترح عليا أعمل إيه؟
|
انا بقى مابروحش المدرسة خالص ولا مذاكر اى حاجه والمفروض انى فى ثالثه اكيد يعنى ان شاء الله انا فى ثالثه ثانوى السنه دى وده كله لأنى بشتغل ووقت الشغل مضيع كل حاجه وماينفعش ما اشتغلش ومش عارف هدخل الأمتحان ازاى
ياريت اللى عنده حل لمشكلتى يحاول يطرحه وربنا يجازيه خير ان شاء الله السلام عليكم |
انا مش عارف ايه اللى حصلى فى سنه اولى مش بعرف ازاكر معنى كنت فى اعدادى و ابتدائى شاطر دخلت الثانوى ومش عارف ايه اللى حصلى وبعدين مش عارف ادخل يه فى تانيه و تلته من مواد ممكن لو مفهاش تعب تصنيف الكليات على حسب المواد بليززززززززززز :unsure: |
انا عندى مشطلة انى مش عارفة اذاكر من شهر ونص علشان انا تعبانه وخطر فى بالى انى ااجل ومش عارفه ده صح ولا غلط وانا قبل ما اتعب ذاكرت الامنهج وراجعته 3 مرات ودلوقتى لجى اراجع مش فكرة اى حاجة ارجوكم ساعدونى
|
انا فى اولى ثانوى بس بزهق اوووووووى من المذاكره يعنى مثلا اقعد أذاكر ثلاث ساعات دول منهم ساعه الا ربع بره الغرفه بستريح من الزهق اللى جوه ده
|
الموضوع ده جميل اسفه على الدخول متاخر جزاكم الله خيرا
بدات اؤمن بالمثل اللى بيقول اللى يشوف بلاوى غيره تهون عليه بلوته انا حاليا مخلصه تانيه ثانوى ازهر ودخله على تالته قسم علمى عندى مشكلتين الاولى انى مبعرفش اذاكر واليوم اللى ابقى عملت فيه انجاز بابقى ذكرت ساعه صافى فيه مبقدرش اكمل ربع ساعه على الكتاب على راى المدرسين اخداها فهلوه بعتمد على شرحهم بس نتيجتنا طلعت وجبت 92فى الميه ازاى برضه معرفش وطبعا بالطريقه دى مش هسلك فى تالته رايكم احول ادبى ثانيا انا بتاثر باى حاجه بسرعه ممكن لو وحده زميلتى زعلتنى وهيه بتحصل كتير اتعب بالاسابيع ومفتحش كتاب حتى الساعه اللى بقلكم عليها اعمل ايه كل لما اقول لحد احول ادبى يقلى انت مجنونه انا محتاره اوى |
انا مشكلتى الزهق دلوقتى والمتحانات طبعا بعد اسبوع
وده كله لانى شديت من اول السنه وطبعا زهقانه وقرفانه من الكتاب نفى فعلا اشد زى الاول واكتر وغير كده عدم ثقتى فى نفسى وبقعد اسال اللى حواليه كتير انا عملت اللى عليا ولا لا ورغم انهم بيقولولى اه بس بردوا مش بصدقهم |
انا عند مشكلة ويا ريت الحل انا جايب 2ث 58% وعايز ان شاء الله ادخل كلية تجارة معرفش اكمل علمى ولا احول ادبى وارجو الرد منكم وساعدونى ارجوكم |
رايى ادبى لان ادبى بتاخد من مجموع اقل فتجاره المفروض لو نفسك فتجاره تخش وتشد حيلك فيها اوى
بس انت شكلك بتحب الرياضه بس ابذل شويه مجهود لان من علمى اصعب من ادبى بكتير |
انا داخل تالتة ثانوي وعندي مشكلة في الحفظ الكتير(مبعرفش احفظ) و التركيز مع المدرسين في الحصة
انا جبت السنة اللي فاتت 96% |
شكرا جدا على هذا الموضوع الرائع انا استفدت كتير من هذا الموضوع وانا لسة داخلة تانية ودروسى هتبدا بعد يوم ادعولي
|
السلام عليكم
انا عندى مشكله ومحتاج لمساعدتكم انا جبت مجموعه مش قد كده يعنى فى ثانيه علمى و قررت احول ادبى وبعدين سمعت عن نظام العلمى المتأدب و عرفت انه مفيد و كده بس فيه مشكله هل ماده رياضه 2 هاتبقى اساسيه فى النظام ده ؟؟ وهل ممكن اغير الرياضه 2 باى ماده اخرى بجانب الفيزياء ؟؟ انا بصراحه مش فاهم كفايه ايه النظام ده و محتار بجد و مش عارف اعمل ايه فياريت مساعده منكم وشكراا جزيلا |
وهل نظام العلمى المتأدب مطبق لحد دلوقتى و لا اتلغى ؟؟
|
وكمان لو ممكن سؤال تانى ايه هى الكليات التى يتحها نظام العلمى المتأدب مع المواد " احياء - جيولوجيا "
وياريت الرد بقى يا جماعه |
يعني هو نظام مش متاحه فيه لا الكليات الهندسيه ولا الطبيه
لكن المتاح فيه 1\جميع كليات الادبي 2\كليه الزراعه بالجامعات المختلفه وكليتي الزراعه (شعبه اداره اعمال والمشروعات الزراعيه)بجامعتي الفيوم وقناه السويس 3\المعاهد الزراعيه بالاضافه الي الكليات والمعاهدالعاليه والكليات التكنولوجيه(المعاهدالفنيه التجاريه والمتوسطه للخدمه الاجتماعيه) طبقاللحد الادني للشعبه العلميه فالعلمي المتأدب هو المجموعة العلمية التى لاتؤهل للكليات العملية المواد بتاخد أحياء أو رياضه 2 مع الجيولوجيا بدل الفيزياء القاهرة - محرر مصراوي - وافق مجلس الجامعات الخاصة علي قبول الطلاب الحاصلين على الثانوية العامة من شعبتي العلوم و العلمي المتأدب بكليات علوم الحاسب الآلي وتكنولوجيا المعلومات والهندسة بالجامعات الخاصة بدءا من العام الدراسي الجديد وذلك لأول مرة. واشترط قرار المجلس استيفاء الطلاب ما ينقصهم من المواد المؤهلة للالتحاق بهذه الكليات وهي الكيمياء والفيزياء والرياضيات2 خلال الفصل الدراسي الأول من عام الالتحاق بالجامعة الملتحق بها على ألا يزيد ما ينقص الطالب من تلك المواد علي مادة واحدة فقط. |
انا شايف ان معظم المشاكل احنا السبب فيها اقصد الطلبه وممكن ان تحل بسهوله عايز تعرف ازاى روح بسرعه على باب اجتماعيات طالب تحت عنوان كيف أوازن فى المذاكره بين جميع المواد
|
| جميع الأوقات بتوقيت GMT +2. الساعة الآن 08:18 AM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.