من علمي رياضه مثل حاسبات بالظبط

السلام عليكم انا في سنة 3 ثانوي وجايبة 96,8 وشكلي مش هاحق صيدلة وانا محتارة بين علاج طبيعي وعلوم مع العلم انني من اسكندرية ولو اخترت علوم اي قسم افضل في مجال العمل والدراسة وشكراا واسفة علي الاطالة

اقسام الكيمياء المزدوجه مع البيولوجي واقسام الكيمياء الحيويه والطبية والكيمياء الشرعيه والسموم

هو الي بياخد الكيمياء المزدوجة بيطلع يشتغل ايه
لاني بسمع عنها كتير كتخصص
ارجو التوضيح

للي بيتخصص في الكيمياء المزدوجه مع البيولوجي

بيقدر يتخصص ويشتغل في التخصصات الاتية

1-علم الكيميااء الطبية
2-علم الميكروبيولوجيي (البكتريا والفطريات والفيروسات والمناعه)
3-علم لمناعه
4-علم الطفيليات
5-علم الدم
6-علم الاجنه
7-علم الاعصاب
8-علم الكيمياء الشرعيه والسموم
9-علم الحشرات الطبية
10-علم الكيمياء التطبيقيه والصناعيه والتحليله

معلش يعني عيه كيميا مزدوج وممكن حضرتك تكتب اسما الاقسام اللي قلتلي عليهم بالانجليزي وشكرا

كيمياء مزدوجه
يعني بيدرس كيمياء مع احد التخصصات الاخري

وعندما يكون كيمياءمزدوجه مع علم البيولوجي
فيدرس الكيمياء بالاضافه لعلم البيولوجي
فيصبح حاصل علي بكالوريوس في الكيمياءوالميكروبيولوجي معا
او الكيمياء والكيمياء الحيويه معا
او الكيمياء والحيوان معا
او الكيمياء والنبات معا
او الكيمياء والحشرات معا

وعن طريق التخصصات دي يمكن التخصص في

1-علم الكيميااء الطبية medical and clinical biochemistry
2-علم الميكروبيولوجيي (البكتريا والفطريات والفيروسات والمناعه) microbiology
3-علم لمناعه immunology
4-علم الطفيليات parasitology
5-علم الدم Hematology
6-علم الاجنه Embryology
7-علم الاعصاب Neuroscience
8-علم الكيمياء الشرعيه والسموم forensic chemistry
9-علم الحشرات الطبية Medical Entomology
10-علم الكيمياء التطبيقيه والصناعيه والتحليله industrial and applied chemistry

يعنى مثلا حضرتك انا اخترت قسم كيمياء مع بيولوجى اصبح كدة اقدر اشتغل فى المجالات الخاصة بالاشياء دى يعنى1-علم الكيميااء الطبية medical and clinical biochemistry 2-علم الميكروبيولوجيي (البكتريا والفطريات والفيروسات والمناعه) microbiology 3-علم لمناعه immunology 4-علم الطفيليات parasitology5-علم الدم Hematology6-علم الاجنه Embryology7-علم الاعصاب Neuroscience8-علم الكيمياء الشرعيه والسموم forensic chemistry 9-علم الحشرات الطبية Medical Entomology 10-علم الكيمياء التطبيقيه والصناعيه والتحليله industrial and applied chemistry ولا انا فهمت غلط طيب ودراسة قسم الكميا مع البيولوجى يقدر يشتغل دكتور تحاليل ولالا؟؟؟ انا اسفة على اسئلتى الكتيرة

ايوه مظبوط

وفعلا يقدر يشتغل دكتور تحاليل

والتحاليل هي في الاقسام السابقه كما ذكرت

تحاليل الكيمياء الطبية وهي تحاليل كيمياء الدم زي السكر والدهون وكيمياء وانزيمات الكبد وكيمياء وانزيمات الكلي وكيمياء وانزمات القلب وكيمياء البول والاملاح والكيمياء العصبيه وكيمياء الاورام وكل كيمياء الجسم

وتحاليل الميكروبيولوجي والمناعه وهي تحاليل البكتريا الفطريات والفيروسات والمناعه في كل انحاء الجسم

تحاليل الهيماتولوجي وعلم الدم وهي تحاليل لعد كرات الدم الحمراء والييضاء والصفائح الدمويه

وانا ع سبيل المثال خريج بكالوريوس كيمياء وميكروبيولوجي معا
ثم دبلومه الدراسات العليا في تحاليل الكيمياء الحيويه الطبيةحاليا بعمل ماجستير في تحاليل الميكروبيولوجي والمناعه

شكرااا جدا على المعلومات والافادة وربنا يوفق حضرتك
بس الدبلومة دى بتاخد كام سنة كدة؟؟؟؟؟

دبلومه الدراسات العليا بتاخد سنه ع الاقل و الماجستير ثلاث سنوات ع الاقل

ودراسة قسم الميكروبيولوجى مع الكيميا يعنى الدراسة ممتعة ولا كئيبة ومعقدة؟؟؟؟؟؟؟

انا عن عن نفسي كنت بستمتع بيها
وعشان كده طلعت من الاوائل ع القسم وع الكليه