|
بجد اسلوبك حلو جدا ........ مستنيين باقى ايامك
|
اقتباس:
ربنا يكرمك ده من ذوقك والله ثانكس ع المرور :078111rg3::078111rg3: |
اقتباس:
يوم حلو في انتظار الأيام اللي كلها نكد :rolleyes: |
اقتباس:
ههههههههههههه أيام نكد من 6 إلى 10 وبعدين أسيب المنتدى بقى |
اقتباس:
بعد 5 أيام نكد مين هيفضل في المنتدي؟؟؟!:( |
اقتباس:
ههههههههههههه أنا بكلمك بجد يعنى عايز أخلص ال 5 أيام دول وأتوكل بقى ع الله وأترككم ف رعايه الله |
اقتباس:
امال اخوة ايه بقا ؟مينفعش اللي انت بتقوله دا؟ لو في حد زعلك قوول |
اقتباس:
هو أنا حد يقدر يزعلنى ههههههههه لا والله خلاص حاسس إنى بجد تقلت جامد عليكم وقارفكم بإللى أنا بكتبه ف ترتاحوا شويه بقى منى |
اقتباس:
لا بجد كدا هنزعل منك لو احنا مضايقين من اللي بكتبه مفيش حاجه هتجبرنا اننا نرد ونرحب بفكرتك اللي بتكتبه بيفرحنا لان انت بتخلينا نشاركك افراحك واحزانك انا لما دخلت المنتدي حسيت انكم عيله واتمنيت لو اني ابقي معاكم تيجي دلوقتي تقول اسيبكم ابداااا مش هنسمح بكدا :mad::stickjo4: |
فين الايام النكد ال هتبدأ من السادس؟؟؟؟
فى الانتظار.... |
اقتباس:
:angry2: :angry2: :angry2: ممنوع الخرووووج محدش يخرج من هنااا :( |
اقتباس:
وطلاما مش موافقة يبقى مفيش خروج او هتتذنب على بابا المنتدى برده زى مازنبتنى بس مش سعة الاتلت دول ساعتين وتلت:slap1qk6: |
اقتباس:
ههههههههههههه إشمعنه وتلت يعنى ؟؟؟؟!!!!! أوامرك يا معلمى |
اقتباس:
لازم العنين الحمرا يعنى |
اليوم السادس
كنا خارجين من درس الفيزيا فى يوم وتقريبا كده كلنا كنا مبسوطين عشان المستر كان طالع عمره ومدينا أجازه أسبوع وطبعا عارفين يعمى إيه فيزيا ؟؟؟؟ وعارفين الفرحه لما ناخد منها أجازه يوم واحد فمابالكم بأسبوع ّ!!!! ، المهم قولنا نجيب سندوتشات وحاجه ساقعه ونصيع شويه كده ، فبعتنا واحد زميلنا يسبقنا ويجيب السندوتشات عقبال م كلنا نتجمع ونحصله ، فراح صاحبنا يجيب الحاجه وإحنا طبعا ماشين مبسوطين جدا وبنهيص بقى ونكت وهذار ، وفجأه سمعنا صوت عربيه بترفرمل بصوت عال جدا جدا وسمعنا حاجه إتشالت وإتهبدت وسمعنا لمه وناس بتقول " حراااااااااااام عليك ، إنت أعمى ، ربنا يخربيتك يا مفترى " وسمعنا كلام " إتصلوا بالإسعاف بسرعه يلااااااااا " طبعا إحنا سامعين ومندهشين جدا فقولنا نروح نشوف إللى حصل ، المهم روحنا مكان الحادثه وبنبص وفجأه سمعت صويت من صحابى وشفت ذهول على وجوههم وفجأه جسمى إرتعش وعينيا دمعت وإذا هو محمود صاحبنا إللى سبقنا يجيب سندوتشات ، طبعا إحنا بنبص عليه ومش عارفين نعمل إيه واقفين متكتفين بنبصله وبنبص لبعض وبنعيط وبس ، إحنا مندهشين من إللى حصل ، المهم جت الإسعاف فى ساعتها ونزل دكتور وبص عليه وقال " أدعوله بالرحمه " إحنا حسينا بعد الجمله دى بشلل فى جسمنا حسينا إننا بنحلم " لا إحنا أكيد فى حلم " طبعا وما أسوء من واقع نريده أن يكون حلما ، إحنا إستسلمنا للبكاء خلااااص مش قادرين نمسك نفسنا خدته عربيه الإسعاف وأنا إتصلت بوالدته و قلتلها " محمود خبطته عربيه " قالتلى " محمود مين ؟؟؟ محمود إبنى " المهم روحنا وراه المستشفى على أمل أن يكون كلام الدكتور غلط لكن قضاء الله كان أقوى من حساباتنا ، صلينا عليه العصر وطلعنا وراه الدفنه ، ورجعنا وإحنا لسه بنبص لبعض برده ومش قادرين نتخيل أو نتصور هل ده حلم أم علم ، كان يوم صعب بكل المعانى علينا وعلى والدته إللى كانت حتموت من بعده ، وبليل حضرنا العزاء وفضلنا مع والده ووالدته إللى قالولنا " ما تسيبوناش خالص ، خليكم جنبنا ، إحنا عايزين حاجه من ريحته تفضل وسطنا " بكينا كلنا ساعتها وفضلنا معاهم لغايه لما العزاء خلص وسلمنا عليهم وروحنا وإحنا لسه بنبص لبعض برده وبنقول " ربنا يرحمه ، ويصبر والديه " وإلى اللقاء فى يوم آخر ،إنتظرونا .... ( 6 ) يا ريت يا جماعه إللى قرا الكلام ده يدعيله بالرحمه وإنه يصبر والديه |
| جميع الأوقات بتوقيت GMT +2. الساعة الآن 06:04 AM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.