زملائي الأعزاء الأحرار المتعاقدين في كل مكان :
في البداية لا بد أن كل منا يعرف :
1- أننا قوة لا يستهان بها 0
2- نحن على حق ونطالب بحق مشروع وهو " الاستقرار النفسي والاجتماعي "
3- لا يضيع حق وراءه مطالب 0
بسم الله مشروعنا : " نحن قلب رجل واحد " ويد الله مع الجماعة :
أولاً : عمل فاكسات من جميع أنحاء الجمهورية لشيخ الأزهر بالتثبيت 0
ثانيا : الاتصال الدائم بيننا – موقف موحد – لا للفردية – لا للعجرفة والعنترية 0
ثالثا : عدم استخدام ألفاظ نابية أو سباب أو شتائم 0
رابعا : عمل وقفة سلمية أمام مشيخة الأزهر بموعد نحدده سويا 0
وأخيرا أحذر أصحاب القلوب الضعيفة من إحباطنا أو كسر عزيمتنا 0 " إما معنا أو كف عنا "
ويا أحبائي أود أن تفهمون شيئا :
1- يضحكون على عقولنا ويتلاعبون بالألفاظ وكأننا عرائس في يدهم 0
2- هناك درجات مالية موجودة ويكذبون علينا .. شوف كام واحد متعاقد مطلوب سواء في التربية والتعليم أو الأزهـــر .. فإذا هم يحتاجوننا ويكذبون علينا 0
3- يجهلون حقنا في الاستقرار النفسي والاجتماعي وتكوين مستقبلنا ألسنا من حقنا التنقل بين المحافظات وكذلك السفر للخارج مثل الذين سبقونا وكذلك أيضا توفير الراحة لنا بدلا من تجديد العقد وأخذ الدمغات ومشاوير التأمين الصحي والقمسيون الطبي لمصلة مَن كل هذا يا سادة ؟ حرام

4- والأهم من ذلك أننا لم نرهق ميزانية الدولة لأننا نأخذ مرتب وحوافز ومكافأة امتحانات وكما يقولون لنا معاش فإذن لماذا لا يكون تثبيت هو حقنا المشروع . ألستم متفقين معي أرجوا القراءة المتأنية والتفكير الجاد في الحل .




















الأزهر الشريف
مشيخة الأزهر الشريف
السيد صاحب الفضيلة مولانا الأكبر شيخ الأزهر
شيخنا الجليل أولا تحية حب واحترام وتقدير للأزهر الشريف منارة العلم الذي نشرُف بالعمل تحت لوائه ونكن له كل فخر 0
بداية أود أن أقول من صاحب اختراع كلمة متعاقد أو ( تعاقد) ؟ أسمح لي أجاوب إنهم الوزراء الغير قادرين على تحمل المسئولية الموكلة إليهم وتسببوا في كلمة ( التعاقد ) 0
يا فضيلة الشيخ يا قائد المسلمين هل ترضى لنا الذلة والمهانة ونحن مقيدين في أغلال كلمة مؤقت يا شيخنا نرجو منك التفاعل معنا نحن أصحاب أسر ولدينا مسئوليات وتكفينا نظرة أبناؤنا ألينا ونحن عرائس تحرك من هذا وذاك وكذلك أيضا نظرة المجتمع إلينا وعندما نُسأل هل أنت أساسي أم متعاقد يكفينا خجلا أن نقول متعاقد 0
يا شيخنا الجليل خير الناس أنفعهم للناس وكل راع مسئول أمام الله عن رعيته . وأن فضيلتك مسئول عن توفير أمننا وعزتنا 0
يا فضيلة الشيخ الكبير ألسنا نواجه الغلاء وجشع التجار وارتفاع الأسعار مثل زملاؤنا الذين دخلوا الكادر الجديد ...
العين تدمع والقلب يفيض فنرجو الرأفة بنا وبأهلنا0
يا فضيلة الشيخ : ألم تتفق معي أن هناك وزارات تعين تعيين رسمي !!!
يا فضيلة الشيخ : ألسنا وزارة منفصلة إداريا عن التربية والتعليم ؟

مقدمة لفضيلتكم /

السلام عليكم ورحمة الله وبركاته
أتقدم بخالص التحية والحب والامتنان إلى صاحب فكرة ومنفذ هذا القسم للمتعاقدين وناديت كثيرا فيى منتدى الأزهر بقضية المتعاقدين منذ أكثر من عام وللكن لأن الموقع مراقب حُذف لي مقالات كثير لكن بفضل الله الشرفاء كثيرون فأرجوا منكم يامتعاقدون الصبر والمثابرة والجهد حتى نصل إلى غايتنا النبيلة المستحقة يا رجال ياشباب يا فتيات يا نساء إنه حقنا المسلوب والمستحق فتعالوا وهلموا حتى نوحد كلمتنا وصفنا من أجل التثبيت دون قيد أو شرط ... التعاقد أيرضوه المسئولين لأبناؤهم أو ذويهم فأرجوا المشاركات الفعالة ومشاركتنا في حملتنا على موقع الحسام
www.alhossam.com
http://www10.0zz0.com/2009/08/14/17/934784935.gif

السلام عليكم ورحمة الله وبركاته
آسف على عدم معرفتي بقوانين الإدارة
ولي استفسار الآن ماهو رقم فاكس مشيخة الأوهر أو وكيل الأزهر هل هو
22623226 ؟؟؟ أم ماذا نرجوا تحري الصدق والأمانة ..وشكرا

يجب ان يصل صوتنا الى مجلس الشعب والى لجنة التعليم بالمجلس عن طريق وقفة احتجاجية جماعية لمن مر عليهم عام او اكثر دون معرفة اى شروط بشأن اختبار الكادر الذى يعنى اجتيازه التثبيت والفشل فيه يعنى انهاء العقد بقوة القانون والطرد دون اى تعويض بعد مرور 3سنوات وقد مر منها الكثير !!!!! او نصل الى جميع البرامج كما فعل الموظفين اللى فى التربية والتعليم علشان حافز الاثابة
يجب ان يكون تحركنا جماعى ومن كل المحافظات فى نفس الوقت حتى نشعر المسئولين والحكومة باننا بنى ادمين لنا حق فى هذا البلد ان نعيش دون اذلال او امتهان من وزير و وزارة و موظفين يأخذوا قرارات عشوائية لا يراعى فيها اى نوع من العقلانية بالنسبة للتوقيتات او الظروف الخاصة او العائلية او الاستعداد المادى

وكأن الامر كن فيكون


الشروط تعنى الاستحالة على الاقل بالنسبة للوقت لمعظمنا!!!!!!!!!!!!!!!!!!

انظروا لما حدث فى موضوع اتفاقية الاستخدام العادل بتاع الانترنت بعد الوقفات الاحتجاجية والضغط على وزارة الاتصالات فى البرامج الحوارية والتهديد بالغاء الاشتراكات فى شركات الdsl تراجع وزير الاتصالات وتراجعت الشركات وقال الوزير ان الاشتركات الموجودة تستمر بنفس المميزات

هد مشكور من الجميع وياريت رد على الاخت نورالهدى بالنسبه للدبلومه فى عام واحد مش صعبه اوى ولو قريبه من قنا خديها هناك ولو احتجت مذكرات انا مستعد انا اخدتها 2008

نداء إلى كل نفس تأبى على نفسها الذل والمهانة وأتقدم بخالص الحب والوفاء للشرفاء الرجال الذين لا يخشون في الله لومة لائم وأخاطب ضعاف النفوس او إن جاز التعبير الجبناء إلى متى تغمسون رؤوسكم في الرمال لكن أحيي فيكم الجبن ومبدأ الخسة وأنتم معنا إن ربحنا حقنا أن إذا قدمونا كبش فداء تتنصلون منا وأنتم براء من هذه الحملة ... أليس هذا صحيح ..
ولكن يا رجال العزة والشرف والكرامة دعونا من هؤلاء الجبناء نحن وراء التثبيت دون قيد أو شرط ونحن لو وقفنا على قلب رجل واحد فإن شاء الله النصر حليفنا وأناشد كل من يقرأ ردي هذا أن يجلس مع نفسه ويفند ماذا جنى من تخاذله وضعفة غير كل مهانة وذل وقهر ... أفيقوا .. أفيقوا يا متعاقدون قوموا من ثباتكم طالبوا بحقكم المشرووووووووووع .
وفي النهاية فوضنا أمرنا منكم إلى الله يا جبنننننننننننننننننننننننناء .
مع خالص تحياتي للرجال

انا بقا تعاقد من 2005 ولا معايا تربوى ولا معايا icdl وفرحى اول يوم العيد اعمل اية

اتجوز ولا اخد الدورة ولا الدبلومة ولا استعد للعام الجديد ودفاترة لانى مش مدرسة اخصائية

انا بجد تعبت

السلام عليكم...
أولا: مبروك على الزواج ...
ثانيا:انتى أخصائيه ايه ؟؟ لو خريجة خدمه اجتماعيه أو تربيه نوعيه فكده يبقى تمام أوى ومش محتاجه دبلومه تربوى ولا حاجه انتى كده معاكى شهادة تأهيل تربوى ....
ثالثا: انتى سهل جداااا بعد الزواج ان شاء الله تاخدى دورة ال icdl ... وتبقى كده جاهزه لاختبار الأكاديميه ...واطمنى جداااااااااا يوم الوزاره بسنه.... يعنى الامتحان مش بكره ولا حاجه .......فباذن الله قبل الاختبار هتكونى جاهزه ومبروك مره تانيه للزواج .....

????
 

خدمة اجتماعية مؤهل غير تربوى
يعنى لازم تربوى

الادارة عندنا فى المنصورة قالت غير تربوى

وقلولى روحى قدمى للتربوى بس المشكلة مش فاضية لية

يلا لازم شغل الللعب دا من الوزارة

هد مشكور من الجميع وياريت رد على الاخت نورالهدى بالنسبه للدبلومه فى عام واحد مش صعبه اوى ولو قريبه من قنا خديها هناك ولو احتجت مذكرات انا مستعد انا اخدتها 2008


ابو كريمان انا بجد متشكرة اوى على المساعدة بس للاسف انا من القاهرة وبجد مصعبنها علينا اوى
يعنى ازاى هوفق بين الدبلومة وشغلى والاثنين فى ميعاد واحد وبيشترط الحضور جدا عندنا وبعدين كمان التدريب العملى يعنى بيوزعونا على المدارس كل ده ازاى وانا فى المدرسة بتاعتى ومتشكرة مرة تانية على تقديم المساعدة

الدبلومة سنة واحدة بدا السحب فى قنا جامعة جنوب الوادى
من 15/8/2009الى 30/8/2009

http://7upz.net/uploads/7upz-12475211570.gif

سلام عليكم جميعا:

انا شايفة الناس مصعبين اوى حكاية دبلومة مع الشغل طيب لية الدبلومة ياجماعة المحاضرات بعد الساعة اتنين الظهر يعنى بعد الشغل وطالبين دبلومة عامة يعنى درساة اسهل انا الحمد لله السنة اللى فاتت كنت بدرس دبلومة الخاصة وانا اصلا خريجة تربية واخدت دورةicdl وكمان منحة وزارة الاتصالات 9 شهور عن كورس برمجة استمرت دراسة لمدة 11 شهر بجانب الشغل كل دة فى سنة واحدة فين العزيمة هى عايزة بس شوية تنظيم وقت

الدبلومة اللى انت بتقول عليه ديه دبلومة سنتين مش سنة واحدة لان الدبلومة التربوى العام غير الخاصة
الدبلومة الخاصة بتبدا بعد الظهر اما دبلومة التربوى العام ( السنتين ) هى اللى بتبدا بعد الظهر
والسنة بتبدا من الساعة 8 صباحا يعنى مع معاد العمل

التثبيت يدق على الابواااب
 

في اجتماع المجلس الأعلي للتعليم قبل الجامعي ..الثلاثاء
تعيين 80 ألف معلم لأول مرة .. منذ 5 سنوات
الجمل: المدرسون الجدد يجيدون اللغة الإنجليزية والتعامل مع الكمبيوتر
كتب أحمد عمر:
يعقد المجلس الأعلي للتعليم قبل الجامعي اجتماعه السنوي بعد غد الثلاثاء لإعداد الخريطة الزمنية للعام الدراسي 2009/2010 وبحث تعيين 80 ألف معلم يحصلون لأول مرة علي رخصة معلم من بين 190 ألف معلم مساعد يعملون بالوزارة وذلك لأول مرة منذ خمس سنوات لم يتم خلالها تعيين معلمين جدد.
أشار د. يسري الجمل وزير التربية والتعليم إلي أن 80 ألف معلم الذين سيحصلون علي ترخيص معلم أمضوا عاماً دراسياً كمعلم مساعد واستوفوا جميع الشروط من حيث حصولهم علي مؤهل تربوي أو مؤهل عال. بجانب مؤهل تربوي بالإضافة إلي إجادتهم اللغة الانجليزية والكمبيوتر.
أضاف الوزير أنه بجانب تعيين 80 ألف معلم ستقوم الوزارة بالتعاقد مع مجموعة أخري من المعلمين لمدة عام.
كما سيعرض علي اجتماع المجلس الأعلي للتعليم قبل الجامعي اتفاق تم مع كليات التربية لتأهيل المعلمين المتواجدين الآن بالتعاقد للحصول علي مؤهل تربوي وهناك عدد من الكليات أعدت برامج للتعلم عن بعد لتحقيق التوازن بين المعلم وأداء رسالته في المدرسة


موقع جريدة المساء اليوم 16/8/2009
http://www.algomhuria.net.eg/almessa...t/detail01.asp

السلام عليكم ايها المعلمون الافاضل
لقد تم اعلان اسماء المتعاقدين الجدد فى مسابقة مطروح للعام الدراسى 2009/2010
لذلك نرجوا من معلمى مخافظة مطروح تحميل النتيجه على المنتدى او ارسال اى رابط تم اعلان الاسماء عليه لاننا من محافظات بعيده ولا نستطيع الذهاب لرؤية النتيجه والعوده
ولكم خالص الشكر

فعلاً مظبوط كلامك
انا اخصائي اجتماعي بالتعاقد من 2005 ادارة السنبلاوين
قالولنا في الادارة انه لازم بردة نعمل تربوي قالولنا روحو ع تربية الزقازيق سهلة ومش لازم حضور ناس كتير راحت قدمت هناك بس للاسف قفلت يوم 10 /8 سحب المظاريف
رحت طنطا لقيت المصاريف 800 جنية غير الكتب ب 700 وحضور وموصلات
مفيش قدامي غير تربية المنصورة التقديم بدأ فيها اليوم 16/8/2009 لغاية 15/9 /2009 المصاريف 406
بس بيقولوا صعبة والنجاح فيها صعب
مش عارف الواحد يعمل اية محتار وحتاجين رد رسمي م الوزارة يفهمنا خاصة بعد تصريحات الوزير اليوم في جريدة المساء
مش عارف اعمل اية ؟؟؟؟؟؟؟؟؟؟؟
بس شكلها كدا لازم اقدم في تربية المنصورة
لو حد هنا من المنصورة واخد الدبلومة دي ياريت يكلمن او يقولي نظمها اية الله يكرمكم

بس ياسمسم انا واخدة بكالوريوس من كلية تربية المنصورة وعاملة دبلوم مهنى ودبلومة خاصة من تربية المنصورة وتقديرى الحمد لله جيد جدا فى دبلومتين الدراسة مش صعبة ولا حاجة ودى توفير ليك من ناحيتين الفلوس 406 بدل 800 تانى حاجة السفر انت قريب من منصورة . الحضور فى دبلومات فى جامعة منصورة سواء عام او مهنى او دبلوم خاص بعد الساعة اتنين يعنى لو ظبطت نفسك فى مدرسة تخد الحصص الاولى لحد الخامسة كدة هتوصل فى ميعاد ومش شرط حضور فى كل مواد اما بالنسبة لنظام الدبلومات فهى 40% على امتحان عملى والمقصود بيها الابحاث المطلوبة منك والشفوى و60% على امتحان تحريرى يعنى مثلا لو مادة من 100 درجة تتوزع كالتالى البحث 30 درجة ومحدش بيخد فية اقل من 20 درجة دة بالميت لو مافيش حد مستقصدك و10 درجات شفوى و60 درجة تحريرى

رجاء خاص
 

ارجوا من اخواني واخواتي المدرسين المتعاقدين عدم الخروج عن هدف المشاركات وهو التكلم عن اخبار التثبيت فقط ... ممكن نعمل مشاركة اخرى او قسم خاص بمشاكل الدراسات ما بعد الجامعية
هدفنا هنا...
اخبار التثبيت فقط

اهم حاجه الجميع يستعد لمعركه التثبيت بكل الاسلحه المؤهل التربوى والاىسى دى ال و يقوى نفسه فى الانجلش

والله الموفق

في اجتماع المجلس الأعلي للتعليم قبل الجامعي ..الثلاثاء
تعيين 80 ألف معلم لأول مرة .. منذ 5 سنوات
الجمل: المدرسون الجدد يجيدون اللغة الإنجليزية والتعامل مع الكمبيوتر
كتب أحمد عمر:
يعقد المجلس الأعلي للتعليم قبل الجامعي اجتماعه السنوي بعد غد الثلاثاء لإعداد الخريطة الزمنية للعام الدراسي 2009/2010 وبحث تعيين 80 ألف معلم يحصلون لأول مرة علي رخصة معلم من بين 190 ألف معلم مساعد يعملون بالوزارة وذلك لأول مرة منذ خمس سنوات لم يتم خلالها تعيين معلمين جدد.
أشار د. يسري الجمل وزير التربية والتعليم إلي أن 80 ألف معلم الذين سيحصلون علي ترخيص معلم أمضوا عاماً دراسياً كمعلم مساعد واستوفوا جميع الشروط من حيث حصولهم علي مؤهل تربوي أو مؤهل عال. بجانب مؤهل تربوي بالإضافة إلي إجادتهم اللغة الانجليزية والكمبيوتر.
أضاف الوزير أنه بجانب تعيين 80 ألف معلم ستقوم الوزارة بالتعاقد مع مجموعة أخري من المعلمين لمدة عام.
كما سيعرض علي اجتماع المجلس الأعلي للتعليم قبل الجامعي اتفاق تم مع كليات التربية لتأهيل المعلمين المتواجدين الآن بالتعاقد للحصول علي مؤهل تربوي وهناك عدد من الكليات أعدت برامج للتعلم عن بعد لتحقيق التوازن بين المعلم وأداء رسالته في المدرسة.
http://www.algomhuria.net.eg/almessa...mages/line.gif

فيه حاجه فى حامعه اسكندريه اسمها دوره تاهيل تربوى للمعلمين (الغير تربويين والاداريين)الدوره دى مدتها 5 اسابيع الدراسه يوم الجمعه والسبت من 4-8 يعنى مجموع المحاضرات 10 محاضرات ودى ب300 جنيه المهم ياترا دى هيمشوها والا يقولوا لازم تربوى وبعدين العقد مكتوب فيه يتعهد الطرف الاول بالحصول على شهاده بالتاهيل التربوى المناسب لو عاوز يقول دبلومه تربويه كان قالها مباشره ده نص قانون انا عموما قدمت فى الدوره دى ولسه هتبدا بعد العيد ,انتوا بقى عندكم التربوى ب400 و800 عندنا فى جامعه اسكندريه مصاريف بس 2200 جنيه غير الكتب اخدت انا كام علشان ادفع الفين ونص دبلومه ولابد شرط التفرغ او موافقه مدير المدرسه طبعا لا فيه تفرع والا مدير المدرسه هيرضى يوافق امال يشيلوا الحصص الزياده لمين .. اما نشوف اخرتها اللى عنده معلومات ياريت يمدنا بيها .

انا سمعت من مصدر صادق بالنسبة لى من واحد بيشتغل فى كلية التربية ان لجنة الكلية بقيادة مجموعة من الدكاترة بيجهزوا لتدريب نحو الف مدرس مساعد خلال الفترة القادمة ان شاء الله فى الكلية حتى يتم تثبيتهم هذا للامانة وتحرى الدقة والله اعلم ويارب التوفيق من عندك يارب ويكون دا اخر كلام عن الموضوع دا بقه لاننا بجد شكلنا بااااااااااااااااااااخ والموضوع بقه كدااااااا عامل زى الشحاته والتسول ( يا يثبتونا يا يمعدوش يتكلموا فى هذا الموضوع الى الابد وصدقونى احنا كشعب مصرى هنتكيف وهنعيش حياتنا وخلاص على كدااا ) لكن بهذ

ياجماعه عاوزين نعرف دلوقتى اللى زى حلاتى ولسه مخدوش دبلوم التربوى ده
وضعنا ايه فى المنشور اللى جه ده
نقدم بقية الورق ولا ايه
فى اقتراح المدير بتاعى قالى عليه
انى اروح احجز دلوقتى فى اى كليه تربيه واخد منهم افاده انى
مقيد عندهم فى الكليه ايه رايكم
ياريت ياجماعه بجد نتابع موضوع المنشور ده
وهل ياترى مدة تقديم الورق ده على طول يعنى مستمره
ولا بفترة محدده
وجزاكم الله خيرا

طيب والباقى icdl انا مش مصدق ان هيكون تثيبت فعلى احنا بنسمع ونقرا من زمان

السلام عليكم
ياجماعة ياريت كل واحد يبدأ يعمل الى عليه يحجز تربوى ياخدicdl يعمل الى عليه عشان مش يرجع يقول ياريتنى وخلى الباقى على ربنا ولو حصل حاجه يقدر يتكلم ويقول انا عملت وجهزت نفسى وربنا يثبتنا دنيا واخرة

متعاقد لغة عربية 2006 مقدرتش اكتب مدرس يلا حسبي الله ونعم الوكيل

سبق وأن شاركت فى موضوع رئيسى بعنوان: لهذه الأسباب أطالب المسئولين بتثبيت المتعاقدين
فأرجو منكم الاطلاع عليه وهذا اولاً
ثانياً: كلما تنوى الحكومة بالتثبيت يخرج مسمار جحا بل مسامير جحا
1- فمرة يشترط أن يكون مضى على العقد أكثر من عام (وإن كنت ممن يجتاز هذا الشرط حيث أن كثير من الزملاء وأنا منهم يعمل منذ أكثر من 8 سنوات فإليك المسمار الثانى
2- يشترط أن يكون حاصلاً على التربوى......وإن كنت منهم مثلى فإليك المسمار الثالث
3- الحصول على شهاده icdl وإن كنت لا سمح الله منهم وأنا لست منهم فإليك المسمار الرابع
4- إتقان اللغة الإنجليزية والحصول على شهادة التويفل وإن كنت منهم لا سمح الله وأنا لست منهم فإليك المسمار الخامس
5- بص يابنى أنت وهو وهى تثبيتكم على جثتى ، الحرامية ماخلوش فى البلد فلوس وخلينا نضحك على بعضنا أكبر فترة ...وأنتم عارفين أن أنا لازم أحط المسامير دى كلها علشان الكرسى اللى أنا قاعد عليه ما ينفعشى بدون المسامير وسلم لى على على بابا

ياجماعة فيه حاجة الناس مش واخدة بالها منها
سيادة الوزير بيصرح بأنه فيه تنسيق تم بين كليات التربيه لتأهيل المعلمين( عن بعد ) فين ده ولا هو كلام والسلام
نفسنا المسئول اللى يقول كلمة يلتزم بيها ولا هى وعود وتصريحات اعلاميه و Show وخلاص
ياعم ارحمنا بقى احنا زهقنا

السلام عليكم ورحمة الله وبركاتة
الموضوع وما فيه يا جماعة في قضية التثبيت .. الوزير يقول إشمعنا أنا مش متثبت في الوزارة علشان كده كلنا زي بعض ممكن نشمشي كلنا أنا وانتوا .............. تحياتي إلى حبيبي اللادود وزير التنمية الإدارية والتعليييييييييم منكوا لله

سلام عليكم:
بص ياجماعة بالنسبة لدوة ال icdl هو لم يشترط فى منشور غير 4 مستويات بس يعنى مش العالمية وعموما فى منحة من وزارة الاتصالات للحصول على الرخصة الدولية وكل شىء فيها مجانى للخريجين وطلبة فى مدارص بتدفع 200 جنية تامين وتستردهم عند استلام الشهادة وهى شهادة موثقة من اليونسكو والموقع :
www .icdl.gov.eg وبعد كدة تدوس ctrl+enter
اما بالنسبة لغير كلية تربية يشترط دبلومة وطلبوا فى مديرية عندنا شهادة دبلومة وكلام واضح اللى ملفة كامل هيدخل امتحان اكاديمية وطبعا التقديم لدبلومات لها ميعاد وبيقفل فلازم تنتهوا من قصة دى قريب وتقدموا فى اى كلية ومش مشكلة استحملوا سنة تعب دبلومة وشغل عسى يكون خير
وبالتوفيق للجميع

المشكله مش فى الدبلومه المشكله اجيبلهم استماره تفرغ منين والمدير لو وقفت على دماغى مش هيمضيلى عليها وقالولى فى الكليه لو الورق مش كامل هيرجع تانى واخر ميعاد 1-9 والمصاريف 2200 غير الكتب وفيه عملى وله درجات والغياب له نسبه هنعمل ايه بس ارحومنا

يا ناااااااااااااااااااااااااااااااااااااان فرجت خدوا الخبر ده لسه طازه
اعلان مهــم للمعــلم المســـاعد .... وافق معالي الأستاذ الدكتور يسرى الجمل وزير التربية والتعليم، رئيس مجلس إدارة الأكاديمية المهنية للمعلمين، على قبول ملفات المعلمين المساعدين الراغبين فى دخول امتحان الحصول على شهادة الصلاحية لشغل وظيفة معلم ، حتى فى حالة عدم حصولهم على الوحـدات الأربعة المطلوبة من الرخصة الدولية لقيادة الكمبيوتر ICDL، علــى ألا يصدر قرار الترخيص للمعلم المساعد بعد اجتياز الاختبار إلا بعـد إحضار ما يفيد اجتياز هذه الوحـدات الأربعة " Windows- Word - Power point - Internet and Email "
وقد تم التنبيه على فروع الأكاديمية بالمحافظات الالتزام بهذا التيسير ... مع التمنيات بالتوفيق للجميع . بتاريخ 17-8 ولسه طازه نازل حالا

اخبار من موقع الوزارة ممتاازة
 

مهــم وعـــاجل
تهيـب الإدارة الالكترونية للتعليم بالسادة مديري إدارات ورؤساء أقسام الإحصاء بالمديريات و الإدارات التعليمية ، سرعــة الانتهاء من تسجيل جميع بيانات السادة المتعاقدين " معلم مسـاعد " وتسليم كلمات المـرور الخاصة بهـم تمهيداً لاختبارات التسكين على وظيفة معـــلم


الخبر من موقع الوزارة
http://services.moe.gov.eg/



اعلان مهــم للمعــلم المســـاعد ....

وافق معالي الأستاذ الدكتور يسرى الجمل وزير التربية والتعليم، رئيس مجلس إدارة الأكاديمية المهنية للمعلمين، على قبول ملفات المعلمين المساعدين الراغبين فى دخول امتحان الحصول على شهادة الصلاحية لشغل وظيفة معلم ، حتى فى حالة عدم حصولهم على الوحـدات الأربعة المطلوبة من الرخصة الدولية لقيادة الكمبيوتر ICDL، علــى ألا يصدر قرار الترخيص للمعلم المساعد بعد اجتياز الاختبار إلا بعـد إحضار ما يفيد اجتياز هذه الوحـدات الأربعة " Windows- Word - Power point - Internet and Email " . وقد تم التنبيه على فروع الأكاديمية بالمحافظات الالتزام بهذا التيسير ... مع التمنيات بالتوفيق للجميع .


وده من موقع الاكاديميه

http://academy.moe.gov.eg/


من الاخر اللي مخلصش ال icdl يلحق يخلصها

شكرا مستر عماد
في الاسكندريه لسة موصلتش النشره ده
يارب توصل

لسه جديد
 

على فكرة الكلام ده لسه جديد يدوب النهارده
وده نازل على موقع الوزارة الرسمى
يعني هيكدبوا وينصبوا كمان في المواقع الرسميه ؟؟؟ ... الله أعلم .. كل شئ ممكن عندنا
المهم
انه لسه ممكن يوصل الادارات خلال يوم او اثنين ان شاء الله
أبشروا خير ان شاء الله

يا جماعها
ا
لوزير بيقو ل تثبيت 80 الف من 180 الف متعاقد والتعاقد مع عدد اخر جديد يبقي لازم يعلن عن تثبيت بعض المتعاقدين