شكراااااااااا عالإفاده
بس الثانويه بتاعتى من الكويت
ياريت حد يفيدنى فى حساب المجموع الجديد

اتضح أن كل طلبة الكويت لم يظهر لهم المجموع الاعنبارى
أى أنها على جميع الطلبة



بالتوفيق

شكراً لك أخى الفاضل



بالتوفيق للجميع

الحمد لله عدت على خير بالنسبه للكويت وما طلبوش مننا المجموع الاعتباري
بس حد يعرف نتيجه التنسيق امتا?

ااه .. امتا نتيجة التنسيق ؟؟

يقال أنها منتصف شهر سبتمبر لمراجعة الأوراق



ربنا معاكم
بالتوفيق للجميع

السلام عليكم

ممكن استفسار يا جماعة
انا قرأت الردود بخصوص القادمين من الكويت
و انهم مطلعش ليهم المجموع الاعتباري ( نفس المشكلة بالنسبة لي )

فهل حد عنده أي فكرة عن الموضوع ده ؟ و عن طريقة حساب المجموع الاعتباري اصلا ( للقادمين من الكويت ) ؟


و عن نسب القبول بالنسبة للشهادات المعادلة هل ستكون مثل الأعوام الماضية ؟؟ و هل ستنزل الحدود الدنيا للقبول ؟؟


و موعد ظهور النتائج انا سألت لما رحت اقدم ورقي في مكتب التنسيق قالولي اول سبتمبر هل الكلام ده صح ؟؟


و شكرا مقدما

الشكر لله
بالتوفيق للجميع

لو سمحتي يا استاذة ام شاهنده حضرتك قلتي ان تنيجة التنسيق في النص الاول من الشهر.......يعني شهر 8 ولا شهر9؟؟؟
وياريت لو اي حد عنده اي اخبار عن نتيجة التنسيق ..سواء عن معادها او مكان ظهورها او اي حاجه يعرفنا
وشكرا

هههههههههه
يا سمايل أنتم خلصتم تقديم يوم 13/8
تفتكر حيكون قصدى نص تمانية ؟


ده أنت متفائل أوى

فيه كلام بيقول أول تسعة وفيه كلام نص تسعة
والنتيجة حتكون من على نفس موقع التنسيق إن شاء الله



بالتوفيق

اصل يا استاذه ام شاهنده لما قدمت ورقي في مكتب التنسيق سالناهم نتيجه التنسيق هتكون امتى
قالولنا بعد10و او 15 يوم

انا لما رحت قدمت الملف في مكتب التنسيق قالولي النتيجة هتطلع بعدها بشهر تقريبا .. لسة بدري :)

لو سمحتوا يا جماعة لو أنا قمت بتعديل الرغبات على الموقع الالكتروني بعد تسليم الملف والأوراق لازم أطبع التعديل الأخير وأسلمه لمكتب التنسيق ولا لأ... وشكراً

بالنسبة لتنسيق الشهادات المعادلة
 

يا جماعة امتى هتبان نتيجة التنسيق للشهادة الي جاية من الكويت
انا خلاص ع اخري وانا جاية 92.55 ومش عارفة هدخل ايه وانا خلاص اهلي قربوا يسافروا وانا عايزاهم يكونوا معايا عشان يساعدوني
فلو اي حد عارف امتى وكدة ياريت يقول

اعلان نتائج تنسيق الشهادات المعادله
 

ربنا يوفقنا

موعد نتائج الشهادات المعادلة
 

قال عبدالحميد سلامة، وكيل أول وزارة التعليم العالى، المشرف العام على التنسيق: تحت إشراف الدكتور هانى هلال، وزير التعليم العالى، «إن موقع التنسيق سيستمر فى تلقى تسجيل وتعديل رغبات الطلاب الحاصلين على الشهادات المعادلة العربية والأجنبية حتى السابعة من مساء الثلاثاء».
وأكد سلامة أنه سيتم إعلان نتائج ترشيحات طلاب الشهادات المعادلة للكليات والمعاهد نهاية الأسبوع الجارى، مشيرا إلى أنه سيتم إبلاغ الطالب بترشيحه فور إعلانها رسميا، وذلك إما عن طريق البريد الإلكترونى، أو عن طريق خدمة الرسائل القصيرة على التليفون المحمول، أو عن طريق الموقع نفسه، على أن تتم طباعة بطاقة الترشيح من الموقع لإخطار الكلية المرشح لها الطالب.



و ده الرابط للعايز يتأكد من الموضوع :
http://www.almasryalyoum.com/node/74227

شكرا عالخبر الطااااازة ده و يسعدني اكون اول مشاركة فيه

خدمات تنسيق الشهادات المعادلة (ينتهي التسجيل مساء يوم الثلاثاء - 31 اغسطس)

قال عبدالحميد سلامة، وكيل أول وزارة التعليم العالى، المشرف العام على التنسيق: تحت إشراف الدكتور هانى هلال، وزير التعليم العالى، «إن موقع التنسيق سيستمر فى تلقى تسجيل وتعديل رغبات الطلاب الحاصلين على الشهادات المعادلة العربية والأجنبية حتى السابعة من مساء الثلاثاء».
وأكد سلامة أنه سيتم إعلان نتائج ترشيحات طلاب الشهادات المعادلة للكليات والمعاهد نهاية الأسبوع الجارى، مشيرا إلى أنه سيتم إبلاغ الطالب بترشيحه فور إعلانها رسميا، وذلك إما عن طريق البريد الإلكترونى، أو عن طريق خدمة الرسائل القصيرة على التليفون المحمول، أو عن طريق الموقع نفسه، على أن تتم طباعة بطاقة الترشيح من الموقع لإخطار الكلية المرشح لها الطالب.



و ده الرابط للعايز يتأكد من الموضوع :
http://www.almasryalyoum.com/node/74227

شكرا ليكو يا جماعه ع الافاده وشكر استاذ مدحت على الاهتمام
بس بالنسبة للسؤال الثاني الخاص بالنسب

اشكرك اوووووووي
وبالتوفيق للكل

التنتسيق السنة دي مختلف جدا عن السنة الي فاتت متخافيش
وان شاء الله خير
ويااااااارب تبان بقى لان الواحد خلاص جاب اخره من الياحنا عايشين فيه دة


دمتم بخير

الأعداد المقررة بكل كلية للطلبة الحاصلين على الشهادة المعادلة من الكويت، وهي: 45 مكانا بكليات الطب البشري و9 بطب الأسنان و52 بكليات الصيدلة و5 أماكن بكلية العلاج الطبيعي و117 بكليات الهندسة و8 أماكن بهندسة الكترونية و2 بترول وتعدين و1 تخطيط عمراني و3 فنون جميلة عمارة و3 فنون جميلة و4 فنون تطبيقية و22 بكليات الحاسبات و2 بكلية الاقتصاد والعلوم السياسية و2 بكلية الاعلام و4 بالألسن و14 بكليات السياحة والفنادق و9 بكليات رياض الأطفال و40 بكليات الآداب انتظام و90 مكانا بكليات التجارة و28 مكانا بكليات الحقوق، وهناك أماكن بالمعاهد العليا الخاصة والحكومية وأيضا بكليات التعليم المفتوح بمختلف الجامعات.


و فية اكتر من 50 طالب جايبين 98.5 معنى الكلام ده ان 92.55 متجبش اكتر من كلية تجارة لان الاعداد الي هتتقبل في كل كلية نفس السنة الي فاتت .

و ده الرابط للتاكد من اعداد الطلاب :

http://www.alraimedia.com/Alrai/Arti...&date=06082010

السلام عليكم وكل عام وانتم بخير
الرجاء منكم افادتي عن تنسيق الازهر 2010 الدور الاول

ممكن الأعداد المقررة بكل كلية للطلبة الحاصلين على الشهادة المعادلة من السعودية

و لو حد عارف موعد النتيجة يا ريت يبلغمنا


و شكرا :)

بالنسبة للطلاب الي من العودية
 

هتكون الاعداد المقبولة في كل كلية لحملة الشهادة السعودية اربع اضعاف حملة الشهادة الكويتية يعني مثلا هيكون عدد الطلاب الي هيتقبلوا في كلية الطب 180 طالب و كذلك بالنسبة لكل الكليات يمكن معرفة العدد بضرب العدد الموجود في حملة الشهادة الكويتية في اربعة .

اما بالنسبة للنتيجة فهي ملهاش معاد مححد بالضبط بس ممكن تظهر النهرضه او بكرة او يوم السبت و يمكن كمان الاحد بس ان شاء الله مش هتزيد عن يوم الاحد.


و ان شاء الله بالتوفيق للجميع و كل واحد يدخل الكلية الي نفسه فيها .

شكرا جزيلا




ربنات يسهل

متى ظهور نتائج الشهادات المعادلة ؟
 

متى ظهور نتائج الشهادات المعادلة

ياريت اعرف لانو الموقع عغير شغال عندي حق التنسيق وشكرا

هى شكلها مع الدبلومات!!! حتسالنى تقولى امته اقولك فى الموقع بيقول ترقبوا حتقولى ترقبت حقولك ترقب تانى وتالت لحد لما ربنا ياذن لانهم كانوا بيقولو اخر ميعاد اخر الاسبوع بس عندهم اخر الاسبوع بينتهى بيوم تانى مش زينا الجمعه :confused:

انا اتجننت:romarioxp6:

الموقع يعمل ولا نتائج حتى الآن



وقت إعلان النتيجة ستجد موضوع مثبت يعلن عن ذلك إن شاء الله




حتى الآن لا يوجد وقت محدد لها

نتابع معكم


وبالتوفيق للجميع

الزيكم انا غبت كتير عليكم لكن معلش لسه كنت جي مصر ويدوبك خلصت التنسيق الحمد لله واعد الف اصل مصر كانت وحشاني

المهم النتيجه هتبان بعد العيد انشاء الله ويارب الكل يخش الكليه الي هوة عايزة يارب والكل يبى مبسوط يارب

وكل سنه وانتم طيبين يارب

أولاً حمد الله على السلامة


ثانياُ إن شاء الله النتيجة تكون قبل العيد


بالتوفيق للجميع

إعلان نتائج تنسيق الشهادات العربية في مصر خلال 48 ساعة


يعلن مكتب تنسيق القبول في الجامعات والمعاهد في مصر خلال الـ «48» ساعة المقبلة نتائج قبول حملة الشهادات المعادلة العربية.
وانتهى المكتب الرئيسي أمس من مراجعة نتائج 89 في المئة من إجمالي المتقدمين من مختلف الدول العربية، وتم توزيع الطلاب حسب ترتيب الرغبات التي قام الطالب بإعدادها، وكشفت المراجعات عن وجود عدد قليل استنفدوا رغباتهم.
وقال رئيس قطاع التعليم بوزارة التعليم العالي المصرية عبدالحميد سلامة في تصريح له أمس ان "المكتب استقبل حملة الشهادات الأجنبية الذين ينطبق عليهم قرار المجلس الأعلى للجامعات الأخير في شأن قبول حملة الشهادات الأجنبية بـ «11» سنة دراسية"، لافتا إلى أن المكتب لن يلتفت للطلاب الذين لم يقضوا «3» سنوات بعد الإعدادية أو الصف التاسع في التعليم الدولي.
وأوضح سلامة أن المكتب سوف يعلن أيضا نتائج حملة الشهادات الأجنبية خلال هذا الأسبوع وقبل إجازة عيد الفطر المبارك.

بعد العييييييييييييييييييييييييييييييييييييد.....!!!!! !!!!!!!!!!
الحمد لله

طيب انا شهادة كويتية و جايب 94.07
هل في أمل في هندسة مثلا ؟؟ ربنا يستر

انا جايب 95.3 و مضمنش اني ادخل هندسة و مفيش اي طريقه ممكن تعرف بيها الحد الادنى للكليات بس ان شاء الله ربنا يوفقك و تدخل هندسة و انا متوقع ان النتائج تطلع النهرضة و نطمن ان شاء الله

يعتمد الدكتور هاني هلال وزير التعليم العالي والدولة للبحث العلمي في مصر، نتائج تنسيق حملة الشهادات المعادلة العربية اليوم .وبلغ إجمالي الطلاب المتقدمين لمكتب التنسيق من جميع الشهادات العربية 5400 طالب وطالبة بالإضافة على 900 طالب من حملة الشهادات الأجنبية .

وبلغ إجمالي الطلاب المرشحين للكليات من حملة الشهادات الكويتية 910 طلاب (علمي)، و205 طلاب (أدبي)، والإمارات 740 طالباً (علمي)، و200 طالب (أدبي)، ومن السعودية 3400 طالب وطالبة .

وكشف مصدر مطلع بمكتب التنسيق الرئيسي أن الحد الأدنى للقبول هذا العام شهد انخفاضاً يتراوح بين 1% و5 .1% في كليات القمة
</b></i>

الاستاذة/ ام شاهندة سلام الله عليك في خبر بجريدة الخليج ممكن تحليلك له رجاء هل المجاميع تنخفض عن العام السابق واية تصورك له ارجو الرد وشاكر جدا

الخبر يذكر أن الحد الأدنى (يعنى المجموع الذى قبلته الكلية) انخفض فى كليات القمة ما بين واحد وواحد ونص فى الميه

وهذا كان متوقع

وإن شاء الله تظهر النتيجة اليوم والكل يطمن


وربنا يفرح الجميع

انخفض بالنسبة للسنة الماضية ؟

اه الانخفاض بيكون بالنسبة لتنسيق السنة الي فاتت بتاع المعادلات

شكرك جزيل على الرد وبارك الله فيك

استفسار ضروري للمعادلة السعودية
 

لو سمحتو هو التنسيق بيكون حسب المجموع الاعتباري ولا النسبة الي انا حسبتها من السعودية
اصل المجموع الاعتباري ده الي كان طلعلي من الكمبيوتر وانا بقدم اقل من مجموعي بحوالي 2% او اكتر مش فاهمة ليه
حد يعرف حاجه عن الموضوع ده؟؟؟

حسب المجموع الذى ظهر لك بالكمبيوتر


وهو ما يوازى مجموعك بالنسبة للثانوية هنا



لا تقلق ساعات إن شاء الله وتطمن


بالتوفيق

ده يبقى حرام هو انا هبقى جايبة في المدرسة هناك 100% والقدارت 85 وييجوا هنا يخلوا مجموعي91% وشوية
ده يبقى اسمه ظلم!!!!

هو إمتى إنشاء الله

معلش مكنتش معاكم اليومين الي فاتو كنت اعد بدور على اي مصدر اجبلكم منو هيبقى امتى النتائج واعت الف هنه وهنه واسال مكتب التنسيق ويردو بكل بروده ويقلولي مش من اختصصنا وخليك على الموقع لدرجت كمان كلمت الجرايد وبسالهم لكن طلعو زينه مش عرفين بس عزرتهم لانهم معندهمش اي زنب المهم قلت مفيش غير حل واحد اروح مكتب الوزير هاني هلال واقبلو ولا اعرف اي حاجه من السكرتيره ورحت وخلاص قلت هاجي بي الخبر الاكيد المهم رحت مكتبو الي في شارع القصر العيني وطلعتلو في الدور السابع ودخلت لقيت مكتب السكيرتيره بتعتو قلتلها والله يا جماعه السلام عليكم تلات مرات اكررها على انها ترد والله والله ما ردد السلام ولا حسستني اني كنت موجود في مكتبها وبجد والله مش ببالغ ولا بقول حاجه محصلش المهم دخلت قلتلها عايز اعرف نتيجه الشهاده المعادله امتى بصتلي كده كاني شتمتها قلتلي نعم ايوة ايه قلتلها عايز اعرف النتيجه امتى قلتلي روح للموقع قلتلها بس عايز اعرف المعاد المحدد امتى قبل العيد ولا بعدو قلتلي ربنا يسهل وكلمها كلو بجد مفهوش اي تقدير ولا احساس اني جي مشوار طويل في الشمس وصايم وتعبان قلت لو قلتلها عايز ادخل للوزير حسيت انها ممكن تجيب الحرس الي مالي الدنيا يرموني بس هقول ايه حسبي الله ونعم الوكيل فيهم زي مهم عملين فينا كده ولا عرفين احنا هنكون فين وسينها كده وخلاص يلا نصبر لحد منشوف اخرتها ايه لانها كانت بينه اوي من البدايا لما دوخونه عشان نعرف هيبدء التنسيق امتى

ويارب يارب يارب كلنا ندخل الكليه الي عيزنه يارب وميكنش فيه ظلم يارب والكل يفرح بي الرغبه الي جتلو يارب