عايزة نموذج اجابة امتحان الكيمياء دور اول 2008

حاضر ثانية واحدة ويكون عندك :)

بصي شوفي ده كدا بس مكتوب بخط اليد واجاباته في الاخر خالص في نفس الورقة

شكرا جدااااا
ربنا يجازيك كل خير

هو فى كتاب المعاصر احصاء ؟؟؟؟

ضروورى يا جماعة اللى يعرف يرد :(

وكتاب التوقعات المرئية بينزل امته ؟؟؟ ولا نزل ؟؟؟

ان شاء الله هتابعكوا على قد ماقدر.
الكتب اللي انا كنت جايبها للمراجعة :
*العربي: الرسالة (لازم) + ملحق التدريبات بتاع الاضواء + الامتحان مراجعة كنت باخد منه قطع النحو بس احلها مع مستر أسامة عز الدين على النت على موقع بنذاكر
*الانجلش:
-كتاب امتحانات yasser's notes ودا لازم تجيبوه اتصرفوا هاتوه بأي طريقة عشان فيه اكتر من 140 امتحان منهم 70 امتحان متجاوبين اجابة كاملة ونموذجية
- surprise
-the best (مافتحتوش)
*الكيمياء: الأستاذ + الامتحان + مندليف (الأستاذ عشان احل على دروس المنهج والامتحان عشان احل الامتحانات) هو كتاب مندليف أحسن من الامتحان عشان الامتحانات آللي فيه أكثر ، بس مشكلته آنه مش متجاوب فلو هتخلوا استاذكوا يحله معاكوا هاتوه وبلاش الامتحان.
*الفرنساوي: genial احسن كتاب مراجعة و شرح ، انقذني الصراحة
*الفيرياء: الامتحان مراجعة وكنت جايب بردو كتاب اسمه الماسي فيه 70 امتحان متجاوب، بس اللي عامل الكتاب دايخ شوية كنت بطلع منه أخطاء بس مش كتير يعني، والوسام جبته ومفتحتوش.
*الجيولوجيا: الامتحان مراجعة + الأول
*الاحياء: مش هقدر اتكلم عن المادة دي، متاخدوش رايي فيها.

دي الكتب اللي كانت معايا، ومش لازم تجيبوا زيها بالظبط، الرك على شغلك انت مش ع الكتاب آللي معاك، لو انت شاطر مش هتفرق معاك

اكتبوا على جوجل "نادين مدحت فودة" اول موقع يطلع معاكوا في البحث دا موقع راجل محترم، نزلت منه ورق مراجعة نحو في اخر السنة كويس جدا، معرفش نزل دلوقتي ولا لا.

تمام جزاك الله خيرا يا دكتور

اومال انا اعمل ايه انا مش بخد درس كيميا خالص خير ربنا يكرمنا كلنا ونحقق حلمنا باذن الله

جزاك الله كل خير ^_^
كان عندى استفسار بس
دلوقتى انا باخد كيميا وفيزيا عند استاذة عندنا المهم يعنى الاستاذة دى مبتعترفش لو اجابة سؤال علل نص سطر او سطر حتى ولو كتاب الامتحان مثلا مجاوبها كده او حتى نموذج اجابة الوزارة وبتقولنا اى حاجة فى الامتحان لازم نقعد نشرح اصلها وفصلها عشان المصحح يفهم وبالتالى انا بتضايق اوى كل اما امتحن عندها عشان بحس انى لو عملت كده فى اخر السنة هضيع وقت كتيير وف نفس الوقت المس مخوفانى وقالت اللى بيكتب اجابات صغيرة مبيجبش درجات :(
"ع أساس يعنى ان الاجابة بعدد السطور :mad: :( "

وربنا يجعله فى ميزان حسناتك يا دكتور :)

وجزاكِ اياه

جزاك الله كل خير وفعلا مذكرات أ/ نادين مدحت فودة جميلة جداً انا معايا المذكرات دي

تمام شكرا جدا ربنا يجازيك كل خير
بس ممكن اعرف اشمني كتاب الرسالة في العربي انا كنت ناوية اجيب المعلم اي مميزاته يعني ؟؟
و كتاب الانجلش دا اول مرة اسمع عنه حضرتك كنت جايبه منين
و انا اسفه لو كنا بنتقل عليك

هجاوبلك انا بما انه الدوك مش موجود :022yb4:
المهم كتاب الرسالة من الكتب الي هيا بتخليكي تذاكري العربي باستمرار اقولك ليه لانه في مميزات مش في اي كتاب آخر خصوصاً النحو والبلاغة جايب اكتر من 150 قطعة نحو من الشخصيات وغير بعد كل وحدة نحو جايب قطع نحو كتير وغير كدا بخليكي تتعلمي الاعراب والاستخرجات في نفس الوقت غير بردو انه بيجيب قطع جميع الامتحانات سواء مصر والسودان والتجريبي وكل ده
ودي الحاجة الي بتميز الرسالة عن غيره
بس في نفس الوقت في ناس بتسميه كتاب تعقيد الطالب ولكن هو غير كدا خالص ده بالعكس في بيجيبلك كل حاجة في المنهج واعتقد انه في الامتحان بياخد فنيات منه
والله اعلم :)

تمام خلاص انا هجيبه ان شاء الله
بس ليه اجابات ؟؟
و شكرا ليك

انا الصراحة مبخدش درس كيميا من اولي ثانوي لظروف خاصة فبعتمد علي ربنا وعلي نفسي فيها بذاكرها لوحدي ومعايا كتب فيها اسئلة كتير بحلها وبسمع من النت ولو حاجة وقفت قدامي بستعين بربنا والحمد لله ربنا بيسهلها اهم حاجة تحاول كتير يا مصطفي مش تستسلم

اها ليه اجابات في جزء مجاني بيتجاب مع الكتاب الاصلي والكتاب اسمه تطبيقات الرسالة
تصدقي اني انا مش جايبه ولكن بحل منه مع الاستاذ

اكيد ربنا يوفقك ويوفقنا هيا الصراحة الكيمياء سهلة بس بضايق منها خصوصا في المعادلات لما بيربط معادلة من اول باب لحد العضوية بتكون حاجة صعبة ومشكلتها انها بتتنسي بسرعة خصوصاً العضوية
انتي جبتي كتب مراجعة في الكيمياء ؟

كلام المس دا اقرب ما يكون الى البتنجان
الكلام اللي هقوله دا على ضمانتي انا وصحابي اللي قفلوا المواد مش اي حد يعني:
الاجابة على قد السؤال لا اكتر ولا اقل، انشالله تكون كلمتين بس. المصحح مش عايز الرغي المكتوب دا كله، هو بيكون مستني كلمة او كلمتين اول مايشوفهم يدي الطالب الدرجة على طول، اما لو كنت هترغي كتير برا السؤال عشان تحسسي المصحح انك فاهمة بقى وكدا، فدا غلط خالص، المصحح هيحتقرك، وهيفتكرك بتغفليه كمان.
هقولكوا ايه اللي بيحصل في التصحيح : المصحح بيكون قدامه 300 ورقة يصححها في يوم واحد، قرفان من نفسه، و الشغلانة اللي هو فيها و من حياته كلها، لسه متخانق مع مراته قبل مايجي، صايم، غرقان في عرقه، والمروحة اللي فأوضة التصحيح لازم تكون بايظة، بيمسك نموذج الاجابة لاول واخر مرة، بيفتحه عشان يشوف السؤال اللي هيصححه (سؤال مقالي زي علل كدا)
السؤال كان:" علل: تهاجر السلحفاة من هنا الى هناك في فصل الربيع."
الاجابة اللي في النموذج: "لان خصائصها الفسيولوجية لا تمكنها من البقاء هنا في فصل الربيع، حيث ان الزهور لا تتفتح الا هناك، والسلحفاة بحاجة الى شم تلك الزهور لكي تقوم بعملية البناء الضوئي"
هو شاف في اجابة النموذج دي كلمتين او تلاتة بس حلوين وعجبوه، اكيد مش هتكون كلمات ربط جمل او حروف جر او ظرف زي كدا "لان، هنا، بحاجة،تلك" لا خالص، اللي هتعجبه كلمات في صلب الموضوع، كلمات لابد منها مينفعش تجيبلها بديل في الاجابة، كلمات زي دي "الفسيولوجية، الزهور، البناء الضوئي"، الكلمتين دول لزقوا في دماغه وهيفضل مش فاكر من الاجابة غيرهم طول ماهو بيصحح، خلاص هو كدا خد اللي هو عايزه من النموذج، بيكرمش نموذج الاجابة ويرميه ع الارض، او يلفه ويعمل بيه قرطاس عشان هو من هواة جمع القراطيس، المهم زميله يسلمه اول ورقة عشان يصحح السؤال بتاعه اللي هو عليه الدور في التصحيح، يشوف اول سطر من اجابة الواد (اللي عارف الاجابة) ، وعينيه مستنية الكلمتين اللي لازقين في دماغه من النموذج، شاف اول سطر بس، هو مش عنده خلق ولا صبر يكمل للسطر التاني في الجو الصعب دا، لقاه في السطر الاول دا بيشرح الهجرة وتعريفها وبتتم ازاي، وبعدين قال الاجابة المطلوبة بس في اخر سطر، بس المصحح للاسف ماكملش قراية لاخر سطر فراح مديه صفر.
شاف طالب تاني (عارف الاجابة) بس بادئ الكلام، بالسلحفاة وجاب قصة حياتها من اول ما تولدت لحد ماهاجرت، خد صفر بردو.
واحد تالت (عارف الاجابة) راح بادئ الاجابة بالمطلوب بالظبط، وبعدين اتكلم عن الهجرة وقصة حياة السلحفاة، دا خد الدرجة اه، بس ضيع وقته ع الفاضي، في كتابة اللي مش مطلوب وملحقش يراجع، عشان كدا غلط في سؤال غير دا، ونقص درجات بردو.
واحد رابع (عارف الاجابة) راح كتب المطلوب على قد ما السؤال عايز بالظبط، من غير تقصير مخل، وقفل الامتحان، عشان كان عنده وقت كافي يراجع فيه عشان كان بيكتب المفيد بس، مش قعد يفتي ويرص كلام ع الفاضي.

الخلاصة بقى في 3 حالات:
- لو انت عارف الاجابة وحابب تفتي (غير مستحسن) : اكتب الاجابة في الاول، ع الوش كدا وبعدين افتي براحتك بس خد بالك من الوقت.
-لو انت عارف الاجابة ومش حابب تفتي (مستحسن) : انت كدا صاحبي وحبيبي وكفاءة.
-لو مش عارف الاجابة خالص: للاسف هتضطر تفتي، مهما يكن الفتي بعيد عن الاجابة او قريب منها، احسن من انك تسيب السؤال فاضي وتضمن الصفر.

مش اي كلام تقوله المس يبقى صح، مش تخليها تخوفك، انتي صح وهيا الغلط، خلي عندك شخصية، ومش تخليها تتحكم فيكي، عشان متلبيسيش في الحيط اخر السنة.
دي كمان بتدي درس كيمياء وفيزياء مع بعض، لا تعليق بجد، ماتسمعيش كلامها وخلاص.

كتاب الرسالة زي ماقالك مصطفى كدا بالظبط، بس هزود حاجة :
ارجو من اي حد يجيب كتاب الرسالة ما تخدوش الجلالة والحماسة اوي ويحاول يحل قطع النحو اللي فيه، عشان كل قطعة فيها حوالي 30 استخراج و10 اعرابات، وخمسين معرفش ايه، فالقطع دي اولا مش واقعية خالص، ثانيا بتجيب احباط، هما اه 120 قطعة بس ماشوفتش واحد وصل القطعة رقم 15 قبل كدا
احسنلكواا حلوا قطع كتاب الامتحان مع أسامة عز الدين، وقطع السنين اللي فاتت وكفاية اوي كدا، هو الحلو في كتاب الرسالة الإجابات النموذجية للسنين اللي فاتت.
......

كتاب yasser's notes دا ماكنش موجود في اي مكتبة عندي، بس انا قولت للراجل بتاع المكتبة يجيبهولي لما يروح مصر، الفجالة
شوفوا واحد طيب واعملوا معاه كدا او روحوا هاتوه انتوا من هناك
بس لما تقولوا للراجل اسمه مش تقولوا ياسر نوت بس، عشان فيه كذا ياسر نوت، قولوا كتاب الامتحانات المجابة بتاع ياسر نوت

خلاص تمام شكرا لحضرتك و انا هسأل علي كتاب الانجلش في الفجالة
شكراااااا

تمام
جزاك الله كل خير

دا موقع فى بعض المواد لكتاب التوقعات المرئية
http://www.kalamalyom.com/?s=%D8%A7%...A6%D9%8A%D8%A9

فعلا الصراحة انا مكتفي بحل قطع كتاب الامتحان ولو في حاجة وقفت معايا برجع للاستاذ اسامة عز الدين وكمان بحل قطع الامتحانات السابقة
لاني اعتقد لو جاب قطعة من الرسالة هنتخذوق كلنا :022yb4::d

ايوا انت كدا علوضعك يا مصطفى استمر كدا :078111rg3:
ههههههههههههه لا مفيش الكلام دا

السلام عليكم
 

انا لسه مخلصتش اغلب الموااد وحاسس ان ده هيسبببلي مشكله مع العلم انه مش بمزاجي :mad: انا من الوادي الجدديد يا ريت حد يرد

ممكن تكتب تفاصيل اكتر عن مشكلتك عشان نقدر نساعدك، ايه اللي انت مخلصتوش بالظبط، ولسه باقيلك حاجات كتير في المواد دي ولا لا، وازاي دا مش بمزاجك؟

لو مش عايز تكتب هنا اكتب ع الخاص، وبسرعة عشان نلحقك ، الوقت دا مش مستحمل مشاكل خالص.

وان شاء الله everything is going to be OK :)

جزاك الله كل خير يا دوك وربنا يوفقك دايما

معلش هستفسر كمان استفسار المس دى فى الكيميا مشغلانا عضوية وكهربية مع بعض جديد فى البابين وفى الفيزيا اطياف وليزر مع بعض عشان تلحق تخلص المنهج :(
المهم ازاى اقدر اتأقلم مع النظام ده لانى مش هعرف اغيرها عشان ماما مش هتوافق واغلب المدرسين يا مخلصين عضوية يا مخلصين كهربية يا مخلصين منهج
انا بحس ان الانبعاث المستحث بيخش ف طيف الانبعاث كله ف بعضه ومش لاحقة احل ولا حتى اتابع مدرسة ع الهوا ع النت عشان بفهم منهم
اسفة ع الاسئلة الكتير :bosyht9:

وجزاك الله جنة الفردوس :)

ربي لن يضيعني
 

السلام عليكم انا مش عاوز احكيلك عن الماسي :excl: لكن من البدايه عاوزك تعرف ان الحاله هنا زفت مفيش دروس شبه مفيش مدرسه لكن ما علينا انا علمي رياضه عندي المواد العلميه مخلصها والحمد لله بس بالنسبه للعربي والانجليزي والفرنسي لسه خصوصا الاخير ضايع:giljotiiniug3: لان المدرس قللنا عدد الحصص وطبعا وافقنا لان مفيش غيره وبالنسبه لسؤالك ازاي ده م بمزاجي احب اقولك ان كل ماده في للبلد مدرس واحد اللي ماسكه انا درس الرياضه بروحله مسافة 15 كيلو:( تخيل المواصلات واسف علي التطويل وشكرا مقدما علي الاجابه

دا المطلوب ، انا في الوقت دا مكنتش بروح دروس خالص، والمدرسة مروحتهاش طبعاً غير يومين في السنة كنت بخلص ورق.
حاول تعتمد على نفسك أكتر من اي حد تاني اليومين دول.

هتسمع كلامي لو قلتلك وقف دروس في التلاتة دول؟
انا مخدتش دروس فيهم خالص و نقصت درجتين بس في العربي معرفش على ايه، وقفلت الانجلش والفرنساوي، يعني انت ممكن تعمل زيي واحسن.
انت بتقول انك مذلول في المواصلات، فلو كل يوم رحت درس واحد هتقعد قول ساعة في المواصلات اقل حاجة و3 ساعات في الدرس، ولما تيجي هتحتاج ترتاح من القرف دا ساعة كمان، (ولو بطارياتك بتخلص بسرعة زيي ممكن تنام كمان وتصحى بالليل يكون اليوم ضاع عشان كدا مكنتش بحب الدروس)، يعني هتضيع في الميت 5 ساعات، WTF، انا مش هتكلم كتير وهخش في الفعل، انت تجيب الكتب دي وتعيش مع نفسك بلا دروس بلا وجع دماغ، اشطا؟
راجع لحد يوم 15/4 من بعد كدا حل امتحانات بس، ودا في كله.
وخد دا جزء من خطتي اللولبية اللي كنت ماشي عليها في عصر الازدهار بتاعي، بس هكتبلك المواد اللي انت قولت عليها بس.
أولا: توزيعة الساعات ع المواد (اللي انت بتشتكي منها) كل يوم:
العربي: 3 ساعات كل يوم.
الانجليزي : ساعتين كل يوم.
الفرنساوي: ساعة كل يوم.
انت كدا مش مدي العربي اكتر من حقه ولا ظالم الانجليزي والفرنساوي، كدا كل مادة واخدة حقها تالت ومتلت، طبقا لحالتك دي.
ثانياً: هتعمل ايه في الساعات دي:
*العربي: لو مخلصتش حاجات ابدأ ذاكرها من دلوقتي من غير ماتراجع على حاجة، ركز ع الدروس اللي ناقصاك بس، هسيبلك اسبوعين تخلص فيهم العربي كله(يوم 15/3 تكون مخلصه).
لسه باقيلك على نص شهر اربعة (معاد حل الامتحانات فقط) شهر واحد، الشهر الباقي دا كل يوم فيه هتذاكر 3 ساعات بردو زي ما اتفقنا، بس مش هتسيب ال3 ساعات دول سايبين على حسب مامزاجك يوديك، لا، مزاجك دا تدوس عليه بالجزمة (ومعلش سيبوني اغلط شوية عشمان فيكوا وكدا يعني استحملوني :d) عشان اللي بيمشي بمزاجه بيلبس في الحيط، لازم تنظم وقتك كويس، ال3 ساعات هيتقسموا ويتنظموا كدا (كل يوم):
- يوم كدا: 3 أو 4 قطع نحو (نص ساعة) + مراجعة مدرسة أدب (ساعة) + مراجعة نص بتعليقه (ساعة ونص).
- اليوم اللي بعدا كدا: 3 أو 4 قطع نحو (نص ساعة) + قطعتين بلاغة (نص ساعة) + مراجعة درس قراءة (نص ساعة) + مراجعة 5 فصول قصة (ساعة ونص).
التعبير عشان متأكد انكوا هتقلقوا بسببه ع الفاضي قبل الامتحان، هتيجي في يوم واحد من كل اسبوع (الجمعة مثلاً) وبدل ماتحل نحو، تعمل موضوع تعبير، بالتدريج، هتكتب كمية اكبر في النص ساعة دي ودا المطلوب، عشان المصحح بيقيس بالشبر ولو حد قالك غير كدا غلطان.
تقضي بئا الشهر : يوم كدا واليوم اللي بعده كدا وبعدين يوم كدا واليوم اللي بعده ازاي ؟... كدا:d لحد ما الشهر دا يخلص ونص اربعة يجي وتبدأ تحل امتحانات بس، دا في كل المواد مش العربي بس.
انا بقولك اهو، لو هتعمل اللي قولتلك عليه دا بالحرف، متروحش دروس، وانت الكسبان اخر السنة بردو، غير كدا روح الدروس وهتبقى بتظلم نفسك، وبتضيع وقتك وبتضيع نفسك كمان، انت حر بردو.

نصيحة لوجه الله: اسمع اللي بقولك عليه عشان مش تلبس في الحيط، انا ابويا وامي ذات نفسهم لما اقولهم على اقتراح او اي حاجة ومش يعملوها، عارف ايه اللي بيحصلهم؟ هما مع انهم اكبر مني، بيلبسوا في الحيط.

معادنا3/15
 

شكرا علي النصائح الغاليه وبمشيئة الله معادنا 15/3 بس انت شايف كتاب الرساله كفيل بده كله انا المستر شغال معايا من كتاب الامتحان للحل والاضواء للمزاكره وسؤال اخير معلش انا اول مرة اسمع عن ياسر نوتس للانجليزي طب هوا بيتباع فين :slap1qk6: وعلي فكرة الرياضه مش صعبه زي مانت شايف :rolleyes: ده هيا اللي مسهله علينا المرار يابا :078111rg3::078111rg3::078111rg3::078111rg3:

وجزاكي يا اختاه،
بس المس دي متخلفة عقليا، انا أصلا مش مرتاحلها من الاول، أعراض التخلف العقلي آللي عندها:
اخرتكوا في المنهج.
بتديكوا عضوية وكهربية مع بعض، دي من الشرق ودي من الغرب وكل باب منهم ليه مود لوحده كدا مينفعش الاتنين دول يكونوا مع بعض.
بتنصحكوا غلط.
كونها بتشرح كيمياء وفيزياء مع بعض دا فحد ذاته مشكلة.

آنا لو مكانك مش هعرف اتأقلم ع الوضع دا، انا اطلع من درسها وأعيش مع نفسي والبرامج التعليمية طالما بفهم منها، عشان اخلص الدروس بالترتيب، واجيب كتب مراجعة متجاوبة وأحل ولا الحوجة للمس.

أنتي بتفهمي من البرامج التعليمية يعني المس دي ملهاش لازمة تقريبا، يعني الدرس بعد ما المس تشرحه، ترجعي البيت تشوفيه في البرامج التعليمية، يعني wtf؟، طيب ماتوفري الوقت الضايع بتاع الدرس دا علشان مفروض ماتضيعيش وقت دلوقتي، انا كنت السنة اللي فاتت مش باخد درس و قفلت الكيمياء كنت بشوف البرامج التعليمية بس.

ومامتك المفروض تقنعيها بان الدرس دا ملوش لازمة.

الفيزياء بئا يا اما تعملي زي الكيميا يا اما تروحي لمدرس تاني، المس دي لا

براحتك بردو في الأول وفي الاخر ، بس انا لو مكانك هعمل كدا

اشطا
...
مفيش مستر... انت المستر
....
كتاب الامتحان فيه تقريبا معظم الاسئلة اللي في الرسالة بتاعت السنين اللي فاتت، بس الرسالة فيه إجابات نموذجية وقطع بلاغة، وحاجات كدا بقولك ايه هاته وخلاص ماتبوظش الخطة اللولبية
.....
قولت كذا مرة ياسر نوت مش بيكون موجود في معظم المكتبات، يا اما تروحله الفجالة يا اما تخلي صاحب المكتبة هو اللي يجبهولك معاه من مصر
.....
معرفش والله انت أدرى بالرياضة يابشمهندس بس اسمع أنها حلوة يعني :022yb4:

هههههههههههههههههههه انا بقول كدا برضو :)

طب يا دوك بالنسبة للقصة الجزء التاني الصراحة انا مش عارف اذاكره ولا افهمه وكله رغي خالص :022yb4:

تمام والف شكر يا دكتور معلش سوال انتا دفعة كام وايه اخبار الامتحانات اللي جاتلكم وازاي بتلاقي وقت تقعد علي النت :022yb4::022yb4: معلش عاوز اتعلم:romarioxp6:

القصة تفهمها بحيث تقدر تحكيها مش لازم بالنص، وسيبك من التفاهات يعني مثلا كان عندكوا مشوار طه حسين هو وصاحبه كانوا بياكلوا فول ويتبقى معاه قرش يجيب بيه هريسة ومعرفش ايه، دا هبل ملكش دعوة بيه

تجميعة فيزيا ولا اروع :022yb4:

http://www.datafilehost.com/d/3d6eb15c

http://farm3.staticflickr.com/2939/1...3528382a_b.jpg
فى علامة صح بتبقى فى المربع ده شيلها وبعدين اتكى داونلود

حمل ولو استفدت متنسانيش بدعوة :)

انا دفعة السنة اللي فاتت، الامتحانات كانت سهلة للي مذاكر ، والاحياء كانت رخمة شوية
لا مكنتش بلاقي وقت اقعد ع النت عشان جدول مذاكرتي بيكون مليان يدوب الحق أخلصه بالعافية
كنت بفتح النت بس عشان البرامج التعليمية

لا اله الا الله
 

ابوس ايد ك :049gc0:اديني الجدول ده لحسن انا محتاجله في ال15 يوم اللي جايين انا خلاص النت هفصله النهارده الساعه 12 :cool:وهبدا في المواد الادبيه مع مراجعات للمواد اللي مخلصها وانا فاشل في عمل الجداول من اولي ثانوي فالجدول ده هيفرق معايا:078111rg3:

ما المشكلة اني انا لازم اقرا النص الاصلي عشان افهمه والنص ده بيكون طويل اوي وفي فصول طويلة جدا فبمل منها جامد

عبقالنا اما نبقي كده يا دكتور;)

ومالك بتقوليها كدا من غير نفس :d
ان شاء الله ربنا يكرمك ويكرمنا :)

ياارب
انا قصدي علي النت

ايه مش جايلك نوم ولا ده وقت ريست :blush:

الخبر السيء: انك لاتزم تقرأها عشان القصة مش بتيجي غير بالقراية (النص الأصلي)
الخبر الجيد: أنك بمجرد قرايتك للقصة هتقفل سؤالها اخر السنة.

-الجدول سهل وبسيط
11 ساعة مذاكرة في اليوم بس عشان خاطرك 12 عشان انت عندك مشكلة في اللغات
3 عربي + 3 مادة علمية + 3 مادة علمية تانية (بالنسبالك رياضة) + 2 انجليزي + 1 فرنساوي
واليوم اللي بعده
3 عربي + 3 مادة علمية تالتة + 3 مادة علمية رابعة (بالنسبالك رياضة) + 2 انجليزي + 1 فرنساوي
-تفصيل ال3 ساعات قولتهولك قبل كدا
-تنام 7 او 6 ساعات بس
-قبل ماتنام تحدد ايه اللي هتذاكره بكرا بالظبط
-ماتروحش دروس

تمام شكرا يا دوك علي هذه النصائح