لأ .. لإن انا زيك برده .. جيبت جيد وغير مصرحلى اني اخش المميزة

المميزة مش بتقبل غير للي جايبين جيد جدا او امتياز بس .. غير كدا مايخشهاش

بس انا جبت في سنة اولي جيد جدا

طب لو جبت في تالتة جيد جدا

يبقي المفروض كنت تحول في سنة اولي عشان تخش سنة تانية المجموعة المميزة

تحول للميزة ان شاء الله في سنة رابعة

لو حولت للقاهرة هاخشها انتساب ليه .. انا جايب مجموعها انتظام
كل الحكاية انها جاتلى عين شمس علشان كانت فى الرغبات الاول علشان التوزيع الجغرافى

معلش يا vampire انا عارفه ان انا تقلت عليك فى الاسئله بس معلش اعذرنى
ممكن تقولى هى الدراسه(تجاره عربى) بتبقى صعبه ولا ايه النظام اصل انا كل اصحابى اللى كانوا فى اولى ماشاء الله يعنى طالعين بمواد مع انهم شاطرين وانا نفسى مش انجح بس ده انا عاوزه اجيب تقدير ان شاء الله يعنى

وهو التقديم هيبدا بكره ينفع مروحش بكره واروح يوم تانى ولا لازم بكره

ميرسي تعبتك معايا

انا سمعت ان التقديم هيبتدي من بكره
بس مفيش مشكله لو رحتي يوم تاني

وتجاره عربي مش صعبه خالص
كل اللي عليكي تذاكري وتتابعي مع الدكتور
وهتجيبي تقدير ان شاء الله

الحمد لله انا جبت 95 ادبى و46.5 فى الانجليزى وجاتلى تجاره المنصوره بس ياريت عاوزه اعرف الميعاد بالضبط بتاع التقديم لتجاره انجلش و مجموعه المتميزون دى بتبقى ازاى ارجوووووووووو الرددددددددددددددددددددددددددددد بسسسسسسسسرعه

ارجوك يا فامبير قلى تجارة انجليزى سوهاج انا مجموعى يدخلنى وكمان الفلوس موجودة والحمد اللة لكن عايز اعرف بتاخد من كام فى الانجليزى ارجوك رد بسرعة وانا مستنيك قبل ما يخلص التقديم ويفوتنى

طلب صغير
 

بعد اذنك يافامبير كنت عاوز اسال على حاجه كده
هو انا لو القاهرة وكنت سنه اولى انتساب وجبت تقدير برضه كويس ممكن الحق قسم الاكتوارى ده ولا مينفعش ياريت الرد عشان بجد انا محتار اوووووووووووووووووووووووووووووووووووووووووووى
انا كنت علمى رياضه على فكرة وكنت كمان عاوز اعرف هو قسم الاكتوارى ده بفلوس كم يعنى ولا ده من غير مصاريف
وشكرا وارجو الرد بعد اذنك

يا استاذ دلوقتى انا لما كتبت الرغبات وجبت الجامعات لقيت انى فى كل الجامعات المصريه فى اماكن فاضيه فى التجاره انتظام

انت ازاى بتقولى لا مفيش

انا اساسا من سوهاج وزى ما قلتلك انا جايب 84.2 وعاوز اخش تجاره انجلش سوهاج وجايب مجموع ف الانجليزى 46 ممكن اخش اى تجاره فى البلد واحول بعد كده ؟؟؟؟؟؟؟؟؟؟؟؟؟؟

وعاوز اعرف تجاره علمى السنه دى خدت من كام يا بوب ؟

السلام عليكم
انا جبت 93 خلاص وجاتلى تجارة اسكندرية مرحلة اولى طبعا الحمد لله

المهم بقى
انا عاز اعرف اروح الكلية عشان اقدم اوراقى امتى بالظبط
يعنى يوم كام
وكمان سمعت ان الاوراق اللى بتتقدم من ضمنهم الاستمارة البيضاء الدالة على النجاح

كنت عاوز اعرف بقى الاستمارة دى بتتجاب منين
وهى بتبقى بيضاء فعلا يعنى
ولا هو اسمها كدة
يعنى هل هى دى الاستمارة اللى بتتجاب من المدرسة مع الشهادة لما سحبنا اوراقنا ولا دى حاجة تانية
اارجووو الرد

عادي جدااااااا .. دراسة زيها زي اي مواد عادية .. انا شخصياً مش شايف اي صعوبة فيها يعني

كل اللي انتي محتاجاه انك تتابعى محاضراتك وتحلي كتير في المحاسبة والرياضة

وتيجي قبل اخر شهر تدحي جامد وتذاكري بإستمرار .. وان شاء الله هاتيجيبي جيد جدا وامتياز كمان

بتحصل كتير اوي عندنا .. ودا شئ عادي جداااا

والسبب في دا حاجتين :

1- انهم داخلين الجامعة منفضين .. فاكرين ان الجامعة دي لعب وهزار وبنات وولاد وتنفيض للمحاضرات واخر شهر واقلب الامتحان وبيس يا مان !! .. وهيا الحقيقة مش كدا .. اه بيس يا مان وبنات وولاد وعادي بس ذاكر وتابع واعرف انتا خدت ايه وايه المقرر وايه اللي اتلغى .. مش الواحد يبقي قاعد زيه زي البينش اللي في المدرج كدا !!

2- اختلاف الدراسة نفسها مابين ثانوي والجامعة .. بتوع ثانوي بيبقوا واخدين على ان الفصل الواحد مثلا في الكتاب لا يتعدى 20 صفحة .. لكن هاتيجي تخشي الجامعة هاتتلاقي ان مثلا مادة الادارة دي الفصل الواحد تلاقيه معدي الـ 40 صفحة .. والكتاب كله اصلا تلاقيه 200 ورقة ! .. ودا شئ عادي جدا يعني .. غير كدا ان بتوع ثانوي متعودين على الاجابات اللي يدوبك تكتبي في السؤال الواحد صفحة وتقولي دانا كدا اجيب الفاينال مارك .. ماتعرفيش ان صفحة في سؤال واحد في الجامعة دي يعني صفر كبيييير يتحطلك في النتيجة بتاعتك !!

بالنسبة للقاهرة التقديم بدأ بالفعل النهارده (2/8) .. وهايفضل مفتوح لغاية يوم (27/8)

في المنصورة غالبا المفروض يكون التقديم بدأ اصلاً .. روحي وشوفي الشئون عندكوا

دي موجودة في القاهرة بس .. ماعتقدش انها عندكوا في المنصورة

80% من الانجليش .. يعني 40 من 50