الاختلاف فى الراى لم ولن يفسد للود قضية

ربنا يخليكي ميس أميمة ..بس والله في موضوع نزل واخ كتب تعليق مش عاجبة نبرة حسن الظن بالله وبيدعو للتشاؤم فكنت مشغول بالرد عليه
وبعدين ميس اميمه بترحبي بيا وانتي متضايقة ولا ايه (متقلقش مش شكل ترحيب عضاضلى[/quote])!!!

يا جماعة مش عاوزين نحول الموضوع لحرب التعيين بياخد وقت وبعدين ده مرتبط بنظام دوله مش بافراد وعوزه دايما نفصل بين الشغل بتاعنا والظن بالله لان فى ناس نفوسها ضعيفة وممكن تضعف وتقول كلام مش مظبوط مش عاوزين نكبر المواضيع ونديها اكبر من حجمها ........فكرتونى بماتش مصر والجزائر لما كنت كل ما افتح التليفزيون الاقى اغانى وطنية والله حسيت اننا داخلين حرب

ام هيما عاملة ايه النهارده والنونو يا رب تكونوا بخير

انا بشوف عجائب فى الورق وانا بصحح النهارده حسيت وكأنى كنت بحكى حدوتة قبل النوم لان الاجابات غريبه جداااااااااااا يعنى مثلا ولد مجاوب على سؤال اختار من بين الاقواس وكاتب اجابه غير اى اجابه فى الاقواس خالص الغريب بقى والى ينقط ان تقريبا كل اللجنه كتبه الاجابه ديه

النهارده فى لجنة امتحان الفنيه لاقيت الولاد بيغشو الرسم الواد اقولو ان الرسم ده عباره عن ابداع شخصى لكل واحد ولاقيته بردو بيغش

بجد يبقى انت اكيد فى مصر

ههههههههههههه انا عاجبنى موضوعك جداااا يا اميمة والله فكرتينى بايام النشاط انا بردو مدمنه نت وقراءة كتب
النونو ما بقاش نونو عنده دلوقتى سنتين ونص انا بقولك انا كنت بشتغل وبتعب فى الشغل تلت سنين كنت سنه مخطوبه وسنة مجوزة وسنة حامل ومع ذلك مقدرش مديرى تعبى دا ولما قلت لزميلتى مفيش فرق بين ابنك وبقيت الولاد فى المدرسة ومتقليش ادبك عليا يقولى انا اللى عملتك وكبرتك والحوارات دى

المهم يا ستى الحمد لله اتعلمت من الموقف دا كتييييييير اوى ويا اما الحياة بتعلم الناس
والأهم انى مبسوطه جدااااااا انى مدخلتش الكنترول السنة دى طبعا عشان المشاكل وخايفين منى اصل انا مسكتش وعامله زى السبع فى المدرسة ههه وطبعا دا بسبب اطضهادى ليا فى الحضور والانصراف والملفات والحوارات دى بس انا الحمد لله شايفه شغلى كويس وفهماه وبراعى ضميري اللى معدناش لاقينه للاسف
وتانى حاجه ان شاء الله هراقب فى مدرسة تانية وارتااح اسبوع والامتحانات هتبدا عندنا السبت ان شاء الله

ههههههه يعنى طفشونى من الكنترول والمراقبه شفتى بقى بيخافوا منى ازاااى

من ضمن العجائب اللي بتحصلي اثناء تصحيح الامتحانات

اني بشوف الفن التشكيلي اللي بيطلع من التلميذ في قلب الورقة

بيخلص الامتحان ويتفرغ للرسم في الورقة

بالاضافة للخط الكروكي الرائع

اللي تقابلني لو فهمت منه كلمة

فكرتنى يا مستر هشام
فى امتحان التقويم انا قايلة لكم ان الاستاذ بيصور من ملخص ففى اسئلة فيها اختيارة وجنبها اسم المحافظة اللى السؤال ده منها المهم مثلا ( القاهرة- الجيزة- الاسكندرية ) الاقى العيال سايب السؤال الاصلى ومختارة القاهرة والاكتر انه ممكن يختار نفس الاجابة يعنى الجيزة الجيزة الجيزة............باموت من الضحك وانا باصحح

مرة وانا بصحح امتحان انجليزي سنة تالتة


كان فيه صورة حصان والمفروض ان التلميذ يكتب تحتها horse

لاقيت نابغة كاتب بدالها borse

بجد فطست من الضحك

حتي الغش مش فالحين فيه

عندى مرة ولد رسم افرع ورد وكرو ملونة وحاجات كتيرة باكتر من لون ....... ندهت له وقلتله....... امال فين الرقاصة....ما الفرح كامل اهو؟

كمان فى عيال بتكتب فى الكراسة من جوه جنب عنوان الدرس اسم المادة .......... اقوم اقوله انا اتعالجت من الحادثة اللى فقدت فيها الذاكرة