يا جماعه هوه طالب أقل تقصير وفي حالة الوقوف في الأشارة لا داعي للزمن لأنه سيقف في الأشارة وبعدين أقل تقصير للوقوف في الأشارة هوه 1.25 مش 3.3 هوه عايز أقل تقصير

يا أستاذ التقصير يقصد به الأشارة السالب
بناءا عليه عندي تقصيرين 3.3 أو 1.25 والأقل هوه 1.25 مع العلم أن المطلوب في المسأله هوه الوقوف في الأشارة وليس الوقوف في 3 ثواني لو سمحتم يا جماعه كلنا نعيد حسايتنا تاني والله انا شايف ان الزمن مالوش أي لازمه في المطلوب التاني والمهم قطع المسافه بأقل تقصير .

يا جماعه دي تاني مره أكتب فيها هنا المطلوب أوجد أقل تقصير لتقف السيارة في إشارة المرور مش لتقف في 3 ثواني شرط الزمن 3 ثواني ده لازم وضروري لليعدي الإشارة وبعدين هوه عايز أقل تقصير ليقف في الإشارو وانا عندي تقصيرين 3.3 أو 1.25 يبق مين الصح وبعدين ما حدش يعاملني على أني جاهل ويقولي -3.3 أقل -1.25 هوه عايز تقصير ( مش عجلة ) مين أقل تقصير 3.3 ولا 1.25 لو سمحتم نعيد حسابتنا وانا أول واحد حيعيد حساباته والله أعلم ولكم جزيل الشكر يا أساتذه

ممكن الأساتذة الأفاضل حد يرد عليا بدل ما أنا لوحدي هنا ؟

الواحد اتخنق هو قايل عايز يوصل للاشاره ويقف عندها مالى انا بالزمن نفسى افهم

ياباشا مش بنقول بالعافيه بس وجهة نظرك غير مقنعه بالمره اولا هو عايز اقل تقصير يبقى عمرها مش 10/3 اولا
ثانيا هو عايزه يوصل للاشاره ويقف ماقليش بزمن محدد
ثالثا العجله دى هتخليه يقف على بعد اقل من 40 متر يعنى بعيد عن الاشاره مش زى ماهو طالب

هو مش طالب انه يقف عند الاشارة

وانا زهقت انى احاول اقنعك

بس عتبقى 10/3 برضو وانا متأكد من الاجابة 100% مش بتناقش فيها للاسف.

انا كمان بقول 1.25 هوه التقصير المطلوب انا معاك انا بس عايزهم يغيروا الاجابة المكتوبة ومحلوله في أول صفحة وبعدين يا جماعه انا والله مدرس رياضيات مش طبال وانا عايز الأجابة تتشال بس قبل ما تسبب مشاكل وأحخراج أكتر من كده وانا والله من أول الناس إلي قالو كده بس مش عارف الرد راح فين

يا جماعه انا مش متكلم في الموضوع ده تاني ووالله والله والله والله والله التقصير 1.25 يعني العجلة -1.25 وانتم أحرار بق الواحد عمل إلي عليه وكل سنة وانتم طيبين

يعنى تفتكر كان مطلوب اننا نجيب العجلة بالقانونين ونشوف ايهما يناسب الحل؟

طب ايه رايك ان العجلة لو اتحسبت -1.25 الزمن الازم لقطع مسافة حتى اشارة المرور = 8 ثوان وفى الحالة دى بيكون الأشارة قفلت جرب ورد عليا

طاب وايه المشكله ان الأقفلت هوه المطلوب منه انه يقف في الأشارة من غير الرجوع للزمن لكن لازم يعدي الأشاره قبل ما تقفل عليه يعني قبل 3 ثواني

والله مجرب وعارف انها حتقف بعد 8 ثواني وبكده تكون الأشارة قفلت بس جبت أقل عجلة معتمد على المسافه مش الزمن وبعدين حضرتك لو قارنت بالراحة كده أيهما بها تقصير أقل السرعه تنزل من 10 إلى صفر في 3 ثواني ولا السرعه تنزل من 10 إلى صفر في 8 ثواني من فيها تقصير أقل ؟