تم دمج الموضوعين دول لانه نفس الحوار
::::
بس كده :d

يعني هو اساساً الموضوع مدموج تدمجيه تاني :d

على فكرة إنتي كده بتدفني الموضوع التاني عشان محدش حيروح الصفحة الرابعة لموضوع جديد


بس خلاص كل مشرف حر في قسمه انا بقول وجهة نظري بس :d

الحمد للله يارب على تربيتنا وديننا واحترمانا والحمد لله على نعمة الاسلام وشكراااا للجميع على هذا الموضوع وعلى الردود الجميلة على كل من بذل جهد فية بس لازم نوعى الناس اكتر من كدة بس هارجع واول انا مع الراى التالت لكن ادبى صوب اعينى ودينى درع الحماية وضميرعى منبهى فى كل وقت كل حاجة لازم تكون فى امور العقل والدين والاحترام

السلام عليكم
ازيكم يا احلى اعضاء فى الدنيا
اولا كل سنة وحضراتكم طيبين ورمضان كريم
ثانيا نتحدث عن هذا الموضوع من وجهة نظرى انا المتواضعة
الشاب لما يدخل ماسنجر او شات
بيبقا هدفة الرئيسى التحدث مع البنات طب لية
علشان هو بعيد عن ربنا علشان هو مش محترم اساسا
نيجى للبنات اولا انا من وجهة نظرى
ان كل بنت بتدخل شات مع احترامى ليها هى مش محترمة اصلا
ايوة مش محترمة
اية دخلها شات ولا اية كلمها اولاد مش عارف الصراحة
وتقولك انا ببحث عن صديق ليا كا اخ والله بجد
صديق ليكى كا اخ ربنا يزيد الاخوة
فا انا بقول ان الولاد لما بيدخلو يكلمو بنات دى مش شطارة منهم لا دى خيابة من البنا ت الى بيدخلو شات اصلا
طيب انتى عاوزة اخوات وعاوزة صحبة كويسة محترمة زى ما بتقولى
عندك مثلا منتديات محترمة كويسة
وعندك منتديات دينية فيها بنات وولاد محترررررررمة
اشمعنا يعنى شات
مش عارف الصراحة
دى كانت وجهة نظرى فى الموضوع الجميل الذى يستحق اللنقاش
كل عام وحضرتكم بخير ورمضان كريم

اولا الموضوع رائع جدااااااااااااا وشكراااااا لحضرتك عليهوثانيا عندى تعليقات اتمنى الرد عليها بصرااااحة اولا حكاية زى اخويا وزى اختى دى غلطتها من الاول فهم غلط للاخوة لان لما اقول فلان زى اخويا بالطبع مقصدش اى حاجة من الشرائع والقوانين والميراث و والكلاام ده لان فى ناس محترمة وبتحترم معنى الاخوة اللى هى مش ضرورى نكون من لحم ودم عشان نصون بعض واظن كلنا عارفين الاخوات اللى من لحم ودم وبيقطعوا بعض واعوذ بالله والعكس موجود , يعنى فى ناس زى الاخوات وعلاقتهم احسن ميت مرة من الف اخ واخت واعرف ناس بنفسى وبشوف معاملتهم مع بعض واقدر احكم ان علاقتهم زى الاخوات تمام فبلاش دايما نرفض كلمة فلان زى اخويا ومنعممش الاحكام القاسية دى احنا غلطتنا الاولى والاخيرة خطا فى فهم المفاهيم والمصطلحات امال يعنى الزمايل اللى بيشتغلوا مع بعض ف الجامعة ويخدموا بعض زى الفل ف الشدة يبقوا بيتعاملوا زى ايه؟!!؟!وثالثا لازم نعترف ان مشاعر الحب و الاعجاب اللى ممكن كلنا نحسها شىء طبيعى وفطرة لا بايدى ولا بايدك بس كمان فى حاجة اسمها اتحكم ف نفسى واضبط مشاعرى واتحكم كمان ف تصرفاتى حتى امام من اشعر تجاهه بذلكالنت ممكن يبقى مصيبة من مصايب الزمن لو متعلمناش ازاى نتقى شره قبل حتى ما نتعلم ازاى نتعامل معاه يعنى قبل ما اقعد عليه افهم نفسى ان فيه حاجات مش هتتماشى مع دينى واخلاقى وارفضها من بدايتها ومش كل حاجة نقول هنجرب ماهو ياما ناس جربوا وندموا حاول بقى تمارس حياتك من غير ما تندم على افعالك هو لازم ندم عشان اتعلم والحب من على النت اكبر وهم بيعيشه الشباب لانى اصلا مش معترفة انى ينفع احب من على النت لان الحب اساسه الارتياح النفسى لشخص اشوفه مش بكلمه عميانى والله اعلم اذا كان اصلا ولد ولا بنت وياما ناس كدابيين وقليلين صادقين ومش معقول اسيب نفسى واقول يمكن اقع مع حد طيب لانه ده احتمال 5% واحتمال الخطأ 95% فتختار ايه بقى يا حلو ؟ وانت حر طبعا انا شخصيا موافقش على المخاطرة مش هتموت ولا هتموتى يعنى لو محدش قالك بحبك و معجب بيك ركزوا ف مذاكرتكم وانتو هتنسوا اى مشاعر ممكن تغرقكموحقيقى ان الكلام الحلو ممكن فعلا ياثر جداااااااااا بس والله بجد اللى دايما يحكم عقله قبل قلبه عمره ما يندم لان العقل بيقول للغرايز لا وبيرفضها مادامت فى اطار غير مسموح بيه( خليك عاقل او خليكى عاقلة مرة بقى, انا شايفة ان اامن حب اللى بيحكمه العقل وبعدين القلب ولو العكس يبقى اكبر غلط) معلش دى وجهة نظرىواتمنى منشوفش الدنيا ظلمة وسودة اوى كدة وكله بيكدب على كله ( هى دى عيشة) ,فى ناس كويسة بس دايما اتعامل بعقلى واحكمه عشان لو اهملته هينتقم منك اشد انتقام ( وانت مع الاسف مش لوحدك اللى هتتحمل نتيجة اخطاءك يا ريتك لوحدك انت تستاهل مش بتسمع الكلام لكن فكر بقى ف اهلك)وشكراااااااااااااااااااااااااا اسفة على الاطااااااااااالة

اشكركم على دمج الموضوعين لانهم ليهم علاقة ببعض جداااااااا ونفسى بجد ناخد الموضوع بجدية يمكن نوصل لمبدأ صح وتمام نتفق كلنا على تطبيقه وان كنت متاكدة ان فى ناس مش عاوزة تتفاهم عاوزة رايها وبس واتمنى دول ميكونوش ف المنتدى الرائع ده وشكراااااااااااااا على احيااااء الموضوع وفتح باب المناقشة فيه بالسرعة دى وربنا يوفقنا جميعا

شكرا على الموضوع اللي جي في محله صراحه كلمة واحده استهل بيها الرد وهي (( الموت في الفضــــا)) الفضا عني الملل ومفيش حاجة تعملها ومن هنا بتيجي كلمة انك تكلم بنت وانك تتعرف علها وبرضو مش هنكدب الطرف الآخر بسم الله ماشاء الله شغالين الايام ديه زي الفل والبنات بقوا هما اللي بيعاكسوا الولاد على الموبايلات .............
يا اعزائي وعزيزاتي صراحة وبلا حرج الغلطة بقت فنا احنا ومننا احنا فعلا انا كنت بصدق كلمة (( منى رؤى لؤى نؤى ديه زي اختى ديه حتى اكتر منها )) بس المشكلة انها بتكون اختك ساعة وعشيقتك ساعتين وانا كشباب وش كله كده تلاقى (( حمادة وحوده الجن دول اكتر من اخوات ليا ؟)) بس كله بيكون بيكدب على نفسه ف حاجة اتعلمناها كلنا من امهاتنا بتقول
(( اللي بيتعمل في الدرى وانت خايف عمره ما هيكون حاجة صــــــــــــــح ابداًً)
يارب انا اكون وفيت بحاجة بالرغممن انكم متتوصوش عملتوا اللي عليكم وربنا يخلي الموضوع ده في ميزان حسناتكم موفقين يا جروب لكل خير باذن الله

تحيات فارس

اللهم اصلح حال جميع شباب المسلمين
الموضوع جميل انا بعت الرابط لبعضالاشخاص (بعد اذنك طبعا)

والله انت كلامك صح
انا شايف ان الواحد مدام انه ميرضاش اللي ممكن يعمله مع اي وحده انه يتعمل مع اخته
بس انا بتكلن علي الرجاله الصح اللي لسه عندها النخوه والرجوله ولكن انا اعرف ناس كتيير معندهمش مانع ان بنتهم او اختهم تعرف شباب وتكلمهم عادي جدا وبعد كد يقولو ان دي حريه شخصيه

جميل أوى موضوعك
وإنتا ما شاء الله عليك عندك أسلوب جميل
أوى فى الإقناع
بس يا رب نفهم الكلام ده وناخده جد شوية
لأن فعلا كلامك مضبوط...والوقائع كلها حقيقية وبتحصل
ربنا يحفظنا جميعا ويثبتنا على إسلامنا

قصة للحسن البصرى رحمه الله رحمة واسعة وهو من ال البيت النبوى

صعبه اوى القصه ديه ابليس الضال اللى بيضلل العباد هما اللى بيعلموه والقصه ديه من ايام الحسن البصرى افتكر اننا دلوقتى مش محتاجين ابليس اصلا لان كتير من الناس بقوا ابليس
انا بجد مش عارفه اقولك ايه غير ربنا يكرمك ويهدى بموضوعك كل الولاد والبنات وكل الناس
وجزاك الله خير جزاء
وربنا يهدينا كلنا
وشكرا ليك
والموضوع هيكون مفيد ومؤثر للناس اللى لسه عندها ذرة ايمان بس المصرين على ده هيقوله وايه يعنى فايدة الموضوع ده ملوش لزمه بس والله بيحصل زى اللى قولت بالظبط واكتر بكتير مما يتخيله عقل