|
انا من رايي ان الموضوع مش يتحط فى قسم جامعه الازهر ونحطه فى القسم الدينى احسن بس يكون عنوان الموضوع يدلع على ان ال عملينه طلبه الازهر مش عارفه يكون ايه بس انا شايفه ان كده افضل
الجزء الاول من رمضان هنتكلم عن علامات الساعه الصغرى ال ظهرت وال مش ظهرت والجزء التانى من رمضان هنتكلم عن العلامات الكبرى وممكن نتكلم فى الاخر عن فضل العشره الاواخر من رمضان وكده. ها ايه رايكم وال شايف حاجه تانيه يقول بردو سلام |
هو انا لما اغيب عنكم يومين الاقيكم عملتوا الحاجات الحلوة دى والله انا شايف ان الموضوع رائع جدا وكمان فكرة ياسمين اننا فعلا نعمله فى القسم الدينى جميل جدا وعايزين نفكر فى اسم يدل على الازهر انا شايف ان السيرة يتم مناقشتها عن طريق اسئلة يعنى مثلا اللى يعرف موقف عن رحمة النبى عن شجاعته يكتبه وهكذا معلش انا الايام دى مشغول بس باذن الله متابع معاكم |
بسم الله الرحمن الرحيم أخيييييراً الحمد لله، جبت جيد |
مبرووووووووووووووووووووووووووك يازعيم احنا عايزيين الحاجة الساقعة وبلاش شاى علشان الحر |
مبروووووووووووووووووك
اخيرا يابنى اللى فى مصر لازم يتعب عشان يعرف يجيب حاجه بلد متعبه |
ياشباب ايه رأيكم فى اسم التوبيك بتاع رمضان
موضوع شامل عن علامات الساعه اعداد طلبه الازهر او تعلم ما لم تكن تعلم عن علامات الساعه اعداد طلبه الازهر |
ممكن نسميه بردو انتبهو لظهور علامات الساعه الصغرى وبانتظار الكبرى طلبه الازهر
|
بسم الله الرحمن الرحيم اقتباس:
اقتباس:
الله يبارك فيكم يا شباب يارب بس تكون جيد بنسبة عالية :) .................. اقتباس:
اقتباس:
عناوين كويسة، بس متهيألي ( (( مالم تكن تعلم )) .. عن علامات الساعة .. إعداد طلبة الأزهر ) أفضل خلي بالك من الهمزات وال ( ه ) و ( ة ) يا بشمهندس ده حنا أزهرية يعني :) اقتباس:
في الحقيقة - للأسف - أنا غير مستسيغ بالمرة هذا العنوان أفهم مثلاً ان ننتظر النتيجة، ننتظر رمضان، ننتظر العيد لكن بانتظار علامات الساعة الكبرى !!!! |
ياجماعه موضوع علامات الساعه تم تنفيذه
شوفوه وقولوا رأيكم وعايزين نكمله مع بعض فى مجموعه رمضان كريم |
السلام عليكم
كل سنة وانتم طيبين وان شاء الله تكونوا جميعا بخير رمضان كريم والله اكرم :av4056bb7jp3: وان شاء الله يعود عليكم رمضان بخير تعالو معايا نحسب حسبة صغيرة اولا عدد صفحات القران الكريم 600 صفحة و الشهر 30 يوم نقسم 600 على 30 فيها 20 صفحة و الصلاة خمسة صلوات يبقى 20 على 5 يدينا 4 صفحات يعنى بعد كل صلاة لو قرانا 4 صفحات ان شاء الله نختم القران واحنا مسترحين و رمضان كريم :022yb4: |
وانتى طيبه يارشا
كل سنه وانتم طيبيب الصراحه حسابيه مقبوله |
يا جماعه انا مش عرفه ازاى ادخل على القسم الدينى حد يقولى
|
اسأل الله الذي لن تطيب الدنيا إلا بذكره ولن تطيب الآخرة إلا بعفوه ولن تطيب الجنة إلا برؤيته أن يديم ثباتكم ويقوي إيمانكم وصحتكم ويرفع قدركم ويشرح صدركم.. ....ويسهل خطاكم لدروب الجنة وأن يجعلكم من عتقائه من النار وأن يبلغكم رمضان ويبارك لكم فيه اللهم آمين اريدكم اقل من دقيقه اريدكم ان تردد هذه الكلمه ورائى : اللهم صلي على محمد وعلى آل محمد كما صليت على ابراهيم وعلى آل ابراهيم وبارك على محمد وعلى أل محمدكما باركت على ابراهيم في العالمين إنك حميداً مجيد .. وارسلها الى عدة اشخاص لا تحدد العدد لاكن الافضل ان يكونو 10
|
السلام عليكم
مما يدهشنى ان العلماء الافاضل شغليين نفسهم اوى ويبكون على علامات الساعة وتناسو ان الله عز وجل خص نفسه بمعرفة متى الساعة . و لكل منا ساعة فالموت قريب منا جميعا وكذلك بمجىء الرسول محمد(ص) اقتربت الساعة وانشق القمر .اظن ان القرآن واضح ولابد من فهمه جيدا |
|
ياجماعه
الموضوع بتاع رمضان فيه حاجه غريبه الموضوع مكتوب عليه منقول ورجع ورا خالص والمشاركات والمشاهدات محطوط عليها شرطه منقول ازاى اذا كان انا كاتبه كلمه كلمه حد يرد عليا |
الموضوع اتنقل لقسم حى على الفلاح ومش عارفين السبب :angry2:
|
بس عايو توضيح
مش فاهمك الحقيقه[/quote] والله انا كمان مش فهماك تقصد ايه واهلا بيك معانا وشكرا على المرور |
اقتباس:
انتى مش بتدخلى على موضوع رمضان ليه لو مش عارفه تدخلى ازاى احنا ممكن نقولك |
ياجماعه انا بعت شكوى والمدير بعتلى رساله على الخاص
بيقول انه مش هو اللى نقلوا اكيد حد من المشرفين لقى الموضوع ده افيدلوا انه يكون فى حى على الفلاح والصراحه الراجل كان زوق قوى |
اه فعلا هم ناس كويسين جدا وواضح اننا انفعلنا جامد بس الحمد لله هم كانو متفهمين الوضع وخلاص كان سوء فهم وانتهى المهم ان الوضوع موجود
|
انا هتتجن على الاخر امتحان الوصفيه بتاعنا كان حاجه تافهه جدا وكلنا حلينا 6 اسئله ونفاجا بالتقدير معظم الدفعه ان لم تكن كلها جيبين جيد ومقبول وال شايلها كمان انا والله خلاص مش عارفه ايه ده امال لو كان الامتحان صعب كنا عملنا ايه ولا كانو هما عملو ايه احنا عملنا ال علينا وحلينا 6 اسئله والله كان جاب امتحان صعب واعطانا حقنا مكناش زعلنا لكن كده حرام بجد لما يكون الدكتور حنفى اكيد كلكم عرفينه شايف ورقتى وقالى ما شاء الله انتى هنجيبى امتياز وابص القى نفسى جايبه جيد ليه يعنى هو ده مش دكتور ولا ايه حد يرد عليه علشان انا خلاص
|
صحيح انا نسيت اقولكم ان النتيجه اتعلقت فى الكليه رسمى يوم السبت وتقديم المدينه بدا كمان وانا الحمد لله قدمت وكان كويس السنه دى مش زحمه قوى ولا حاجه يلا ربنا معاكم
|
بالنسبه للتقديم المدينه عند البنات بتحتاجو
1- 4 صور 4×6 2-صوره من بطاقه الوالد او ولى الامر 3- لو كان الاب متوفى بتحتاجى صوره من شهاده الوفاه 4-طوابع بريد قيمتها جنيه ودوسيه ورق من الابيض ده ممكن تشترهم من عند حسين فى المدينه وبس وربنا يسهلها عليكم يا رب واى اسئله انا معاكم والله وبالنسبه للولاد مش عارفه نفس الموضوع ولا لا لو حد قدم ممكن يقول علشان ال ميعرفش |
مبروووووووووك يا جميل هتنورى الكليه انا ان شاء اله لازم اقابلك فالكليه انا رايحة اولى تخطيط لو احتجتى اى حاجة هتلاقينى معاكى عالفكرة لو عندك اى استفسار عن اعدادى :( هجاوبك
|
اقتباس:
وطبعا ايوه لازم نتقابل ان شاء الله ويا ريت تكلمينى شويه عن تخطيط وشكرا ليكى ويا رب تتفاعلى معانا دائما |
ايه يا جماعه انتم فينكم يا رب تكونو بخير
|
موجودين ياياسمين بس بقالى يومين مدخلتش على النت
والزعيم مش عارف راح فين اهلا بالوجه الجديد eng.maha alsheref منووووره التوبيك والمنتدى كله بس ايام اعدادى كان فينك كنتى هتستفيدى جدا من هنا وياريت الاستمرار |
وصحيح ياجماعه انا نسيت اقول لكم
انا جبت جيد جدا مش جيد مرفوع يعنى بس برضه تعدين مش بترول والحمد لله على كل شئ (عسى ان تكرهوا شيئا ويجعل الله فيه خيرا كثيرا) ويارب كله يخش اللى هو عايزه وميحصلكوش اللى حصلى والحمد لله |
اقتباس:
بس ليه تعدين هو بترول من كام واى كان .....الحمد لله القسمين احسن من بعض وكمان انا خلاص تخليت عن حلمى العماره وان شاء الله كهربه طبعا علشان التقدير واسباب اخرى الحمد لله |
الحمد لله على كل شئ
|
انا اسف ياجماعة الايام دى عندى امتحان اتوكاد وباذن الله هخلص يوم السبت دعواتكم معايا |
السلام عليكم وررحمه الله وبركاته
ازيكم يا بشمهندسين ازيك يا بشمهندسه انجى انا شكل مجموعى كده هيرسى على هندسه فممكن تقوليلى اعدادى اخباره ايه وهل فعلا صعب وكلهم بيعدو فيه بالزء انا مستواى فى الرياضه كويس يعنى السنه اللى فاتت رياضه 2 كنت بحبها بستثناء التفاضل بكرهه مش عارفه ليه وسالت الدفعه اللى قبلى كلهم ما شاء الله نتجتهم تفرح كل لما اسال واحده تقولى نجحت وخلاص انا عمرى ما حلمت بهندسه مش عايزه كمان ادخلها وابقى مجرد طالبه وخلاص نفسى جدا اجيب تقديرات ممتازه كل سنه فممكن تكلمينى عن اعدادى ومذكرتها ازاى وازاى ان شاء الله اجيب تقديركبير عشان ناويه باذن الله ابقى معيده فى الهندسه نفــــــــــــــسى مادمت مش هلحق اسنان او صيدله اعوض فى هندسه وجزاك الله خيرا |
اقتباس:
هو معلش احنا مش معانا اى حد اسمه انجى هو انج يعنى مهندس بس حصل خير احنا هنا كلنا ممكن نفيدك فى اى حاجه انتى عيزاه انتى بس اسالى واحنا نجاوب ان شاء الله ال قوليلى انتى مجموعك كام؟ واسمك ايه ؟ بالنسبه لهندسه مع انى جايبه جيد بس والله هندسه كليه جميله وشيقه خالص مش تقلقلى خالص وتاكدى ان ربنا مش بيجيب لحد حاجه وحشه انا كنت زيك هموت وادخل اسنان وبعد ما دخلت هندسه حسيت انى مش كنت هحب اى حاجه غير هندسه صدقينى بس اهم حاجه تحبى الحاجه ال انتى ريحاها ومش تقعدى تعيطى على ال فات لا فائده من البكاء على اللبن المسكوب اقولك حاجه والله مش لانى مش جبت مجموع الكليات التانيه هقول الكلام ده لا والله بس انا بحس حاليا ان هندسه دى افضل كليه على الاطلاق ولما تدخلى هتحسى بقيمتها بجد وربنا يوفقك يا رب وتكونى معيده زى مانتى عايزه وعلى فكره هندسه مش اقل خالص من صيدله او اسنان لا والله بالعكس ولما تروحى الكليه هتفهمى كده هتلاقى الناس كلها بتنظرلك نظره احترام وال بيقولك ان اعدادى بتعدى فيها بالزء مفيش حاجه اسمها كده خديها نظريه فى حياتك كل واحده بتحكيلك عن تجربتها الشخصيه يعنى ال حصل لها ظروف ف السنه دى وال حصل لها كذا وكذا بتحكى عن اعدادى من خلال ال حصل لها سيبك من الناس دول وتوكلى على الله وان شاء الله خير واحنا معاكى وانا كمان هكون معاكى فى الكليه انا اسمى ياسمين لو احتاجتى اى حاجه انا تحت امرك وممكن تبعتيلى او ابعتلك الميل بتاعى على الخاص لو انتى محتاجه حاجه سلام |
اقتباس:
|
قطوف دانيه
اهلا بيكى انا عايز أقولك حاجه ان بتوع هندسه معروفين على وجه العالم كله بانهم ناس دماغهم شغاله بتوع الابداع مفيش فرق بين الكليه دى وغيرها انتى هتكتشفى بعد كده ان هندسه احسن من طب لان بتوع طب موالهم كبييييييييييييييير سبع سينين وكمان لازم يحضر عشان يقدر يفتح عياده وفين وفين اما ياخد الماجستير بتاعته واما يشتهر بقى مين يعيش وصيدله بتبقى حياه ممله مع كل احترامى لبتوع صيدله لكن الصيدلانى اخره يبيع العلاج اللى مكتوبله فى الورقه لا فى ابداع ولا نيله مجرد حياه وخلاص اما طب أسنان الحقيقه انا بحترمها لانها ميسره ومكسبها مضمون وسهل مش معقد زى كليه الطب اللى لازم يطلعوا عين الطالب اللى دخل فيها ويلاقى نفسه طالع اسمه دكتور وبيشتغل فى مستشفى عما تفرج اما هندسه دى متعه موادها عايزه دماغ حلوه تعتمد على الفهم اكتر من مجرد كلام يتحفظ وخلاص فيها شغل ومستقبلها كويس ومضمون وفيها أقسام جامده جدا يعنى بجد المهندس او المهندسه بينظرلوا نظره احترام على طول حتى لو كان مهندس على قده والكلام ده فى العالم كله المهندسين هم اللى بيشغلوا الشركات والمصانع اللى من غيرها كانت الحياه المدنيه خربت حتى فى الحروب دايما المهندس هو اللى بيحرك الجيش وبيكون فى المقدمه ليييه لانه معروف انه راجل دماغه عاليه وشغاله ودايما بيتعامل باحترام وبيعرف يتصرف فى الازمات ويديرها على اكمل وجه عموما دعى ربنا واللى فى الخير ان شاء الله يقدمهولك ربنا رغاى قوى ايه ده آسف على الاطاله |
ربنا معاك يازعيم
هو ده الكلام رحت تاخد كورس من ورانا الله يسهله ياعم لا بجد ربنا معاك وتاخد الكورس ده ويبقى اضافه لل cvبتاعك ان شاء الله |
انا مع حضدرتك يا بشمهندس لكن لو قلت لحضدرتك انى مش ضامنه نفسى فى الابداع يعنى شايفه نفسى اكتر فى الرغى والنظرى هتقولى ايه
وكمان المهندسين مش بيتعينو زى الدكاتره اعتقد انى كبنت القسمين الللى شغالين فى السوق كهربه ونظم وحاسبات يعنى مستقبل مش مضمون والضامن ربنا طبعا |
اقتباس:
|
اقتباس:
مش المهم انى اشتغل وان كان ده مطلوب اقول بس اخلص الكليه بتفوق وبعدين افكر فى الشغل وربنا ال بيقسم الارزاق بصى نصف الدكاتره وخاصتا الصيدله بيكون ليهم تكليف واول ما يستلمو يعملو اجازه ويقعدو ويسافرو مع اجوازتهم ولا بيشتغلو ولا بيهببو والاسم دكاتره بلا نيله المهم حبى الهندسه تلاقيها بتحبك على طول هههههههه شكلى انا ال هطلع رغايه اكتر من يا بشمهندس رفاعى سلام |
ههههههههههههه
افهاتك جامده وكمان احنا واكلنها والعه دا احنا غلابه دايما مظلومين متستعجليش شويه كده وكل الاقسام تتفتحلكم وتاكلوها والعه انتم كمان زى بعضه لا بجد ربنا يوفقك يا هبه مش عارف أقول بشمهندسه ولا دكتوره ولا ايه عموما اما التنسيق يظهر ان شاء الله وتلاقى قدامك خيارين صلى صلاة استخاره وربنا ان شاء الله هيستجيب ويرزقك خير الامور والصراحه الدعاء الاخير فى الحديث بتاع الاستخاره جميل قوى اللهم قدر لى الخير حيث كان ثم ارضنى به والكلام ده ليكى انتى كمان يا ياسمين متعرفيش القسم الافضل ليكى فادعى بالعاء ده وبالثقه فى الله هتخشى أحسن قسم |
الاستخاره دى لل مخيرين بي حاجتين لكن انا والحمد لله مفيش امامى اختيارات ال ييجى انا هروحه بدون نصف كلمه
وبعدين انت شايفنى هخخل فى هندسه لحد ما يحنو علينا ويفتحولنا هندسه موت يا حمار على ما يفتحو قسم تانى ربنا يخرجنا منها سالمين اهو مهندسين وخلاص المهم التفوق فى القسم ال احنا رايحينه اين كان هو ايه وربنا يستر ونسيبنا بقى من اعدادى والتوهان ال كان فيه يلا الحمد لله اهو عدى وخلاص وبعدين فين الافيهات دا واقع مش افيه خالص هههههههه وعلى العموم والله انا راضيه المهم اننا نشوف مهندسين ازهريين مكسرين الدنيه وربنا يوفقم واحد يا بشمهندس |
خلاص يا بشمهندسين ربنا يسهل من كلامكم والله بدات احب الهندسه وفعلا انا لما بكون عايزه اجيب الدرجه النهائيه بجبها
ولو دخلت هندسه انا واثققه انه هيبقى اختيار ربنا وهيوفقنى ليه وربنا يسهل وانفع بيها الامه والله عندك حق يا ياسمين ممكن واحد يقضى عمره فى طب والتانى يدخل هندسه ويبقى على قده ويتخرج بمقبول وسبحان الله ربنا بيفتح عليه الارزاق بيدى الله وربنا يكرمنى بالكليه اللى هنفع وهتميز فيهااااااا يااااااارب وجزاكم الله خيرا |
الاستخاره دى لل مخيرين بي حاجتين لكن انا والحمد لله مفيش امامى اختيارات ال ييجى انا هروحه بدون نصف كلمه
وبعدين انت شايفنى هخخل فى هندسه لحد ما يحنو علينا ويفتحولنا اقسام جديده ولا تبع الشعار بتاعنا خدعوك فقالو هندسه خمس سنين موت يا حمار على ما يفتحو قسم تانى ربنا يخرجنا منها سالمين اهو مهندسين وخلاص المهم التفوق فى القسم ال احنا رايحينه اين كان هو ايه وربنا يستر ونسيبنا بقى من اعدادى والتوهان ال كان فيه يلا الحمد لله اهو عدى وخلاص وبعدين فين الافيهات دا واقع مش افيه خالص هههههههه وعلى العموم والله انا راضيه المهم اننا نشوف مهندسين ازهريين مكسرين الدنيه وربنا يوفقكم واحد يا بشمهندس |
اه ممكن يا بشمهندسه تقوليلى منهج القران فى اعدادى ايه؟
وجزاك الله خيرا |
منهج القران بسيط جدا خمس اجزاء من اول السور الصغيره
|
جزاك الله خيرا وجعله فى ميزان حسناتك
|
ربنا يوفقنا كلنا يارب
ويارب يا ياسمين تخشى أحسن الاقسام مهما ان كان مجموعه محدش عارف الخير فين والحمد لله المنهج خمس أجزاء من الشمال يعنى من الأحقاف تقريبا على ما أذكر للناس دلوقتى نقول بشمهندسه هبه ولا ايه أصلك قولتى اعدادى مش أولى وطبعا أرجع أقول صلاة الاستخاره الصلاة دى بتريح الواحد جامد |
وجزاكى مثله على ايه اى خدمه احنا خلاص هنبقى زمل
|
| جميع الأوقات بتوقيت GMT +2. الساعة الآن 09:52 AM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.