تعديلا على كلام hkk-happy

الكلام دا بقي انا شور جدا منه .. لإن صحاب كتير جداااااااا ليا في تجارة انجليش القاهرة

دا غير اني دخلت على السايت بتاعهم وتأكدت انها 80 %

سيادتك ممكن تخشي على اللينك دا وتتأكدي بنفسك

http://commerce.cu.edu.eg/english_section2.htm

أنا قصدي على الكليات الخاصة !!!
بس سؤال !!!
بالنسبة للمعاهد العليا الخاصة
هل بكالوريوس هندسة الحاسبات من معهد عالي خاص أفضل من بكالوريوس الحاسبات والمعلومات من معهد عالي خاص؟ من حيث الوظائف المتاحه ؟؟
أنا عارف أن هندسة حاسبات بيدرسوا هاردوير و حاسبات ومعلومات بيدرسوا برمجة وسوفتوير
بس السؤال هنا !!!
ما الشئ الرئيسي الذي يميز خريج هندسة حاسبات عن خريج حاسبات ومعلومات عندما يتقدم للعمل بعد التخرج؟
بغض النظر عن أن ده يتبع نقابة المهندسين و التاني تبع نقابة المهن العلمية (العلميين)

الفارق انتا قولته بنفسك

انتا بتدرس هندسة حاسبات هارد وير .. يعني مهندس كومبيوتر

اما في كلية حاسبات ومعلومات انتا بتردس سوفت وير .. يعني ويندوز وبرمجة .. يعني هاتطلع مبرمج

فدا يعتبر اختصاص ودا اختصاص تاني

بس طبعا الكل بيقول ان اختصاص هندسة الحاسبات اشمل واوسع .. لإن المهندس غالبا ماتخصصه بيوديه على البرمجة كشئ جانبي .. لكن المبرمج صعب انه يروح لهندسة الجهاز نفسه

أوكي طيب بس أعتقد في مجال العمل خريجي هندسة حاسبات و خريجي حاسبات ومعلومات بيشتغلوا نفس الشغل مش فيه فرق ولا أيه ؟

أنا عايز أعرف مهندس الحاسبات خريج هندسة قسم حاسبات ونظم تحكم بيشتغل أيه لما يتخرج !!!!!
شكراً جزيلاً

انتا سيادتك برده جاوبت

مهندس حاسبات هايشتغل ايه ؟ .. ماهو اكيد في مجاله يعني!!

او اي شركة من شركات الانترنت .. وغالبا هاتبقي في قسم الدعم الفني

لا طبعا .. خريج هندسة الحاسبات بيشتغل في تصليح الاجهزة سواء كانت دواير كهربية ، بوردات ، شاشات .. كدا يعني

لكن خريج الحاسبات غالبا مابيشتغل في البرمجة بانواعها .. يعني تخصصه في الويندوز والسوفت وير فقط

دا بقي مايمنعش انه لو ليه طموح هايدرس الهارد وير ونفس الحكاية في خريج هندسة الحاسبات برده .. ممكن يتعمق في دراسة البرمجة ..

يا جماعة انتو بتتكلموا في ايه....
ازاي حد تبقى في ايده هندسة و يروح لحاسبات و معلومات..
المفروض تدي لنفسك فرصة لأن الهندسة فيها اقسام كتير ممكن تختار منها..
و بعدين ما تفتكروش ان الكومبيوتر هو اللي ليه مستقبل ..الكومبيوتر مبقاش حاجة حديثة..و غير كده خبراء الكومبيوتر بقوا على قفا مين يشيل يعني مش هتتخطف خطف بعد الكلية من الشركات.

يعني حضرتك قصدك مهندس الكمبيوتر بيشتغل في الصيانه زيه زي الفني ؟ ولا أيه أنا مش فاهم
أصل أنا كنت فاكر فعلاً من سنه أو سنتين أن مهندس الكمبيوتر بيشتغل في الصيانه و بيصلح بأيده وفيه ناس قالولي لأ ده الفني هو اللي بيصلح بأيده مش المهندس :huh::confused:

يا كابتن فوكس دي ميول ورغبات

وبعدين انتا مش ضامن لو دخلت هندسة تجيب المجموع اللي يدخلك قسم حاسبات

وكلية الحاسابات دي حاجة متخصصة مش زي هندسة ..

حضرتك بتقول دعم فني يعني تقصد صيانة الأجهزة صح ؟

هو في الكليات الخاصة لازم في أعدادي هندسة الواحد يجيب تقدير معين عشان يتخصص حاسبات ولا أيه ؟

مش هاتفرق كتير يا أيمن .. الي بيطلع مهندس لازم يكون بيعرف يصلح .. سواء بقي هوا اللي صلح او ماصلحش

اكيد طبعا لكل قسم في هندسة مجموع معين تجيبه في اعدادي عشان يبقي مسموحلك انك تخشه

زي التنسيق كدا ...

عندك اقسام زي بترول واتصالات وحاسبات دي من اعلي الاقسام هناك اللي بتقبل مجموع عالي ..

حضرتك الكلام ده بيتطبق بردوا في المعاهد الخاصة ؟ ولا الجامعات الخاصة والحكومية بس؟ ولا كل معهد وله نظامه ؟ و مش شرط يكون متطبق في كل المعاهد الخاصه ؟:confused:

ده المعاهد الخاصه هندسة بيكون فيها 4 تخصصات بس !!!!!!!!!!!!!!

طب خييير :) ،، واحتمال بتختلف من سنة لسنة ،، حسب الدرجات بقى ،، بس اصلى فاكرة السنة اللى فاتت كان فيه درجات 44 وملحقوهاش ،،

الحمدلله انك اتأكدت عموما :)



طب وفيها اييييييييييه
المهم الواحد يكون حابب الحاجة دى
طب ما بمنظر تنسيق ودرجات السنة دى انا كدة يبقى فى ايدى هندسة وحاسبات:D
بس رغم كدة راحة فنون تطبيقية ان شاء الله عشان حاجة بحبها فعلا ،، مش معنى كدة انى بكره هندسة وحاسبات ،، لا ابدا
بس فنون تطبيقية متعلقة بيها اكتر ،، وهتخرج هبقى مهندسة بردو ان شاء الله :)


وعلى فكرة اللى بيحب حاجة اوى بنلاقيه من انجح الناس فى المجال دا ولاحظتها ع ناس كتير ،،
طب تعرف ان فيه ناس كان قدامهم طب ودخلوا تجارة انجلش ؟؟ عشان كدة نجحوا

بنتين بردو اعرفهم كان قدامهم هندسة واحدة فنون تطبيقية وواحدة فنون جميلة

كفاية بقى فكرة كليات القمة وكلام الناس والبرستيج والكلام دا ،، لانه فى الاخر كلام لا يودى ولا يجيب
ودا مش بيتعرف اوى غير كدة بعد عشرين سنة تخرج وشغل وعليك خير


وجهة نظر مش اكتر :)

والله بالنسبة للمعاهد الخاصة ماعنديش فكرة اوي ..

بس غالبا التخصص بيبقي من الاول زي مودرن اكاديمي كدا

بس ماكدبش عليك .. ماعنديش فكرة اوي عن المعاهد دي

الحمدلله ....

اها .. كلام سليم وميه ميه .. وانا برده معاكي في نظرية استخسار المجموع دا ..

اهم حاجة انتا تكون حابب مجال ايه وشايف نفسك فين ..

أنا محتار أدخل أيه مش عارف هندسة ولا حاسبات مش عارف حلاقي نفسي في البرمجة ولا لأ ومش عارف حقدر أمشي في هندسة ولا لأ

هو مودرن أكاديمي فيها التخصص من أول سنه ؟

بالنسبة لاداب انجلش

الكلام دا من الموقع دا
http://arts.cu.edu.eg/departments/english/index.html
كلية الاداب جامعة القاهرة

مودرن اكاديمي فيها تخصصين رئيسيين ..

ادارة اعمال وهندسة

انتا بتخصص في واحده فيهم من اول سنة .. انما بقي تخصصات هندسة نفسها .. الله اعلم

بس بيتهيألي فيه هابقي اسألك واحد صاحبي واقولك .. مصاريفها 8000 على فكرة

بص ياابنى
شوف كدة وفكر انت كانت هواياتك ايه زمان :rolleyes: وبقت ايه
وبتحب ايه وبتكره ايه
وحاول مثلا من هذا الاساس انك تحدد كلية هتحبها وتقدر تمشى فيها :cool:
انا كنت وانا صغيرة مثلا لما كنا جهلة فى الكليات وكنا لسة فى اولى ابتدائى كنت بقول انا هدخل كلية الفنون والاداب
والحمدلله من اعدادى قدرت احدد رغبتى فى فنون تطبيقية :rolleyes:
دا مثال مثلا

فكر كدة وخليك صريح مع نفسك اكتر

تعقيبا على كلام hkk-happy

فكك من كلام المواقع دا .. الارقام اللي محطوطة دي بتبقي ثابته .. بمعني انه الي عايز يخش اداب انجليش لازم مجموعة لا يقل عن النمرتين اللي مكتوبين دول

انا عن نفسي سمعت من ناس انهم ماعرفوش يخشوها على نص درجة .. لإنهم كانوا طالبين 48 ونص في الانجليش

بمعني اصح .. هما عندهم عدد معين بيتقبل في القسم دا .. فلازم ياخدوا اعلى الدرجات

لو على 48 .. يبقي هاتتلاقي نص مصر متقدمة .. عشان كدا بيعلوا في الدرجة فاممكن توصل ل 49 ونص .. ويبدأوا يقللوا بقي لغاية ماتوصل ل 48 ..

العبرة بانك تروحي شئون الطلبة هناك وتقري الورقة المتعلقة قدامهم وبس ..

غير كدا .. سيبك من اي كلام تاني

يا جماعه انا عاوز اسال سوال هو ينفع ادخل معهد خاص وكليه حكوميه فى نفس الوقت

ههههههههههههههههه ظريف والله السؤال دا !!!

هوا انتا ينفع تخش الجنة والنار في نفس الوقت ؟!!

ممكن اسئل سؤال بالنسبة للتنسيق الالكترونى\انا دخلت على الموقع وسجلت رغباتى يوم السبت والمكتوب فى مجلة الجمهورية ان التقديم المفروض ليا يبقى الاحد هل هناك مشكلة

فى الاول والاخر :rolleyes: ادينا بنساعد بعض وبنساعد طلبة اخرين
والحمدلله ان ربنا مقدرنا بنعمل اللى نقدر عليه
غير انك مثلا مدخلتش كل كليات مصر و انا اهو لسة مدخلتش كلية اصلا بس اهتميت بكام كلية كدة
وادينا بنجمع المعلومات من اللى بنلاقيه ع النت او نعرفه من ناس نعرفهم ،، الخ

وربنا يوفق الجميع ان شاء الله :)

السلام عليكم

انا زمان كنت مفكرة انه كان ينفع :D
ولو كان ينفع كنت هوفر وقت جامد ،، بدل ما اقعد اخد دبلومات وبلاوى اد كدة كانت فى دماغى بعد التخرج
وطلع ان حتى فيه دبلومات تبع تجارة او ادارة اعمال او حتىت بع اى حتةتانية متنفعش الا بعد التخرج بسنة
لا وايه انا ناوية ع كلية خمس سنين ،، ربنا يتولانا بقى جميعا ان شاء الله
ادينى بمشىفى اللى ممكن اخده فى اى سن بقى :)

ربنا يوفقك يا sunsero2000
بس حددى هدفك الاقرب شوية :)
الواحد بيبقى نفسه فى كذا وكذا وكذا
بس شوفى ايه الخطوة التالية والمباشرة ع طول ،، يعنىا يه الاولى بمعنى اصح
وربنا يوفقك للى فيه الخير

ممكن اسئل سؤال بالنسبة للتنسيق الالكترونى انا مجموعى 396.5وانا كان المفروض اقدم النهارده رغباتى على النت بس انا قدمتها امبارح هل هناك مشكلة

سيادتك بناء على كلام جريدة الجمهورية يبقي هيا بتتكلم على نظام الشرايح

بمعني انهم بيقسموا المرحلة الواحده لكذا شريحة والكلام دا بيتطبق للناس اللي بتروح تعمل تنسيقها في المنافذ اللي تبع وازارة التعليم العالي ..

عشان بس مايبقاش فيه زحمة وكبس على المنافذ المعينة دي ..

اما بالنسبالك لو كان عندك نت في البيت .. فانتا بتقدر تخش في اي يوم طالما كان الميعاد دا في مرحلتك

يعني مثلا المرحلة الاولي بدأت النهارده وهاتخلص الاسبوع الجاي .. يبقي انتا تقدر تخش وتعمل التنسيق بتاعك في اي يوم من الايام خلال الفترة بتاعة مرحلتك دي ..

يارب تكون فهمت !

ارجوكم انا قلقان

مافيش اي مشكلة خالص .. انا شرحتلك اهو :d

انت فعلا عضو فعال اشكرك يا عسل thanks:)

انا جايبة 79 % ممكن تقولولى اخل ايه انا حيرااااااااااااااااانة جدااااااااااااااااااا

يا ست سوما ايه رايك فى كلية الحقوق او التجارة الانتساب انا اعرف ناس كانوا فى كلية التجارة واتخرجوا وسافروا السعودية والراتب الشهرى 10الاف ريال

انتي ماحددتيش ادبي ولا علمي ..

لو ادبي .. ماقدامكيش غير اداب لو عرفتي تجيبيها انتساب .. وحقوق

وربنا يتولاكي برحمته !! :o

انت رايك كده .........انا ادبى بس لو دخلت اداب تفتكر مجموعى يدخلنى قسم ايه

والله على حسب اعلى مجموع انتي جايباه في المواد .. سواء تاريخ او علم نفس او عربي او فلسفة

اعتقد التوقع والكلام دلوقتى غير مجدى اوى ،، يمكن لما نتيجة تنسيق المرحلة تظهر ،، التوقع وبناء الاستنتاجات يكون احسن وايسر
ولا رأيك ايه ؟؟
يعنى رأيى بلاش استعجال دلوقتى :)

وربنا يوفقك للى فيه الخير ليكى ان شاء الله

طيب هو أنا بصراحه مش عارف أحدد أنا ميولي فين بس فيه حاجه
كان عندنا باب الرابع بيتكلم عن الكهربية و الباب الخامس عن الإلكترونيات الحديثة في الفيزياء و البابين دول كانوا معقدني و كانوا صعبين بالنسبة لي فهل ده مؤشر يدل أن ميولي مش هندسة !!!!!! و ميولي حاسبات ؟

سؤال أخر:-
أنا طبعاً مش عارف حاجه عن ابرمجة غير أني قرأت بعض الكتب على النت عن البرمجة و طبعاً كانت طلاسم ولوغاريتمات بالنسبة لي !!!!!! فأنا لو قبل ميعاد المرحلة الثالثة أخدت دبلومة برمجة فيجوال بيزك دوت نت أو سي بلس بلس و أخدت دبلومة صيانة ألكترونية محتوياتها - Semiconductor
- Transistor
- I-C
- Logic Gates
- Testing for Elements
- Derailed Exploits for the display level
Resistance - Capacitance
هل عند طريق الدبلومتين دول حقدر أحدد مساري وميولي ولا الحاجات اللي بتدرس في الكليات غير الحاجات الي في الكورسات ؟

كلام حضرتك مش مظبوط

حضرتك كلية تجاره اقاليم حد ادني واخده السنه اللي فاتت 78.04 واداب اقل من كدا

وحقوق وصلت لسبعين

ايه يا محمود انت مبتردش عليا على الايميل ليه عايزين نتعرف

أفيدوني أفادكم الله قبل أن يأتي وقت لا ينفع فيه الندم

يالهوي .. ياسبحان الله

دا السنه اللي فاتت اداب كانت 80 ..

لا اله الا الله .. له في ذلك حكم .. خلاص لو كدا يبقي ماشي

بس باين ان soma عايشه في القاهرة .. يعني ماقدمهاش غير عين شمس والقاهرة

والاتنين دول بيبقوا عاليين يعني ..

والله انا شايف ان كلامك في مبالغة حبتين

انتا دلوقتي بكل بساطة .. تشوف ميولك ايه بالظبط ..

هاتخش هندسة .. في اول سنة هاتدرس هندسة عامة .. يعني كل اصناف الهندسة هاتيجي فوق دماغك

انما حاسبات تخصص حاسبات وكمبيوتر وبسسسسسسس ..

حكاية بقي البرمجة وكدا.. انتا اكيد هاتدرسها وهاتفهمها ..

انتا اما جيت تشوف كتبا الفيزياء قبل ماتبدأ سنة تالته مش كنت مخضوض منه .. ماهو نفس الحكاية في البرمجة برده

واحده واحده واتنا هاتبقي ميه ميه .. لكن دبلومات وكورسات انا شايف انه حرام .. فلوس اونطة يعني

لكن او انتا عايز للمعرفة الشخصية ..اتس اوكي .. go ahead

بصوا يا جماعة
فيه ناس هنا فى الموضوع ساعات بتبقى عاوزة تطلع على تنسيق 2007
من هنا
http://www.thanwya.com/vb/images/icons/icon1.gif تنسيق عام 2007 (http://www.thanwya.com/vb/life/misc/multipage.gif 1 2)

بس ياريت اللى يشوفه يعنى
يراعى ان السنة اللى فاتت حاجة والسنة دى حاجة تانية خالص ان شاء الله
وخصوصا فارق المجاميع الرهيب
واختلاف الحدود الدنيا للمرحلة الاولى
وخصوصا طلبة علمى


والسلام عليكم ورحمة الله وبركاته :)

يا hkk-happy

كدا كدا soma مش مرحلتها دلوقتي .. فعادي ممكن تستني

لكن هيا بتقول اقدموا اقتراحات .. واحنا بنقترح وبس