|
اقتباس:
كده انت مية مية وفلة جدا بس باقي الفروع بقا حاول متكنسلهمش يعنى تحل عليهم بردو :stickjo4: بس يعنى ان الله لا يكلف نفسا الا وسعها بص العربي هيفضل مضايقك طول لسنة بس ان شاء الله هيتظبط فى شهور المراجعة فمتقلقش منه اهم حاجة النحوووو تفهمو كويس اوى وتبقا بمعنى اصح عقر ف النحو . البلاغة تفهم القطعة كويس اوى وتعبر بأسلوبك وبردو اهم حاجة ف البلاغة بصراحة يعنى هى الكلام الكتير لُك كتير جدا فى السؤال اللى تحس انو رخم او مش عارف اجابته اوى لك واشرح وكده يعنى والمصحح هيزهق منك اساسا فهيديك الدرجة كاملة :d باقي الفروع زى النصوص تزاكرها كويس وبفهم بردو واهم حاجة التعليق بتاع النص ده انا عارفة انو رخم بس بردو هيتظبط ف المراجعة والقصة انا مش عارفة انتو عليكو قصة طه حسين ولا مين بالظبط ؟؟ بس هو الكل ومنهم انا يعنى :d كنا قرفانين منها القصة دى والمدرسين نفسهم كانو قرفانين منها فانا كنت زاكرت اول جزئين وتالت جزء مجيتش ناحيته كنت بقرأها وافهمها واتخيلها كده وكنت بحل واجب المستر وخلاص وساعات كنت بكنسلها :006et4: المهم يعنى العربي سهل انك تجمع فيه درجات بس خليك مرن كده متبقاش ماسك اوى يعنى بحبح ايدك اخر السنة وانت بتكتب وهتلاقي نفسك جمعت درجات بس طبعا النحو يكون متجاوب كلو تمام وصح :bosyht9: |
طب يا دكتورة الواحد يجيب كام كتاب فى الانجليزى ؟؟ و ازاى اضمن سؤال الترجمة
وازاى اعمل جدول مذاكرة فى السبع مواد اللى عندنا دول :d |
اقتباس:
عمتاً اللى هيطبق عليا هيطبق على الكل و كويس انها مش متضافه يعنى درسين على التاتش بتاعتى هيظبط الاداء ان شاء الله |
اقتباس:
|
يا دكتوره اسيب الحاجات الحفظ الصعبه اوى فى الاخر ولا احفظها دلوقتى و كل شويه اقعد اراجع عليهم ؟
|
اقتباس:
واصلا محافظتنا صغنطوطة هما فيها مكتبتين بس مشهورين وهى مكتبة منهم فى القاهرة منكن يكون فى اكتر من مكتبة بتتواصل بمندوب الكتاب منكن تشوف اول مكتبة نزلت الكتاب |
اقتباس:
انتى محافظتك ايه الصغنطوطه ديه ؟! اسوان مثلاً ؟ |
جمع وسيلة وُسُل & وسائل
|
اقتباس:
|
اقتباس:
|
يا ريت بجد كلنا نستعد للامتحان التانى زى استعدادنا للامتحان ده
انا اعرف ناس للاسف بتجنن لو سابت درس مذكرتهوش و عادى لو فوتت فرض ربنا يعافينا |
اقتباس:
اقتباس:
لا طبعا على اساس ان احنا مخلصين باقى المواد يعنى اصلا انا شوفت الكتاب كبير جدا مش عارفة دا هيتزاكر ازاى:o |
اقتباس:
بس أنا رأيي يا أسماء إننا حتى لو مش هنحل في كشكول يجمع المسائل دي -وده الأفضل طبعًا- إننا مانرميش أي ورقة حلينا فيها أي مسألة .. لأن المسائل كتير وأفكارها كتير بردو خصوصًا في الفيزيا وده هيفيدنا في آخر السنة إننا نراجع تاني اللي حليناه بإيدنا قبل كده .. لأن السنة طويلة وممكن ننسى فكرة المسألة جت منين فأنا شايفة إننا نجمع أي ورقة حلينا فيها في file ونحتفظ بيه عشان نراجع منه في آخر السنة صح ولا إيه ؟؟ |
اقتباس:
صحيح .. قرأت من فترة موضوع مهم جدًا عن الفرق بين امتحان الدنيا وامتحان الآخرة واللي كتبه طالب ثانوية زينا نقلت الموضوع عشان الناس تستفيد منه . . امتحان الدنيا ليه وقت معين محدد من بداية الدراسة انما امتحان الاخرة وقته مش معروف هيجي فجأة . . هل هتكون مستعد ؟؟ امتحان الدنيا بيكون في اطار منهج معين بتذاكر فيه طول السنة .. انما امتحان الاخرة هيكون علي اللي انت عملته من ساعة لما بلغت الي ان تموت ..! متخيل ؟؟ امتحان الدنيا فيه منه شفوي وتحرير وامتحان الاخرة برضه فيه منه شفوي وتحرير ، بس شفوي عن شفوي يفرق ، وتحرير عن تحريري يفرق . . واحد يقولي إزاي يعني فيه شفوي وتحريري في الآخرة . .؟ اقولك . . في الدنيا بيكون فيه شفوي بس بتعدي منه انما في الاخرة هيكون فيه اكتر من امتحان شفوي ، اول امتحان هيكون في القبر لما الملائكة تسألك من ربك وما دينك وماذا تقول في الرجل الذي بُعث فيكم ؟ هتقول إيه ساعتها ؟؟ دي الاجابة معروفة من واحنا في الدنيا بس فيه ناس مش هتقدر تنطق ، ياتري ليه ؟؟ قال تعالي : " يثبت الله الذين آمنوا بالقول الثابت في الحياة الدنيا وفي الآخرة " . هل إنت من الذين آمنوا ؟؟ ساعتها يا جماعة اللي هيجاوب هو الانسان اللي اعماله كويسة لو اعمالك وحشة يبقي انسي الاجابة ولو مش جاوبت تبقي سقطت في اول امتحان شفوي في الآخرة !! وفيه امتحان كمان قبل ده وهو عند الاحتضار هل هتقول الشهادتين ؟؟ الامتحان الشفوي التاني لما ربنا يكلمك في الاخرة ويسألك عن كل ذنب عملته كما اخبرنا النبي صلي الله عليه وسلم في الحديث ، هتقول لربنا إيه لما يقولك عبدي لما فعلت كذا ؟؟ ولما يقولك عبدي فعلت كذا يوم كذا وفعلت كذا يوم كذا ، هتقوله إيه ساعتها ؟؟ هتقدر تنطق أساسا ؟؟؟ وهتقول ايه للنبي صلي الله عليه وسلم لما يقولك علي الحوض سحقاً سحقاً بعداً بعداً ؟؟ ( اسال نفسك وجاوب مع نفسك ) . امتحان الدنيا فيه تحرير والاخرة فيه تحريري برضه ، في الدنيا ممكن تغش وتكتب اي كلمتين وتاخد عليهم درجات انما ف الاخرة يا جماعة الامر مختلف . . قال تعالي : " وكل انسان ألزمناه طائره في عنقه ونخرج له يوم القيامة كتاباً يلقاه منشورا . إقرأ كتابك كفي بنفسك اليوم عليك حسيبا " . يوم القيامة هتشوف كل اعمالك من ساعة لما بلغت الي ان مت مسطورة امامك في هذا الكتاب وستعرض علي الله وانت بهذا الكتاب ويا اما تاخده باليمين واما تاخده بالشمال ، ياتري هتاخده بإيه ؟؟( إسأل نفسك برضه ) امتحان الدنيا فيه مراقبين عليك لكن دول بشر زيك ممكن تخدعهم انما امتحان الاخرة ربنا هو اللي مراقبك !! هتخدع ربنا برضه ؟؟ طبعاً لأ ، وربنا برضه هو اللي مراقبك في الدنيا وشايفك وسامعك وعارف كل صغيرة وكبيرة بتعملها في حياتك وهيحاسبك عليها ! المشكلة يا جماعة ان اللي شافنا هو اللي هيحاسبنا . . تخيل مثلاً لو مدير مصنع عرف ان فلان سرق حاجة من المصنع وفيه ناس ثقة اكدوا ده ، اكيد هيعافبه بس لو المدير ده شاف بنفسه العامل وهو بيسرق هل هيكون نفس العقاب ولا أشد ؟؟ خاصة كمان لو العامل عارف ان المدير مراقبه ؟؟ ولله المثل الاعلي . . احنا عارفين ان ربنا مطلع علينا ورغم ذلك مصرين علي المعاصي والذنوب وانتهاك حرمات الله الا من رحم ربي . . امتحان الدنيا يا جماعة فيه نجاح وسقوط ، وامتحان الاخرة برضه فيه نجاح وسقوط . . بس ده نتيجته إيه وده نتيجته إيه ؟؟ في الدنيا لو سقطت عندك دور تاني ، انما في الاخرة لو سقطت مش عندك غير جهنم والعياذ بالله !! هل انت هتقدر علي جهنم ؟ هل انتي هتقدري علي لحظة واحدة داخل جهنم ؟؟ ها يا جماعة إسألوا نفسكم وجاوبوني .. هتقدروا ؟؟ طبعاً لأ مش هتقدروا ولا انا هقدر . . طيب ليه مصرين علي الطريق اللي احنا فيه ؟؟ ادامنا جميعاً الفرصة دلوقتي . . احنا لسه في الدنيا ، ده لو الطالب مننا اهمل في بداية الدراسة ومش باقي ايام ع الامتحان مش يعرف يلم المنهج تاني انما احنا لو قعدنا طول عمرنا ف المعاصي ولحقنا نفسنا وتوبنا ، كل الذنوب هتتسمح بأستيكة فوراً ومش بس كده ، ده كمان ربنا من فضله وكرمه هيبدلنا الذنوب دي حسنات ، قال تعالي : " إِلا مَنْ تَابَ وَآمَنَ وَعَمِلَ عَمَلًا صَالِحًا فَأُوْلَئِكَ يُبَدِّلُ اللَّهُ سَيِّئَاتِهِمْ حَسَنَاتٍ وَكَانَ اللَّهُ غَفُورًا رَحِيمًا " . وربنا لو تعامل معانا بالعدل مش بالفضل يبقي المفروض مش ندخل الجنة لاننا مش نستاهلها انما هو سبحانه وتعالي بيعاملنا بفضله وكرمه . . فله الحمد في الدنيا والاخرة . ها يا جماعة . . الطريق ادامك من دلوقتي وانت هتقرر مصيرك . . تختار إيه ؟؟ قف مع نفسك وقفة صادقة وفكّر في مصير الطريقين واختار الطريق الصح . . اسف جداً ع الاطالة بس حبيت أذكر الشباب وخصوصاً طلبة الثانوية العامة - زي حالاتي - بان فيه امتحان اصعب بكتيير من امتحان اي شهادة في الدنيا ومفيهوش دور تاني زي امتحان الدنيا ، فـ أسأل الله ان يعيننا جميعاً علي طاعته وان يوفقنا جميعاً في الدنيا والآخرة ويحقق آمال كل طالب مسلم وان يرزقه ما يتمني ويجلعه قرة عين لوالديه وينفع به الإسلام والمسلمين .. اللهم آمين . |
اقتباس:
وكمان فيه نقطة مهمه ان فيه ناس بتقرب من ربنا عشان خاطر الثانوية العامة بس و فيه ناس اعرفها كنت بشوفها فى الجامع وقت الامتحانات بس و فى الاخر بيقولو احنا بنصلى و بنعمل كل حاجه كويسه وربنا مش بيوفقنا ده عشان انت نيتك بايظه سعاتك ده زائد النفسيات الغريبه اللى بنشوفها وكمية الحقد و الحسد لما حد يجيب درجه كويسه فى اى امتحان و كله بيخبى معلومات عشان محدش يبقى احسن منه و محدش بياخد باله من الحديث "لا يؤمن احدكم حتى يحب لاخيه ما يحب لنفسه" انا بجد كرهت السنه ديه بسبب الحاجات ديه مش عشان خاطر المنهج و بالرغم من الجامعه اصعب بس مش هتكون النفسيات بالمنظر ده ربنا يهدينا كلنا |
| جميع الأوقات بتوقيت GMT +2. الساعة الآن 09:39 AM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.