|
ليه ياللي اسمكـ حبيبي ...
ليه أول م فتحت عينيا علي حياتي لقتني ف عينيك ليه أول ما عرفت أمدي أيدي لقتني ماسكـ ف أيديك وليه أول درس من دنيتي ألقيني بيك ليه من أول نظرة اتشديت أوي فيك وليه من كل البشر اخترني قلبك ليك ليه أنت ... وليه قلبك ليه فتحت ليا أيديك ليه خلتني أحب الدنيا بيك ليه من الأول مقولتليش ليه مسبتنيش ... قبل اليوم اللي فيه متحسنيش قولي ليه ... عايشتني بـ أمل وهو في الحقيقة وهم وألم قولي ياللي عالم بالنهاية النهاية اللي هيا ف الأصل نهايتي واللي فيها هتكون بتتسلي بحكايتي حقيقي نفسي أصرخ من الوجع اللي سيبته لي نفسي أصرخ ومع صرختي أنساك وانسي حبي حبي اللي بات بقلبي ويا خسارة مش عارف أدويه حبي اللي ليك .. ومعاها أصبحت جريح بيه جاي بتقول خلاص ... طب ليه بتقول أسكت ... بعد إيه دانت لما تكون محتاج قلب حنين ... بتلاقيني ولما كنت بتنادي ومفيش غير سواد الليل ... بتلاقيني ولما تشتاق ليا وتفكر فيا ... بحس بيك .. وبتلاقيني دلوقتي ليه بعد كل دا ... متحسش أنت باللي جرالي ليه بقلبك أنت بييت الجرح بقلبي وليه بأيدك رسمت الموت نهايتي ليه ياللي اسمك حبيبي ليه دلوقتي عرفت أننا لازم نفترق طب كان فين قلبك قبل ما أتحرق كان فين إحساسك .. وأنا بتجرح أنا نفسي بس تقولي ... ليه حبتني ليه خليت نهاية حبك لي .. بداية حزني وليه خلتني أحلم بدنيتي وأنت فحضني ليـــــــــــــــه صدقني أنا مش عارف ألوم علي مين ألوم القلب اللي ياما خاف علي حبك ولا ألوم الروح اللي اتعلقت في يوم بحبك ولا ألوم قلبك اللي ليه أصبحت أسير لحبك |
احمد شوقى
ازيك ماشى يا شاعر هارجعلك قريب علشان نشوف القصيده دى |
بجد موضوع كثير جميل ومميز
وحزين طبعا كالعاده فى انتظار المزيد من مواضيعك المميزه فى رعاية الله |
جميلة جداً
تسلم وننتظر اخر ابداعاتك |
اقتباس:
|
كلمات واحساس روعه
بس متزعلش على اللى حبيته وسابك ازعل على اللى حبك وسبته منتظرين مواضيعك المميزه |
اقتباس:
ازيك يا فندم عامل ايه ؟ انا مش عارف حضرتك ليه ؟ ياريت حضرتك تنقد بقي لاني مستني الاستفاده بكامل الصبر وياريت مش تتأخر هنتظر حضرتك نورت الموضوع يا استاذي |
اقتباس:
ميرسي جدا يا هبه علي زوقك وهعمل ايه بقي الحزن مالي العين والدمع ع الخدين ... علي رأي تامر عاشور استحمولني بقي .... وان شاء الله طول مانا عايش هيكون فيه حزن كتير بس يارب اكون عند حسن الظن دائما |
اقتباس:
ميرسي جدا يا درش علي الكلمتين اللي حاسس انك مش قادر تقولهم ياعم طب كمل تسلم ايديك او حتي علق ولو بكلمه لا بجد الظاهر انك بخيل ....ٍ سوري بقي متخدش علي كلامي اصل اللي يشوف ردك دا .. يقول انك كارهني جدا عموما نورت الموضوع يا درش ويارب اكون عند حسن ظنك بي ولو حتي مرة |
ليه أول م فتحت عينيا علي حياتي لقتني ف عينيك يا أحمد يا شوقى بدات بالتساؤلات ويا عذابك وعذابنا جميعا من تساؤلات بدون إجابات لو أن الكون نجد به اجابة كل سؤال لأصبح الكون جنه ليه أول ما فتحت عنيك على حياتك لقت نفسك فى عنيها --- صح؟ ممكن تقول: ياللى عيونى فتحت مالقيتش غيرك ف عيونى ليه أول ما عرفت أمد أيدي لقتني ماسكـ ف أيديك طيب كويس التعبير دا وهو يدل على بداية حبك وحياتك على يديها وليه أول درس من دنيتي ألقيني بيك السطر دا ضايع معناه : الدنيا اللى بتدى دروس؟ والا حبيبك؟ ليه من أول نظرة اتشديت أوي فيك النظر بتشد ليها مش فيها ولا فى حبيبتك تقصد ليها وليه من كل البشر اخترني قلبك ليك مش شرط كلمة ليك يعنى لأن أكيد الاختيار لقلبك يعنى ليك ليه تكون أنت ... وليه يكون قلبك ليه كل تلك التساؤلات المبهمه ليه فتحت ليا أيديك ليه خلتني أحب الدنيا بيك ليه من الأول مقولتليش ليه مسبتنيش ... قبل اليوم اللي فيه متحسنيش أعذرنى يا حماده انى مكملتش بس هايجى الوقت |
اقتباس:
عندك حزن بجد عبقرى و صادق فعلا أمير الحزن و سجينه تسلم يا كبير على القصيدة دى |
اقتباس:
اولا ميرسي علي كلام الرقيق دا وعلي احساسك بي حقيقي ميرسي ثانيا انا مقدرش بصراحه اعيش من غير حزني حقيقي بس شئ جوايا بقلبي زي الدم اللي بيجري في عروقي اما الجرح فدا شئ ممكن الزمن يداوية بس امته الله اعلم بس انا متوقعش ان الجروح اللي جوايا ممكن تروح لان الجرح اللي بيكسر مستحيل يداوي الجروح اللي تحلي الدمع يبكي معتقدش يقدر الزمن يداويها ثالثا بلاش كلمه اسفه دي ... لان حضرتك مش تقصدي غير انك تخليني انسي وان بجد شاكر جدا جدا علي هذا الشعور .. ميرسي جدا وكمان ياريت حضرتك تنسي انى ممكن اكتب حاجه حب لان الانسان بينجرح مرة واحده ... ومعتقدش انه ممكن يفكر في عذاب القلب مرة أخري اما حكاية حبيبي بندق فمعتقدش اني هقدر استفيد لاني انتهيت يعني مش محتاج شئ يدوس ويحطم فيا اكتر من كدا عموما ميرسي جدا علي كل ما قولتيه لي من شعور ونصائح شكرا جزيلا |
اقتباس:
ميرسي جدا يا فندم علي كلامك الجميل دا بس اعتقد انى لازم ازعل علي اللي سبني وجرحني اما حكاية انى ازعل علي اللي حبني وسبته دي صعب لاني كدا هكون الجارح مش المجروح وكمان ميبقاش حب حقيقي حضرتك نورتي الموضوع ميرسي جدا وبأذن الله طول مانا عايش هيكون في جديد |
تعرف مين أنا؟؟؟؟
أنا أول من هواك أنا آخر مين يفكر ينساك أنا مرآك أنا صوتك وصداك أنا ذ**** أنا غاية مناك أنا سعدك وهناك أنا قصيده تاهت بمعناك عرفت مين أنا؟؟؟؟؟؟؟؟؟؟؟؟؟؟؟؟؟؟؟؟؟؟؟؟ أنا من باع عمرة واشتراك |
تعرف مين أنا؟؟؟؟
--- عموما لو أحمد شوقى مش عارف أنا عارف حضرتك |
| جميع الأوقات بتوقيت GMT +2. الساعة الآن 12:43 AM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.