|
╗◄◄◄المسابقة الادبية ►►►╔ تم وضع القصة الجديدة في مشاركة رقم 2
بسم الله الرحمن الرحيم ــــــــــــــــــــــــــــ انهارده انا جايبلكم مسابقة من نوع خاص .. مسابقة هنشغل فيها كلنا فكرنا و افكرنا و نتطلع منها بقصة .. اخش فى الموضوع على طول .. مسابقتنا .. هى مسابقة ادبية ... لكل اعضاء و مشرفى المنتدى عدا لجنة التحكيم .. و الادارة يعنى بمعنى اصح مش هتشمل .. محمد حلمى و لا انا و لا مشرفة القسم الادبي و هيبقى معانا كل اسبوع عضو بردو مش هيبقى ليه الحق انه يشارك فيها لانه هيبقى مشارك فى التحكيم ... و بردو مش هتشمل .. محمد نائب الادارة و الاستاذ ممدوح و لا استاذتنا ام شاهندة .. كل دول مش هيحق لهم المشاركة فى الموضوع غير بوضع النتيجة و التهنئة فقط ... و هنتكلم عن الشروط .. بعد شرح المسابقة .. .. الشرح ,,, كل ما فى الموضوع انى هكتب قصة .. تحمل او لا تحمل مغزى .. و انت دورك انك تكتب نهايتها و طبعاً انا هسيبها مفتوحة النهاية .. و النهاية صاحبت التصويت الاعلى او الاقرب للواقع هى اللى هتمشى ..و هى دى شطارتك انك تعيش القصة .. تخش جو احداثها و تتخيلها .. تكون انت بطلها .. تبكى لما يبكى بطلها .. تفرح لما يفرح بطلها .. لان ساعتها هتكتب النهاية اللى انت بتحبها و طالعه من احساسك انت .. ,, القواعد ,, 1- ممنوع وضع اكثر من نهاية لكل عضو 2- ممنوع حد من اللى مذكورين اعلاه المشاركة .. 3- مدة المسابقة اسبوع .. لكل قصة 4- سيتم وضع اسماء الفائزين كل اسبوع فى المشاركة الاولى من الموضوع 5- سيتم اخطار الفائز .. فى رسالة خاصة قبل وضع اسمه فى الموضوع .. 6- القصص مؤلفة مش منقولة .. لا تحاول ان تبحث عنها ^^ 7- الفائزين ثلاثة لكل اسبوع >>الجوائز << 1- الجائزة الاولى لصاحب افضل نهاية .. 50 مشاركة + جرانت نيم (( اديب المنتدى )) + شهادة تقدير ذهبية 2- الجائزة الثانية .. 25 مشاركة + شهادة تقدير فضية 3- الجائزة الثالثة ... شهادة تقدير برونزية فقط و طبعاً اللى هيعمل الشهادات .. De$igner Of The Forum محمد حلمى .. بكده يبقى انتهيت من كل حاجة ... ياريت اللى يخش الموضوع يشارك .. بنهاية مش يمكن عندك موهية و انت متعرفش ... و اسامى لجنة التحكيم هى : امجد محمد - محمد حلمى - مشرفة القسم الادبي ThanWyA UsErNaMo المسابقة فى المشاركة رقم اتنين ((2)) دايماً هتكون فى المشاركة دى .. شهادات التقدير .. الجائزة الاولى : http://a3.sphotos.ak.fbcdn.net/hphot..._2604971_n.jpg الجائزة الثانية .. http://a5.sphotos.ak.fbcdn.net/hphot..._7999593_n.jpg الجائزة الثالثة http://a8.sphotos.ak.fbcdn.net/hphot...314_9534_n.jpg و شكراً لتعاون محمد معايا ^^ بدايتنا من يوم السبت .. 26-3-2011 |
القصة الثانية ..الابطال : مصطفى ... مروة ... ام مصطفى..المدير ... ~ قلت احبك ~ مصطفى .. بكالريوس تجارة ..عاش طول عمره .. نزيه مثال للنشاط .. بيشتغل ليل و نهار .. فى احدى الشركات ..والدته دايماً .. اتحيلت عليه .. يتزوج .. لكنه مكنش لاقى وقت او مكنش حابب انه يقحم نفسه فى الزواج مبكراً .. لكن القدر .. و القلب خالفوا ذلك ... فى مرة كان ماشى رايح شغله .. شاف واحدة جميلة .. تقاربه العمر . منتظره الاتوبيس .. لكن و هى واقفة و كالعاده فى سواقين المينى باص .. واحد كان هيخبطها فقام مصطفى شاددها .. من ذراعها جامد .. فبصيت لمصطفى بقرف .. و ظنت انه يعاكسها .. و عدى الامر .. و راح مصطفى الشغل .. و كان منصبه حلو .. كان سكرتير المدير .. فكان بيدخله اللى مقدمين على شغل فى الشركة .. و هو قاعد كده .. لقى واحده جياله .. بتقدم .. على شغل .. لكنه صدم .. و قال (( دى هى البنت بتاعت المينى باص .. استخبى فين استخبى فين .. هطرد كده )) فهداه امره للدخول الى الحمام .. لكنه و هو داخل نده المدير و قاله .. فى حد هيخشلك دلوقتى اعمله انتر فيو .. و شوفوه ... .. اخينا طبعاً فلم يبرطم بكلام عجيب .. و راح لها .. دى اول ما شفته .. قالتله حضرتك لو سمحت انا عايزة اشتغل هنا .. انا مؤهلاتى كذا كذا .. ركزت فى وجهه كده لمدة دقيقة .. لكنه قطع عليها تركيزها و قالها لا مش انا ! ... فقالتله لا انت .. قالها لا .. مش انا .. قالتله يا مبصبصااااااااااااااااااتى .. و كانت ستتلفظ بألفاظ لولا .. وضع مصطفى يده على فمها .. و قال لها .. هشغلك بس على شرط .. متجبيش سيرة لحد.. قالتله بس اشتغل .. سكرتيرة هنا فى المكتب ده .. قالها طب و انا .. قالتله مهو الاعلان على سكرتيرة .. قالها امرى لله ماشى .. عدى الامور .. و بقى كل يوم قاعدين مع بعض فى وش بعض .. لحد ما بقوا .. زملاء .. و انقلب العداء الى محبة و منها الى حب .. و لكنه حب مروة .. مكنش زى حب مصطفى .. حبها .. بقى يزور اهلها .. و بقى مغرقها فلوس .. لكن مروة بصت لفوق شوية .. بدأت تخش للمدير كتير .. و تظهر معه فى المناسبات .. و اقترحت على المدير بأن ينقل مصطفى فى قسم تانى .. ليخلوا لها المكان .. و مرة فى مرة .. بدأت تعامل مصطفى وحش .. و لكن طيابة مصطفى ..و اول حب له .. خلاه يتغاضى عن كل اللى بيشوفوا .. لكن جه يوم .. و .................................... اكملوا انتم ^^ ... و بخصوص شرط ال 3 اسطر و بعد شكوة الاعضاء .. مش مهم بس متكترش فى النهاية .. |
بليز عايزة اشترك مع حضرتك
|
تماااااااااااام يا أمجد.. بارك الله فيك
و يارب تعجب الاعضاء ^^ |
موضوع جميل .. وفكرتها رائعة جدا ومشاركة معاكم ان شاء الله |
فكرة جميلة ورائعة
انا معاكم باذن الله نفك شوية :blush: |
شكراً لكِ تمنيت المشاركة بشعر يحمل قصة :redface: بورك فيكم |
ممكن ابقى معاكو يا جماعة
انا عاوزة اشترك......... |
بالطبع للجميع حق المشاركة ^^
|
جميل جداا وانا معاهم بس هتبدأ امته:022yb4: وفكرة حط الموضوع ف التوقيع عشان اكبر عدد يشوف الموضوع ياريت نعمل كدااا !!فكرة كويسة انا شفت الموضوع من توقيع محمد حلمي:p:p فدخلت فضول:p لقيت الموضوع جميل فعلا ويستاهل;) شكراا |
موضوع جميل للغاية
وشكرا لانجازات محمد فى الموضوع ومتابعه معاكم باذن الله |
فكرة الموضوع رائعة
وان شاء الله هشارك فيه |
فكرة جميل جدآ
وبآلتوفيق يآرب للجميع تقيبل مروري يــــــــــآرآ عطية |
تمام فكرة حلوة
عايزين مسابقة للشعر |
يا جماعه المسابقة بدأت ... ياريت تحلوا .. مش تقولوا شكراً !
|
| جميع الأوقات بتوقيت GMT +2. الساعة الآن 08:48 AM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.