|
2007 كان بيمثلك ايييييييييه؟؟؟ممكن ترد
هــــــــــــــــــــاى يا شباب
اولا كل سنه وانتو طيبن احنا خلاص على وشك الانتهاء من عــــــــــــــــ 2007 ـــــام وهنبتدى سنه جديده بس احنا عاوزين كل واحد يدخل يقول ايه اللى كان بيحلم بيه السنه دى وحققه وايه اللى معرفشى يحققه السنه دى وايه احلى حاجه حلوة وايه لا قدر الله اوحش حاجه حصلته السنه دى وايه احلامك فى 2008 |
ايه يا جماعة انت مبتحلموش ولا اية؟؟؟؟؟؟؟
|
احسن حاجة ليا افتتاح شركتى الجديدة
وافتتاح فرع جديد فى الكويت العربية وكمان لما اشتغلت فى شركة امريكية الاصل واتعلمت حاجات كثير جدااا اوحش حاجة السنة دى اعمال الشغب السياسية الاخيرة من الشرطة والشعب احلامى 2008 افتتاح فرع ليا فى احد الدول الاوربية احلام كثير النسبة لمصر لكن صعبا شوية ! لكن عموما كل عام وانتم بخير |
موضوع جميل بس احسن حاجه فى هذا العام انى قرات موضوعك |
أنا بقى بالنسبالى هذا العام شهد تخرجى من الجامعه
وبأمل فى 2008 إنى أحقق ولو جزء من أحلامى أولا أخلص جييييييييييييييييييييش مع إن أحلامى صعبه شويه وأملى الأهم نفسى أكون راجع من الجيش الاقى كل البنات منقبات يا سلام على دا لو حصل |
سنة 2007 كانت أصعب سنة مريت بيها طول عمري .. بلاش أقول اللي حصل فيها
اللي بتمناه في السنة الجديدة (2008) اني اجيب مجموع كويس والناس اللي بيحبوني وبحبهم يكونوا بخير و تخلص الحروب اللي في بلاد المسلمين. |
انا بقي كان نفسي اجيب مجموع عالي في تانيه ثاوي لكن محصلش نصيب
ده بقي نص السنه الاول الكبيس لاني قعدت ازاكر كتير وفي الاخر طلع علي مفيش اما نص السنه التاني حلو مفهوش الحمد لله الا مشاكل بسيطه |
شكرا لمروركم الطيب
ويارب تحققوا كل احلامكم وتبقوا فى احسن مكانة |
انا بئة 2007 بالنسبالى كانت سقوط فى كل حاجة
على عكس 2006 الى بالرغم انها كانت قاسية جدا جدا عليا الا انها كان فيها احلى حجات حصلت فى حياتى على كل المستويات وبتمنى فى 2008 انى انجح فى تصحيح مافسد فى 2007 |
اجمل واحلي سنة في عمري
كنت فيها في الثانوية ورغم الفشل الي كنت فيه الا اني اتحديت نفسي ودخلت كلية الصيدلة بس بجد قضيت فيها ايام عمري ما هنساها ابدا والله بجد سنة جميلة جدا الواحد بجد زعلان انها خلصت وهكذا العمر يجري لحظة وكلها لحظات وتودع حياتك بكل ما فيها شكرا جزيلا علي الموضوع الهايل اما بقي اوحش حاجة حصلت لي في السنة الي فاتت دي اني دخلت الكلية بسبب التنسيق في اسيوط احلامي في 2008 اني انقل من فرع اسيوط لمصر واني انجح في السنة الاولي من الجامعه واني اسافر زي كل سنة الي احدي الدول العربية مع والدي واتمني ان ازور دولة قطر الحبيبة الي قلبي واتمني ان ينال المواطن المصري ولو اجزاء بسيطة كمرحلة بداية من كرامته المسلوبة واسف جدا جدا علي التطويل وشكرا مرة اخري |
انا نفسى بجد اجيب مجموع واسعد اهلى الغلبنين دول ويوفق كل الناس ويحققلهم امالهم ياااااااارب قوله امين.........
|
احسن حاجه حصلت ان مصرى جديد كسب جائزه نوبل وهو الدكتور محمد البرادعى
|
اقتباس:
وشكرا على موضوعك |
اوحش حاجه فيها بس ده قضاء من ربنا الحمد لله كان مجموعي
وكمان اكشفت كدب شخص كان مهم في حياتي بس ماثرش عليا لان اللي يكدب عليا يبقي ميستهلش اي احترام مني له اوحتي افتكر ذكري له واللي بتامنه في 2008 طبعا في الاول ان اكون قريبه من ربنا اكتر واجيب مجمع اعلي يفرح اهلي لاني ضيعت فرحتهم في المجمو اللي فات وادخل كليه اللي يكون الخير ليا فيها واتفوق فيها وماما بابا يرحوا الحج وانا اروح عمره شكرا علي الموضوع |
2007 كانت سنة جميلة حبيتها يمكن لانها كانت مش زي اي سنة
عشان مكنتش متوقعة اجيب المجموع دة لاني كنت فاشلة جدا ومبقعدش على كتاب حبة على بعض (ومازال وهو دة اللي مخوفني:() ولاني كنت عارفة ان فيه ناس كتير كانت بتذاكر بضمير عني فكنت بقول ان ربنا بيدي كل واحد على قد اللي عمله وانا قد عملي دة كان يجيب بتاع 80% لكن ربنا ستر اما عن احلامي عامة فانا بحلم على المستوى البعيد ان ربنا يوفقني ف كليتي اللي هادخلها ان شاء الله وتكون الكلية اللي عايزاها واعرف ناس كتير جديدة ويكون ليا اصحاب اكتر وبعدها ربنا يوفقني واشتغل يالهوي هموت واشتغل اما على المستوى البعييييييييييد اوي ان مصر تبقى متقدمة والحضارة الاسلامية بعلمائها وحكامها وتقدمها اللي كانت فيه ترجع تاني |
| جميع الأوقات بتوقيت GMT +2. الساعة الآن 11:13 AM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.