سرقه استماره نجاحي ارجوكم اطلب المساعده
 

استماره نجاحي اتسرقت والتنسيق النهارده وخايفه ان يتم ملئ استماره رغبات بخلاف الاستماره اللي انا هحررها وانا من البحيره تبع قطاع الاسكندريه اروح اجيب مستخرج بدل الاستماره اللي اتسرقت منين واعمل ايه عشان الرقم السري ارجوكم ساعدوني وانا مرحله اولي وياتري هتكون كل المصالح الاداريه التعليميه اجازه النهارده وبكره بالله عليكم ارجوا الرد والمساعده

اتسرقت ازاى يعنى اتسرقت كاستمارة بذاتها ولا كارقام ولا ايه ؟
بص انت تتصل بالرقم ده 19468 ب وتسالهم تعمل ايه فى الموضوع ده وبعد ماتحل المشكلة باذن الله تبقى برده تدخل من وقت لوقت تتاكد من الرغبات اللى انت حطتها وربنا معاك ويوفك باذن الله

شكرا لردودكم اولا
انا سحبت الملف بتاعي من المدرسه فيه استماره نجاحي وشهاده ميلادي واللي اخدوه بيسوموا بابا عليه وللابتزاز المادي وانا عاوزه اعرف هروح استخرج من القطاع اللي انا تابعه ليه وياتري هتطلع في نفس اليوم وياتري مدرسه ليسيه الحريه بالاسكندريه فيها عمل النهارده ولا لا ارجوكم فيدوني
وهل مطلوب صور او مستندات تانيه اللي يعرف حاجه ارجوكم فيدوني وساعدوني

متقلقيش الموضوع مش مشكلة كبيرة و لا حاجة و انا مقدر خوفك و اعتقد ان حضرتك بتكلمي الرقم بتاع التنسيق و هما هيفيدوكي اكيد و الباب مفتوح لغاية يوم الاربعاء
هم حتي بيطلبوا من الطالب اللي شاكك ان رقمه السري اتعرف انه يتصل بيهم علشان يغيره
و اعتقد بخصوص استمارة النجاح حضرتك تقدري تروحي المدرسة و تحكيلهم اللي حصل و هما هيساعدوكي

بس سؤال ازاي الملف اتسرق؟ اعتقد ان الموضوع خطير و ما اعتقدش ان حرامي هيفهم في التنسيق حاجه

و ربنا معاكي

ده ملف وعربيه بابا وفلوس والموبايل بس الحمد لله علي كل حال وراضين بقضاء ربنا بس اهم حاجه دلوقت اللي شاغلنا التنسيق وشكرا لكل من اهتم ورد عليا وطمني

واوراق كل حاجه تخصنا والاصل كمان كل حاجه بس برضو الحمد لله

بس انا اتصلت بالرقم 19468 بوابه الحكومه الالكترونيه وده اللي سمعته وبعد كده مفيش اي حاجه

قدر الله و ما شاء فعل

و بإذن الله يتقبض عليهم في اسرع وقت و كل حاجه ترجع للاسف معدتش في امان
و بخصوص رقم بوابة الحكومة انا كلمتهم قبل كده بس يوم الخميس و هتجيلك رسالة صوتية و بعدين تختاري خدمات التنسيق و بعد كده بيحولوكي جربي معاهم برضه و لو مردوش يبقي استني كمان ساعتين كده
و ربنا معاكم

بجد شكرا لمساعدتكم جدا وعاجزه عن الشكر وجزاكم الله كل خير وان شاء الله ربنا يقدم اللي فيه الخير اللهم امين دعواتكم بالله عليكم

ربنا يعينكم و يخرجكم من هذه المشكلة علي خير و يصبركم و يرجعلكم حقكم

اللهم آمين