2ثانوى اجمع هنا
 

السلام عليكم ورحمة الله وبركاته
كل سنة وانتو طيبين ايه اخبار الثانوية العامة مع رمضان هل بداتوا دروس ولا لسة
ممكن كل واحد بدا مادة يقولنا هى ايه وايه رايوا فيها واول يوم كان عامل ازى وايه الخطوات اللى ناوى يذاكر بيها المادة:friendsxs3:

انا بدات رياضيات وبدانا مثلثات والمدرس طلب كتاب .لامى مسائل ورحت المكتبة لقيت الكتاب جه وخلص كان مصر كلها ثانوية عامة
بس المستر ادينا شوية مسائل كدة احتياطى حليتهم والله المستعان
فى انتظار ردودكم

ايه دا يا دعاء انتِ ف تانية ثانوى ؟

مفاجئة دى كنت فا****ى ف اولى

انا بدأت مثلثات برده بس كانت مراجعة و لسة الاسبوع الجاى هابدأ الباقى

السلام عليكم .
انا الحمد الله بدأت انجليزي ومتفاءلة جداا
خدت لغايت دلوقتي حصتين والمستر بدأ بـ unit one خلصنا الكلمات والملاحظات اللغوية اللي بتبقا عليها
وجزء صغير من الجرامار لان جرامار الوحدة دي كتييير اوي بس سهل وحاجات بسيطة اوووي اللي جديدة علينا
طريقة المذاكرة سهلة اول حاجة نحفظ الكلمات بالقلم والورقة وشفوي وكل الطرق الممكنة ونذاكر الملاحظات اللغوية اللي بتبقا بعد الكلمات ونعرف الفرق بين كل كلمة و نفهم الجرامار ونحل ... ان شاء الله بكرا هبدأ احيااء وبعده رياضيات ..

انا بردو بدأت رياضة وبدأت مثلثات وكانت مراجعة وانشاء الله الاسبوع اللي جاي هنبدأ بقي وبدأت انجليزي كمان بس كانت حصة تعارف كدة والحصة الجاية هنبدا في يونت وان

متشكرة جدا على تفاعلكم
انا انهردة اخذت اول حصة كيكيا والمستر بدا بالرموز والصيغ ومعادلات والحصة اللى جاية ان شاء الله اول باب
وبدات عربى وكانت حصة لذيذةاخدنا نحو لاالنافية للجنس وكانت سهلة وفصل قصة وكانت يعنى اصلى انا مش بحب القصة عامة
بس انشاء الله سنة سعيدة علينا كلنا فى اولها واخرها
وكل اللى ياخد مادة يدخل يقول انطباعه ولوحد قابلتة مشكلة لقدر الله بردوا نحاول نحلها مع بعض

عادى لوانت عايزها اولى نمشيها اولى بس خلاص يابنتى ادبسنا
بس انا تانية ان شاء الله وعلمى علوم وان شاء الله دكتورة كدة ماشى ياباش مهندسة انشاء الله
وسعدت بمرورك

ربنا يقويك ويوفقك انشاء الله يادكتورة وقوللنا هتملى ايه فى درس الاحياء
اشكلاك على الاهتمام

شكرا على مرورك يا دوك وقولنا ايه رايك فى الانجليزى والمستر هيقولك ذاكرو ازى عشان انا هبد ا بعد العيد

انا بدأت حصة كيمي
اخدت حصتين لغاية دلوقتي
سهلة اوووووووووي على فكرة
الفكرة كلها اني اول ما ارجع من الكورس امسك المذكرة واقرا اللي اخدناه
بلاقي كل حاجة واضحة وصريحة ( ^ ^ )
المهم لو في دماغ بقى بحفظهم في ساعتها
مفيش ببقى اخليه لمرة تانية

زاكى الله خير على المرور وربنا يوفقك ويوفقناوهو ده اللى احنا عايزينه لاتؤجل عمل اليوم الى الغد

انا بدأت حصة احيااء بجد علفكرة كانت حصة راااائعة ولما جي اذاكر لقيت نفسي فاهمة كل حاجة
صدقوووني مش زي ما ناس كتيير فاهمة ان لاحياء حفظ وندخل الامتحان نطلع اللي حفظناه ونخرررج لاااا
دي محتاااجة فهم جداااا فهم كل جزيئية في المنهج لازم تتفهم كووويس وبعدين تتحفظ اما الرياضيات فانا متفاءلة بردو بييه جداا لان المستر قالنا هنخلص المنهج يوم 15\1 يعني يعني هنفضل نراجع اربع شهور ونص ..
توقعاته ان الامتحانات السنادي هتيجي صعبة جدا جدا جدا عشان لازم تيجي على تالتة صعبة عشان ينزلوا التنسيق فمينفعش يعملوا تانية سهلة وتالتة صعبة وعلفكرة المستر دا دااايما توقعاااته بتصيب حتى في الامتحانات ومسااءله ..
الرياضيات عبارة عن بابين جبر وبابين تفاضل وبابين حساب مثلثات واكبر باب هو الباب الاول من الجبر ...

طريقة المذاكرة : بالنسبة للاحياء انا فهمتها من المستر وبعدين حفظتها وقعدت احل اسئلة كتاب الامتحان اسئلة كتييير جداااا بس اهم نقطة اني بحلها كتااابة حتى لو السؤال متكرر بس لما جيت احل اسئلة كتاب الاول تعبت اوي وبقيت احل شفوي بس علفكرة كتاب الاول 2500 سؤال كتاب اسئلته فنية جدااا ومهمة جدااا لان اسئلة كتاب الامتحان معظمها من كتاب المدرسة او من دليل التقويم ومفيهوش اسئلة فنية كتيير دا لغايت دلوقتي ...
كتاب الاول دا في منه كيمياء بردو وفيزياء وميكانيكا تقريبا كمان ... :)
بعتذر اني طولت عليكوا ويارب اكون افدتكوا

والسلام عليكم ،،

بعتذر اني طولت عليكوا ويارب اكون افدتكوا

لا خالص انتى نورتينا وربنا يوفقك عشان احنا عايزين دكاترة كتير من المنتدى عشان نكون صحاب :friendsxs3:و ربنا معاكى

انا خايفه
اعمل ايه
انا مبدأتش دروس
ومش هبدأ دلوقتي؟؟
اذاكر ازاي

طيب هو اني حجزتي الدروس يعني بس ميعادها لسه مش بدأ ولا ايه ؟