استفسار بخصوص كلية اللغات والترجمة
السلام عليكم ورحمة الله وبركاتة
عندي بعض الاسئلة المتعلقة بكلية اللغات والترجمة - الازهر لان اختى تتمنى من الله هذة الكلية القيمة واتمنى ان تجيبوني عليها وجزاكم الله كل خير هل يشترط للتقدم في كلية اللغات والترجمة (من خريجي الثانوية العامة ) ان تكون اللغة الثانية هي الفرنسي يعني مثلا لو اللغة الاولى انجليزي والثانية الماني هل ممكن التقدم لقسم اللغة الانجليزية ؟؟؟؟ ما هي اخر نسبة اشترطتها الكلية للبنات المتقدمات من الثانوية العامة ( العام الماضي) ؟؟؟ ما هي اخر درجات تشترط الكلية الحصول عليها ( العام الماضي) في اللغة الاجنبية الاولى والثانية ؟؟؟؟ اخيرا اين تقع هذة الكلية وهل لها مصروفات دراسية مرتفعة وكيف يتم التقدم لها ؟؟؟ |
للأسف مش أعرف أجاوب غير ع السؤال الاخير
وهو ان كلية لغات وترجمة فى القاهرة مدينة نصر سواء انجليزى او المانى فرنساوى تركى اسبانى عبرى ويوجد لغات انجليزى فقط فى العاشر من رمضان وف طيبة الاقصر وفى تفهنا الاشراف اما باقى الاقسام فى القاهرة فقط بالنسبة للمصروفات عادية جدا يعنى تمن الكتب زائد مصاريف الكلية العادية 30 جنية او حاجة زى كدة دا بالنسبة لطلبة الازهر مش عارفة فيه شروط ايه للتربية والتعليم تقديم الورق لطلبة الازهر فى كلية الدراسات الاسلامية للبنات فى اسكندرية... وبخصوص اللغة الفرنسية اعتقد انها شرط لو هتدخل فرنساوى لاننا فى العلمى فى الازهر ممكن ندخل انجليزى واحنا ما اخدناش اصلا فرنساوى للاسف مش عندى معلومات تانية واتمنى اكون افدتكم........ فى رعاية الله |
أنا فى لغات وترجمة لو احتاجتوا حاجة ......
|
جزاكي الله كل خير على المعلومة
بس يا ريت لو حد يقدر يفيدني ويجاوبني اكون شااااكر لان المعلومات دي انا محتاجها ضروري جداااااااااا |
السلام عليكم ورحمة الله وبركاته للأسف أنا أعرف ان طلبة الثانوية العامة من شروط تقديمهم في الكلية دى لازم تكون الغة الثانية فرنساوى البنت اللي عرفت منها كده كانت ثانوى عام وراحت تقدم لقت الشرط ده مكتوب على دوسية التقديم فللاسف ما دخلتهاش لانها كانت واخدة المانى في الثانوية ده اللى اعرفه ومتأكده منه وربنا ييسر لها اللى فيه الخير |
لا الة الا الله
|
لو كان العلم دون التقى شرف ........ لكان اشرف خلق الله ابليس
|
استفسار
ابنتى ثانوية ازهرية ادبى بمجموع 85% ماهى الكليات بجامعة الازهر التى يمكنها دخولها وهل هناك شروط لدخولها تربية اسلامية قسم صحافة واعلام
|
لو سمحت هى الكلية ممكن ولد من الثانويىة الغعامة العادية يخشها ولا ايه
|
لزهرة الاسلام
السلام عليكم يا زهرة الاسلام . انا معايا اداب انجليزى من جامعة المنصورة سنة 2001 تقدير مقبول و كنت ثانوية عامة عادية مش ازهرى و كنت عايزة اسأل اذا كنت اقدر اقدم فى كلية اللغات و الترجمة التى توجد بتفهنا الأشراف دى و لا لأ و ايه هى اقسام الكلية و اذا كان بها قسم للترجمة الفورية و هل ممكن اقدر اكمل بعد الدراسة اذاقبلت يعنى اكمل ماجستير و دكتوراه و لا لأ ... الايميل jassyjoy80*********** و شكرا على المجهود و انا اسفة اذا كنت ازعجتك .
|
الايميل الخاص بى هو ( jassyjoe80***********
|
معلش يا زهرة الاسلام الايميل مش واضح ممكن ترد عليا داخل المنتدى
|
انا ادبى ممكن اعرف تنسيق لغات وترجمه ايه
وليها شروط ولا عادى |
ازيكم يا شباب انا اخوكم وضاح طالب في كلية اللغات والترجمه قسم فوري الفرقه التمهيديه
الحقيقه انا يشرفني اني اساعدك لو اقدر في اي معلومات تطلبوها علي ايميلي wadahfadl الايميل علي الياهو طبعا |
إلى العضوةjassyjoe معذرة لأنى مش دخلت المنتدى من زماااان
وأنا بعتلك رسالة ع الخاص أتمنى أكون أفدتك فيها |
سلام عليكم لو سمحتم يا جماعة اريد التواصل مع اي حد منكم يعرفني على نظام الدراسات العليا في لغات وترجمة انجليزى وهذا هو الايميل mahmoudabbas29 وهو علي الياهو طبعاوعلي فكرة انا معيد بجامعة سيناء
|
السلام عليكم انا اختى فى كلية اللغات والترجمه تمهيدى ترجمه فورى انجليزى
بس هيه خايفه اوى هى كانت الاولى فى الثانويه بتقدير 93% هى خايفه من الكليه ومن اللغه اوى يا ريت تنصحوها واتمنى الاخ وضاح يقول تجربته وادعلها كتييييييييييييييييييير وادعولى سلام |
في الحقيقه يا اختي يا غاليه في اول الدراسه احنا اتدمرنا نفسيا بس ده كان متوقع لاننا كن سامعين الكلام ده قبل ما ندخل
بس كتير من زملائي وقفو عند الموقف ده ولحد دلوقتي مش فاهمين حاجه انما انا والحمد لله قدرت اني اسمع الدكاتره بتقول ايه وخصوصا الكلمات المكرره وبقيت بابحث عن الكلمات دي في القاموس وباحفظها وشوية بشويه بقينا بنفهم 75% من المحاضره لو مكانش 100% كمان ده حتي في دكاتره لما لقونا بنفهمهم كده بيفكرو يتكلمو عبري (همه عايزننا نبقي حمير وخلاص) هههههههههههههه المهم دلوقتي وصلت لمرحلة متقدمة اني باذاكر لوحدي من الكتاب من غير شرح ومن غير محاضرات وحصلت علي كمية كويسه جدا من الكلمات من اول السنه لدرجه ان اصعب الكتب بقيت باقراها من غير ماترجم كلمات الا بسيط والله وعموما الحمد لله علي كل حال بس المهم النتيجه اخر السنه تكون زي الكلام ده ادعولي يا صحابي ولو عايزين اي مساعده انا بافتح كل يوم (كل يوم .كل يوم) من المغرب للعشاء حتي يوم الجمعه ايميلي وضاح فضل(wadahfadl)علي الياهو طبعا اي خدمه يا اخت ريانه الجنه |
اقتباس:
على فكرة بقا أصعب سنة فى القسم ( الترجمة الفورية ) هى التمهيدى شد حيلك يا مان وربنا معاك |
اقتباس:
|
الشده علي الله بس ادعووووووووووووووووووولي
|
هل ممكن احول من من كلية الغات والترجمة بالازهر الى كلية عامة
|
افيدونا افادكم الله انا خريج تربيه فرنسى جامعه ازهر ياترى ينفع اكمل دراسه فى لغات وترجمه ولا لا؟
اى حد جامعه ازهر ياريت يستفسرلنا من شؤن الطلبه بكليه تربيه وجزاكم الله خير فى انتظار الرد |
السلام عليكم ورحمة الله وبركاته
انا طالب فى كلية اللغات والترجمه قسم الترجمه الفوريه اللغه الانجليزيه الفرقه الثانيه لمن يريد الاستفسار عن اى مشكله باذن الله نقدر نرد عليه |
وهذا اميلى لمن يريد معرفة اى شى فى الكليهfathy_samir2020
|
استفسار
ياريت حد يرد على ضرورى انا خريجة كلية سياحه وفنادق ونفسى اكمل فى لغات وترجمه ياريت لو حد يعرف الشروط وكمان كنت عايزه اعرف فروع الكليه غير القاهره يعنى لو فى فى الاسكندريه
|
اقتباس:
انا سألت في الشؤون عندنا قالو لا انما سمعت كده تخاطيف كلام من بعيد قوي جدا خالص انه ينفع للبنات ازاااااااااااااااااي ماعرفش وربنا يستر علينا وزي ما قلنا قبل كده كله بيمشي بالكووووووووووووووسه اما عن الفروع انا عن نفسي ما اعرفش غير فرعين الاول في كايرو والتاني في طيبه بالاقصر wadahfadl yahoo |
ممكن استفسار وحد يجاوبنى عليه لو سمحتم؟
انا عايز ادخل لغات وترجمه قسم المانى هل يشترط درجه معينه فى الانجليزى؟ وياريت حد يجاوبنى فى اسرع وقت وشاكر جدا. <احمد ابراهيم> |
لا طبعا مش شرط
|
ياريت اي حد يعرف جدول محاضرات الترم الثاني اولى انجليزي جامعة الازهر يخبرني
|
هيا الكلية دى للبنات بس ؟؟
|
شباب الثانويه من يريد المساعدة منكم او استفسار فليضعه في تعليق وسيتم الرد عليه سواء انا او احدي زملائي او زميلاتي
ولمن يريد التواصل wadahfadl yahoo.com |
شكرررررررررررررررررررررررررررررررررررررررررررراااا اااااااااااااااااا
|
مشكووووووووووووووووووووووووووووووووور
|
انا خريجة لغات وترجمة جامعة الازهر فرع تفهنا الاشراف عام 2009 وتقديرى العام جيد جدا بس للاسف لسة مشتغلتش ماعلينا الى محتاج اى استفسار ممكن يسال وباذن اللة افيدة وربنا يوفق الجميع وفعلا اصعب سنة هى تمهيدى يعنى الى فى تمهيدى مايياس خالص
|
ايوة يااحمد يشطرط الى يدخل لغات لازم يكونجايب مجموع فى الانجليزى حتى لو هيدخل قسم المانى بس على فكرة المجموع مابيبقاش كبير على ايامنا الشرط ان لازم تكون جايب مجموع فى النجليزى بنسبة 75 / بس دلوقتى معرفش كم
|
فروع كلية اللغات فى القاهرة وتفهنا الاشراف دقهلية بس على خط الزقازيق والعاشر من رمضان وطيبة فى الاقصر وكل واحد تابع للمحافظة بتعتة او الاصح وجه بحرى ولا قبلى
|
ارجو الافادة ضروري
انا طالبة في ثانوي عام قسم ادبي و عايزة ادخل كلية لغات الازهرية ممكن اعرف ايه الشروط؟؟و المكان؟؟و المجموع كام؟؟ |
ربنا يوفق الجميع
|
لما التنسيق ينزل ياقارئة الفرقان تيتابعية وتشوفى المجموع بتاع الى ثانوى عام اية بس ماتالييش خالص هو التنسيق بيتاخر شوية
|
السلام عليكم يا جماعة انا كنت عايزة بس استفسر عن كلية اللغات والترجمة دي علشان بيقولولي انها كويسة بس انا مش عارفة ايه المطلوب مني اعملة علشان اقدم فيها واية اقسامها واي واحد فيها افضل اريد الافادة منكم ضروري افادكم الله مع العلم اني انا خلصت ثانوي عام وجبت 89% ولكم جزيل الشكر
|
ارجوكم يا جماعة حد يرد عليا ويفيدني
|
السلام عليكم
انا طالب في كلية اللغات والترجمة سنة ثانيه مبدأيا مبدا التحويل من العام للازهر في كلية اللغات موجود ومتفق عليه للبنات فقط وليس للبنين حق التحويل ثانيا شروط الالتحاق بالكليات انا مش اعرفها بالضبط بس لازم يكون المجموع في المجمل عالي ودرجة الانجليزي عاليه جداااا ثالثا بخصوص المواد بيكون اغلبها عن القسم بمعني مواد زي قواعد وانواع تراجم كتيييييييييير ولغويات ومسرحيات وادب انجليزي وحاجات تانيه كتيييييييييير بس طبعا ده كله مش في سنة واحده ده متقسم عالخمس سنين رابعا الكلية ليها 4 فروع 1- تفهنا دقهلية 2-مدينة نصر القاهره 3- العاشر من رمضان شرقية 4- طيبة الاقصر خامسا للي في ثانوي عام افضل انهم يروحو اليومين دول مش عشان يقدمو ولكن عشان يعرفو هم ينفع يقدمو وللا لا بالعربي الشروط بتاعة القسم هتمشي عليهم وللا لا سادسا للي في الازهر التنسيق كل سنة بيكون غبي ومكار بس البنات العلمي بيكون اعلي من 90 والادبي بيكون من 85-90 اما الولاد فده بالحظ لانه في سنتي انا اللي هي قبل اللي فاتت كان التنسيق من 87 والسنة اللي فاتت كان من 67 يعني مالهوش امان ( نظام الدراسه) نبدا بالشرعي واللغوي عشان خايفين منه في تمهيدي مفيش لا شرعي ولا لغوي ولا قران من اولي لرابعة بتاخد مادتين لغوي ومادتين شرعي في كل سنة والقران كل سنة خمس اجزاء مواد الانجليزي بقي في المجمل بتدور حوالين الترجمة والقواعد والمسرحيات والادب والشعر والصوتيات واللغويات وانواع تراجم كتييييييييييييييييير كلهم متقسمين عالخمس سنين طبعا في تمهيدي 7 مواد بس السنة كلها كل سنة 12 مادة شامله الانجليزي واللغوي والشرعي والقران متقسمين عالترمين ارجو اكون افادتكم اخوكم وضاح فضل |
يا جماعه افيدونا والله انا محتاره جدا
|
انا ممكن افيدكم في نظام الدراسه بس المعادله لا
اليومين دول انا عرفت معلومه جديده وهي ان المعاده بتكون بعد تنسيق الازهر لما يبان يعني لسه بدرررررررررررررررررررررررررري قوي لان تنيسقنا بيظهر في شهر 9 المعادلة بتتعمل في المدينة الجامعية مش في الكلية والمدينة قدام الكلية يعني مش فرقت كتير انا باحاول اجتهد عشان اوصل لمعلومات وده علي قد ماقدر بس يا ريت لو في اخت زميلة تقدر تفيدكم اكتر مني اكيد وضاح فضل |
هو مينفعش اني ادخلها من ثانوي عاام عادي مش لغات ولا ازهر؟؟؟
ومجموعها يبكون في حدود ايه لو من ادبي؟؟؟ ياربت تفيدوووني |
شروط قبول طالبات الثانوية العامة الراغبات فى الالتحاق بجامعة الازهر الطالبات الحاصلات على الشهادة الثانوية العامة يقتصر على الطالبات فقط للالتحاق بشعبة اللغات الاوروبية و آدابها و الترجمة الفورية بقسميها ( الانجليزيه و الفرنسية ) بكلية الدراسات الانسانية للبنات بالقاهرة و البنات الازهرية بطيبة الجديدة و العاشر من رمضان و كلية الدراسات الانسانية بتفهنا الاشراف دقهلية ( انجليزى فقط) للعام الجامعة 2011/2012 تقبل شعبة اللغات الاوروبية و آدابها و الترجمة الفورية القسمين العلمى و الادبى بنسبة لا تقل عن 85% من المجموع الكلى بالنسبة للغة الانجليزيه الاولى و85% مجموع اللغة الانجليزية . اما بالنسبة لقسم اللغة الفرنسية يقبل القسمين الادبى و العلمى و بنسبة لا تقل عن 75% من المحموع الكلى للدرجات و تحتسب درجة نجاح مادة المستوى الخاص فى اللغة الانجليزية الاولى ان وجدت ضمن درجات المجموع الكلى للطالبه وان تكون اللغتان الاجنبيتان اللتان درستهما الطالبة فى شهادة الثانوية العامة هما بالتحديد الفرنسية و الانجليزية و الا تقل الدرجة الحاصل عليها الطالبة فى مادة اللغة الاجنبية الاولى ( اللغة الفرنسية) عن 80% على الاقل من النهاية العظمى المخصصة لها المصدر :موقع جامعة الازهر منقول بالنص |
هل لازم تكون اللغة الثانية فرنساوى علما بانى طالبة فى ثانوية عامة وكنت واخدة اللغة الثانية ايطالى وياريت اى حد يعرف ميعاد التقديم فيها امتى وبتقبل من كام ونفسى ادخل فيها قسم لغات وترجمة انجليزى ومجموع الانجليزى شرط
|
بالنسبه للطالبات الحاصلات على الثانويه العامه و عاوزين يدخلوا كلية الدراسات الانسانيه قسم الترجمه الفوريه لغه انجليزيه هل لازم يكون المستوى الرفيع انجلييزى.........وانا جايبه 89%و 42,5 ف الانجلش و الفرنساوى 43.....ارجو الرد بسرررررررررررررعه لأن التقديم بكررررررررره....وجزاكم الله خيرا
|
الكلام واضح يا اخت والمستوي بينحسب علي المجموع
اما نسبة ال85% فدي بالضبط لازم تكوني جايبة مجموع42.5 في الانجلش او اكتر التقديم اخره 18/8 بسرعة كده يادوب تلحقي نفسك وان شاء الله تنضمي للكلية |
جميع الأوقات بتوقيت GMT +2. الساعة الآن 12:06 AM. |
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.