|
طرائف ديناصورية
بسم الله الرحمن الرحيم انقسمت اراء العلماء حول السبب الحقيقى فى انقراض الديناصورات فهناك فريق يرجح اصطدام احد النيازك بالارض مما ادى الى انفجار رهيب غطى غباره على ضوء الشمس فماتت كل النباتات ولم تجد الديناصورات ماتاكله فماتت هى الاخرى بالتالى... وفريق اخر يؤكد حدوث نشاط بركانى على الارض ادى الى اختفاء الديناصورات وفريق ثالث يرجح سبب انقراض الديناصورات الى حدوث ارتفاع هائل و مفاجئ فى درجة الحرارة على سطح الارض مما اضر ضررا شديدا بالحياة عليها و بالتالى ماتت الديناصورات كلها و عاشت فقط الحيوانات الصغيرة باختبائها فى الجحور طبعا الموضو اسمه طرائف ديناصورية يعنى حتبقى معلومات خفيفة و لطيفة و صغيرة و على حلقات او على اجزاء يعنى كل يوم معلومة مثلا ارجو ان ينال الموضوع اعجابكم |
أدينا مستنين
|
طرائف ديناصورية
طيب نكمل حبة معلومات خفيفة جدا و مش معقدة
كانت الدناصورات تعيش فى العصر الجوراسى الذى بعد مرحلة تكوين الارض.. *********** فى العصر الجوراسى -عصر الديناصورات- كانت القارات قريبة من بعضها فكان البحر المتوسط عبارة عن بحيرة صغيرة اما المحيط الاطلنطى فكان فى نصف حجمه الحالى و كانت اجزاء من القارات الحالية تقع تحت سطح البحر اما الجو فى جذا العصر فكان رطبا و دافئا *********** وفى عصر الديناصورات ايضا تشكلت المعادن و الصخور البترولية و بدات الاسماك و الزواحف فى الظهور و كذلك بعض النباتات كما ظهرت البراكين للمرة الاولى |
اقتباس:
ده شئ يشرفنى ان فى حد متابع :d |
طرائف ديناصورية
طيب برده نكمل بحبة معلومات خفيفة بس مفيدة
لم تكن الديناصورات حيوانات ذكية وكان لها امخاخ صغيرة للغاية مقارنة باجسامها الضخمة..فعلى الرغم من وصول وزن الجسم الى عدة اطنان لم يكن وزن المخ يتعدى النصف كيلو او اقل (سؤالى)(معنى الكلام ده ان الذكاء كان بيحدد عن طريق المخ كبير ولا صغير و دى نظرية قديمة العلماء وضعوا اسس اخرى بدلا منها ولا انا غلطانة اذا الكلام ده عجيب شوية ) ************** كانت الديناصورات تضع البيض وكان بيضها اشبه ببيض النعام او اصغر قليلا فكانت البيضة الواحدة لا يتعدى طولها 20 سم فقط ************** لو حد عنده اجابه على سؤالى يقول و شكرا :d |
والله وحشتنا موضوعاتك جدا بس ياريت تكتبي في العنوان متجدد عشان الناس تعرف
وانا متابع |
جميل أوووى موضوعك وياريت تستمرى فيه لكن بالنسبه لسؤالك ! بجد مش عارف بس بيتهيألى إن حجم المخ عمره ما يحدد مستوى الذكاء وإلا كانت بقت الجموسه من أذكى المخلوقات ما مخها بيوزن كام كيلو :d |
شكرا على الموضوع الجميل وانا متابع
|
اقتباس:
الله يخليك شكرا معلش غبت شوية عن القسم عشان المذاكرة و كده فدخولى قليل شوية بس انشاء الله ححاول اكمل طول ما النت شغال عندنا :d اوك حاضر حبقى اكتب بس مش عارفة كلمة متجدد دى مش بتريحنى :huh: يشرفنى انك متابع وشكرا لمشاركتك:d |
اقتباس:
شكرا على المشاركة و رؤيتك للموضوع :d:d |
اقتباس:
شكرا لمتابعتك ده شئ يشرفنى وانشاء الله حاحاول اكمل باستمرار شكرا للمشاركة و المتابعة :) |
طرائف ديناصورية
نكمل بحبة معلومات كمان خفيفة خالص
تتكون كلمة ديناصور من جزئين (دينوص deinos ) وتعنى الرهيب و كلمة (صوروس sauros) وتعنى السحلية قام العالم الانجليزى "ريتشارد اوين" بتسمية الديناصورات باسمها سنة 1841 *************** اكتشف العلماء 600 نوع من الديناصورات هناك انواع منها تاكل الاعشاب و النباتات و هى الاكبر حجما و انواع اخرى تاكل اللحوم *************** اكبر الديناصورت المكتشفة كان طوله 30 مترا (نباتى) اما الديناصورات اكله اللحوم فيصل طول الواحد منها 10 امتار *************** اصغر ديناصور كان اسمه "كومسوجناسوس" وكان طوله لا يتعدى ال 60 سم و قد عاش فى بافاريا بالمانيا خلال العصر الجوراسى وانتظرونا فى الحلقة القادمة :d |
ديناصورات السينما..فوتوجينيك
الحلقة القادمة جت بسرعة صح :d
لنتعرف على اهم الافلام التى راينا فيها الديناصورت على الشاشة الكبيرة فى فيلم dinosaurus او الديناصورات وهو فيلم ملون انتج سنة 1960 و يتقاسم البطولة فيه "وارد رامسى" و "كريستينا هانون" نشاهد فيه قصة ديناصورين متوحشين كانا لا يزالان يعيشان فى المنطقة الاستوائية و يهاجمان افراد بعثة علمية جاءت الى تلك المنطقة للكشف عن البترول اما عن العلاقة الجميلة بين الديناصور و الانسان - وهى بالمناسبة علاقة كلها خيال لان الديناصور لم يلتقى ابدا بالانسان - ظهرت هذة العلاقة الجميلة من خلال فيلم baby dinosaur (the secret of the lost legend ) (سر الاسطورة المفقودة) الديناصور الصغير الذى انتج عام 1985و فيه يقوم البطل و البطلة " وليام كات" و "شين يانج" بتبنى احد الديناصورات الصغيرة و تنشا بينهما علاقة حب و ابوة وود تشبه العلاقة الودية بين الانسان و المخلوق الغريب فى فيلم (اى تي ) الحلقات القادمة حلوة اوى بجد انشاء الله حتعجبكوا |
موضوع جميل يا ايرث
بس السؤال بتاعك اقتباس:
يعنى الحيوان اللى مخه كبير زى القرد مثلا بيبقى اذكى من الحيوان الاخر اللى مخه اصغر وهكذا وذكاء الحيوان ده بيبان فى تصرفات الحيوان زى القرد مثلا لما يقلد الانسان وكده فهو يعتبر نسبة ذكاءة عالية بالنسبة للحيوانات بس الكلام ده مش بينطبق على الانسان لان الانسان ربنا ميزه بالعقل والعقل ده معناه ان المخ حجمه مش كبير اوى بس يقدر يقوم بعمليات معقدة جدااا زى الادراك والتفكير والاحساس والحب والابداع وعلشان الحيوان يصل لدرجة زكاء الانسان بنفس تركيبة المخ بتاعه يبقى محتاج مخ حجمه عملاق سبحان الله ملحوظة مخ الانسان تقريبا يساوى مخ القرد |
اقتباس:
يا سلام على الرد :d بجد شكرررررررررررررررررررررررررررررررررررررررررررررررر ا رد رائع ومفسر تسلم بس معلش فى سؤال هل معنى كده انا الجاموسة ذكية تبعا لمواصفات الذكاء الحيوانى :mellow: و يشرفنى وجودك فى موضوعى |
الموضوع جميل ومتابعه ان شاء الله
|
اقتباس:
على العموم الجاموسة مش زكية ولا حاجة بالنسبة لتصنيف الحيوانات لان مخها صغير مقارنة مثلا بمخ القرد ومش شرط ان الحاجة اللى جسمها كبير يبقى مخها كبير والدليل على كده ان الديناصور كان جسمه مثلا اكبر من جسم القرد مئات المرات ومع ذلك مخه كان اصغر من مخ القرد وممكن تتاكدى من الكلام ده بنفسك |
اقتباس:
فعلا الموضوع بقى مفيد جدا كده شكرا على المساعدة فى الفهم :) |
اقتباس:
شكرا ليكى على المتابعة و المشاركة الحمد لله ان الموضوع عجبك :d |
موضوع جاامد ومعلوات الديناصورات دى قيمة فعلا وانتى عضوة غالية علينا....هو رد سؤالك زى ماقال احمدوكلامة مظبوط بس مش عارف حكاية ان الذاء بيتقاس بمخ الحيوان دى مش بالحجم خالص وزى ماقال بردو انا الانسان عشان ربنا ميزة بالعقل...
بالنسبة للديناصورات حجمها كبير ومخها صغير وعندها حاسة شم قوية جدااا على ما اعتقد.. وفى حاجة اسمها الانسان القزم احنا عارفينة بيبقى نصف او تلت حجم الانسان العادى وبيمتاز بذكاء رهيب فهى عمرها ماكانت بالحجم خالص ...وشكرا لموضوعك الجميل |
منتظرين بقيه المعلومات
فى رعايه الله |
نسيت اقول ن الموضوع فى غايه الاثاره والتشويق
وانا معاكى ياقمر فى رعايه الله |
اقتباس:
لو قريت فى اى كتاب علمى عن العلاقة بين ذكاء الحيوان وحجم مخه هتلاقى ان كل لما كبر مخ الحيوان كل ما زاد زكائة ولو انت تعرف القرد والغوريلا والشمبانزى والبابون اللى بيتميزوا بكبر حجم المخ خدهم كمثال وقارن بينهم وبين ذكاء الخروف او الماعز او الجاموسة اللى بيتميزوا بصغر حجم مخهم وبالنسبة لحتة الانسان القزم اولا انا مجبتش سيرة علاقة ذكاء الانسان بحجم مخه انا قلت الحيوان وثانية عمر فى انسان حجم مخه نصف او تلت الحجم الطبيعى وهيبقى ذكى لانه اكيد هيبقى معاق وياريت تتاكد الاول من الكلام اللى بتقوله |
والله انا مابقولش كلام من دماغى زى ماانت بتجيب الكلام من النت ومن مواقع انا نفس الكلام بردو ...
مانت قولت عشان الحيوان يوصل لذكاء الانسان يبقى محتاج مخ عملاق هو الذكاء فى المخ ... ولا فى العقل طيب ممكن اسألك سؤال وتجاوبنى عليه من دماغك من غر ما تروح تدور فى اى حاجة هو العقل موجود فين ده لوانا كمان بقول كلام من دماغى زيك... |
اقتباس:
والله يا عمرو انا سالت سؤالى عشان افهم واجابتكم افادتنى و طبعا مفيش اى مانع ان المناقشة تستمر و انا حكون موجودة حتى عشان نفيد باقى الاعضاء بالنسبة لكلام احمد انا ماقدرش اناقشه فيه عشان بصراحة معنديش خبرة فى المجال ده على العموم استمروا فى المناقشة و ياريت فى الاخر نطلع بسبب مقنع للكل و شكرا على المشركة |
اقتباس:
ولو انت تعرف القرد والغوريلا والشمبانزى والبابون اللى بيتميزوا بكبر حجم المخ خدهم كمثال وقارن بينهم وبين ذكاء الخروف او الماعز او الجاموسة اللى بيتميزوا بصغر حجم مخهم هل يا احمد هوه ده الجزء اللى مخليك متاكد ان حجم ذكاء الحيوان يقاس بحج مخه ؟ وثانية عمر فى انسان حجم مخه نصف او تلت الحجم الطبيعى وهيبقى ذكى لانه اكيد هيبقى معاق هل يوجد استثنائات وياريت تتاكد الاول من الكلام اللى بتقوله مفيش مشكلة بالراحة حنتناقش و نوصل لحل بس بالراحة |
اقتباس:
معلش يا احمد و يا عمرو و يا كل اللى عايز يشتركفى المناقشة مفيش مانع انك تقول كلام من دماغك و يتصحح او يطلع هوه نفسه صح و برده مفيش مانع تستعين بمواقع اخرى اهم شئ الحفاظ على الهدوء فى المناقشة و كلامى موجه للكل عشان المناقشة بالهدوء حتوصلنا لنتايج مش حتصدقوها و ياريت يبقى هدفنا الافادة العامة وشكرا ليكم يا جماعة و استمروا فى المناقشة انا كمان عايزة اوصل للنظرية المقنعة |
اقتباس:
اقتباس:
شكرا لمشاركتك ومتابعتك |
بجد الموضوع تحفه
للعلم انا بحب جدا الديناصورات جداااااااااااااااااااااااااااااااااااااااااا والموضوع متميز زى صاحبته حاجه مش غريبه عليكى انا متابعه الموضوع شكرا ليكى مرة تانيه وعلى موضوعك الممتع |
اقتباس:
|
ديناصورات السينما..فوتوجينيك
طيب بما ان المناقشة توقفت بسبب عدم وجود الطرفين online
نستكمل احنا موضوعنا اشهر و اهم الافلام التى تناولت عودة الديناصورات الى عصرنا الحالى فهو فيلم حديقة الديناصورات او jurassic park بجزئيه الاول و الثاتى والذى نال شهرة و اسعة فى كل انحاء العالم لانه اعتمد على فكرة علمية و اصبح من اهم افلام الخيال العلمى خلال السنوات الاخيرة ويحكى الفيلم قصة عالم يستطيع ان يسحب جزءا من مادة DNA (اصل الحياة) من حشرة حبست داخل حجر من الكهرمان منذ ملايين السنين و تبين ان الحشرة كانت قد عقرت احد الديناصورات و امتصت دمه لذلك كان جسمها لايزال يحتفظ بجينات الديناصور العملاق فيقوم العالم بعد ذلك بزرع هذة الجينات فى بيضة تمساح تحت ظروف مناخية تشبه ظروف العصر السابق و فى الفيلم يخرج الديناصور الى الحياة و يعيش فى حديقة الديناصورات و تستمر احداث الفيلم الذى لا يخلو من الابهار و الرعب و الجانب الانسانى ايضا انتج هذا الفيلم سنة 1993 و اخرجه مخرج متميز هو "ستيفن سبيلبرج" انتظرونا فى الحلقة القادمة |
احم احم اعلان هام يا جماعة سوف يتم اقامة مسابقة على سؤال واحد فقط و ليس له علاقة بالعلوم وانما هو سؤال للمعرفة ليس الا سؤال المسابقة سوف يتم و ضعه انشاء الله بعد الانتهاء من حلقات الطرائف الديناصورية وسيتم وضع السؤال هنا فى موضوعى طبعا فى جائزة (حاجة صورية يا اصدقاء و صورية بمعنى صورية للى يفهم ;)) السؤال تقريبا و الله اعلم لم يطرح فى اى موضوع فى المنتدى من قبل وشكرا لحسن متابعتكم و السلام عليكم و رحمة الله و بركاته هذة المسابقة تحت رعاية : earth الراعى الرسمى :d |
لكل ديناصور ميزة...
قبل ان يخلق الله الانسان خلق الله مخلوقات عملاقة ضخمة كانت هى المنتشرة على وجه الارض فى العصرين الجوراسى و الكريتاسى اى فى الفترة من 200 الى 650 مليون سنة قبل الميلاد و لم تكن كل الديناصورات ضخمة و شرسة كما هو معتقد بل كان لكل ديناصور ميزة ..وشكل و طباع..
لنكتشف اسرار عالم الديناصورات و المميزات الخاصة التى خلقها الله لكل ديناصور كى يعيش و تستمر حياته ديناصورات زواحف..و ديناصورات طيور قسم العلماء الديناصورات الى نوعين نوع يميل الى سلوك الزواحف و كان بعضه يتغذى على النباتات و البعض الاخر على اللحوم اما النوع الثانى من الديناصورات كان يميل لفصيلة الطيور و كل انواعه كانت من اكله اللحوم 1- الديناصور المدرع كان له راس صغير و جسم كبير عليه زوائد عظمية كبيرة على جانبى العمود الفقرى لذلك كان بطئ الحركة بسبب الوزن الثقيل الذى يحمله على ظهره انتظرونا فى الحلقة القادمة |
اقتباس:
انا قلت ربنا ميز الانسان بالعقل يعنى مخ من نوع متطور يقدر يعمل عمليات معقدة انما مخ الحيوان مفيهوش العقل وعشان يعوض العقل بمخه من غير عقل محتاج مخ عملاق ياريت تقراا الكلام تانى اللى انا قلته تانى بفهم |
تفسير مقنع يا احمد
شكرا بس برده لازم نشوف راى عمرو لما يجى عشان انتوا طرفين المناقشة |
لكل ديناصور ميزة...
طيب ناخد حبة معلومات كمان قبل السحور كده
2- الديناصور (ساق الطائر ) سمى هذا الديناصور بهذا الاسم لانه كان يجرى على ساقين رفيعتين تشبهان سيقان الطيور 3- ابوقرن..منقار الببغاء.. هذا الديناصور كان يجمع بين ميزتين فراسة الكبير كان به قرونا حادة فكان يشبه منقار الببغاء كما كان لديه ما يشبه الياقة حول عنقه لحمايته 4- الصغير..سارق البيض سمى هذا الديناصور بسارق البيض لانه كان يعتمد على بيض الديناصورات كغذاء اساسى له و كان طوله لا يتجاوز المترين وكان له منقارا وفم بلا اسنان اما مكان معيشته فكان فى قارة اسيا 5- الوحش ذو الاسنان انه التيرانوسوروس وهو من اكبر و اشرس الديناصورات كان يعيش فى امريكا الجنوبية وكان طوله 15 مترا و ارتفاعه 6 امتار اما راسه وحده فكان 1.25 مترا و فمه الضخم كان مليئا بالاسنان الحادة التى يصل طول كل سنة الى 15 سم هناك حلقات اخرى انتظرونا |
معلش ياريت معلومات عن أضخم ديناصور ده ( النباتي اللي طوله 30 متر )
أنا ما كنتش فاكر إسمه بس و أديني متابع الموضوع |
ماشى يا احمد انت بتقول ان اذكى الحيوانات بكبر حجم مخها زى القرد والشمبانزى ... طيب انت تربى الشمبانزى فى بيتك وتخليه صاحبك هيفهم هو عايز منك ايه وانت بتأكله ليه وهيحبك وكده لأ طبعا يبقى قين الذكاء ده لكن لو بصيت على الدلفين وده رأيي انه اذكى حيوان هتلاقيه اليف جدا ومسالم وبيحب الانسان جدا وعمره مابيخونه ليه عشان على الاقل فى حتة فهم عندو زى ماناا بحب واحد والتانى بيبادلنى نفس الحب عشان عارف قيمة الحب هو نفس الكلام ووفى جدا ..ومابيأذيش حد...فى ناس تاني تقولك الثعلب .. عشان مكار وبيفكر ازاى يوقع فريسته ...وفى ناس تقولك الببغاء عشان فى لغة زى الانسان يعنى فى بغبغان بيتكلم وبيقدر انه ياخد من الانسان انطباعات كتير عنه فوصفوه بالذكاء... فماتقدرش تحكم على اذكى حيوان بحجم مخة ...
على كده النظرية دى لو اطبقت على الانسان كان الصغير والضعيف انقرض من زمان ده بالعكس انت بتلاقى شخص كبير جدا ومعندوش عقل ومابيفكرش وبتلاقى شخص صغير ومخه حجمه صغير وبتلاقيه عنده زكاء ودهاء رهيب ... وشكرا ليكم ولموضوعك يا ايرث |
اقتباس:
في فرق بين ذكاء الحيوان وبين الفطرة يعنى الدولفين لما ينقذ الانسان دى اسمها فطرة وده لانه بينقذ كل الناس الكويس والوحش والطيب والشرير ولو كان الدولفين عنده ذكاء او بيحس بالحب زى ما نت بتقول كان انقذ ناس مثلا وساب ناس اللى بيكرهم بغض النظر بقى عن سبب الكره ده نفس الكلام على التعلب اللى بيحركه الفطرة ولو كان زكى او بيفهم زى ما انتا بتقول كانت بقى التعالب والاسود والنمور كل واحدة منهم عملتلها دولة وحبست الغزلان وكل يوم تاكل واحدة وتحارب الانسان الخ انت فاهم معنى كلامى وبردو نفس الكلام على البغبغان البغبغان لما بيقلد بيقلد الاصوات بس ومش تقليد صوت كامل كمان وده دليل على انها فطرة اى صوت بيسمعه بيحاول يقلده وبيقلد اى صوت فى الطبيعة يسمعه هل معنى كده انه ذكى لا طبعاااا مش ذكى انما انت عمرك شفت بغبغان بيقلد حركات الانسان اكيد مثلا اللى بيعمل كده بس القرود والغوريلا والحيوانات دى لان مخها حجمه كبير بالنسبة لباقى الحيوانات يعنى القرد مثلا بيتضايق وبيتنرفز وممكن يبدع حاجات بس فى ظروف خاصة جدااا وتربية معينة تساعده تحت مساعدة الانسان ده غير انه بيقلد الانسان والكلام ده كله كده يبقى هو ذكى بالنسبة للحيوان انت فاهم معنى كلامى زكاء الحيوان محدود جدااا جداااا كبير الحيوان انه يقلد مثلا الانسان زى ما القرد بيعمل كده يبقى اسمه ذكاء لانه مثلا لو متضايق بيخبط فى اللى حواليه ومش بيقلد الانسان لو متضايق وممكن يأذيه يبقى كده هو بيحس وعنده نوع من الذكاء ولاحظ فى كلامى انى بتكلم عن الحيوان مش الانسان انما فى عالم الانسان ممكن تلاقى فعلا واحد مخه حجمه صغير نسبياا واذكى من واحد تانى مخه اكبر بردو نسبيااا ولو تاخد بالك انا بقول نسبيااا انما مش تقولى واحد مخه حجمه تلت او نص الحجم الطبيعى ويبقى ذكى لانه هيبقى معاق زى ما انا قلتلك ياريت تكون فاهم كلامى |
اقتباس:
و ده من الديناصورات اللى مذكورة فى جزئين فى الحلقات الخاصةبالطرائف الديناصورية وشكرا لمتابعتك و انشاء الله بعد الانتهاء من حلقات الطرائف الديناصورية اى طلب عن اى معلومة ديناصورية ححاول اجاوب عليه شكرا لمتابعتك مرة اخرى :d |
اقتباس:
اقتباس:
كلام احمد بالنسبة للانسان هوه اللى اعرف ارد فيه لانى قرات عن الموضوع ده قبل كده (زمان كانوا بيعتقدوا ان الانسان ذو الجمجمة الاكبر هوه الاذكى و طبعابعد دراسات و فحوص ظهران الكلام ده غلط و ان اختبار الاى كيو هوه اللى بيحدد) سؤالى لاحمد انت قولت (مخه حجمه تلت او نص الحجم الطبيعى ويبقى ذكى لانه هيبقى معاق ) سؤالى انا هل فى اى استثنائات ؟ بالنسبة لتفسير احمد لكلام عمرو منطقى الى حد ما بس بده ننتظر لحين عمرو يقول رايةلانه طرف فى المناقشة شكرا يا جماعة انكم بتبعوا الطريقة السليمة فى المناقشة و بتفيدوا كل الموجودين جزاكم الله كل خير |
لكل ديناصور ميزة...
لحين استكمال المناقشة بين المناقشين
ناخد حبة معلومات خفيفة وتلبية لطلب golden eagle ناخد معلومة عن البراكيوصور كمان و انتظرنا يا golden eagle لان لسه البراكيوصور ليه عندى معلومات كتيرة حكتبها 6- الديناصور النعامة كان هذا الديناصور قريب الشبه جدا بالنعامة وكان طوله يصل الى4 امتار وله عنق طويل ومنقار مثل منقار النعامة وكان يعيش فى اسيا ملاحظتى: لو واخدين بالكم حتلاقو ان الصغير سارق البيض و الديناصور النعامة الاثنين كانوا يتمتعوا بوجود المنقار وهما الاثنين كانوا يعيشوا فى اسيا ياترى ايه اللى فى اسيا كان يتطلب وجود منقار ليهم (الاكل مثلا) لوحد عنده اجابه يقول ولو فى تصحيح لملاحظتى برده قولوا مفيش مشكلة :d 7- الديناصور الزرافة هذا الديناصور كانت له اطول رقبة على متوى ديناصورات عصره فكان طوله 22 مترا وتمثل رقبته نصف طوله وكان بذلك قادر على الوصول الى النباتات التى لا يستطيع زملاؤة الديناصورات الوصول اليها 8- كبير العائلة البراكيوسوروس..فطوله 23 مترا وارتفاعه 12 مترا ووزنه 90 طنا اى وزن 12 فيلا مجتمعة وكان من اكلى العشب لذلك كان يعيش بالقرب من عين ماء او من نهر حتى يحصل على غذائه من النباتات وكان حجمه وطول رقبته يساعداه على الحصول على غذائه بسهولة انتظرونا فى الحلقة القادمة |
موسوعة الديناصورات
1- براكيوصور ينتمى هذا النوع الى الديناصورات ذات الرقبة الطويلة واكله النباتات ويبلغ عرض هذا الديناصور فى المتوسط 12 مترا و طوله 23 مترا كما يزن حوالى 80 طنا ولذلك يتمتع بعمود فقرى قوى جدا وهذا النوع الضخم من الديناصورات وفى حجمه هذا من الطبيعى ان تكون له معدة كبيرة حيث انه ياكل كميات هائلة جدا من النباتات 2- السيلوفيسيس ينتمى السيلوفيسيس الى مجموعة الديناصورات اكله اللحوم وكان طوله يصل الى 3 امتار اما وزنه فكان خفيفا لا يتعدى 20 كجم وقد كان من اخطر الانواع حيث يتميز بمخالب قوية واسنان حادة و قدرة بصرية عالية كما ان ارجله قوية وخفة وزنه كانت تساعده على سرعة الحركة وقد وجدت فى بطنه عظام صغيرة من نفس نوعه مما يوضح انه كان ياكل ديناصورات من نفس نوعه ايضا و انتظرونا فى الحلقة القادمة |
انا لسه متابعه للعلم
الموضوع عمال يزيد حلاوة يا قمر وياريت تنزلى الحلقه الجايه بسرررررررررعه عشان انا مستنيه |
اقتباس:
:d |
اقتباس:
شكرا ليك ...بس ياريت مانبعدش كتير عن اصل الموضوع اللى هو الديناصورات ونساعد صاحبة الموضوع فى معلوماتها فىا الموضوعات بس هى عاملة الواجب وزيادة وبسم الله ماشاء الله عندها كم معلومات ممتاز ...شكرا :d |
لا اله الا الله
عمرو يابنى انت بيقنعوك ازاى والله انا اتخنقت :d بص يا عم خلاص الانسان اغبى مخلوق وكل الحيوانات اذكى منه :d خلاص بقى ومتوجعش دماغى والنبى :) باين عليك فاضى :d سلام يا عمرو :d |
موسوعة الديناصورات
حبة معلومات خفيفة كده عشان خاطر صاحبتى mena1990
3- سبينوصور يفترض العلماء اليوم ان سبب انقراض الديناصورات منذ ملايين السنين هو تغير المناخ و تغير انواع النباتات حتى ان الديناصورات لم تتواءم مع التغيرات الجديدة ومنذ ان وجد العلماء عظاما لديناصور ضخم مع بداية هذا القرن لاول مرة فى واحات مصر اكتشفوا ان هذة الحيوانات حاولت ان تتواءم مع البرودة و الحرارة للعالم الخارجى و منها السبينوصور الذى كان يحمل على طهره شراعا طوله متران وهو عبارة عن جلد وعظام وقد كان يواجه به اشعة الشمس حتى يشعر بالدفء فى محاولة منه للتصالح مع الطبيعة 4- البيترانودون لى الرغم من عدم وجود سبب معروف حتى اليوم لانقراض الديناصورات فقد كانت توجد دلائل على انها كانت تعانى من الضغوط العصبية فى اواخر عصرها ولقد كان قشر بيضها يقل سمكه دائما كما كان يتكسر فبل ان يفقس ولقد كان اكبر الزواحف الطائرة المعروفة هو البيترانودون و كان يعيش منذ 80 مليون سنة فى شمال امريكا وكان يصل طول جناحيه الى 8 امتار وكانت من الجلد فقط كما كان يتميز بمنقار طويل وفم بلا اسنان 5- الانكيلوصور يفترض العلماء ان الديناصورات تطورت بشكلين مختلفين فيما يتعلق بالصراع للبقاء حيث يتحرك بعضها بخفة و سرعة للهروب من الاعداء و البعض الاخر يتميز باسلحة ضد الاعداء يعد الانكيلوصور احد الانواع التى كانت تصارع الاعداء من اجل البقاء وهو يمشى على اربعة ارجل و يشبه السلحفاة الى حد كبير كما يتميز بذيل قوى و طويل كان يستعمله للدفاع عن نفسه وقد وجدت عظام هذا الحيوان فى امريكا و اسيا و اوروبا و لقد انقرضت هذة النوعية مع نهاية عصر الديناصورات حيث انقرضت جميع الديناصورات على الارض ناسف للتاخير لكن تابعونا |
اقتباس:
احمد و عمرو و كل من يريد الاشتراك فى المناقشة جاوبوا على الاسئلة دى و بس من غير اى اضافات 1- هل الحيوان اذكى من الانسان؟ 2- هل ذكاء الانسان يقاس بحجم المخ ؟ 3- هل ذكاء الحيوان يقاس بحجم المخ ؟ 4- ما الفرق بين المخ و العقل ؟ 5- ما الفرق بين الفطرة و الذكاء ؟ 6- ما هو الذكاء ؟ بعد ماتخلصوا الاسئلة دى و نشوف التناقضات نبقى نحدد ثانيا شكرا يا عمرو الله يخليك و تقدر تزود قد ماتحب الموضوع ملككم و ملكى :d(ملكية مشتركة :lol:) اقتباس:
مفيش حد هنا فاضى بس احنا عايزين نفهم اهدى كده ووحد الله عشان انا كمان عايزة افهم واستحلفك بالله ماتعمل زى كل المصريين اللى فجاة يسيبوا المناقشة و خلاص لازم يا جماعة نوصل لحل و نطور طريقة مناقشتنا ولكن لو عايز تنسحب طبعا مش حقدر اجبرك تكمل بس ياريت تكمل شكرا يا جماعة و جزاكم الله كل خير |
اقتباس:
انت استسلمت ولا ايه دى ايرث حطيتنا احنا الاتنين فى مناقشة وطرفين فى قضية وكده ..مش عايزك تستلم كل حاجة انا بقولها رد عليها انت تعبت من التفكير انا عارف هههههههه:p ... سلام يااحمد ماتتخنقش ادى احنا اخوات ولا اقولك بلاش عشان انا غبى شوية.. |
| جميع الأوقات بتوقيت GMT +2. الساعة الآن 11:18 PM. |
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.