آخر أخبار التعيينات وتفسير القرارات في المنيا وباقي المحافظات
 

يا جماعة ده آخر كلام في تعيينات المعلمين المساعدين وبالأجر في المنيا وباقي المحافظات بإذن الله :

ولو اني عاوز أقولكم مع احترامي الناس في إدارة المنيا والله مش عارفين حاجة ومش فاهمين وفي المديرية أجارك الله بس ده وارد في حالة التخبط اللي احنا فيه ده بس مشكلتهم إنهم كلهم عاملين فاهمين يا خويا وكله تمام

الاستاذ محمود والجماعة بتوع التعيينات في المديرية يقولولك إن المعلم المساعد اللي هيكمل الـ3 سنين وامتحن الكادر هنعينه في شهر 7 وده كلام أكيد ..

أنا بأقول لهم بقى إن ده كلام فااااااااضي اللي يقول كده مش فاهم وبيفتي

خد الصح بقى ..

لازم نفصل بين القرارات ومنعملش الملوخية بالمهلبية دي طبخة وده حلو

صدر قرار بتثبيت المعلمين المتعاقدين وبالأجر من مضى عليه 3 سنوات .. خد بالك (متعاقد) يعني بالمكافأة الشاملة علشان الناس بتفهم هندي .. قالك المتعاقد هو المعلم المساعد .. يعني إيه تثبيت يعني يعين في وظيفة معلم مساعد على الثالثة التخصصية .. ودول صدر لهم قرار خلاص وأسماء الناس راحت التنظيم والإدارة وأخدت موافقة وأنا شفت الكشف اللي كان طالع بأسماؤهم من الإدارة في مركز المعلومات ..

أمال فين المعلمين المساعدين تعيينات 2008 و 2009 دول بقى مقسومين 3 فئات :

1- المعلمين المساعدين اللي امتحنوا الكادر من سنة ونص وتخلفوا في مادة وكانوا بيعيدوها ودول صدر لهم قرار تعيينهم في شهر 5 اللي فات على وظيفة معلم وكلنا فكرنا إن القرار ده خاص بالناجحين في اختبار 1/4/2011 ياراجل هي النتيجة كانت أعلنت أساسا علشان يثبتوا الناس ؟!!!

2- المعلمين المساعدين اللي امتحنوا كادر 1/4/2011 ونحجوا .. ألف مبرووووك الوزير قال إن قرار تعيينهم هيكون بعد انتهاء أعمال امتحانات الثانوية العامة .. وده كلام أكيد ومش لوع ولا مماطلة لأن القانون واضح وفي صفك وإوعى بقى تصدق اللي يقولك استنى لما تكمل الـ3 سنين والكلام الأههطل ده .. نجحت هتتعين معلم كمان اسبوعين ..

3- المعلمين المساعدين اللي لسه مادخلوش الكادر لأنهم لسه في الدبلومة أو لأي سبب آخر .. دول هيتعاملوا معاملة المعلم المساعد عادي ومش هيينتقلوا لمعلم إلا لما يجتازوا الكادر حتى لو عدى عليهم 10 سنين مش 3 بس ..

السؤال بقى هنا مين هيتثبت ومين هيتعين ؟!!!!!

الإجابة : أولا لازم الكل يتثبت يعني الفئة بتاعت العقد الشامل والحصة هيتثبتوا درجة ثالثة تخصصية ويتعينوا على معلم مساعد ..

طيب والمعلمين المساعدين ؟!!!!

الفئة 1 و الفئة 2 تعين معلم .. الفئة 3 تعين معلم مساعد زي الجداد بس هتفرق عن الجداد بالخبرة فقط ..

وده الكلام اللي من الآخر علشان ما يبقاش عند الناس لبس ..

اشكر يدكتولر لان فى كلامك ثقة ودة المفروط كانوا يوضحوة لنا فى المدريات والادارات اشكرك على هذا التوضيح الجميل

كلام منطقى ومقنع جدا

فعلا كلام منطقى جدا وشكلة كدا اقرب للصح يلا كل اللى يجيبة ربنا اكيد خير

الف مليون شكر على التوضيح

يادكتور ولا ياستاذ عبد الرحمن ازاى المعلم رقم 3 يبقى اللى بقالوه 3 سنين دول مغضوب عليهم ورقم 1و2 دول بس اللى هايثبتوه ثم ازاى معلم مساعد بقالوه 3 سنين يساوى معلم لسه بالحصه لسه هاياخد العقد المميز وكمان كلام الوزير قال الشرط الاساسى للتثبيت يكون مضى 3سنين وماقلش الكادر شرط للتثبيت

ربنا يبشرنا و يبشرك بالخير آمين إن شاء الله

بسم الله الرحمن الرحيم
نداء إلى السيد وزير التربية والتعليم والسيد محافظ الإسكندرية
ارحمونا من السيد الأستاذ / مصطفى فوزي مدير المرحلة الابتدائية في إدارة و وسط إسكندرية التعليمية
حيث انه يقوم بإرسال رسائل للمعلمين بالمدارس ومديرين المدارس ويأمرهم بعدم إعطاء أصواتهم لبعض المرشحين لانتخابات النقابة الذين لا ينضمون إليه ويحرض المدارس بعدم السماح لهم بممارسة حقوقهم في الإعلان عن أنفسهم وعدم السماح لهم بعدم الجلوس مع المدرسين في المدارس مستغلا وظيفته في التهديد علما بأنه من فلول الحزب الوطني
أنقذونا من هذا الرجل الذي ظل سنوات كثيرة في النقابة دون فائدة للمعلمين ويريد أن يرشح نفسه مرة أخرى للنقابة الفرعية وسوف يحصل على هذا إذا نجح في الانتخابات الأولى المجموعة التي معه ومتضامنة معه
مثل
الأستاذ/عبد الحليم أحمد عبد الحليم فواز ) من أعضاء النقابة القديمة وعضو في الحزب الوطني المنحل)
والأستاذة /صباح حسن مكاوى( من أعضاء النقابة القديمة وأمينة لجنة المرأة في الحزب الوطني المنحل)
والأستاذ/ محمد منصور محمود ( عضو في الحزب الوطني المنحل )
والأستاذ /خميس وجدي السيد( عضو في الحزب الوطني المنحل )
والأستاذ /حسام محمود معتوق( عضو في الحزب الوطني المنحل)
والأستاذ / مصطفى إبراهيم مصطفى ( عضو في الحزب الوطني المنحل)
والأستاذ / هشام محمود جبريل ( من أعضاء النقابة القديمة وعضو في الحزب الوطني المنحل )
وغيرهم من الذين ينتمون إلى قائمة الأستاذ عبد الحليم أحمد عبد الحليم فواز) من أعضاء النقابة القديمة وعضو في الحزب الوطني المنحل (ومرشح رئاسة
بحيث إذا نجحت هذه المجموعة يحدث الآتي
بعد انتهاء انتخابات اللجان الفرعية باب شرق ومحرم بك والعطارين 16 + 16 + 16 = 48
ينتهي دور المعلمين عند هذه المرحلة
ثم تأتي انتخابات اللجنة الفرعية بالازاريطة هؤلاء ال 48 عضو فقط هم الذين لهم حق اختيار اللجنة الفرعية بالازاريطة
ويحق لأي معلم أن يرشح نفسه فيها ومن هنا يأتي القدامى مرة أخرى لان الذين سوف يختارونهم هم ال 48 عضو فقط
ولكي لا يحدث هذا يجب إن نقوم نحن المعلمون بعدم اختيار هؤلاء القدامى أو من ينتمي إليهم حتى تعود نقابتنا إلينا بإذن الله ولن يحدث هذا اللا بالوجوه الجديدة الشريفة
والله المستعان

تمام
 

يا جماعة مبدأيا أنا والدي مديرعام بمديرية التربية والتعليم بالمنيا

وأخي بمركز المعلومات بإدارة المنيا التعليمية

لكني لمن هو جديد على المنتدى فالحمد لله لي اتصالاتي ومتابعاتي الجيدة والموثوق منها في وزارة التربية والتعليم ووزارة التعليم العالي أيضا .. ويمكن تتبع مشاركاتي خلال الأشهر السابقة وأنا تحت أمركوا في أي شئ..

يا استاذة مروة انا متاسفة للى هقولة مدرس الحصة او المكافاة الشاملة دة المفروض ما كنش قبل الشغل كدة انتوا من اول يوم نزلتوا المدارس المفروض وانتوا عارفين ان مش ليكوا تعيين ولكن فهموكوا اشتغلوا كدة وخلاص علشان لما تيجى العقود يكون ليكوا الاولوية صح وعلى اساس كدة بداو ابالوساطة الموضوع يشتغل اللى لية فى الشغلانة واللى مالومش يدخل بس من الاساس انتم داخلين لمجرد عمل والسلامن مش تعيين وبعدين المعلم المساعد دة طفح الدم لانة كان مربوط بقوانين وتعليمات ما تحطش ليكم وانتى لما تاخدى العقد بتاع المعلم المساعد هتعرفى انة اسمة المعلم المذلول

انا كنت شغال بالحصة فى سوهاج فى اخبار

دكتور عبد الرحمن انت شخصية محترمة جدا وانا اعرف هذا من خلال موضوعاتك عن تعيين اوائل الخرجين وشكرا جدا لانك على الاقل طمنتينا وياريت تكون معانا دائما لو وصلت لاى جديد ..........وجزاك الله كل خير

يا دكتور مش تشكيك فى قدراتك بس للتاكيد لانى من كثرة ما سمعت مش عارف اصدق مين انا معلم مساعد 1/1/2009 يعنى هتعين قبل شهر سبعة معلم ولا لا برجاء الرد وجزاك الله خير

يا استاذه مروه انتى امش فاهمه قصدى ايه اولا انا زى زيك مدرسه بعقد ثم انا ماخدتش العقد بسهوله كده زى مانتى متوقعه لا احنا اشتغلنا 3 سنين قبل ماناخد العقد وكمان 3سنين بالعقد يعنى الامر مش سهل اوى كده وكمان مكنش فى وسطه زى مابتقولى ما كناش اشتغلنا 3 سنين فى قرى بعيده جدا واماكن بعيده وكنا بنصرف من جيبونا على المواصلات وكان المرتب ملاليم يعنى العقد اخدناه بعد عذاب مش بالوسطه ولا بالكوسه زى مابتقولى

المروتين مسكوا في بعض ..

يا جماعة المسألة مش مستاهلة وبالراحة خالص ..

أنا مش عاوز الناس تبتدي تفهم غلط .. أنا كلامي واضح يا جماعة ومش محتاج ترجمة ..

أول كلامي قلت بلاش نخلط القرارات .. قرار تثبيت من مر عليهم 3 سنوات يعني نقل الناس اللي تعمل في التربية والتعليم على درجة مالية وتبقى ثابتة تمضي في دفتر الحضور والانصراف بتاع المدرسين وتسري عليهم قواعد العمل الدائم .. يارب نفهم ..

طيب هو المعلم المساعد يتم تثبيته الآن على درجته اللي هي الثالثة .. مظبوط ؟!! آه مظبوط .. هتيجي مروة دلوقت زعلانة وتقوللي لأ المفروض يتثبت معلم مش معلم مساعد .. أقولها الدرجة الثالثة والثانية والأولى اسمها درجات مالية مالهاش دعوة بالمسمى الوظيفي .. أما حكاية معلم ومعلم مساعد دي درجات وظيفية يحددها قانون اسمه القانون 155 لسنة 2007 وهو المسمى بقانون تنظيم الدرجات الوظيفية لكادر المعلمين .. القانون ده هو اللي بيقول تبقي معلم مساعد والا معلم .. لكن الاثنين يا أختي درجة مالية ثالثة تخصصية ..

طيب الوزير قال إيه ؟!! قال اللي موجود في القانون / اللي امتحن الكادر هينتقل من معلم مساعد إلى معلم (ده من ناحية الدرجة الوظيفية ) لكن ماليا الاثنين على الثالثة التخصصية يا مروة ..

طيب اللي امتحن ورسب أو اللي لسه لم يمتحن يسكن على الدرجة المالية الثالثة التخصصية كما قال الوزير ولكن مسماه الوظيفي لن ينتقل لمعلم إلا بعد اجتيازه للكادر ..

قصة هتساوى ببتاع الحصة إزاي .. حضرتك لما اتعينتي في 2009 كان فيه ناس متعينة من 2008 و 2007 كمعلمين مساعدين ومعرفوش ينتقلوا لمعلم وقتها .. وساعتها قالوا نفس كلامك هنتساوى بالجداد اللي كانوا بالحصة ؟؟!!! وهم ربنا كرمهم وانتقلوا لمعلم وانت اهو هاتحصليهم ..

مسألة المساواة بقى مش هتبقى كاملة يعني انت هتقبضي أكتر منهم لأنك أقدم تعيينا في معلم مساعد .. ولما ربنا يتممهالك على خير كده وتنجحي في الكادر هتصرفي المرحلة الثانية من فلوس الكادر والمسماه ببدل الاعتماد .. وبالمناسبة مفيش حاجة اسمها عقد مميز دلوقت يامروة ..

يارب تكون الرسالة وصلت يا مروة ..

ومعلش ليا ملاحظة أخيرة يا أخت مروة ..

حضرتك تقوليلي دكتور عبدالرحمن ماشي .. أستاذ عبدالرحمن ماشي .. عبدالرحمن بس ماشي .. لكن (يادكتور ولا ياستاذ عبد الرحمن) متهيألي انك كنت متنرفزة وبتتريقي عليا ..

لو انا فهمت صح يبقى انت مدينة لي باعتذار ..

كلامك مقنع وواضح وشكراً للإفادة بس ايضاح قانون الكادر 155 وليس 144

استاذ عبد الرحمن مش مساله مسك ولا حاجه بس انا كنت بشرح لمروه لانها ماكنتش فاهمه انا اقصد ايه بس لكن مش مستاهله نسمك ولا نزعل وبالنسبه لحضرتك انا ماقصدتش ان انا اتريق ولاحاجه ولامتنرفزه انا كنت محتاره اقول استاذ ولادكتور وحضرتك كلنا زملاء وفى مهنه واحده ومرسى كتير على التوضيح بس ليا استفسار انت جبت الكلام ده منين لان جماعه اصحابى اتصلوه بمحمود وهدان امبارح وماقالش اى حاجه وكمان قفل الموبيل عشان ماحدش يتصل بيه

لا متلفيش وتدورى قوليلوا انا اسفه واضحه وصريحة ههههههههههههههه والراجل يشكر وجزاه كل خير

بسم الله الرحمن الرحيم نداء إلى السيد وزير التربية والتعليم والسيد محافظ الإسكندريةارحمونا من السيد الأستاذ / مصطفى فوزي مدير المرحلة الابتدائية في إدارة و وسط إسكندرية التعليميةحيث انه يقوم بإرسال رسائل للمعلمين بالمدارس ومديرين المدارس ويأمرهم بعدم إعطاء أصواتهم لبعض المرشحين لانتخابات النقابة الذين لا ينضمون إليه ويحرض المدارس بعدم السماح لهم بممارسة حقوقهم في الإعلان عن أنفسهم وعدم السماح لهم بعدم الجلوس مع المدرسين في المدارس مستغلا وظيفته في التهديد علما بأنه من فلول الحزب الوطني أنقذونا من هذا الرجل الذي ظل سنوات كثيرة في النقابة دون فائدة للمعلمين ويريد أن يرشح نفسه مرة أخرى للنقابة الفرعية وسوف يحصل على هذا إذا نجح في الانتخابات الأولى المجموعة التي معه ومتضامنة معه مثلالأستاذ/عبد الحليم أحمد عبد الحليم فواز ) من أعضاء النقابة القديمة وعضو في الحزب الوطني المنحل)
والأستاذة /صباح حسن مكاوى( من أعضاء النقابة القديمة وأمينة لجنة المرأة في الحزب الوطني المنحل)
والأستاذ/ محمد منصور محمود ( عضو في الحزب الوطني المنحل )
والأستاذ /خميس وجدي السيد( عضو في الحزب الوطني المنحل )والأستاذ /حسام محمود معتوق( عضو في الحزب الوطني المنحل)
والأستاذ / مصطفى إبراهيم مصطفى ( عضو في الحزب الوطني المنحل)
والأستاذ / هشام محمود جبريل ( من أعضاء النقابة القديمة وعضو في الحزب الوطني المنحل )
وغيرهم من الذين ينتمون إلى قائمة الأستاذ عبد الحليم أحمد عبد الحليم فواز) من أعضاء النقابة القديمة وعضو في الحزب الوطني المنحل (ومرشح رئاسة
بحيث إذا نجحت هذه المجموعة يحدث الآتي
بعد انتهاء انتخابات اللجان الفرعية باب شرق ومحرم بك والعطارين 16 + 16 + 16 = 48
ينتهي دور المعلمين عند هذه المرحلة
ثم تأتي انتخابات اللجنة الفرعية بالازاريطة هؤلاء ال 48 عضو فقط هم الذين لهم حق اختيار اللجنة الفرعية بالازاريطة
ويحق لأي معلم أن يرشح نفسه فيها ومن هنا يأتي القدامى مرة أخرى لان الذين سوف يختارونهم هم ال 48 عضو فقط
ولكي لا يحدث هذا يجب إن نقوم نحن المعلمون بعدم اختيار هؤلاء القدامى أو من ينتمي إليهم حتى تعود نقابتنا إلينا بإذن الله ولن يحدث هذا اللا بالوجوه الجديدة الشريفة
والله المستعان

لفظ (مسكوا في بعض) كان على سبيل الدعابة ..

ولا يمكن لمسئول إنه يصرح بحاجة دلوقت علشان مايضمنش رد فعل الناس إيه .. ومحمود وهدان ده وكيل الوزارة ومش عاوز يتشال دلوقت ..

طيب إيه رأيك إن في كشف تفصيلي وصل للمديرية بكيفية حساب المرتبات بالطريقة الجديدة وعلى أساسوا هيعملوا كشوف شهر 7 بس محدش عاوز يصرح بالكلام ده علشان البلبلة .. وده كلام أكيد ..

وللأخ ميدو أنا شاكر جدا مداعبتك اللطيفة وخلاص مش محتاج اعتذار مادام الأخت وضحت فكرتها ووجهة نظرها وفي النهاية إحنا زملاء في منتدى واحد وبلد واحدة وشكرااااااااااااااااااااااااااا

يا أخ علي والله رسالتك وصلت وربنا يوفقك بس احنا هنا بنتكلم في قضية معينة وحضرتك مصمم تكرر رسالتك ..

لو الموضوع عاوز له انتشار أكبر إعمل موضوع جديد واكتب اللي انت عاوزه .. لكن سيب مساحة للناس تتحاور في مسائل أخرى .. وشكرا ..

يا دكتور مش تشكيك فى قدراتك بس للتاكيد لانى من كثرة ما سمعت مش عارف اصدق مين انا معلم مساعد 1/1/2009 يعنى هتعين قبل شهر سبعة معلم ولا لا برجاء الرد وجزاك الله خير

السلام عليكم ورحمة الله وبركاته
جزاك الله كل الخير وجعل هذا الكلام ال يفرح الواحد فى ميزان حسناتك
ويارب سهل ونفرح كلنا ال اساسى وال بالعقد
وال بالحصه علشان تبقى فيه مساواه ومحدش يشعر بالظلم ونرتفع ونرتقى بمصرنا الحبيبه وبتعليمنا امام الاخرين
واللهم اذهب عنا شتات الفكر والتفكير
ووفقنا لما تحبه وترضاه
اللهم امين يارب العالمين
شكرا جزيلا
والسلام عليكم ورحمة الله وبركاته

مشكور يا استاذ عبد الرحمن على الايضاح بتاعك وربنا يسهل لنا الامور انشاء الله

بعد اذن صاحب الموضوع لو سمحت يا استاذ طالب الجاه حضرتك خد بالك من كتابة ان شاء الله اكتبها كده ولا تكتبها كده انشاء الله حفاطا على لغتنا العربيه
للايضاح وشكرا

يا دكتور مش تشكيك فى قدراتك بس للتاكيد لانى من كثرة ما سمعت مش عارف اصدق مين انا معلم مساعد 1/1/2009 يعنى هتعين قبل شهر سبعة معلم ولا لا برجاء الرد وجزاك الله خير

ارجو من الاخ صاحب الموضوع يفيدنا
يا تري اللى اشتغل 7 سنين بالاجر وليس على راس العمل هيكون ايه موقفه مع العلم ان اسمائنا موجودة بمديرية التنظيم والادارة من شهرين فاتوا

السلام عليكم جميعا الف شكر يا دكتور عبد الرحمن علي التوضيح ويا رب المسئولين يصدقوا في كلامهم معانا في حكاية التثبيت

يعنى من الاخر كده اللى عقده مكافاة شامله105ودى تالت سنة ليه ايه اللى حيحصل معاه بالظبط
ومرتبه حيفضل زى ما هو؟

يا رب ............يارب......... يارب

جزاك الله خيرا استاذ/ عبد الرحمن هل للمعلم المساعد نصيب في المرتبات الجديدة أم سيظل كما هو لأنني سمعت الكثير من الآراء فأرجو التوضيح وجزاك الله خيرا

با رب يكون كلامكم صحيح انا باشتغل مدرسة من 8 سنين و لسة معلم مساعد

اللي صبر 8 سمين يصبر كمان اسبوعين هانت

حصل عندنا فى الادارة شىء غريب وعجيب ..... تم تثبيت المعلمين الذين أكملوا ثلاث سنوات على درجة معلم على الدرجة الثالثة التخصصية مع العلم بأنهم لم يدخلوا امتحانات الكادر لأنهم كانوا شغالين بالحصة ولم يحصلوا على عقد مميز ...وحصل هذا أمامى وعملوا اخلاء ثم استلموا كمعلمين

نداء الي كل معلم مساعد محترم امتحن الكادر ونجح ان لا يقبل السكوت والاستسلام والانكسار فليسألني أحد وماذا نفعل فنحن مغلبوب علي امرنا لا لا لا لا بل هم _كل من يعرقل قرار تعيينا ويؤخره _ هم المغلوبون علي امرهم لاننا نحن مربو الاجيال ونحن عتق الشباب وهم اولو مناص ولحظات فارهة قد يزكرها التاريخ ان احسن أو يدعها تتطيار كرماد الدخان الازرق ؟؟؟علينا نتحرك بالاعتراض او الاعتصام او الكلام في المنتديات والمواقع حتي يشعر من لا يشعر بنا وبمدي أسفنا علي أحلام تكاد تتنفس أنفاسها الاخيرة .
عسكر الاسواني:039uw8:

نداء الي كل معلم مساعد محترم امتحن الكادر ونجح ان لا يقبل السكوت والاستسلام والانكسار فليسألني أحد وماذا نفعل فنحن مغلبوب علي امرنا لا لا لا لا بل هم _كل من يعرقل قرار تعيينا ويؤخره _ هم المغلوبون علي امرهم لاننا نحن مربو الاجيال ونحن عتق الشباب وهم اولو مناص ولحظات فارهة قد يزكرها التاريخ ان احسن أو يدعها تتطيار كرماد الدخان الازرق ؟؟؟علينا ان نتحرك بالاعتراض او الاعتصام او الكلام في المنتديات والمواقع حتي يشعر من لا يشعر بنا وبمدي أسفنا علي أحلام تكاد تتنفس أنفاسها الاخيرة .
عسكر الاسواني:039uw8:

السلام عليكم ورحمة الله وبركاته
شكرا لحضرتك كتير د عبد الرحمن ,وجزاك الله عنا خيرنا,انا قولت حاجةزي كدا قبل كدا بس بردوا معرفتش اوصلهاوالكل طالبني بالدليل.مع انه الدليل في ايديناوهو قانون الكادر نفسه الذي ينص علي من ادي فترة في اداء وظيفة التدريس وااقصد(الاجر)وزفيه كل مواصفات الوظيفةينتقل الي اول درجة في كادر المعلم وهو المعلم المساعد,يعني كل الليبيحصل ده قانون الكادر الااشتغلو بالحصة والمكافاة من حقهم التتبيث علي معلم مساعدوزي محضرتك

[quote=د.عبدالرحمن المنياوي;3562184]يا جماعة ده آخر كلام في تعيينات المعلمين المساعدين وبالأجر في المنيا وباقي المحافظات بإذن الله :

ولو اني عاوز أقولكم مع احترامي الناس في إدارة المنيا والله مش عارفين حاجة ومش فاهمين وفي المديرية أجارك الله بس ده وارد في حالة التخبط اللي احنا فيه ده بس مشكلتهم إنهم كلهم عاملين فاهمين يا خويا وكله تمام

الاستاذ محمود والجماعة بتوع التعيينات في المديرية يقولولك إن المعلم المساعد اللي هيكمل الـ3 سنين وامتحن الكادر هنعينه في شهر 7 وده كلام أكيد ..

أنا بأقول لهم بقى إن ده كلام فااااااااضي اللي يقول كده مش فاهم وبيفتي

خد الصح بقى ..

لازم نفصل بين القرارات ومنعملش الملوخية بالمهلبية دي طبخة وده حلو

صدر قرار بتثبيت المعلمين المتعاقدين وبالأجر من مضى عليه 3 سنوات .. خد بالك (متعاقد) يعني بالمكافأة الشاملة علشان الناس بتفهم هندي .. قالك المتعاقد هو المعلم المساعد .. يعني إيه تثبيت يعني يعين في وظيفة معلم مساعد على الثالثة التخصصية .. ودول صدر لهم قرار خلاص وأسماء الناس راحت التنظيم والإدارة وأخدت موافقة وأنا شفت الكشف اللي كان طالع بأسماؤهم من الإدارة في مركز المعلومات ..

السلام عليكم يا دكتور عبد الرحمن اريد ان اسأل حضرتك انا معلم بالحصة ومضى على ثلاث سنوات ومن شهر تقريبا عملوا لينا عقود بالمكافاة الشاملة مالهات اى لزمة انا ادارة اسيوط هل سينطبق علينا هذا الكلام وهيعملولنا تعيين على معلم مساعد ام ان ذلك خاص بالمنيا ومتى رايت هذة الكشوف ارجو الافادة جزاك الله كل خير وطمأن قلبك دائما

طب متقولنا احنا هيكون مرتبنا ايه وبشرنا

اداره المنيا
 

انا زهبت الى التنظيم و الاداره عندنا وشفت اسمى هناك وقال لى مسؤل ان الاسماء ده هتتعين على الدرجه الرابعه من15-7-2011